मृत्यु के बाद !

mrityu ke bad !  

Ank ke aur Lekh | Sambandhit Lekh | Views : 1971 |  
parashar ke anusar pratyek vyakti ki mrityu ka svarup bhi uske purva janm ke karmon ke adhar par hi nirdharit hota hai. mrityoprant sharir nasht hokar panchmhabhuton men vilin ho jata hai lekin sharir men sanrakshit shakti nasht nahin hoti. yah karmanusar punarjanm ko prapt karti hai ya ati shreshth karmon ke falasvarup parmatma men vilin ho jati hai. mrityu ke bad kya? is prashn ke samadhan hetu vibhinn dharmon ke shastriya granthon men jo vivechan hai usse adhik rochak ve anubhav hain jo logon ne us samay mahsus kiye jab unki achanak se mrityu ho gayi. chikitsakon ne bhi unhen mrit ghoshit kar diya parantu ye log kuch minat ya ghanton ke bad punarjivit ho gaye aur unhonne mrityu ke bad ke anubhvon ko sajha kiya. in sabhi logon ke anubhvon men bahut si baten saman payi gayin. is prakar ke anubhvon ko niyar deth eksapiriyens ;chakmddh arthat mrityu ke samip ka anubhav kaha jata hai. aisa anubhav prapt karne vale logon ke kuch saman anubhav hain - aisa mahsus hona ki meri mrityu ho gayi hai. purn shanti ka anubhav, taklifon ka ant, sakaratmak bhavnaen, sansar se algav hone ka anubhav. apne sharir se bahar nikalakar yah dekhna ki yah mera mrit sharir para hai. ek surang se andar jana, sirhiyan charhna ya ek andhere men pravesh karna. teji se ek daidipyaman roshni men aplavit ho jana jo manav se sanvad karti hai. bina kisi shart ke prem ki tivra anubhuti v svikriti. roshni se bane shvet vastradhari jatkon se samna. sanbhvtah jatak ke mrit premijan v purvaj/pitri adi. apne jivan vrittant ka chalchitra dekhna. manav jivan ke uddeshya v brahmand ki prakriti ka gyan prapt karna. ek aisi sima rekha par pahanuch jana jahan se manav sharir men vapas lautne ke svayan ke nirnay karne ki sthiti par ap khare hote hain aur uske kuch kshan bad hi vapas lautne ki ichcha samapt hone lagti hai. achanak se apne apko apne sharir ke andar punah vapas aya mahsus karna. is anubhav men sabhi ko 5 nimnankit avasthaen avashya hi mahsus hoti hain- shanti, sharir se alag ho jana, andhere men pravesh karna, roshni ko dekhna, roshni men pravesh karna. mrityu ke samip ka anubhav hote samay manav ki samast chetna shakti mano mastishk se nikalakar bahar a jati hai aur us adhyatmik kshetra par drishtipat karti hai jahan manav ki atma mrityu ke bad pravesh karti hai. chakm namak anubhav aksar klinikal deth ke samay mmla ke flet ho jane par mahsus kiya jata hai. men strim nyuro sains ke anusar us samay manav mastishk karya karna band kar deta hai, jise bren deth kahte hain. bahut se logon ke bahut se anubhav hain jo yah satyapit karte hain ki mrityu jivan ka ant nahin hai apitu mrityu ke bad bhi jivan hai. jivan ke bad mrityu aur mrityu ke bad jivan yah param satya hai. yahi bhagavatgita ka bhi gyan hai jismen yah kaha gaya hai ki atma ajar amar hai. yah n paida hoti hai aur n marti hai. mrityu ke bad insan kahan jata hai? mrityu ke pashchat insan ya to svarg jata hai, moksh prapt karta hai, narak jata hai, punarjanm leta hai ya pret yoni prapt karta hai. mrityu ke pashchat jiv ki gati uske karmon par nirbhar karti hai. ishvar ki sadhna men tallin yogi moksh prapt kar leta hai. satvagun pradhan vyakti mrityoprant uttam karm karne valon ke nirmal divya svargadi lokon ko prapt hota hai evan bahut samay pashchat yogi adi ke shreshth kul men janm lete hain. rajoguni vyakti marnoprant karmon ki asakti vale manushya yoni men utpann hota hai aur bar-bar janm leta rahta hai. tamoguni manushya mrityu ke bad kit, pashu adi 84 lakh