रुद्राक्ष का औषधीय महत्व

rudraksh ka aushdhiya mahatva  

Ank ke aur Lekh | Sambandhit Lekh | Views : 4549 |  
rudraksh ka aushdhiya mahatva navin chitlangiya? jo vyakti rudraksh dharan karta hai use sabhi prakar ke kashton se mukti milti hai. chandrama shivji ke bhal par sada virajman rahta hai atah chandra grah janit koi bhi kasht ho to rudraksh dharan se bilkul dur ho jata hai. kisi bhi prakar ki mansik udvignata, rog evan shani ke dvara pirit chandra arthat sarhesati se mukti men rudraksh atyant upyogi hai. shiv sarpon ko gale men mala banakar dharan karte hain. atah kal sarp janit kashton ke nivaran men bhi rudraksh vishesh upyogi hota hai. rudraksh ek vishesh kism ka prakritik jangli fal hai. rasaynik sanghatan ke drishtikon se ismen 50.024 pratishat karban, 0.1461 pratishat naitrojan, 17.798 pratishat haidrojan aur 30.4531 pratishat aeksijan ka samavesh hai tatha ismen alyuminiyam, kailsiyam, klorin, tanba, kobalt, nikel, lahai , magai nij, fasfare s, patai ei shayam, sodiyam, silikan -aeksaid, jink ityadi tatva (tres ilimentsa) bhi ati sukshm matra men pae jate hain. aeksijan ki paryapt matra hone ke karan yah ek aushdhi bhi hai. iski prakriti garm aur tar hai tatha yah nim ke saman kriminashak aur ojaprad hota hai. rudraksh uchch raktachap aur mirgi rogiyon ke lie atyant labhdayak hai. iski mala is prakar dharan ki jae ki vah hriday sthal ko sparsh kare to adhik labh deti hai. uttarakashi ke janglon men anvlakar durlabh rudraksh milta hai. is par dhariyan nahin hotin, prishth bhag bhi ubhra nahin hota. ayurved, charak sanhita adi men aushdhi ke rup men iske upyog ka ullekh milta hai. kshayarog, charm rog, kushth rog aur kainsar rog men iska upyog labhkari hota hai. iska shuddhikaran nariyal pani men 24 ghante dalakar karte hain. rudraksh ke tel ka bhi vibhinn rogon men upyog kiya jata hai. iski ek gram bhasm ek gram svarn bhasm ke sath 21 din do bar makkhan ke sath sevan karne se anidra rog se mukti milti hai aur achchi nind ati hai. takie men rudraksh rakh kar sone se bure svapn nahin ate. tin rudraksh (bij akar ke) rat bhar tanbe ke gilas men rakhakar pratah us pani ke sath ek lahsun lene se hriday ki sabhi piraen dur hoti hain. yah madhumeh ke rogiyon ke lie bhi labhkari hai. do gram rudraksh churn men lahsun ka ras saman rup se milakar alp matra men din men khali pet grahan karne se pachan shakti barhti hai. do gram rudraksh churn ko shahad ke sath milakar uska avleh banakar lene se sharir ka sunnapan dur hota hai. samast arisht nivarak ekmukhi rudraksh ekmukhi rudraksh sakshat shiv ka svarup hai. yah sarvasiddhidayak evan dharm, arth, kam aur moksh dene vala rudraksh hai. jyotishiya drishtikon se ekmukhi rudraksh surya dvara shasit hai. iske shubh falon ki prapti v sabhi arishton ke nivaran hetu ise dharan kiya jata hai. madhur sanbandh pradayi domukhi rudraksh domukhi rudraksh devi parvati aur devta shankar svarup arthat ardhanarishvar rup hai. ise dharan karne se sharir ki anek vyadhiyan dur ho jati hain. jyotish men domukhi rudraksh chandrama ka pratinidhitva karta hai. atah chandrama ke karan utpann rogon se mukti ke