पूजन व उपासना संबंधित शब्दार्थ

pujan v upasna sanbandhit shabdarth  

Ank ke aur Lekh | Sambandhit Lekh | Views : 1301 |  
1. panchopchar - gandh, pushp, dhup, dip tatha naivedya dvara pujan karne ko ‘panchopchar’ kahte hain. 2. panchamrit - dudh, dahi, ghrit, madhu (shahd) tatha shakkar ke mishran ko ‘panchamrit’ kahte hain. 3. panchagavya - gay ke dudh, ghrit, mutra tatha gobar ko sammilit rup men ‘panchagavya’ kahte hain. 4. shodshopchar - avahan, asan, padhya, aghrya, achaman, snan, vastra, alankar, sugandh, pushp, dhup, dip, naivaidya, akshat, tambul tatha dakshina in sabke dvara pujan karne ki vidhi ko ‘shodshopchar’ kahte hain. 5. dashopchar - padhya, aghrya, achmniya, madhupakra, achaman, gandh, pushp, dhup, dip tatha naivaidya dvara pujn karne ki vidhi ko ‘dashopchar’ kahte hain. 6. tridhatu-sona, chandi aur loha. kuch acharya sona, chandi, tanba ke mishran ko bhi ‘tridhatu’ kahte hain. 7. panchdhatu - sona, chandi, loha, tanba aur jasta. 8. ashtadhatu - sona, chandi, loha, tanba, jasta, ranga, kansa aur para. 9. naivaidya - khir, mishtaâ' adi mithi vastuen. 10. navagrah - surya, chandra, mangal, budh, guru, shukra, shani, rahu aur ketu. 11. navaratn - manikya, moti, munga, panna, pukhraj, hira, nilam, gomed aur vaidurya. 12.‘e’, ashtagandh - agar, tagar, gorochan, kesar, kasturi, shvet chandan, lal chandan aur sindur devpujan hetu , bi. agar, lal chandan, haldi, kumkum, gorochan, jatamasi, shilajit aur kapur (devi pujn hetu) 13. gandhatray - sindur, haldi, kumkum. 14. pa×chagh g - kisi vanaspati ke pushp, patra, fal, chal aur jar. 15. dashansh - dasvan bhag . 16. samput - mitti ke do shakoron ko ek-dusre ke munh se milakr band karna. 17. bhojapatra - ek vriksh ki chal. mantra prayog ke lie bhojapatra ka aisa tukra lena chahie, jo kata-fata n ho. 18. mantra dharan - kisi bhi mantra ko stri purush donon hi kanth men dharn kar sakte hain, parantu yadi bhuja men dharan karna chahen to purush ko apni dayin bhuja men aur stri ko bayin bhuja men dharan karna chahie. 19. tabij - yah tanbe ke bane hue bajar men bahutayat se milte hain. ye gol tatha chapte do akaron men milte hain. sona, chandi, tridhatu tatha ashtadhatu adi ke tabij banvaye ja sakte hain. 20. mudraen - hathon ki anguliyon ko kisi vishesh sthiti men lene ki kriya ko ‘mudra’ kaha jata hai. mudraen anek prakar ki hoti hain. 21. snan - yah do prakar ka hota hai - bahya tatha antrik, bahya snan jal se tatha antarik snan jap dvara hota hai. 22. tarpan - nadi, sarovar, adi ke jal men ghutnon tak pani men khare hokar, hath ki anjuli dvara jal girane ki kriya ko ‘tarpana’ kaha jata hai. jahan nadi, sarovar adi na ho, vahan kisi patra men pani bharkr bhi ‘tarpana’ ki kriya sanpann kar li jati hai. 23. achaman - hath men jal lekr use apne munh men dalne ki kriya ko achaman kahte hain. 24. karanyas - angutha, anguli, karatal tatha karprishth par mantra japne ko ‘karanyas’ kaha jata hai. 25. hridyavinyas - hriday adi angon ko sparsh karte hue mantrochcharn ko ‘hridyavinyas’ kahte hain. 26. anganyas - hriday, shir, shikha, kavach, netra