brihat_report No Thanks Get this offer
fututrepoint
futurepoint_offer Get Offer
पंचदिवसात्मक- महापर्व दीपावली

panchdivsatmaka- mahaparva dipavli  

Ank ke aur Lekh | Sambandhit Lekh | Views : 1790 |  
dipavli prakash parva hai. yah andhkar par prakash ki vijay ka dyotak hai. amavasya ki ratri men dipmalaon ki roshni andhkar ke prati prakash ke sangharsha evan vijay ka sanket hai. dipavli ko ‘kalratri’ evan ‘mahanisha’ ki sangya bhi di gai hai. dipavli parva panch divsiya parva hai. iska aranbh dhanatrayodshi se ho jata hai aur bhai duj tak chalta hai. pratham divs panch divsatmak dipavli parva ka pahla din kartik krishn paksh ki trayodshi ko dhanatrayodshi athva dhanteras ke rup men manaya jata hai. is din jahan bhagvan dhanvantari va dhan ke data kuber ki puja heati hai vahin yamraj ke nimitt dipdan ka niyam hai. samudra manthan ke dauran hathon men amrit ka kalash lie dhanvantari ji ka prakatya isi din hua tha. dhanvantri ayurved ke jank hain. dhanteras ke din dhanadhyaksh kuber ki puja hoti hai. is din dhatu ke bartan kharidna samriddhidayak evan shubh mana jata hai. is din kisi ko bhi udhar nahin dena chahie. kuber ka pujan karne se ghar men dhan ki vriddhi hoti hai. kuber yantra ka pujan vishesh kar chandi ka bartan v sikke ka pujan jarur karen. dhanatrayodshi ke din sayankal mukhyadvar ke donon or yam ke nimitt dipdan karen. isse yamraj prasann rahte hain. akal mrityu ka bhay nahin rahta. dvitiya divs is divas ko kartik krishna chaturdashi, narak chaturdashi ya rup chaturdashi ke rup men manaya jata hai. ise choti dipavli bhi kahte hain. is din suryoday se pahle ubtn lagakar shital jal se snan karne ka vidhan hai. aisa karne se nark men jane ka bhay nahin rahta. is din tel se sharir par malish karen kyonki is din tel men lakshmi ka aur jal men ganga mata ka nivas mana jata hai. is din vishesh rup se hanuman jayanti ka parva manaya jata hai. hanuman ji ke nimitt havan, pujn v unki upasna ki jati hai. bhagvan shri krishn ji ne isi din narkasur ko marakar uske atank se sabko mukt kiya tha. tritiya divs kartik amavasya dipavli parva ke rup men manai jati hai. is din man lakshmi ka janm divas hai. kamla jayanti hone ke karan is din man lakshmi ki puja upasna ka mahatva hai. bhagvan shriram is din 14 varsh ka vanvas bhogakar lautai the. dipavli ratri ko mahanisha ki sangya di gai hai. dipavli ki rat men jagaran kar man lakshmi ka svagat karna chahie. man lakshmi ka vishesh pujan vrish lagna ya sinh lagn men karne ka vidhan hai. pradosh kal bhi shreshth hai. vyapari apne sthal par puja karte hain. tula, bahikhate, lekhni, davat, kuber, mana sarasvati ka pujan, man lakshmiji ke sath shri ganesh, kalash, navagrah mahakali, mahasarasvati ke pujan ka vidhan hai. dudh, dahi, shahad, gangajl se man lakshmi ko snan karayen, khil, batashe ka bhog lagayen. isi din man lakshmi samudra se pragat huin yah divas man lakshmi ji ka janmadivs bhi hai. akhand dipak jalakar man lakshmi ki puri rat upasna karen. ho sake to din rat vrat karen. man lakshmi ko khir ka bhog lagaen. shri yantra, kanak dhara yantra, kuber yantra ki puja karen. chaturth divs kartik shukla pratipda ko ‘govardhana puja’ aur annakut parva ke rup men manaya jata hai. nand baba indra ki puja karvate the lekin bhagvan shri krishn ne indra ki puja band karvai v prakriti ki puja ka sandesh