महिमामय है वृन्दावन

mahimamay hai vrindavn  

Ank ke aur Lekh | Sambandhit Lekh | Views : 1446 |  
triyog ke pravatrtak bhagvan shri krishn ki lila bhumi, mandiron ki nagri, vrinda ka dham aur bhartiya tirthon ke shridham ke namon se alankrit tirthon ka desh bharatavarsh ke sadabhar tirthon men suvikhyat brajapradesh ke hridayakshetra men virajman vrindavan mahabharat kal ke purva se hi dharm v adhyatma ka kendra raha hai. desh ke sapt punit pavitra dhamon men ek shri krishn ki janmabhumi mathura se karib 15 kimiuttara-pashchim 26.330 uttari akshansh aur 66.410 purvi deshantar par avasthit punya sarita yamuna ke kinare barah vanon ke samuh se bana vishal van kshetra hi aj ka vrindavan hai jo ek or nandagram se dusri or govarddhan tak suvistrit hai. jis prakar varansi se sarnath, gaya se bodhgya, haridvar se rishikesh, jagannathpuri se konark, ajmer se pushkar, rajgir se nalanda, shirdi se shani-shingnapur adi tirth abhinna rup se jura hai thik usi prakar mathura se chah mil ki duri par base vrindavan ki sthiti hai jo bharat desh ke bhramnkalin tirtha-sanskriti ka sanvahak sthal hai. shrimad bhagavat, harivansh puran, padmapuran, brahmavaivartapuran, tirtha dipika, raghuvansh sahit kitne hi prachin granthon men vrindavan ke vishad vrittant ankit hain. aur to aur jain sahitya, marathi sahitya, bangla sahitya, odiya sahitya aur brajbhasha men bhi vrindavan se jude aitihasik sanskritik vivrn upalabdh hain. vrindavan ke namakaran ke tin tathya varnan yogya hain. pahla to yah ki shri krishn ki pranaballabha shri radha ji ke solah namon men ek hai ‘vrinda’. chunki radha-krishn ka prathm ras, jise maharas bhi kaha gaya hai; isi van men hone ke karan yah vrindavan kahlaya. dusri yukti yah hai ki vrinda ka ashay tulsi se hai jo shri vishnu ko ativ priya hai. prachya kal men yah pura kshetra tulsi vriksh se achchadit hone ke karn vrindavan kahlaya to ek anya vivaran ke anusar raja mandar ki putri vrinda ne isi van prant kshetra men kathor sadhna v tap sanpann ki jis karan yah kshetra vrindavan kahlaya. namakaran ka adhar chahe jo bhi raha ho par yah tirth nagri aj bhi purnataya radhamay hai. pure nagar men sanbodhan v abhivadan ke pradhan shabda hain radhe-radhe. bhartiya tirthon men vrindavan ek sadabhar tirth hai. kashi, prayag aur gaya ki bhanti vrindavan ka vistar panchyojan hai jahan dev darshan ke kram men jhansi ke avlokan ka vishesh anand hai. vivaran hai ki gokul se kans ke atyachar se bachne ke lie nand ji kutumbiyon aur sajatiya ke sath vrindavan chale aye the. shri krishn ke bad yahan prarambhik nirman ka shrey shri krishn ke prapautra brajnabh ko diya jata hai. age ke samay men thursen janapad ke pramukh kendra ke rup men yahan ki uchch sthiti bani rahi. kalidas ne apni kriti ‘raghuvansh’ mane to narsi mehta ne apni giton men vrindavan ka varnan vivaran kiya hai. mahaprabhu ballabhacharya ka sthan bhi vrindavan men hi tha jahan mahakvi surdas dirghakal tak rahe. 16vin shatabdi ke praranbhik charan men shri chaitanya mahaprabhu ke agmnoprant is tirth ki khyati punah mukhrit hui. age svami haridas, shri hit harivansh, shri nimbakacharya, shri loknath baba, tailang svami, shri advaitacharya, shri matrityanand pad ji maharaj adi mahatmaon ke charan raj se yah sthan aur bhi pavitra hua. isi jamane se yahan devalay nirman ka kram aj tak jari hai. muglkal men aurangjeb ki krur nigah bhi idhar pari aur unhonne vrindavan ka nam ‘mominabad’ rakhne ka bhi bharasak prayas kiya. is kal men mathura-vrindavan ke kitne hi devalay