evan karatal - in 6 angon se mantra ka nyas karne ki kriya ko ‘anganyas’ kahte hain. 27. aghrya - shankh, anjli adi dvara jal chorne ko aghrya dena kaha jata hai. ghara ya kalash men pani bharakar rakhne ko aghrya-sthapan kahte hain. aghrya patra men dudh, til, kusha ke tukre, sarson, jau, pushp, chaval evan kumkum in sabko dala jata hai. 28. panchayatan puja - ismen panch devtaon - vishnu, ganesh, surya, shakti tatha shiv ka pujan kiya jata hai. 29. kandanusamay - ek devta ke pujakand ko samapt kar, anya devta ki puja karne ko ‘kandanusmy’ kahte hain. 30. uddhartan - ubtn 31. abhishek - mantrochcharan karte hue shankh se sugandhit jal chorne ko ‘abhishek’ kahte hain. 32. uttariya - vastra . 33. upvit - yagyaopvit (janeu) 34. samidha - jin lakriyon ko agni men prajjvalit kar hom kiya jata hai unhen samidha kahte hain. samidha ke lie ak, palash, khadir, apamarg, pipal, udumbar, shami, kusha tatha am ki lakriyon ko grahya mana gaya hai. 35. pranav - ¬ 36. mantra rishi - jis vyakti ne sarvapratham shivji ke mukh se mantra sunakar use vidhivat siddh kiya tha, vah us mantra ka rishi kahlata hai. us rishi ko mantra ka adi guru manakar shraddhapurvak uska mastak men nyas kiya jata hai. 37. chand - mantra ko sarvatobhaven achchadit karne ki vidhi ko ‘chanda’ kahte hain. yah aksharon athva padon se banta hai. mantra ka uchcharan chunki mukh se hota hai atah chand ka mukh se nyas kiya jata hai. 38. devta - jiv matra ke samasta kriya- kalapon ko prerit, sanchalit evan niyantrit karne vali pranashakti ko devta kahte hain. yah shakti manushya ke hriday men sthit hoti hai, atah devta ka nyas hriday men kiya jata hai. 39. bij - mantra shakti ko udbhavit karne vale tatva ko bij kahte hain. iska nyas guhyang men kiya jata hai. 40. shakti - jiski sahayta se bij mantra ban jata hai vah tatva ‘shakti kahlata hai. uska nyas pad sthan men karte hain. 41. viniyog - mantra ko fal ki disha ka nirdesh dena viniyog kahlata hai. 42. upanshu jap - jihna evan hotha ko hilate hue keval svayan ko sunai parne yogya mantrochcharan ko ‘upanshu jap’ kahte hain. 43. manas jap - mantra, mantrarth evan devta men man lagakar man hi man mantra ka uchcharan karne ko ‘mans jap’ kahte hain. 44. agni ki jihnaen - (e) agni ki 7 jihnaen mani gayi hain, unke nam hain - 1. hiranya 2. gagna 3. rakta 4. krishna 5. suprabha 6. bahurupa evan 7. atirikta. (bi) 1. kali 2. karali 3. manobhva 4. sulohita 5. dhumravarna 6.sfulingini evan 7. vishvaruchi. 45. pradakshina - devta ko sashtang dandavat karne ke pashchat isht dev ki parikrama karne ko ‘pradakshina’ kahte hain. vishnu, shiv, shakti, ganesh aur surya adi devtaon ki 4, 1, 2 , 1, 3, athva 7 parikramayen karni chahiye. 