diya. shri krishn ne govardhan ki puja shuru karvai. indra ne sat din tak ghanghor varsha ki. shri krishn ji ne govardhan parvat ungli par uthakr sabki raksha ki. indra ko bhagvan ki sharan men ana para. indra ka ahankar samapt hua. is din mandiron men ya gharon men govardhana gobar se banakar pujn kiya jata hai. naivedya ka bhog lagaya jata hai. sath men shri krishn ji ki puja ki jati hai. is din 56 bhog ka vidhan hai. mandiron men annakut mahotsav manaya jata hai. govardhana ko go divas ke rup men bhi manaya jata hai. is din rat mane raja bali ki puja ki jati hai. pancham divs kartik shukla dvitiya ko ‘bhai duj’ yam dvitiya ke rup mane manai jati hai. is din bhai apni bahan ke ghar jakar bhojan karte hain. yam ki bahan yami ke dvara is din yam ko bulakar bhojan karvaya gaya tha. bhojan ke bad tika bhi kiya tha. yam ne prasann hokar apni bahan ko anek prakar ke uphar bhent kiye. yamraj ne yami se kaha jo bahan is din apne bhai ko bhojan karayegi tika karegi uski raksha hogi, use yam ka bhay nahin rahega. is parva ko ‘‘yam dvitiya’’ kaha jata hai. is din chitragupt ji aur vishvakarma ji ki puja bhi ki jati hai. dipavli ka mahatva dipavli ke sanbandh men sarvadhik prachlit manyata yah hai ki is din samudra manthan ke dauran mata lakshmi ka pradurbhav hua tha aur unhonne bhagvan vishnu ka varan kiya. isi karan ve vaishnavi hanai. dipavli ki rat man lakshmi vicharan karti hain tatha ghar-ghar jakar bhakton ko ashirvad deti hain. man lakshmi ke svagat men sabhi log dip jalakar man lakshmi ka svagat v pujan karte hain. danvir bali ko vardan vamnavtar men bhagvan shri vishnu ne raja bali ko vardan diya tha ki prati varsh kartik krishn trayodshi se kartik krishn amavasya tak prithvi par uska raj rahega aur prithvivasi dipotsav manate hue dipdan karenge. ram pahanuche the ayodhya shri ram, mata sita ji sahit isi din lanka vijay ke bad 14 varsha ka banvas samapta karke ayodhya laute the. ayodhya vasiyon ne nagar ko dipmalika se jagmga diya tha tabhi se dipavli manai jane lagi. pandav v dipavli ah bhagvan shri krishn ne kartik krishn chaturdashi ko atyachari asur narkasur ka vadh kar 16100 rajakanyaon ko mukt karva unka uddhar kiya tha. iske dusre din kartik krishna amavasya ko shri krishn ke abhinandn ke liye dipmalika sajai.
Kya aapko lekh pasand aaya? Subscribe
Kya aapko lekh pasand aaya? Subscribe

dipavli visheshank  October 2016

fyuchar samachar ke vartaman visheshank ko vishesh rup se man lakshmi ko samarpit kiya gaya hai. pratyek jan ratonrat amir v sukh suvidha vali jindagi ki tamanna karta hai lekin man lakshmi ko pratyek admi prasann nahin kar pata, lekin dipavli ke avasar par unki vidhi vidhan se puja karke ap man lakshmi ko akarshik kar sakte hain. is vartaman visheshank men man lakshmi ke upar kai achche lekh sammilit kiye hain. lakshmi ko akarshit karne ke v prasann karne ke totke adi bhi sammilit kiye gaye hain inke atirikt sthayi stambhon men purva ki bhanti hi jyotish par adharit lekh bhi shamil hain, jinmane se kuch lekh is prakar hain: mahashaktidayini man durga puja ka jyotishiya yog, panchmha divsatmak mahaparva dipavli, dipavli pujan vidhi, lakshmi prapti ke svarnim saral prayog, dhan prapt karne ke saral totke, dhan prapt karne ke achuk upay, prasann karen rashi anusar lakshmi ji ko, shrividya sadhna adi.

Subscribe

.