lie ise dharan kiya jata hai. ise guru-shishya, pita-putra, pati-patni, premi-premika ityadi ka pratik manakar inke sanbandhon ki madhurta v sudrirhta hetu dharan kiya jata hai. raktachap niyantrak tin mukhi rudraksh tinmukhi rudraksh sakshat agni ka svarup hai. ise satvik, rajsi aur tamsi tinon shaktiyon ka arthat brahma-vishnu-mahesh ka svarup, ichcha, gyan aur kriya ka shaktimay rup tatha prithvi, akash aur patal kshetron se sanbandhit mana gaya hai. jyotish men yah rudraksh mangal grah dvara shasit hai. mandbuddhi balkon ke buddhi-vikas hetu tatha nimna-raktachap evan rakt vikar sanbandhi samasya ke nivaranarth ise dharan kiya jata hai. manoroghari charmukhi rudraksh charmukhi rudraksh svayan brahm svarup hai. yah charon vedon ka dyotak, dharm, arth, kam aur moksh pradan karne vala tatha abhisht siddhipradayak param gunkari rudraksh hai. jyotishiya drishtikon se charmukhi rudraksh budh grah dvara shasit hai. ise dharan karne se jatak ki buddhi ka vikas hota hai, snayu evan mansik rog ka nash hota hai. ayushyavardhak panchmukhi rudraksh panchmukhi rudraksh svayan kalagni rudra ka svarup hai. yah panch-brahma ka svarup aur panchatatvon ka pratik bhi hai. yah dukh daridraynashak, svasthyavardhak, ayushyavardhak, sarvakalyankari, mangalapradata, punyadayak evan abhisht siddhi pradayak hai. jyotishiya drishtikon se yah brihaspati grah ka pratinidhitva karta hai. jangha v livar ki bimariyane se mukti aur brihaspati ke karan utpann kashton v arisht ke nivarnarth ise dharan kiya jata hai. shatruvinashak chahmukhi rudraksh chahmukhi rudraksh svayan shivkumar bhagvan kartikey ka svarup hai. yah shatranujay rudraksh ke nam se bhi jana jata hai kyonki yah gupt evan prakat shatruon ka nash karta hai. yah chah prakar ke doshon (kam, krodh, lobh, moh, mad aur matsara) ko dur karne vala hai. jyotish ke anusar chahmukhi rudraksh shukra grah dvara shasit hai. dampatya jivan ki saflta evan paraspar prem, kam-shakti men vriddhi tatha shukra janit rogon se mukti hetu ise dharan kiya jata hai. chah mukhi rudraksh dharan karne se anek prakar ke charm rog, hriday rog tatha netra rog dur hote hain. mrityutulya kashtahari satmukhi rudraksh satmukhi rudraksh anang, sakshat kamdev svarup hai. yah saptarishiyon ka pratik hai. yah manav ke sat avrnon prithvi, jal, vayu, akash, agni, mahatva aur ahankar ke dosh ko mitata hai. jyotish ke anusar satmukhi rudraksh shani dvara shasit hai. ise dharan karne se shani grah ke doshon ka nash hota hai, jatak ko adhyatmik sukh ki prapti hoti hai. satmukhi rudraksh vat rogon evan mrityu tulya kashton se chutkara dilata hai. ashtasiddhi pradayi athmukhi rudraksh athmukhi rudraksh sakshat vinayak (ganesh) svarup hai. ise batuk bhairav ka rup bhi mana gaya hai. ise dharan karne vale vyakti ki raksha ath deviyan karti hanai, use athon prakar ki prakritiyon bhumi, akash, jal, agni, vayu man, buddhi aur ahankar par vijay prapt hoti hai, athon dishaon ki badhaon se vyakti ko bachav hota hai. bhagvan ganesh ki kripa prapti hetu, asadhya rogon ke nivaran hetu evan rahu grah ke doshon ke shaman hetu ise dharan kiya jata hai. nav shakti