brihat_report No Thanks Get this offer
fututrepoint
futurepoint_offer Get Offer
दी हैंग्ड मैन

di haingd main  

Ank ke aur Lekh | Sambandhit Lekh | Views : 1663 |  
yah kard nanbar gyarah 11 hai. yah kard tairo dek men kuch ajibo garib hai. is kard ki tasvir men vyakti ulta-latka hua hai. ek pair kisi shakha ya dande se bandha hai. lekin fir bhi us vyakti ke chehre par muskurahat hai bajay dukh ke. tairo riding men is kard ke niklne ka arth hai asthayi thahrav yani ki jis vishay men saval pucha gaya hai arthat jo kam vyakti karna chahta hai abhi kuch samay use na kare, kuch samay intjar kare. jab sahi vakt ayega tabhi us kam ko kare, vartaman samay uske kam ke liye upyukt nahin hai. jaise koi vyakti apna koi vyapar shuru karna chahta hai aur vah tairo ridar ke pas jakar riding karvata hai us samay tairo riding ke dauran uske liye kard di haingd main niklta hai to iska arth yah hua ki uske lie naya vyapar karne ke liye yah samay uchit nahin hai. agr is samay vah yah vyapar karta hai to usko nuksan ho jayega aur uska paisa dub jayega. atah uske liye achcha yah hoga ki abhi kuch din intjar kare, kuch samy bad dubara tairo riding karvaye jab uska riding men achcha kard nikle tabhi naya vyapar karne ki soche. man lijiye koi apni vivah yogya beti ka vivah karna chahta hai aur usse sanbandhit tairo riding karvata hai aur riding ke dauran uska kard di haingd main niklta hai, iska arth hoga abhi jahan vah beti ka rishta karna chahta hai vahan use nahin karna chahiye. yah samy uski beti ke vivah ke liye uchit samay nahin hai. abhi vivah karne par parinam achche nahin hone ki sanbhavna adhik rahegi atah abhi vivah ka vichar kuch samay ke liye chor dena chahiye yahi uchit hoga. kuch samy ke pashchat tairo riding karva kar achcha samay ho tab vivah ke liye fir se prayatn karen to parinam achche hone ki sanbhavna ho sakti hai. isi prakar agar koi vyakti apna makan kharidne ki ichcha rakhta hai aur kafi mehanat karke dhan ekatra kiya aur jo makan kharidne ke liye pasand bhi kar liya, mol bhav bhi kar liya aise samay par agar vah tairo riding karvata hai aur janna chahta hai ki ukt makan kharidna shubh hai uske liye athva nahin, us samay riding men agar ukt karda niklta hai ‘di haingd main’ to iska arth hoga us vyakti ko yah makan abhi kharidne ka vichar tyag dena chahiye, yah samay v makan donon uske liye shubh nahin hai. uchit samay ane ka intjar karna shreshtha hoga. kuch samay bad fir uska achcha samay a sakta hai, tab uski ichchapurti ho sakti hai. ‘di haingd main’ kard niklne par har vyakti ko koshish karni chahie ki jo halat hai unka samna karen jo paristhitiyan hain unhin men apne apko edajast kare, anukul samay ka intjar kare, anukul paristhitiyan ane par sab kuch apne ap hi thik ho jayega. yadi kisi ka vyapar nuksan men ja raha hai aur vah tairo ridr ke pas jata hai aur tairo riding karvata hai aur riding men uska kard ‘di haingd main’ niklta hai to iska arth hoga abhi uske bijnes men sudhar hone ki sanbhavna nahin hai. abhi kuch samay tak sthiti yahi rahegi, paristhitiyan anukul hone par hi vah is pareshani se nikal sakega. abhi uska achcha samay nahin chal raha hai, atah abhi usko shantipurvak sab kuch sahan hai. jyada hath panv marne se bhi uski sthiti men sudhar nahin ayega. ulta nuksan hi ho sakta hai. isi prakar yadi koi vyakti kisi baink ya kisi anya sanstha se rin lena chahta hai aur usne kafi samay se aplai kar rakha hai par kafi daur dhup karne ke bad bhi uska rin manjur nahin ho raha hai aur aise samay vah kisi tairo ridr ke pas jakar tairo riding karvata hai aur riding men uska kard di ‘hanaigd main’ niklta hai to tairo ridr ki usko salah hogi ki abhi usko rin milne ki sanbhavna nahin hai, uske liye behatar hoga ki vah rin ke liye ab daur-dhup karna band kar de. kuch samay tak koi prayas n kare. aise hi shantipurvak paristhitiyon men edajast kare uchit samay ka intjar kare, kuch samy bad fir se tairo riding karvae tatha anukul kard niklne par hi fir se prayas kare to avashya saflta milne ki sanbhavna hai.
Kya aapko lekh pasand aaya? Subscribe
Kya aapko lekh pasand aaya? Subscribe

reki evan pranik hiling  May 2016

mai mah ke fyuchar samachar vaikalpik evan adhyatmik chikitsa paddhati ka samarpit ek visheshank hai. ye chikitsa paddhatiyan sharir ke pirit ang ko thik karne men ashcharyajanak rup se kam karti hain. in chikitsa paddhatiyon ka sharir par koi nakaratmak prabhav bhi nahin parta athva inka koi said ifaikt nahin hota. is visheshank ke mahatvapurn alekhon men sammilit hainah pranik hilingah arth, chikitsa evan itihas, reki upchar:anokhi anubhuti hai, reki: ek adbhut divya chikitsa, chunbkiya jal evan labh, mantrochchar dvara - goli, injekshan aur dava ke bina ilaj, sangit se upchar, ekyupankchar v ekyupreshar paddhati adi. inke atirikt sthayi stambhon men bahut se labhdayak v rochak alekh bhi purva ki bhanti sammilit kie gaye hain.

Subscribe

.