अगस्त मास के अन्य व्रत त्योहार

agast mas ke anya vrat tyohar  

Views : 2040 | August 2016

2 agast (bhaumvti amavasya): shravan krishn amavasya ko hariyali amavasya bhi kahte hain. is varsh amavasya ke sath manglvar ka sanyog hone se is amavasya ka mahatva barh gaya hai. is din kisi nadi ya jalashay men jakar apne pitron ke nimitt tarpan karne se tatha brahmanon ko bhojan karane se pitrijan shighra prasann hokar ashirvad pradan karte hain. iske atirikt ganga nadi men snan karne se sahasra godan ke saman fal prapt hota hai.

7 agast (nagpanchmi): shravan shukla panchmi ko nag panchmi ka parva manaya jata hai. vishesh rup se ghar ke mukhya dvar par gay ke gobar se donon or sarpakriti banakar unka gandh, akshat, panchamrit, patra, pushp se shraddha purvak pujan karne evan ant men khir tatha malpue ka bhog lagane se varshabhar tak sarp adi vishaile jiv-jantuon ke bhay se raksha hoti hai.

14 agast (pavitra ekadshi vrat): shravan ekadshi ko pavitra ekadshi kahte hain. vishesh rup se is din kisi saubhagyavti stri se sut katva kar trigunit banakar pavitrak ki lanbai jangha nabhi paryant rakhen, usmen yatha samathrya 360, 270, 180, 54 athva 27 ganth lagaen. us pavitrak ko panchagavya se prokshan karke shankh ke pani ke chinte den, use ratabhar rakhakar vrat ke dusre din bhagvan ko dharan karvaen. vidhi-purvak vrat upvas karne se bhagvan narayan ki vishesh kripa prapt hoti hai.

15 agast (somapradosh vrat): somvar ke din pradosh kal men trayodshi tithi ka sanyog hone se som pradosh vrat hota hai. vaise to som pradosh vrat ka vishesh mahatmya hota hai lekin is varsh shravan mas ke somvar ko yah sanyog hone se is vrat ka adhik guna shubh fal hoga, is din kisi pushp udyan men bhagvan shankar ka pujan karne se tatha ratri ke do ghati vyatit hone tak ek samay bhojan karne se bhagvan shankar bahut prasann hote hain tatha shraddhalu ki manokamna purn hoti hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

shrikrishn visheshank  August 2016

fyuchar samachar ka vartaman ank bhagvan shrikrishn ko samarpit hai. is ank men bhagvan shrikrishn, unse sambandhit kahaniyan evan shrimad bhagavadgita ke mahatvapurn vyakhyanon ko samavisht kiya gaya hai. mahatvapurn alekhon men sammilit hain: gita ke shabdarthon ka mul evan vartaman, shrikrishn ji ka bhagavad prapti sandesh, sankshipt gitopnishad krishn ki ras lila ya jivan ras lila, karm ka dharm adi. iske atirikt patrika ke anya sthayi stambhon ke antargat anek vicharottejak alekhon ko sanlagn kiya gaya hai.

Subscribe


.