ka pratik naumukhi rudraksh naumukhi rudraksh ka nam bhairav hai. jo vyakti ise apni vam bhuja men dharan karta hai, uska bal bhairav saman ho jata hai. use bhukti-mukti v nau prakar ki nidhiyon ki prapti hoti hai. yah rudraksh navashakti se sanpann bhagvti durga ka svarup hai. ise dharmaraj (yam) ka rup bhi mana gaya hai. ise dharan karne se vyakti ke bhitar virta, dhirta, sahas, parakram, sahnshilta, danshilta adi men vriddhi hoti hai. ise akasmik ghatnaon se bachav tatha ashubh ketu se sanbandhit doshon ki shanti hetu dharan kiya jata hai. sukh, shanti evan samriddhidayi dasmukhi rudraksh dasmukhi rudraksh sakshat janardan arthat bhagvan vishnu ka svarup hai. ise dharan karne se pishach, betal, brahmarakshas adi ka bhay nahin rahta. manyata hai ki ismen bhagvan vishnu ke dason avtaron ki shaktiyan sannihit hanai. yah rudraksh sabhi prakar ki badhaon ko dur karta hai. yah sukh, shanti evan samriddhidayak hota hai. sankat mochan gyarhmukhi rudraksh gyarhmukhi rudraksh sakshat rudra hai. yah 11 rudron evan bhagvan shankar ke gyarhven avtar sanktmochan mahavir bajrangbli ka pratik hai. ise dharan karne vale vyakti ko sansarik aishvarya aur santan sukh prapt hota hai aur uske sare sankat dur ho jate hain. sarvabadha vinashak barhmukhi rudraksh dvadshmukhi rudraksh ko kan men dharan karne se barhon aditya dev prasann hote hain. use shastradhari logon, sing vale janvron aur bagh adi ka bhay nahin hota, n hi adhi-vyadhi ka bhay hota hai. ise aditya rudraksh ke nam se bhi jana jata hai. ise dharan karne se badhaon aur surya ke karan utpann rogon se bachav hota hai. samast aishvarya pradayi terhmukhi rudraksh terhmukhi rudraksh sakshat indra ka svarup hai. yah kartikey ke saman samast prakar ke aishvarya deta hai aur kamnaon ki purti karta hai. ise dharan karne se vyakti sabhi prakar ki dhatuon evan rasaynon ki siddhi ka gyata ho jata hai. kuch vidvanon ke anusar kamdev ko bhi terhmukhi rudraksh ka devta mana gaya hai. iska prabhav shukra grah ke saman hota hai. yah niahsantan ko santti pradan karne vala, sukh, shanti, saflta evan arthik samriddhi pradayi rudraksh hai. shani v mangal doshhari chaidhmukhi rudraksh chaidhmukhi rudraksh sakshat bhagvan hanuman ka svarup hai. ise shikha par dharan karne se manushya shiv svarup hokar param pad ko prapt hota hai. yah hanumat rudraksh ke nam se prasiddh hai aur sakal abhisht siddhiyon ka data, vyadhinashak evan arogyadayak hai. is rudraksh ko dharan karne se shani aur mangal ke dosh ki shanti hoti hai. garbh ki raksha kare pandrahmukhi rudraksh pandrahmukhi rudraksh bhagvan pashuptinath ka svarup mana gaya hai. yah dharak ko arthik evan adhyatmik star par uthakar use sukh, sanpda, man- samman-pratishtha evan shanti pradan karta hai. yadi koi garbhavati stri ise dharan kare to uske garbhapat ka bhay nahin rahta aur prasv-pira men kami hoti hai. pakshaghat hare solhmukhi rudraksh solhmukhi rudraksh ko hari-shankar arthat vishnu aur shiv ka rup mana gaya hai. pakshaghat (lakva), sujan, kanthadi rogon men ise dharan karna labhdayak hota hai. iske atirikt ag, chori, dakaiti adi ka bhay nahin rahta