46. sadhna - sadhna 5 prakar ki hoti hai - 1. abhavini 2. trasi 3. dovordhi 4. sautki 5. aturi. (1) abhavini - puja ke sadhn tatha upkrnon ke abhav se, man se athva jal matra se jo puja sadhna ki jati hai, use ‘abhavini’ kaha jata hai. (2) trasi - jo trast vyakti tatkal athva upalabdh upcharon se athva mansopcharon se pujan karta hai, use ‘trasi’khte hain. yah sadhna samast siddhiyan deti hai. (3) dovordhi - balak, vriddh, stri, murkh athva gyani vyakti dvara bina jankari ke ki jane vali puja‘dovardhi’ kahlati hai. (4) sautki vyakti mansik sandhya ki kamna hone par mansik pujn tatha nishkam hone par sab karya karen. aisi sadhna ko ‘sautki’ kaha jata hai. (5) rogi vyakti snan evan pujan na karen. devmurti athva suryamandal ki or dekhakar, ek bar mul mantra ka jap kar us par pushp charhaen fir rog ki samapti par snan karke guru tatha brahmanon ki puja karke, puja vichched ka dosh mujhe n lage - aisi prarthana karke vidhipurvak isht dev ka pujan karen to is puja ko ‘aturi kaha jaega. 47. apne shram ka mahatva-puja ki vastuen svayan lakar tanmay bhav se pujan karne se purn fal prapta hota hai. anya vyakti dvara die gaye sadhnon se puja karne par adha fal milta hai. 48. varnit pushpadi - (1) pile rang ki kat saraiya, nag chanpa tatha donon prakar ki vrihti ke ful puja men nahin charhaye jate. (2) sukhe, basi, malin, dushit tatha ugra gandh vale pushp devta par nahin charhaye jate. (3) vishnu par akshat, ak tatha dhatura nahin charhaye jate. (4) shiv par ketki, bandhuk duphriya, kund, maulashri, koraiya, jayaparn, malti aur juhi ke pushpa nahin charhaye jate. (5) durga par dub, ak, harsingar, bel tatha tagar nahin charhaye jate. (6) surya tatha ganesh par tulsi nahin charhai jatin. (7) chanpa tatha kamal ki kaliyon ke atirikt anya pushpon ki kaliyan nahin charhai jatin. 50. grahyapushp - vishnu par shvet tatha pile pushp, tulsi, surya, ganesh par lal rang ke pushp, lakshmi par kamal, shiv ke upar ak, dhatura, bilvapatra tatha kaner ke pushp vishesh rup se charhaye jate hain. amltas ke pushp tatha tulsi ko nirmalya nahin mana jata. 51. grahya patra - tulsi , maulashri, chanpa, kamlini, bel, shvet kamal, ashok, mainafal, kusha, durba, nagavalli, apamarg, vishnukranta, agastya tatha anvla ke patte dev pujan men grahya hain. 52. grahya fal - jamun, anar, ninbu, imli, bijaura, kela, anvla, ber, am tatha katahal adi fal devpujan men grahya hain. 53. dhup - agar evan guggul ki dhup vishesh rup se grahya hai, vaise chandana-chura, balachar adi ka prayog bhi dhup ke rup men kiya jata hai. 54. dipak ki battiyan - yadi dipak men anek battiyan hon to unki sankhya visham rakhni chahie. dayin or ke dipak men safed rang ki batti tatha bayin or ke dipak men lal rang ki batti dalni chahie.
Kya aapko lekh pasand aaya? Subscribe
Kya aapko lekh pasand aaya? Subscribe


shrikrishn visheshank  August 2016

fyuchar samachar ka vartaman ank bhagvan shrikrishn ko samarpit hai. is ank men bhagvan shrikrishn, unse sambandhit kahaniyan evan shrimad bhagavadgita ke mahatvapurn vyakhyanon ko samavisht kiya gaya hai. mahatvapurn alekhon men sammilit hain: gita ke shabdarthon ka mul evan vartaman, shrikrishn ji ka bhagavad prapti sandesh, sankshipt gitopnishad krishn ki ras lila ya jivan ras lila, karm ka dharm adi. iske atirikt patrika ke anya sthayi stambhon ke antargat anek vicharottejak alekhon ko sanlagn kiya gaya hai.

Subscribe

Apne vichar vyakt karein

blog comments powered by Disqus
.