अश्वगंधा:बलवर्धक एवं वात रोगों की विशेष औषधि

ashvagandha:balavardhak evan vat rogon ki vishesh aushdhi  

Ank ke aur Lekh | Sambandhit Lekh | Views : 78101 |  

ashvagandha, kahne ko to ek jangli paudha hai kintu aushdhiya gunon se bharpur hai. ise ayurved men vishesh mahatvapurn sthan prapt hai. jaisa ki nam se hi spasht hai ashva arthat ghora, gandh arthat bu arthat ghore jaisi gandh.

ashva gandha ke kachche mul se ashva ke saman gandh ati hai islie iska nam ashvagandha rakha gaya. ise asgandh barahakarni, asangh adi namon se bhi jana jata hai. angreji men ise bitar cheri kahte hain. yah sare bharat men paya jata hai, par pashchim madhya pradesh ke mandsaur jile tatha nagaur (rajasthan) ki ashvagandha prasiddh v gunkari hai. iska jharidar kshup lagabhag 2 se 4 fut bahushakha yukt hota hai. patte safed romyukt akhandit andakar hote hain. ful pila harapan lie chilam ke akar ke hote hain evan sharad ritu men niklte hain. fal golakar rasbhri ke falon ke saman hoete hain. fal ke andar kateri ke bijon ke saman pit-shvet asankhya bij hote hain. iska mul hi prayukt hota hai, jise jare men nikalakar chaya men sukhakar sukhe sthan par rakha jata hai. barsat men iske bij boe jate hain.

jari-butiyon ki dukan ya pansari ki dukan se milne vale shushk jar chote-bare tukron ke rup men milti hai. yah prayah kheti kie hue paudhe ki jar hoti hai. jangli paudhe ki apeksha inmen starch adi adhik hota hai. antrik prayog ke lie kheti vale paudhe ki jar tatha lep adi jangli paudhe ki jar se thik rahti hai.

ashvagandha ek balavardhak rasayan hai. iske is samathrya ke chir puratan se lekar ab tak sabhi chikitsakon ne sarahna ki hai. acharya charak ne asgandh ko utkrisht balya mana hai.

sushrut ke anusar yah aushdhi kisi bhi prakar ki durbalata krishta men gunkari hai. pushti-balavardhan ki isse shreshth aushdhi ayurved ke vidva an koi aur nahin mante. chakradatt ke anusar ashvagandha ka churn 15 din dudh, ghrit athva tel ya jal se lene par balak ka sharir pusht hota hai. ashvagandha ki prashansa men vidvanon ka mat hai ki jis tarah varsha hone par sukhi jamin bhi hari ho jati hai aur faslon ki pushti hoti hai vaise hi iske sevan se kamjor, murjhaye sharir bhi pusht ho jate hain. yahi nahin sard ritu men koi vriddh iska ek mah bhi sevan karta hai, to iske lie bahut faydemand hota hai.

yah aushdhi multah kaf-vat shamak, balavardhak rasayan hai. ashvagandha ko sabhi prakar ke jirn rogon, kshay shoth adi ke lie shreshth dravya mana gaya hai. yah sharir dhatuon ki vriddhi karti hai evan mans majja ka shodhan karti hai. medhavarddhak tatha mastishk ke lie tanav shamak bhi. murcha, anidra, uchch raktachap, shodh vikar, shvas rog, shukra daurbalya, kushth sabhi men saman rup se labhkari hai. yah ek prakar ke kamottejak ki bhumika nibhati hai parantu iska koi avanchniya prabhav sharir par nahin dekha gaya hai. yah zara nashak hai. ejing ko yah rokti hai v ayu barhati hai.

ek shodh se pata chala hai ki ashvagandha ki jar men kuch aise tatva bhi hain jismen kainsar ke tyumar ki vriddhi ko rokne ki paryapt kshamata hoti hai. is jad ke jaliya evan alkohlik faermula ka sharir par kam vishaila prabhav parta hai evan usmane tyumar virodhi gun prabal rup se pae jate hain. aisi prabal sanbhavna hai ki ashvagandha kainsar se chutkara dilane men bahut sahayak hai.

