मीरा बाई
Ank ke aur Lekh | Sambandhit Lekh | Views : 3130 |  
‘‘mere to giradhar gopal dusro na koi. jake sir mor mukut mero pati soi..’’ aj ham bat kar rahe hain, shrikrishna ki ananya sadhika mirabai ki. mira ke krishn prem v bhakti se sabhi parichit hain. yadyapi mira ke janm varsh v tithi se sanbandhit anek tathya prachlit hain kintu unmen se sarvadhik manyata prapt tathya hai ki 1504 isvin men medtiya shakha ke pravartak ravdudaji ke putra ratn sinh ke ghar men mira ka janm hua. mira ke mata-pita v bhai tatha anya sabhi parivari jan ishvariya shraddha se labalab the. sarvatra bhaktipurn mahaul tha. mira ke pita ratnsinh dharmik pravritti ke dayalu v parakrami vyakti the. ve apni priya beti mira ke hathon pujyaniya v vanchit donon tarah ke logon ko dan v sahayta dilate the. yahi karan tha ki mira ke kore kagaj jaise man par din-hin samaj ke lie karuna aur sanskaron ke prati samman ke bhav gahrai tak chap gaye the. aiye jante hain mira ki kundli se ki grahon ka kaisa sanyojan hua jiske karan sara raj-pat, sukh-vaibhav chorakar mira bhakti ras men dub gai. mira bai ki kundli hai kark lagna ki, lagnesh chandrama saptamesh va ashtamesh shani ke nakshatra men v rahu ke up nakshatra men hai. chandrama lagnastha hai sath men dvitiyesh surya, shashthesh va bhagyesh brihaspati, saptamesh v ashtamesh shani bhi virajman hain. dhanesh surya lagn men lagnesh se yut hai. lagnesh v dhanesh ke sath hi bhagyesh brihaspati ki yuti rajyog ka nirman kar rahi hai. brihaspati kark rashi men uchch ke hote hain. lagn men baithakar pancham, saptam va bhagya bhav par purn drishti dal rahe hain. brihaspati v chandra ki yuti gajkesri yog bhi nirmit kar rahi hai. uparyukt rajyogon ke karan hi mirabai ka janm rajghrane men hua aur unka vivah bhi udypur ke maharana sanga ke putra kunvar bhojraj se hua. vibhinn rajyogon ne jahan mira ko rajsi vaibhav diya vahin shani v chandrama ki yuti ne unhen vairagya pradan kiya. kark lagn men chandrama lagnesh aur shani ashtamesh hote hain. ashtam bhav gahrai ka bhav hai, anusandhan ka bhav hai, ashtam bhav ayu ka bhav hai. antim satya ka bhav hai aur fir jab shani ashtam ke svami hokar lagnesh ke sath yuit men ho to kahna hi kya? dandadhikari nyayapriya shani jatk ko satya ke darshan kara hi dete hain. mirabai ki kundli men lagnesh chandrama, dhanesh surya, bhagyesh brihaspati va ashtamesh shani ka chatugrrahi yog svayan shani jo ki ashtamesh v markesh hai, ke nakshatra men bana hua hai. kahne ka tatparya hai ki mira ki kundli par sarvadhik prabhav dalne vale grah hain shani. shani vairagya ke karak hanai jinhonne bhagyesh brihaspati, jo ki dharm ke karak hanai, ke sath milakar lagnesh chandrama ko apne purna prabhav men le liya. yahi karan tha ki bachapan men ek barat ko dekhkr mira ne apni man se prashn kiya ki mera dulha kahan hain to man ne bhagvan krishn ki or ishara karke mira ke bal man ko jhuth se bahla diya lekin mira ke bal man ne krishna ko pati parmeshvar manakar apna pura jivan hi unki seva men samarpit kar diya. jis prakar mira ki man mira ke pita ki seva karti thin vaise hi mira giradhar gopal ki seva karne lagin. saptamesh shani apne hi nakshatra aur vyayesh budh ke up nakshatra men hai. shani lagn men lagnesh chandra se yut hain. yadyapi mira ne bhojraj ko kabhi apna pati nahin mana kintu donon ke madhya atyant sammanniya aur maitripurna sanbandh the. lagnesh chandra shani ke nakshatra men aur ashtamasth rahu ke upanakshatra men hone ke karan hi mira ko bhautik jagat se vairagya prapt