hai. smaranashakti vardhak satrahmukhi rudraksh satrahmukhi rudraksh ko sita-ram ka svarup kaha gaya hai. kai vidvan vishvakarma ko iska pradhan devta mante hain. ise dharan karne se bhumi, makan, vahnadi ka sukh aur anchahe dhan, samriddhi aur saflta ka labh prapt hota hai. iske atirikt yaddasht men vriddhi hoti hai tatha, alsipan aur karya karne ke prati anichcha donon dur hote hain. akal mrityuhari atharhmukhi rudraksh atharhmukhi rudraksh ko bhairav ka rup mana gaya hai. ise dharan karne se sharir par ane vali vibhinn vipdaon (yatha akasmik durghatana adi) ka nash hota hai, vyakti ko akal mrityu ka bhay nahin rahta. yadi koi garbhavati stri ise dharan kare to uske garbh men pal rahe bachche ki raksha hoti hai. rakt vikar rodhi unnismukhi rudraksh unnismukhi rudraksh ko bhagvan narayan ka svarup kaha gaya hai. ise dharan karne se manushya satya evan nyay ke path par agrasar hota hai. use arthik sukh-sanpda ka labh milta hai, aur rakt v snayu tantra se sanbandhit rogon se uski raksha hoti hai. bhaymuktidayi bismukhi rudraksh bismukhi rudraksh ko janardan svarup kaha gaya hai. ise dharan karne se bhut, pishach adi ka bhay nahin rahta sath hi krur grahon ka ashubh prabhav bhi nahin parta hai. vah shraddha evan tantra vidya ke jarie vishesh saflta prapt karta hai. use sarpadi vishdhari praniyon ka bhay nahin hota hai. kundlini jagrat kare ikkismukhi rudraksh ikkismukhi rudraksh sakshat shiv svarup hai. ismen sabhi devtaon ka vas mana gaya hai. ise dharan karne se svasthya arthik drishti se vyakti sukhi rahta hai. yah rudraksh vyakti ke bhitar agya chakra kundlini ko jagrat karta hai. sukhi vaivahik jivan ka adhar gauri-shankar rudraksh prakritik rup se apas men jure gauri-shankar rudraksh ko shiv-parvati ke saman apar shakti vala shiv-shakti ka svarup mana gaya hai. ise dharan karne se shiv aur shakti arthat mata parvati ki kripa saman rup se prapt hoti hai. ise dharan karne se pati-patni ke apsi prem men vriddhi hoti hai aur unka vaivahik jivan sukhamay hota hai. svasthya anukul rahta hai, ayu men vriddhi hoti hai tatha pratiyogita parikshaon men saflta prapt hoti hai. sath hi yah kam sanbandhi samasyaon ko dur karne men bhi labhdayak hota hai. bauddhik vikas men sahayak ganesh rudraksh jis rudraksh par ganesh ji ki sund ke saman alag se ek dhari uthi hui dikhai de, use ganesh rudraksh kaha jata hai. ise dharan karne se vyakti ko riddhi-siddhi, karyakushlta, man-pratishtha, vyapar men labh ityadi ki prapti hoti hai. yah vidyarthi varg ke lie vishesh labhdayak hai, jise dharan karne se vidyarthi ki smaranashakti evan gyan men vriddhi hoti hai, uska bauddhik vikas hota ha
Kya aapko lekh pasand aaya? Subscribe

Kya aapko lekh pasand aaya? Subscribe


rudraksh evan adhyatmik vastu visheshank  February 2007

prakriti ke kosh se hamen kai jivanoparyant vastuen prapt hoti hai. aisi hi vastuon men ek hai rudraksh. rudraksh ka adhyatmik aur aushdhiya mahattva bahut hai. shuddh rudraksh ki pahchan kaise ki jae? rudraksh ka sambandh bhagvan shiv se kaise juda hua hain? rudraksh dharn

Subscribe

Apne vichar vyakt karein

blog comments powered by Disqus
.