kopbhajan ke shikar bane par raje rajvaron ki danabhakti va jat rajaon ke udyog se vrindavn ki asmita bani rahi. british shasn kal men bhi yahan un vidrup-devalyon ka shringar usi purane dharre par kiya gaya. desh ke tapapradhan nadiyon men ek yamuna nadi vrindavan ko tin tarf se ghere hai. aj jise rasmandal kaha jata hai uske charane or yamuna nadi bahti hai. iske chaturdik darjanon mandir aur 12 chayadar vishal vriksha vatikaen shobhit hain. yamuna nadi ke ghat par pahunchte hi man puratan smriti men lin ho jata hai. yahan kitne hi ghat bane bigre par jo shesh hanai unmen keshi ghat, gopal ghat, govind ghat, tikari ghat, shringaravat ghat, vanshivat ghat, chirghat adi pramukh hain. barsat ke dinon men as-pas ki hariyali man mohti hai aur in ghaton se nauka vihar men ek alag anand hi prapta hota hai. kahte hain vrindavan men sadhe panch hajar mandir, sava sau se adhik ashram aur kunj aur 365 dharmashalaen hain aur pure nagar men aisi koi bhi gali, sark ya muhalla nahin jahan math, mandir ya ashram n hane. yahan ke pratishthit devalyon men govind dev mandir, rang ji mandir, madan mohan mandir, shri krishn balram mandir, shah ji mandir, radha-damodar mandir, banke bihari mandir, manas mandir, shri gopishvar mahadev mandir, brahmachari ji mandir, mirabai mandir, radha shyamsundr mandir, rasik bihari mandir, satyanarayan mandir, paglbaba mandir v prem mandir ka sunam hai. yahan ke anya tirth men gyangudri, hitras mandal, ashtasakhidham, vanshivat, nikunj ashram adi men bhi bhakt jarur jate hain. gau seva paranpra se jura mahan dham hai vrindavan jahan shri krishn ne bhi apne hathon se gau-seva ki hai. us jamane men yahan nau lakh gaen thin. aj bhi yahan adhe darjan se adhik gaushale hain jahan bhakt bandhu jakr gau seva men apna yogdan arpit kar dhanya hote hain. aise to vrindavn men harek bhartiya parva ko manane ka apna alag andaj v dhang hai par sarvadhik akarshan hoti hai yahan shri krishnajanmashtami. praranbh kal se hi mathura vrindavan men tirth parikrama ki bat hai to vrindavan men yah 4 mil ka hai aur svami vas ki jo chalis divsiya paranpra hai uska bhi samapan shri krishn janm utsav ke bad ho jata hai. vrindavan ko bhartiya tirthon men prem ki sthali ke rup men bhi alankrit kiya jata hai. yahi vah sthal hai jahan shri krishn ne gopiyon ke sath raslila rachate vanshi bajai to radhika ne apne priyatam ke virh men karun tan sunakar pure kshetra ko premamay bana diya. aj bhi yahan iske put kamobesh dekhe ja sakte hain aur logon men shalinta v milnsar bhav iske udaharan hain. jahan sabko lagta man hai vahi pyara vrindavan hai.. 84 kos ka mahadham braj pradesh, jo charon dham se nirala hai; ke anchal men virajit vrindavan darshaniya hai, vandaniya hai, adrniya hai to pujyaniya bhi hai, jahan ke kan-kan men radha-krishna vas karte hain.
Kya aapko lekh pasand aaya? Subscribe
Kya aapko lekh pasand aaya? Subscribe


shrikrishn visheshank  August 2016

fyuchar samachar ka vartaman ank bhagvan shrikrishn ko samarpit hai. is ank men bhagvan shrikrishn, unse sambandhit kahaniyan evan shrimad bhagavadgita ke mahatvapurn vyakhyanon ko samavisht kiya gaya hai. mahatvapurn alekhon men sammilit hain: gita ke shabdarthon ka mul evan vartaman, shrikrishn ji ka bhagavad prapti sandesh, sankshipt gitopnishad krishn ki ras lila ya jivan ras lila, karm ka dharm adi. iske atirikt patrika ke anya sthayi stambhon ke antargat anek vicharottejak alekhon ko sanlagn kiya gaya hai.

Subscribe

Apne vichar vyakt karein

blog comments powered by Disqus
.