tha. ve apne pati ki seva aur unka samman to karti thin kintu unhen prem to kevl giradhar gopal se hi tha. kark lagn ki kundli men ashtamesh shani saptam men ya lagn men ho to vaidhavya suchak hota hai. vivah ke kuch samay pashchat hi yuddh men ghayal hone ke karan bhojraj ki mrityu ho gai. mira se sati hone ke lie kaha gaya kintu mira sadharan stri nahin thi. unka kahna tha ki sare jagat ko jivan dene vale unke pati girdhari ki mrityu to sanbhav hi nahin hai. bhojraj ki mrityu ke pashchat mira ki sadhna men badha parne lagi jiske karan mira ne rajamahal ka tyag kar diya. mira ki kundli men dhanesh surya apne se dvadash bhav men lagn men hai. sukhesh shukra jo ki labhesh bhi hai dvadash bhav men ashtam bhav men sthit rahu ke nakshatra men aur apne hi upanakshatra men hai. unke adhikansh grah saptamesh shani ke nakshatra men hai ya shani ke nakshatra men baithe grahon ke nakshatra aur upanakshatra men hain. ashtam bhav ko chridra bhav bhi kahte hain aur ashtam bhav navam ka dvadsh arthat vyay bhav bhi hai. kahne ka tatparya yah hai ki mirabai ko bhagya ke prabhavavash jo bhi rajsi vaibhv v sanpannata prapt hui uska unhonne tyag kiya. pancham bhav gyan, buddhi v man ka bhav hota hai. panchmesh mangal shadabal men sarvadhik bali hai aur surya ke nakshatra men, chandrama ke upanakshatra men hai. mangl dvitiya bhav se pancham bhav, ashtam bhav v navam bhav ko purn drishti pradan kar rahe hain. mangal hi karmesh bhi hain. surya prithktavadi grah hai. surya ke prabhavavash shani, brihaspati, chandra asta hain. mangal ke bad surya shadbal men bali hai. surya ke prithktavadi svabhav ke karan bhi mira bai ko bhautik jagat men ruchi nahin thi. ve to is bhautik jagat ko banane vale krishna kanhaiya men hi raman karti thin. ekakrsh sansthaishchaturadinaistu grahaivedettatrra balanviten. pravrajyakan tatra vadanti kechit karmeshulyan sahite khanathe.. 2.. faldipika, sattaisvan adhyay yadi char grah ek sath hon to un charon men jo bali ho us bali grah ke anusar pravrajya hoti hai. mira bai ki kundli men su., chan., bri., v sh. ka chaturgrahi yog lagn men bana hua hai. surya sarvadhik bali hai jo ki jatak ko ‘yogish’ banata hai. ‘‘susthane balinastrayon yadi tada sanyassiddhi rbhavet. yadi tin grah bali achche sthan men hon, to sannyas siddhi hoti hai. yah yog bhi mira bai ki kundli men drishtavya hai. kaha jata hai krishn janmashtami ke din mira nachte-nachte shri ran chor ray ji ke mandir men pravesh kar gain. dekhte-dekhte kapat band ho gaye. jab darvaje khole gae to mira vahan nahin thin. ve kanha ki murti men hi vilin ho gain.
Kya aapko lekh pasand aaya? Subscribe
Kya aapko lekh pasand aaya? Subscribe


reki evan pranik hiling  May 2016

mai mah ke fyuchar samachar vaikalpik evan adhyatmik chikitsa paddhati ka samarpit ek visheshank hai. ye chikitsa paddhatiyan sharir ke pirit ang ko thik karne men ashcharyajanak rup se kam karti hain. in chikitsa paddhatiyon ka sharir par koi nakaratmak prabhav bhi nahin parta athva inka koi said ifaikt nahin hota. is visheshank ke mahatvapurn alekhon men sammilit hainah pranik hilingah arth, chikitsa evan itihas, reki upchar:anokhi anubhuti hai, reki: ek adbhut divya chikitsa, chunbkiya jal evan labh, mantrochchar dvara - goli, injekshan aur dava ke bina ilaj, sangit se upchar, ekyupankchar v ekyupreshar paddhati adi. inke atirikt sthayi stambhon men bahut se labhdayak v rochak alekh bhi purva ki bhanti sammilit kie gaye hain.

Subscribe

Apne vichar vyakt karein

blog comments powered by Disqus
.