आप और आपके भाग्यवर्धक पौधे

ap aur apke bhagyavardhak paudhe  

Ank ke aur Lekh | Sambandhit Lekh | Views : 2106 |  
hamare jivan men per-paudhon ki aham bhumika hai. per-paudhe hamare sanskar se lekar sanskriti tak men shamil hain. koi per-paudha aushdhiya gun rakhta hai, to koi adhyatmik mahatva. vastu shastra men bhi per-paudhon ka khub mahatva hai. yahan tak ki kai per-paudhon ko ham pujte bhi hain aur hindu samaj men inka ek khas sthan bhi hai. vastu men bhi per-paudhon ka bahut mahatva hai. kai vriksh aise hain, jo disha vishesh men sthit hone par shubh athva ashubh fal dete hain. ghar ke uttar men, purva men tatha uttara-purva men kam unchai vale paudhe, jaise tulsi, genda, anvla, champa, chameli, motiya adi lagane chahie. ye paudhe vayu ko shuddh rakhte hain. ghar ke dakshin-pashchim men unche per jaise nim, bar, pipal adi hon to shubh prabhav dete hain. apki rashi/lagn ke anusar apke lie kaun sa pau}aa lakki sabit ho sakta hai, aiye apko batate hain- mesh: ap svabhav se parishrami aur sahsi mahila hanai. dhairya ki apmen behad kami rahti hai, islie turant parinam n ane par ap kam ko bich men hi chorne ka sochne lagti hain. iske sath hi apke man men svatantrata ki bhavna hamesha rahti hai. apke pas urja ka asimit bhandar hai. apki rashi ka svami mangal hai islie mangal ko prasann karne hetu apke lie khair ke per ko jal dena atyant shubh rahega. iske alava lal ful vale per-paudhe jaise gulab lagana bhi apke lie bahut shubh rahega. vrish: ap kathin karyon ko bari sarlta se pura karna janti hain. apki avaj aur bol-chal ka dhang bahut akarshak hota hai. apka apni bhavnaon par bahut achcha niyantran rahta hai. apke lagna/ rashi ka svami shukra grah hai. shukra grah ki shubhta apko svasthya, unnati aur saflta degi. shukra grah ki purn shubhta prapt karne ke lie apko gular ka per lagana chahie. iske alava ap safed fal-ful vale bare per/paudhe bhi lagaen to isse bhi apko labh hoga. mithun: ap ek bahumukhi pratibha ki mahila hanai. kisi aur par vishvas n karke khud par vishvas karna apka mukhya aur mahatvapurn gun hai. iske sath hi ap mansik pratibha se paripurn hain. ap kutniti se kam leti hanai. apki lagna/rashi ka svami budh hai. budh grah ko shubh banae rakhne ke lie ap apamarg aur vidhara nam ke per lagayen. iske sath hi ap bina fal aur bina ful vale chote paudhe bhi lagaen, to apke lie jyada labhaprad rahega. in paudhon ko ap nitya snan adi kar jal den aur seva karen. karka: ap pratyek karya ko karte samay bhavnatmak rup se juri rahti hain. lagatar karya karte rahna apka svabhav hota hai. islie bina thake nirantar karya karna apke svasthya par bhi kai bar bura asar dalta hai. ap har paristhiti men svayan ko dhal lena janti hanai. apki rashi/lagn ka svami chandra grah hai. chandra grah ki ashubhta ko dur karne aur shubhta ko barhane ke lie ap palash ka per lagayen. iske atirikt apke lie tulsi ka paudha lagakar uski seva karna bhi shubh fal pradayak rahega. sinh: ap aishoaram ka jivan pasand karne vali mahila hain. svayan karya karne ki apeksha ap karya karvana adhik pasand karti hain. jaldi se kisi ki bat manna ya us par sahamat hona apke lie mushkil hota hai. sabke lie apke man men saman vyavhar rahta hai. apni rashi/lagn ki shubhta prapti ke lie ap bel ka per lagayen. yah per ap vishesh rup se savan ke mah men lagayen to isse prapt hone vale falon men barhottari hogi. iske alava ak ka paudha aur lal rang ke ful vale bare per lagana bhi apko shubhta dega. kanya: ap bilkul saf dil ki mahila hain. ap chal-kapat nahin janti hain, lekin kisi karya ko karne ke lie jis ranniti ki avashyakta hai uska istemal ap avashya karti hain. ap svayan se jure pratyek vyakti se sneh karti hain, kisi ke bhi prati apne man men koi galat bat nahin rakhti hain. apki rashi/lagn ka svami budh grah hai. budh grah ki shubhta prapti ke lie ap vidhara ya apmarg nam ka per lagayen tatha ap apne as-pas jitni hariyali rakhengi utna apke lie shubh rahega. tula: ap samanya rup se saumya rahne vali mahila hanai, parantu jarurat parne par ap kathor bhi ho jati hanai. iske atirikt ap bhog-vilas ki vastuon ka upbhog karna aur kharidna