एक्यूप्रेशर कितना कारगर

ekyupreshar kitna kargr  

Ank ke aur Lekh | Sambandhit Lekh | Views : 2029 |  
rogon tatha vikaron ko dur karne ke liye jitni chikitsa paddhatiyan prachlit hui hain unmen ekyupreshar sabse purani tatha adhik prabhavshali hai. yah paddhati islie bhi adhik prabhavi hai kyonki iska siddhant purnarup se prakritik hai. is paddhati ki ek anya khubi yah hai ki preshar dvara ilaj bilkul surakshit hota hai tatha ismen kisi prakar ka nuksan nahin hota. iske anusar samast rogon ko dur karne ki shakti sharir men hamesha rahti hai. prachin kal men chin se jo yatri bharatavarsh aye unke dvara is paddhati ka gyan chin pahuncha jahan yah paddhati kafi prachlit hui. chin ke chikitsakon ne is paddhati ko apnaya aur ise kafi lokapriya kiya yahi karan hai ki yah chini paddhati ke nam se prasiddh hui. ekyupreshar paddhati men prachin bhartiya chikitsakon men charak ka nam vishesh rup se prasiddh hai. yah paddhati sharirik evan mansik rogon ko dur karne, rakt sanchar ko thik karne, manspeshiyon ko sashakt banane tatha tatha sanpurn sharir visheshakar mastishka tatha chitt ko shant rakhne ke lie prasiddh hai. kahte hain ki juliyas sijar jo nari rog se pirit tha ekyupreshar se hi thik hua. dabav ke sath malish karne se rakt ka sanchar thik ho jata hai jis karn sharir ki shakti aur sfurti barh jati hai jiske karan vibhinn angon men jama hua vishpurn padarth pasine, mutra tatha mal dvara sharir se bahar chale jate hain jis se sharir nirogi ho jata hai. ekyupreshar ka matalab hai- pair, hath chehre tatha sharir ke kuch khas kendron par dabav dalna. in kendron ko rispons sentar ya riflaiksa sentar kahte hain. rog ki avastha men in kendron par preshar dene se kafi darda hota hai kyonki ye kafi najuk hote hain. pratyek rispons kendra ka pairane, hathon tatha chehron par lagabhag matar ke dane jitna akar hota hai. pratyek rispons kendra ko dabane se sharir men rog ki pratikriya shakti jagrit hoti hai. yahi shakti vastav men rog dur karti hai. aisa anuman hai ki chathi shatabdi men is paddhati ka gyan sambhavatah bauddh bhikshuon dvara chin se japan pahuncha. japan men is paddhati ko shiatsu kahte hain. shiatsu japani shabd hai jo do aksharon - shi-arthat anguli tatha atsu arthat dabav se bana hai. is paddhati se hathon ke anguthe tatha anguliyon ke sath pirit kendron par preshar diya jata hai. anek rogon men ekyupreshr bina davai tatha bina aepreshan ke rog nivaran ki prabhavshali vidhi hai. hath, pair, chehra, kan, pith tatha sharir ke kuch bhagon par pramukh kendron par preshar dalne se hi sare rogon ko dur kiya ja sakta hai. thik janch ho jane aur thik preshar dene ke karan sare rog shighra dur ho jate hain. achcha to yah hai ki rog ki avastha men pair, hath, chehra, kan tatha pith par sthit rog se sanbandhit ek se adhik pratibinb kendron par preshar diya jay. aisa karne se kafi achcha prabhav parta hai aur rog shighra dur ho jata hai. kan tatha chehre par vibhinn ekyupreshr kendrane par preshar hathon ke anguliyon ke sath dena chahiye aur vah bhi dhire-dhire aur halka dena chahie. is prakar in kendron par kisi prakar ke kisi upakaran ka prayog nahin karna chahiye. ekyupreshar paddhati ke anusar manushya ko sharirik tatha bhavnatmak rup se do prithak nahin apitu ek abhinn ikai mana gaya hai. isi siddhant ke anusar rog ka ilaj kiya jata hai. is paddhati ka dusra pramukh siddhant vaigyanik adhar hai. uske anusar raktavahikaon tatha snayusansthan ki samast choti-bari nariyon ke akhiri hisse hathon tatha pairon men hote hain jiska sanbandh sharir ke sare angon se hota hai. ise asani se samjhne ke liye sare sharir ko sir se lekar pair tak 10 bhagon mane banten. sir ke madhya bhag se dahini tarf 5 bhag men banta gaya hai. is paddha ti ke siddhant ke anusar rogon ko dur karne ki shakti sharir men sada rahti hai. yah batana upyukt hai ki pairon se pirit kendron ki janch shighra ho jati hai. pairon men diya preshar hathon men diye preshar se shighra evan adhik asar karta hai. is paddhati dvara vibhinn pratibinb kendron ki janch karne se asani se pata lagaya ja sakta hai ki sharir ke kaun-kaun se ang apna karya thik se nahin kar rahe ya sharir ke kis bhag men koi rukavat hai. pratibinb kendron ke parikshan se kevl kuch minton men yah pata lag jata hai ki kis ang men koi vikar hai ya rog ka asli karan kya hai, isliye pratibinb kendron ko rog ka darpan kaha jata hai. ekyupreshar rog dur karne ki ashcharyajanak paddhati hai. anek purane aur pechida rog jo kisi anya paddhati se dur nahin hote is paddhati dvara thore samay men dur ho jate hain. mahatvapurn bat yah hai ki ilaj se pahle pairon tatha hathon men rog sanbandhi pratibinb kendron ki janch bhali-bhanti kar leni chahie aur thik tarah se preshar diya jana chahie. yah paddhati rogon ko dur karne ki paddhati nahin hai balki rogon ko dur rakhne ki bhi paddhati hai. atah svasth vyaktiyon ko bhi pratidin hathon tatha pairon men sab kendron par preshr dena chahie. isse vyakti varshon tak svasth rahta hai.
Kya aapko lekh pasand aaya? Subscribe
Kya aapko lekh pasand aaya? Subscribe

reki evan pranik hiling  May 2016

mai mah ke fyuchar samachar vaikalpik evan adhyatmik chikitsa paddhati ka samarpit ek visheshank hai. ye chikitsa paddhatiyan sharir ke pirit ang ko thik karne men ashcharyajanak rup se kam karti hain. in chikitsa paddhatiyon ka sharir par koi nakaratmak prabhav bhi nahin parta athva inka koi said ifaikt nahin hota. is visheshank ke mahatvapurn alekhon men sammilit hainah pranik hilingah arth, chikitsa evan itihas, reki upchar:anokhi anubhuti hai, reki: ek adbhut divya chikitsa, chunbkiya jal evan labh, mantrochchar dvara - goli, injekshan aur dava ke bina ilaj, sangit se upchar, ekyupankchar v ekyupreshar paddhati adi. inke atirikt sthayi stambhon men bahut se labhdayak v rochak alekh bhi purva ki bhanti sammilit kie gaye hain.

Subscribe

Apne vichar vyakt karein

blog comments powered by Disqus
.