भगवान श्रीकृष्ण

bhagvan shrikrishn  

Ank ke aur Lekh | Sambandhit Lekh | Views : 1676 |  
bhagvan shri krishn ka avtar dharma raksha ke lie hua. bhagvan bhakton ki pira nasht karne v dharm ki sthapna hetu avtar grahan karte hain, bhakton ki raksha karte hain, dushton ka daman karte hain. bhagvan shrikrishna sakshat dharmamurti hi hain aur ismen yah bhi ki bhagvan ne sabke sath dharma ke anusar vyavhar kiya aur apne amritrupi updeshon se hi nahin pratyut apne adarsh achrnon se bhi ham logon ko dharm ka svarup dikhlaya aur path pradarshan kiya hai. -mata pita ke prati shri bhagvan ne apni sava gyarah varsh ki avastha men kans ko marakar shri devki ji tatha shri vasudev ji ko karagrih se churaya aur unse hath jorkr pranam kiya. bhagvan ne palk mata-pita shri yashoda ji aur shri nand gop ji ke sath prempurn lilaen kin tatha namrata purvak vyavhar kiya. jyeshth bhrata shri balram ji ki ichcha ka hamesha samman kiya. apne guru shri sandipini ji ki bari seva ki, brahmanon ke prati hamesha shri krishna ji ne shraddha rakhi tatha unhen bhulok ka devta manakar unki seva ki. bhagvan shri krishn ji ne gomata ki seva bachapan se ki. gomata ke prati unka prem mahan tha, shri krishn ji ki gau seva prasiddh hai. nange panv go charane bhagvan jangal men gaye. bhagvan shri krishn ne bhakton ke prati prem sadaiv rakha shri bhagvan ne shri vedavyas, uddhav, vidur adi bhaktajanon ke sath achcha aur prem ka vyavhar kiya. bhagvan shri krishn purnavtar the. ve ishvar ki purn kala athva shakti ko lekar vatirn hue the. ve ek uchch shreni ke rajniti visharad, yogi v gyani the. bhagvan shri krishna ko murli manohar bhi kahte hain. jab bhagvan shri krishn vanshi bajate the tab uski dhvani gopiyon ke kanon ko keval madhur hi nahin lagti thi balki ek vilakshan prakar ka divya sandesh milta tha. ‘klin bhagvan shri krishn ka bijakshara hai. is mantra men bari shakti hai. isse manastattva men jor ka spandan hota hai jisse man ki rajsi vritti badal jati hai. isse chit men ek prakar ki prabal adhyatmik kalpana utpann hoti hai jisse uski shuddhi, ekagrata tatha dhyan men bari sahayta milti hai. isse vairagya aur antarmukhi vritti jagrit hoti hai, vasnaen evan kam, krodh nasht hote hain. bhagvan shri krishn ka yah mahamt hai, gopaltapni upnishad men iska ullekh hai. shraddha purvak 1800000 atharah lakh jap karen yah ashtadshakshar mantra is prakar hai. un klin krishnay govinday gopijanavallabhay svaha. shri krishn ka ‘un’ namo bhagvte vasudevay yah dusra mantra hai. dhruv ne isi mantra ka jap karke bhagvan ka darshan prapt kiya tha. is mantra ka 12 lakh jap karne ki vidhi hai. hamara hriday hi asli vrindavan hai. bhagvan hamare hriday men hain. hamen apne hriday men vrindavan dhunrhna chahie. rukmini aur radha ye bhagvan shri krishn ki do shaktiyan (kriya shakti aur gyan shakti) hain. arjun jivatma hain aur bhagvan shri krishn parmatma. hamara man kurukshetra hai, man, indriya, vishy-sanskar-kam, krodh, lobh, moh, ahankar se yuddh karna hi vastavik yuddh hai. draupdi man hai, panchon pandav panch gyanendriyan hain. janmandh dhritrashtra mul avidya hai, gopiyan nari hanai. bhinna-bhinn nariyon ko vash men karke atmanand ka anubhav hi gopiyon ke sath vihar hai, yahi mahabharat yuddha ka abhipray hai. gita men bhi bhagvan gyan yog, bhaktiyog, karm yog, ke bare men batate hain jisse manushya ishvar ko prapt karen. bhagvan shri krishn yadvendra the. shri krishn chandravanshiya the. inka janm bhadra krishn ashtami ki madhyaratri ko thik 12 baje hua tha. bhagvan shri krishn ki kundli men chandrama uchch ka tha. bhagvan shri krishn ne sansar ka kalyan kiya v bhakton ki raksha ki, dharm ki maryada sthapit ki.
Kya aapko lekh pasand aaya? Subscribe
Kya aapko lekh pasand aaya? Subscribe


shrikrishn visheshank  August 2016

fyuchar samachar ka vartaman ank bhagvan shrikrishn ko samarpit hai. is ank men bhagvan shrikrishn, unse sambandhit kahaniyan evan shrimad bhagavadgita ke mahatvapurn vyakhyanon ko samavisht kiya gaya hai. mahatvapurn alekhon men sammilit hain: gita ke shabdarthon ka mul evan vartaman, shrikrishn ji ka bhagavad prapti sandesh, sankshipt gitopnishad krishn ki ras lila ya jivan ras lila, karm ka dharm adi. iske atirikt patrika ke anya sthayi stambhon ke antargat anek vicharottejak alekhon ko sanlagn kiya gaya hai.

Subscribe

Apne vichar vyakt karein

blog comments powered by Disqus
.