jyada pasand karti hain. ap vishesh rup se saj-sajja aur apne kapron ka dhyan rakhti hain. apki rashi/lagn shukra grah ke svamitva ke antargat ati hai. shukra grah ki shubhta hetu ap gular ka per lagayen aur nitya is per ko jal den tatha safed aur khushbu dene vale bare per lagana bhi apko shubhta pradan karega jaise safed gulab ya safed genda, mogra adi . vrishchik: ap prabandh karyon men nipunta rakhne vali mahila hanai. apko anushasnhinta bilkul pasand nahin hai. bhavukta ka bhav ap men adhik hone ke karan apko kabhi-kabhi choti-choti baten bhi buri lag sakti hain. apke lagna/rashi ke svami mangal grah hanai. apni rashi svami ki shubhta prapt karne ke lie ap lal rang ke per aur lal rang ke ful vale paudhe lagayen. yah apke lie shubh rahega. iske sath hi ap khair ka per bhi laga sakti hain. dhanu: ap adarshavadi hone ke karan utsahi svabhav ki mahila hain. apmen chal-kapat ki bhavna nahin hoti hai. apki adhyatm aur jyotish ke prati adhik ruchi hoti hai. iske sath hi ap buddhiman bhi hanai. apki baton men ganbhirta ka bhav adhik hota hai. apki salah ka anek log labh uthate hain. apki rashi/lagn bhav ka svami guru hai. guru grah ki purn shubhta prapti ke lie ap kele ka per lagayen. kele ka per lagakar ap nitya iski seva karen aur jal bhi den. yah per apko shubhta dega. makr: ap bina ruke nirantar karya karne ka svabhav rakhti hain. ap bahut mehnti hain parantu kabhi-kabhi ap bahut alsi bhi ho jati hain. ap drirh nishchayi aur sanymi bhi hain. jivan men ane vali badhaon se ap ghabrati nahin hain, balki unka datakar mukabla karti hain. ap dusron ki madad karne ki pravritti rakhti hain sath hi ap bahut hansmukh bhi hanai. apki rashi/lagn ko shubhta dene ke lie ap shani grah ka shami nam ka per lagayen. is per ki nitya seva aradhna karne se shani dev prasann hokar apke sabhi kashton ko dur karenge. kunbh: ap dil ki saf aur sadaiv dusron ki sochne vali sadhu pravritti ki mahila hain. apka dil sadaiv saf hota hai aur kisi ki alochna karna apko bilkul nahin bhata hai. samaj aur sarvahitkari karya karna apki pahli pasand hai. ap vishyon ko gahrai men jakar sochti hain. iske atirikt apki adhyatm men bhi ruchi ho sakti hai. ap bahut dhire-dhire aur soch samajhakar karya karna pasand karti hain. apki rashi/lagn ke svami shani grah hain. shani grah ki ashubhta hetu ap shami ya nile ful vale per lagayen. ye apke lie vishesh rup se shubh rahenge. min: ap svabhav se mahatvakankshi mahila hain. apki pravritti svatantra hai. apmen atmavishvas ki bhavna prabal rup se pai jati hai. apne atmavishvas ke karan hi ap saflta aur samman prapt karti hain. iske sath hi apmen dharmik granth aur sahitya ke prati vishesh ruchi hoti hai aur ap achchi guru sabit hoti hain. aksar log apni pareshani lekar apke pas ate hain aur apki salah pakar khush hote hanai. apne rashi svami guru ki shubhta pane ke lie ap kele ka per lagayen aur pile ful vale per bhi laga sakti hain. prastut lekh men apne bare men janne ke lie apne lagn anusar parhen. yadi lagn n malum ho to chandra rashi anusar padhen. yah bhi n malum ho to janm tarikh anusar surya rashi gyat kar lekh parhen. lagn jo ki janm tarikh, samay v sthan par nirbhar karta hai apki chavi ko 100 pratishat charitarth karta hai jabki chandra rashi jo keval janm tarikh par nirbhar karti hai keval 50 pratishat aur surya rashi jo keval janm mah par nirbhar karti hai keval 25 pratishat chavi ko darshati hai.
Kya aapko lekh pasand aaya? Subscribe
Kya aapko lekh pasand aaya? Subscribe

shrikrishn visheshank  August 2016

fyuchar samachar ka vartaman ank bhagvan shrikrishn ko samarpit hai. is ank men bhagvan shrikrishn, unse sambandhit kahaniyan evan shrimad bhagavadgita ke mahatvapurn vyakhyanon ko samavisht kiya gaya hai. mahatvapurn alekhon men sammilit hain: gita ke shabdarthon ka mul evan vartaman, shrikrishn ji ka bhagavad prapti sandesh, sankshipt gitopnishad krishn ki ras lila ya jivan ras lila, karm ka dharm adi. iske atirikt patrika ke anya sthayi stambhon ke antargat anek vicharottejak alekhon ko sanlagn kiya gaya hai.

Subscribe

Apne vichar vyakt karein

blog comments powered by Disqus
.