विराट भारत का विराट

virat bharat ka virat  

Ank ke aur Lekh | Sambandhit Lekh | Views : 1980 |  
virat kohli ka janm 5 navanbar 1988 ko dilli mane ek panjabi parivar men hua tha. unhen chiku ke nam se bhi jana jata hai. unke pita prem kohli ek kriminal laeyar aur mata saroj kohli ek grihini hain. unka ek bara bhai vikas aur ek bari bahan bhavna bhi hai. unke parivar ke anusar jab kohli 3 sal ke the tabhi unhonne bait hath men liya tha aur apne pita ko baeling karne ko kaha tha. kohli nai dilli ke uttam nagar men bare hue aur vishal bharti pablik skul se shiksha grahan ki. jab ek parosi ne virat ki kriket pratibha ko pahchan kar kaha ki ‘‘virat’’ ko gali kriket men samay vyartha nahin karna chahie balki use kisi akadmi men vyavsayik rup se kriket sikhna chahie tabhi virat ke pita ne kohli ki matra 9 varsh ki avastha men inhen pashchimi dilli kriket akadmi men shamil kiya. yah akadmi 1988 men bani thi. rajiv kumar sharma ke hathon kohli ne prashikshan liya aur sumit dogra akadmi men maich bhi khela. 9vin kaksha men unhen seviyar kaenvent men dala gaya taki unhen kriket prashikshan men madad mil sake. khelon ke sath kohli parhai men bhi achche the. unke shikshak unhen ‘‘ek honhar aur buddhiman bachcha batate hain.’’ 18 disanbar 2006 ko bren strok ki vajah se kafi dinon tak aram karne ke bad unke pita ki mrityu ho gayi. apne praranbhik jivan ko yad karte hue kohli ek sakshatkar men batate hain ki ‘‘mainne apne jivan men bahut kuch dekha, yuva dinon men hi apne pita ko kho diya, jisse parivarik vyapar bhi dagmga gaya tha, is vajah se mujhe kiraye ke kamre men bhi rahna para. yah samay mere aur mere parivar ke lie kafi mushkil bhara tha... aj bhi us samay ko yad karte hue meri ankhen nam ho jati hain. ‘‘kohli ke anusar, bachapan se hi kriket prashikshan men unke pita ne unki sahayta ki thi. ‘‘mere pita hi mere lie sabse bara sahara the’’ jo roj mere sath khelte the. aj bhi kabhi-kabhi mujhe unki kami mahsus hoti hai.... virat kohli ka kriket kariyar: virat kohli ek antarrashtriya bhartiya kriketar hain. ve dayen hath ke ballebaj hain aur kabhi-kabhi dayen hath se baeling bhi kar lete hain. ve abhi test kriket ki bhartiya tim ke kaptan aur van-de kriket ki bhartiya tim ke up-kaptan hain. virat gharelu kriket men jahan dilli se khelte hain vahin ai pi el men vo raeyal chailenjar bangluru tim ke kaptan hain. unhonne gharelu kriket men vividh umra ki timon men dilli ka pratinidhitva bhi kiya hai. ve andr-19 tim men bharat ke kaptan the jisne 2008 men maleshiya ke andr-19 vishvakp men itihas racha tha. iske kuch mahinon bad hi unhonne shrilanka ke viruddh apne antarrashtriya kariyar ki shuruat ki thi. shuru-shuru men unhen tim men arakshit khilari ke rup men rakha jata tha, lekin jalda hi van-de kriket men madhyakram men unhanene apne apko sabit kiya. 2011 men vishvakap jitne vali bhartiya tim ke sadasyon men se ek virat kohli the. kohli ne 2011 men vest indij ke khilaf kingstan men apna pahla test maich khela. 