adham yoniyon men utpann hota hai. sansar se bahut adhik asakti ho to yah pret yoni men pravesh karta hai. mrityu ke bad atma pret yoni ko prapt hoti hai. parivar se asakti ke karan das din tak vahin vas karti hai aur parijnon dvara arpit devann (jau, til v chaval se nirmit pinddan) prapt karti hai. atah dasven, gyarhven, barhven v terhven din ke pashchat atma yam dvara nirdharit lok ko chali jati hai. ek varsh ke uprant anya dharmakriyaen ki jati hain tatpashchat atma pitri sangya prapt karti hai. pratyek jatak ke parivar men usse pahle mrityu ko prapt hone vale samast jan us jatak ke pitri kahlate hain. achche karm karne vale, achche v bure karm karne vale bure pitri apne apne punyon ke prabhavanusar jatak ke parivar ki pirhiyon ko prabhavit karte hain. marnoprant jis atma ki sadgati nahin ho pati tatha jo punarjanm, narak, svarg athva moksh ke dvar par pravesh nahin kar pati vah bich men hi latak kar pret yoni men pravesh karti hai aur aisi atma pitri dosh ka karan banti hai. surdas ji ke anusar- ‘koi bhi vyakti yadi brahm muhurt men uthakar snanadi se pavitra hokar agyachakra men donane bhaunhon ke madhya drishti kendrit karke adha ghanta dhyan kare tatha fir sanputit mahamrityunjay mantra ka dhyanpurvak jap ek varsh tak niyamit rup se kare to bhayankar se bhayankar rog to dur ho hi jate hain, purvajanm bhi dikh jata hai aur manav ki ritanbhrapragya jagrit ho jati hai’. shankracharya (advait vedant pravartaka) ke anusar vyakti jab tak agyanavash yah sochta hai ki atma brahm se bhinn hai, tab tak vah punarjanm ke chakkar men fansa rahta hai. is prakar, maya ke vashibhut hokar vyakti bar-bar janma-maran ke chakkar men ghumta rahta hai. ramanuj (vishisht dvait ke pravartaka) ka kahna hai ki jiv sukh bhogne ki kamna se itna prabhavit rahta hai ki use bar-bar janm lena parta hai. vyakti ki sukh ki ichchaen is jivan men purn nahin ho saktin, islie use anya janm dharan karna parta hai. jyotishiya bhasha men punarjanm ko prarabdh kahte hain. prarabdh pichle janm men kie gae karmon dvara bane sanskaron ka kaiset hota hai jo atma men nihit rahta hai. kuch bachche janm se hi bahut gyani hote hain. us vakt sharir saksham nahin hota, parantu atma apni bhumika ka pichle janm ke anurup nirvah karti hai. isse siddh hota hai ki pichle sanskaron ko hi punah dohraya jata hai. sukshm sharir, jismen indriyon ki shaktiyan aur man rahte hain, mrityu ke bad bhi shesh rahta hai, jivatma ise ek sharir se dusre sharir men aise le jati hai jaise vayu sugandh ko le jati hai. n jayte mriyate va kadachin nayan bhutva bhavita va n bhuyah. ajo nityah shashvato'yan purano n hanyate hanyamane sharire.. bhagavadgita - shlok 20, adhyay-2 atma n kabhi paida hoti hai n marti hai aur n yah utpann hokar fir hone vali hi hai. kyonki yah ajanma, nitya, sanatan aur puratan hai, sharir ke mare jane par bhi yah nahin mari jati.
Kya aapko lekh pasand aaya? Subscribe
Kya aapko lekh pasand aaya? Subscribe


shrikrishn visheshank  August 2016

fyuchar samachar ka vartaman ank bhagvan shrikrishn ko samarpit hai. is ank men bhagvan shrikrishn, unse sambandhit kahaniyan evan shrimad bhagavadgita ke mahatvapurn vyakhyanon ko samavisht kiya gaya hai. mahatvapurn alekhon men sammilit hain: gita ke shabdarthon ka mul evan vartaman, shrikrishn ji ka bhagavad prapti sandesh, sankshipt gitopnishad krishn ki ras lila ya jivan ras lila, karm ka dharm adi. iske atirikt patrika ke anya sthayi stambhon ke antargat anek vicharottejak alekhon ko sanlagn kiya gaya hai.

Subscribe

Apne vichar vyakt karein

blog comments powered by Disqus
.