सफल शिक्षक बनने के ग्रह योग

safal shikshak banne ke grah yog  

Ank ke aur Lekh | Sambandhit Lekh | Views : 7347 |  
shikshak ka hamare samaj men mahatvapurna sthan hota hai. kisi bhi chatra ko yogya banane v usko sharirik va mansik taur par saksham banane men shikshak ki aham bhumika hoti hai. jaisa ki hamare shastron men vidit hai mata-pita ke pashchat vah guru hi hai jo chatra ka margadarshan karke usko bhavishya ke lie taiyar karta hai jisse vah bhavishya men ane vali chunautiyon ka samna kar sake va use saflta prapt ho sake. atah guru ka sthan devta se purva kaha gaya hai. jyotish shastra men adhyapan kshetra men saflta prapt karne ke liye kundli men guru tatha budh ka bali hona avashyak hai. guru gyan ke kark mane jate hain tatha budh buddhi ke kark hote hain. kundli men in donon grahon ki shubh sthiti tatha inka lagn, dhan, vidya, rog v seva, karm, labh sthan se kisi bhi prakar yuti, drishti sanbandh sthapit hone par vyakti ko adhyapn kshetra men saflta prapt hoti hai. yadi is yog men ‘guru’ vishesh rup se bali hain to vyakti samaj men vishesh sthan prapt karta hai. yadi lagn kundli ke atirikta navmansh, dashmansh, chaturvinshansh kundli men bhi guru tatha budh ka yuti v drishti sanbandh bane to vyakti adhyapan kshetra men samriddhi, sanpatti arjit karta hai. dhan sthan, seva sthan, karm sthan ko arth sthan ki sangya di gayi hai. in sthanon v inke svamiyon ka sanbandh guru se banne par vyakti adhyapn kshetra dvara dhan arjit karta hai. yadi is yog men guru ka sanbandh surya se bane to vyakti sarkari seva se labh arjit karta hai. adhyapan men saflta prapt karne ke yog - yadi kundli men hans yog, bhadra yog upasthit ho to vyakti adhyapan kshetra men saflta prapt karta hai. - guru tatha budh ke madhya sthan parivartan yog banne par saflta prapt hoti hai. yah yog dhan, pancham, dasham v labh bhav ke madhya banne par achchi saflta prapt hoti hai aur vyakti sanpatti v samriddhi arjit karta hai. - guru v budh ki kendra men sthiti, donon ka ek dusre se yuti v drishti sanbandh is kshetra men saflta pradan karta hai. - lagn tatha chandra kundli se lagnesh, panchmesh, dashmesh ka sanbandh guru tatha budh se banne par adhyapan kshetra dvara jivika arjan hoti hai. - faldipika ke anusar yadi dashmesh ke navmansh ka adhipti guru ho to vyakti guru ke kshetra (shiksha kshetra) dvara jivika prapt karta hai. - yadi kundli men gajkesri yog upasthit ho tatha uska sanbandh dhan, pancham, dasham sthan se ban raha ho. - lagn kundli, navmansh kundli, dashmansh kundli men guru v budh ka drishti v yuti sanbandh banne par adhyapn kshetra men achchi saflta milti hai. - surya ka dhan sthan, pancham, seva, karm men guru v budh se sanbandh sarkari seva prapt karne men saflta pradan karta hai. vibhinn prakar ke jyotishiya yog dvara kundli vishleshn udaharan 1 prastut lagn kundli men bhagyesh guru vidya sthan men sthit hokar lagn men sthit ketu, bhagya men sthit budh v shukra tatha labh men sthit saptamesh shani ko purn drishti se dekh raha hai. lagnesh chandrama aur bhagyesh guru ke madhya shubh gajkesri yog nirmit ho raha hai jiske falasvarup jatika apni vani v vidya ke madhyam se shiksha ke kshetra dvara yash, labh va kirti arjit kar rahi hai. lagna kundli se dashmesh mangal jatk ki navmansh kundli men min rashi men sthit hai. atah jatika guru ke kshetra dvara labh arjit kar rahi hai. lagn, navmansh, dashmansh kundli men shani ka prabhav lagn, vani, vidya sthan, karma sthan, saptam sthan par hai. atah jatika videshi bhasha (angreji) ki shiksha dekar apni jivika arjit kar rahi hai. jatika vidyalay men angreji vishay men daksh shikshika hain tatha kai varshon se adhyapan vyavsay se labh arjit kar rahi hain. udaharan 2 jatak ki kundli