2013 se aestreliya aur sauth afrika men apne shatkon ke karan unhen ‘‘van-de speshlista’’ ke nam se jana jata hai. isi sal ve aisisi ki van-de rainking men shirsh sthan par bhi pahunche. us samay apne kariyar men ve pahli bar van-de baitsamain ki list men pahle sthan par pahunche the. bad men unhen 20-20 prarup men bhi saflta mili. ve aisisi ki sarvashreshth 20-20 baitsamain ki suchi men bhi shirsh par rahe. kohli ko 2012 men bhartiya van-de tim ke up-kaptan ke rup men niyukta kiya gaya aur bharat ke kaptan mahendra sinh dhoni ki anupasthiti men ve kaptan ke rup men bhi tim ki bagdor sanbhalte hain. dhoni ke 2014 men test se sannyas lene ke bad se hi kohli ko test tim ki kaptani saunpi gayi. kohli ne apne nam kai rikaedars kiye jinmen tej van-de shatak, aur van-de kriket men sarvadhik tej 5000 ran aur 17 va fir 19 van de shatak jaldi-jaldi banana bhi shamil hai. ve vishva men akele aise ballebaj hain jinhonne lagatar 4 salon tak van de kriket men 1000 ya usse bhi jyada ran banaye hain. 2015 men ve tventi-20 men sabse tej 1000 ran banane vale duniya ke sarvashreshth ballebaj ban gaye hain. kohli ko kai puraskaron se bhi navaja gaya jaise - aisisi dvara 2012 men sarvashreshth antarrashtriya kriketr aur bi. si. si. ai dvara 2011-12 ka sarvashreshth antarrashtriya kriketar, 2013 men antarrashtriya kriket men apne atulya yogdan ke lie unhen arjun puraskar diya gaya. sport pro, ek yu.ke. maigjin ne kohli ko 2014 men duniya ka dusra sabse jyada marketebal vyakti bataya. kohli ai es el ki tim ef. sigova aur aipitiel frenchaiji y.u e. i raeyals ke sah-malik bhi hain. jyotishiya vishleshn virat ki kundli men tritiyesh shani parakramesh hokar lagn men sthit hanai aur dasham bhav ko purn drishti se dekh rahe hain. dasham bhav men shubh grah shukra v chandra ki yuti hai. lagnesh guru evan panchmesh mangal bhi purn drishti se dashm bhav ko dekh rahe hain arthat kariyar ke bhav par shani, mangal, guru, shukra aur chandra panch grahon ka purn prabhav hai jaske falasvarup dasham bhav vishesh bali ho gaya hai. isilie jahan virat apni yogyata ke bal par pure vishva men kriket ke asman par puri tarah chaye hue hain vahin arthik rup se bhi dinon din unnati kar rahe hain. apni buddhi, bal, dhairya aur tej bhagya ke bal par hi virat ne kriket jagat men aisa mukam hasil kiya. dasham bhav par shani mangal ke kuprabhav tatha pita ke karak surya v shukra ke nich rashisth hone se unhen apne pita ka purn sukh nahin mil paya aur choti umra men hi pita ka dehant ho gaya. inki kundli men bhagyesh surya ki karmesh budh ki yuti se bhagyesh va dashmesh ka shubh yog to ban hi raha hai sath hi surya ka purn nich bhang raj yog bhi ban raha hai kyonki jis grah ki rashi men surya nich ho rahe hain us rashi ka svami shukra chandrama ke sath kendra men hai tatha surya jis rashi men uchch ke hote hain us rashi ke svami mangal bhi chandrama va lagn se kendra men hai jiske falasvarup virat ne sadharan parivar men janma lekar bhi apne kriket kariyar men antarrashtriya star par asadharn saflta hasil ki hai. is yog ko jatak granthon men chakravarti yog ke nam se bhi jana jata hai. chakravarti yog: nichasthito janmani yograhah tadrashinathah tatha ch taduchchanathah bhavet chandralagnadyapi kendravarti raja bhavet dharmik chakravarti. arthat yadi kundli men koi grah nichrashisth ho to uski nich va uchch in donon rashiyon ke svami janm v