भविष्यवाणी- क्या सच में भविष्य बदल सकती है

bhavishyavani- kya sach men bhavishya badal sakti hai  

Ank ke aur Lekh | Sambandhit Lekh | Views : 2338 |  
bhavishyavani sunne men ham sab ruchi dikhate hain. kya bhavishyavani janne ka koi fayda hai? kya apke jivan men bhavishya ke bare men jankr- badlav a sakte hain? ji han bilkul satya hai. ek jyotishi evam bhavishya vakta hote huye ham is bat ka samarthan karte hain. bhavishya vachan ane vali kai musibton se bachata hai, agah karta hai. lekin koi bhi prabhu ki likhi jise ham honi kahte hain ko nahin badal sakta. kaha jata hai ki vyas muni ne mahabharat ke ghatit hone se pahle hi use likh dala tha aur ye sabhi ghatnaen uske bad huin. yah bhi kaha jata hai ki bhavishyavani ne kans se kaha tha ki krishn akar uska vadh karenge. to kya hamare jivan ka kuch hissa pahle se tay hota hai aur yadi aisa hai to hamari koshishon ka matalab kya hai? yah shri krishn prasang yahi siddh karta hai. dharmayuddh nam se prasiddh kurukshetra yuddha sabse bhishan yuddh tha jismen koi bhi nishpaksh nahin rah sakta tha. har koi ya to kaurvon ke paksh men ho sakta tha ya pandvon ke paksh men. saikron raja ek ya dusri or se larai men shamil ho gae. udupi ke raja ne krishn se kaha, ‘har koi larai men shamil hai. yuddha larne valon ko bhojan ki jarurt hoti hai. main kurukshetra yuddh ke lie khan-pan ki vyavastha karunga.’ magadh rajya ke shaktishali raja jarasandh ki mrityu ho chuki thi, to uske pautra alg-alag ho gae. jyadatar magdhon ne kaurvon ki sena men shamil hona pasand kiya aur kuch pandvon ki or chale gae. lagabhag pura aryavart do hisson men bant chuka tha. sirf ek ne nishpaksha rahne ka faisla kiya, vah tha udupi ka raja. ap jante honge ki udupi ke vyanjn kafi mashhur hain. udupi ke bahut se log aj bhi isi peshe men hain. krishn bole, ‘thik hai, kisi n kisi ko to khana banana aur parosna hai hi, to ap yah kam kar len. udupi ke raja ne donon pakshon ke lie bhojan taiyar karne ka jimma liya. kaha jata hai ki karib 5 lakh sainik is larai ke lie ikatthe hue the. larai atharah din chali aur rojana hajaron log mar rahe the. us sthiti men khanpan ki vyavastha karna ek chunauti thi. panch lakh logon ke lie lagatar bhojan pakate rahne se bahut sara bhojan barbad ho jata. agar vah kam bhojan pakate, to sainik bhukhe rah jate. yah bhi koi achchi bat nahin thi. to kya ap jante hain ki bhavishyavani sunakar khana banta tha kurukshetra men..... lekin udupi ke raja ne bhojan ka prabandh bahut achchi tarah se kiya. gajab ki bat yah thi ki har din pakaya gaya bhojan sabhi sainikon ke lie pura ho jata aur bhojn ki koi barbadi bhi nahin hoti thi. log hairan hone lage ki ve bilkul satik matra men bhojan kaise paka pa rahe hain kyonki koi nahin bata sakta tha ki kisi din kitne logon ki mrityu hui ya hogi. in chijon ka satik hisab lagane men bahut der ho jati. nishchit rup se rasoie ke pas yah pata lagane ka koi tarika nahin tha ki har din kitne logon ki mrityu hui, lekin har din vah thik utna hi bhojan pakata jo baki bache sainikon ke lie kafi hota. jab kisi ne udupi ke raja se pucha ki ve aisi vyavastha kaise kar pate hain, to unhonne javab diya, ‘krishna har rat ko ubli hui mungfliyan khana pasand karte hain. main unhen chil kar ek baratan men rakh deta hun. vah unmen se kuch mungfli khate hain. unke khane ke bad main ginti karta hun ki unhonne kitni mungfliyan khain. agar unhonne 10 mungfli khain, to mujhe pata chal jata hai ki agle din 10,000 log mar jaenge. islie agle din dophr ke bhojan men main 10,000 logon ka khana kam kar deta hun. har din main in mungfliyon ko gin kar usi ke mutabik khana pakata hun aur vah sahi niklta hai.’ krishn ki sthiti bhi aisi hi thi. vah shuruat aur ant ko jante the, magar fir bhi unhen bich men jivan ka khel khelna tha. unhen bhavishya pata tha, magar fir bhi ve vartaman men puri tarah bhagidari karte the. so shuruat aur ant ko jante hue bhi apko jivan ka khel khelna parta hai varna koi khel hoga hi nahin kyonki khel sirf isi pal khela ja sakta hai. apko chahe bhavishya ke bare men pata ho, to bhi apko vartaman men khelna chahie ya fir pure khel se hi piche hat jana chahie. magar ap aisa kar nahin sakte . ap ko ise khelna hi hoga, apko khelna hi hai, to behtr hai ki achchi tarah khelen. apko kam karna hi hai, to use beman se kyon karen? use achchi tarah karna behatar hoga. jay shri krishna.
Kya aapko lekh pasand aaya? Subscribe
Kya aapko lekh pasand aaya? Subscribe


shrikrishn visheshank  August 2016

fyuchar samachar ka vartaman ank bhagvan shrikrishn ko samarpit hai. is ank men bhagvan shrikrishn, unse sambandhit kahaniyan evan shrimad bhagavadgita ke mahatvapurn vyakhyanon ko samavisht kiya gaya hai. mahatvapurn alekhon men sammilit hain: gita ke shabdarthon ka mul evan vartaman, shrikrishn ji ka bhagavad prapti sandesh, sankshipt gitopnishad krishn ki ras lila ya jivan ras lila, karm ka dharm adi. iske atirikt patrika ke anya sthayi stambhon ke antargat anek vicharottejak alekhon ko sanlagn kiya gaya hai.

Subscribe

Apne vichar vyakt karein

blog comments powered by Disqus
.