yadi ashvagandha ka sevan lagatar ek varsh tak niyamit rup se kiya jae to sharir se sare vikar bahar nikal jate hain. samagra shodhan hokar durbalata dur ho jati hai v jivan shakti barhti hai. sardi men iska sevan vishesh labhkari hai.

yunani men ashvagandha ko vahmnevron ke nam se lana jata hai. habb asgandh iska prasiddh yog hai. iska gun bajikaran, balavardhan, shukra, virya pushtikar hai. mahilaon ko prasvoprant dene se bal pradan karta hai.

ashvagandha sharir men satmikaran lakar jivni shakti barhane tatha shakti deene vale kayakalp ke lie chir prachlit rasayan hai. yah sharir ke sare sansthanon par kriyashil mana gaya hai.

vibhinn rogon men ashvagandha ka upyog

ayurved men vistrit ullekh prapt hai. ushn virya evan madhur vipak vala yah paudha vat, kaf shamak tatha nari balya, dipan, brihan evan shreshth vajikaran hota hai. vibhinn rogon men iska anya sahyogi aushdhiyon ke sath prayog:

vat vikar

ashvagandha churn do bhag, sonth ek bhag tatha mishri tin bhag anupat men milakar subh-sham bhojnoprant garm jal se sevan karen. yah anuprayog amvat sandhivat, nibandh, gais tatha udar ke anyanya vikaron men labhaprad paya jata hai.

sukha rog

sukha rog se grast balak ko iska kshir pak sevan karaen. svad ki vajah se bachcha aruchi dikhae, to ashvagandha churn 250 mi. gram bhiege hue badam ki ek giri ko pisakar dudh ke sath pilane se kuch samay men hi balak ka sharir hrishta-pusht ho jata hai tatha vajan barhakar sharir kantimay ban jata hai.

kshir pak banane ki vidhi

ashvagandha ka barik churn 10 gram, dudh 250 mili, pani 250 mili. milakar kisi kanch ke bartan men mand agni par ubalen, jab jal ur jae aur adha rah jae to mano kshir taiyar hai.

anidra rog men

ashvagandha svabhavik nind lane ke lie ek achchi dava hai, jinhen gahri nind nahin ati ya fir jo nind nahin ane ke rog se pareshan hain unhen iska kshir pak banakar sevan karna chahie.

stri rogon men

shvet pradar men iska churn 2 gram ke sath, 1/2 gram vanshlochan milakar sevan karen. alp viksit stanon ke vikas ke lie shatavri churn ke sath sevan karna chahie.

vajan vriddhi ke lie

nagauri asgandh, isbgol, choti harar, shatavri pratyek 2 tola tatha shvet lodhra ek tola, mishri 8 tola lekar churn banakar 12 gram ki matra men chandi ke vark ke sath ya chandi ki bhasm ke sath sevan karne se labh hota hai.

durbalata

kamjor evan durbal sharir vale vyaktiyon ko iska 5 se 10 gram ki matra men mishri milakar dudh ke sath ya shahad men milakar dudh ke sath sevan karna chahie.

ashvagandha churn 100 gram ko 20 gram ghi men milakar kanch ke bartan men jama den. pratidin 3 gram ki matra men dudh se sevan karen, kuch hi dinon men asar najar ayega.

durbalata nivaran ke lie iska sevan nirantar 6 mah tak karen. khatai evan adhik tali-bhuni vastuon ka sevan n karen tatha iske sevan ke dauran brahmacharya ka palan karen.

netra jyoti vardhaka

yadi ashvagandha, mulhthi aur anvla tinon ko saman matra lekar churn banakar ek chammach niyamit rup se sevan kiya jaye to netra jyoti men vriddhi hoti hai.

nasur

yadi nasur ho jae to ashvagandha churn ko tel ya chach men milakar lagane se labh hota hai. ashvagandha churn ka sevan bhi karen taki nasur ko mitane ki prakriya andar se bhi shuru ho.

ghav

ghavon men ashvagandha churn lagane se ghavon men mavad adi nahin hote aur ghav jald thik ho jata hai.

savdhani

uparyukt sabhi prayog kisi vaidya ya visheshagya ke paramarsh se karen. galat tarike se kie upyeag hani bhi pahuncha sakte hain.

Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.