chandra lagn donon se hi kendrastha hon to jatak dharmanishth chakravarti raja hota hai. lagn men sthit shani jatak ko apne kshetra men sarvashreshth banata hai. islie virat apni taknik ko mannshil hokar sudharne ka abhyas v chintn nirantar karte rahte hain. kendra men mangl v shukra ki sthiti islie mahatvapurna hai kyonki ye donon grah chandra lagn se bhi kendra men hain tatha nich bhang rajyog banane vale bhagyesh surya ki uchcha v nich rashiyon ke bhi svami hain. kriket ki duniya men nam kamane ke lie inhin donon grahon ka yogdan mahatvapurn mana jata hai. tritiya bhav men rahu v chathe bhav men sthit guru se inki janmapatri men prabal shatruhanta yog ban raha hai jiske chalte ye apne pratidvandiyon ko dat kar samna karne men samarth hain. agni tatva lagn men dvisvabhav rashi men sthit parakramesh shani ke karn svabhav ugra to hai parantu sthir hai. ye samay ke anusar apne akramk andaj men apni pari khelte hain aur josh men hosh nahin khote. buddhi svami panchmesh mangal mitra rashi men sthit hokar kendra men baithakar balvan hain tatha un par do shubh grahon shukra v chandrama ki drishti hai jiske karn virat takniki rup se tivra buddhi se khelne men bahut saksham hain. lagnesh brihaspati ke chathe bhav men sthiti hone se tatha balyakal men ashtamesh chandrama ki dasha ke hone se inhen pareshaniyon ka samna bhi karna para. parantu mangal ki mahadsha men inhonne apne sahas v drirh atm vishvas ke bal par andar 19 men bharat ko vishva vijyi banne ka gaurav dilaya. nich shukra ke sath ashtamesh chandra ki yuti hone se tatha us par mangal va shani ki drishti ke karan virat apne prem sanbandho ko lekar bhi kafi charcha men rahe tatha film abhinetri anushka sharma se sanbandhon men utar-charhav chal raha hai. vartaman samay men unki rahu ki dasha chal rahi hai rahu apne hi nakshatra shatbhisha tatha mitra rashi men tritiya bhav men hone se atyant shubh evan balvan sthiti men hai. jab se rahu ki dasha (2010) se aranbh hui hai tabse inka kriket kariyar bulandiyon par hai inko yash, dhan, man pratishtha ki vishesh vriddhi ho rahi hai. rahu ki mahadsha march 2028 tak chalegi tab tak inka kriket kariyar khub falega aur virat kai abhutpurva kirtiman sthapit karne men safl honge aur khub nam kamayenge.
Kya aapko lekh pasand aaya? Subscribe
Kya aapko lekh pasand aaya? Subscribe


reki evan pranik hiling  May 2016

mai mah ke fyuchar samachar vaikalpik evan adhyatmik chikitsa paddhati ka samarpit ek visheshank hai. ye chikitsa paddhatiyan sharir ke pirit ang ko thik karne men ashcharyajanak rup se kam karti hain. in chikitsa paddhatiyon ka sharir par koi nakaratmak prabhav bhi nahin parta athva inka koi said ifaikt nahin hota. is visheshank ke mahatvapurn alekhon men sammilit hainah pranik hilingah arth, chikitsa evan itihas, reki upchar:anokhi anubhuti hai, reki: ek adbhut divya chikitsa, chunbkiya jal evan labh, mantrochchar dvara - goli, injekshan aur dava ke bina ilaj, sangit se upchar, ekyupankchar v ekyupreshar paddhati adi. inke atirikt sthayi stambhon men bahut se labhdayak v rochak alekh bhi purva ki bhanti sammilit kie gaye hain.

Subscribe

Apne vichar vyakt karein

blog comments powered by Disqus
.