men dhanesh, panchmesh guru seva sthan men, chaturthesh shani ke sath virajman hain tatha dhan sthan men sthit bhagyesh chandra, karmesh surya, labhesh budh ko purn drishti se dekh rahe hain. yah yog jatak ko adhyapn kshetra dvara dhan arjit karata hai. dashmesh surya ki dhan sthan men sthiti tatha dhanesh v panchmesh guru ki surya par drishti ke parinamasvarup jatk sarkari seva dvara labh arjit kar raha hai. ketu ka pancham, lagn, navm par prabhav ke parinamasvarup jatk ganit vishay men visheshagya adhyapk hai. navmansh kundli tatha dashmansh kundli men bhi guru tatha budh ka sanbandh lagn, dhan, pancham, seva, karm, labh bhav v inke svamiyon se ban raha hai jo jatak ko is kshetra men saflta dilata hai. navmansh kundli men lagnesh mangal ki dashmesh surya v panchmesh guru ke sath labh sthan men yuti ke parinamasvarup jatak ne vivah ke uprant apna svatantra vyavsay shiksha ke kshetra men aranbh kiya jo kafi safal raha tatha vartaman men kafi vistrit svarup le chuka hai. udaharan 3: prastut kundli men tritiyesh, shashthesh guru, dashmesh chandra ke sath parakram sthan men sthit hai tatha apni purn drishti lagnesh shukra, bhagyesh budh, bhagya sthan tatha labh sthan ko dekh raha hai jiske falasvarup jatika uchchashikshit hone ke pashchat adhyapan ke kshetra men karyarat hai tatha jatika ka bhagya purnataya is kshetra ke anukul hai jisse jatika labh bhi arjit kar rahi hai. chandra kundli se nirmit panchmhapurush yog men se hans yog tatha gajkesri yog jatika ko is kshetra men achchi saflta pradan karta hai tatha anek sunhre avsr pradan karta hai. panchmesh shani tatha saptamesh mangal ki lagn men yuti tatha karm sthan, dhan sthan, vidya sthan par unke prabhav ke karan jatika maikenikal injiniyaring men shikshit hai parantu navmansh, dashmansh kundli men guru tatha budh ke dasham, dashmesh, pancham, lagn, labh, dhan sthan par prabhav ke karan jatika uchchashikshit hokr adhyapan kshetra men karyarat hai tatha mahavidyalay men shiksha dekar samriddhi v sanpatti arjit kar rahi hai. udaharan 4: prastut lagn kundli men lagnesh budh mata sthan men uchchastha hai tatha purn drishti se karm sthan ko dekh raha hai. is prakar budh panchmhapurush yog men se ek bhadra yog ka nirman kar raha hai. dashmesh v saptamesh guru shashthesh mangal ke sath virajman hokar dasham, vyay v dhan sthan ko purn drishti se dekh raha hai jo jatak ko adhyapan kshetra ke prati akarshit karta hai tatha is kshetra se samuchit labh bhi arjit karvata hai. panchmesh v navmesh ki achchi sthiti ke karan jatak uchchashikshit hai. navmansh v dashmansh kundli men guru v budh ke lagn, pancham, dasham par rabhav ke karan jatak adhyapn kshetra men karyarat hai. budh ki uchchata ke parinamasvarup jatak ne jiv vigyan vishay men visheshagyata prapt ki hai.
Kya aapko lekh pasand aaya? Subscribe
Kya aapko lekh pasand aaya? Subscribe


reki evan pranik hiling  May 2016

mai mah ke fyuchar samachar vaikalpik evan adhyatmik chikitsa paddhati ka samarpit ek visheshank hai. ye chikitsa paddhatiyan sharir ke pirit ang ko thik karne men ashcharyajanak rup se kam karti hain. in chikitsa paddhatiyon ka sharir par koi nakaratmak prabhav bhi nahin parta athva inka koi said ifaikt nahin hota. is visheshank ke mahatvapurn alekhon men sammilit hainah pranik hilingah arth, chikitsa evan itihas, reki upchar:anokhi anubhuti hai, reki: ek adbhut divya chikitsa, chunbkiya jal evan labh, mantrochchar dvara - goli, injekshan aur dava ke bina ilaj, sangit se upchar, ekyupankchar v ekyupreshar paddhati adi. inke atirikt sthayi stambhon men bahut se labhdayak v rochak alekh bhi purva ki bhanti sammilit kie gaye hain.

Subscribe

Apne vichar vyakt karein

blog comments powered by Disqus
.