सुख, समृद्धि सौभाग्यदाई दुर्लभ शंख

sukh, samriddhi saubhagyadai durlabh shankh  

Ank ke aur Lekh | Sambandhit Lekh | Views : 8803 |  
sukh, samriddhi evan saubhagyadayi durlabh shankh pan. sitaram tripathi har mangal karya ka praranbh shankhadhvani se hota hai kyonki shankh dhvani se kal kantak dur bhagte hain aur charon or ka vatavaran parishuddh ho jata hai. shankh anek prakar ke hote hain aur sabki apni alag pahchan hoti hai. is alekh men kuch durlabh shankhon ki jankari dene ka prayas kiya gaya haikri ratiya sanskriti men shankh ko manglik chihn ke rup men svikar kiya gaya hai. svarg ke sukhon men asht siddhiyon v nav nidhiyon men shankh bhi ek amulya nidhi mana gaya hai. puja ke samay jo vyakti shankhnad karta hai, uske sare pap nasht ho jate hain. shankhon ki utpatti ke sthalon men maladvip, shrilanka, kailash mansrovar, nikobar dvip samuh, arab sagar, hind mahasagar, prashant mahasagar adi pramukh hain. shankh se rudra bhagvan devadhidev shiv ka rudrabhishek karne ka vishesh mahatmya hai. surya ko aghrya dene ke lie bhi sabhi prakar ke shankh kam men lae jate hain. jyotish aur tantrik sadhnaon men, bhinna-bhinn karyon ki siddhi ke lie vibhinn akritiyon aur namon vale shankhon ko kam men liya jata hai. dhanvantari ke ayurved men bhi shankh ka mahatva kam nahin hai. shankh ke bare men bataya gaya hai ki iske madhya men varun, prishth bhag men brahma tatha agra bhag men pavitra nadiyon ganga aur sarasvati ka vas hai. shankh ke darshan matra se sabhi pap nasht ho jate hain. in divya shankhon ko daridratanashak, ayuvardhak aur samriddhidayak kaha gaya hai. dakshinavarti shankh: sansar men jitne bhi prakar ke shankhon ki prajatiyan pai jati hain, adhikatar vamavarti hi hoti hain. lekin jo shankh dahini taraf khulta hai, use dakshinavarti shankh ke nam se jana jata hai. yah shankh samudri kshetron men milta hai. dikhne men yah mitti ke dher jaisa lagta hai. bahar lagi mitti ko tejab se saf kar iske rup ka parishkar kiya jata hai. jis ghar men yah rahta hai vahan mangal hi mangal hote hain. lakshmi svayan sthayi rup se vas karti hai tatha parivar men sukh-samriddhi tatha vaibhav lakshmi ki kripa bani rahti hai. is tarah ke shankh sahaj sulabh nahin hote hain. atyant hi durlabh aur chamatkari hone ke karan is shankh ka mulya atyadhik hota hai. mulya adhik hone ke karan bajar men nakli dakshinavarti shankh bhi banae jane lage hain. nakli shankh ki safedi, chamak, safai atyadhik hoti hai. asli dakshinavarti shankh rupakriti men jitna bara hota hai, utna hi adhik labhkari hota hai. ismen achaman karne ke lie safed gay ka dudh hi kam men liya jata hai. dhan prapti ke vyavdhanon ke nivaran ke lie dakshinavarti shankh prabhavkari mana gaya hai. iski sthapna karne aur shankhodak chirkne se dukh, kasht, daridrata aur durbhagya ka shaman hota hai aur yah bhagya ko chamkata hai. yah shankh sakshat lakshmi ka rup hai. durlabh devi shankh: is shankh ki utpatti kailash mansrovar aur shrilanka ke samudron men hoti hai. ise navdurga ne shaktishali ayudh ke rup men hath men dharan kar rakha hai. mata ke bhakton ko avashya hi is shankh ko apne bhavan men sthapit karna chahie. durga ke bhakton ko is shankh ka nau bar nad karne ke bad durga saptashati ka path karna uttam faldayak mana gaya hai. shubh muhurt ke din se is shankh se puja karne par lakshmi prasann hoti hain. yah dhanvriddhi ka achuk upay hai. asli devi shankh ko shankh mala se abhimantrit kar achaman karne ka vidhan hai. shankh ko samne rakh kar ¬ namah devi rupen shankhayah mam grih dhanvri(i kuru-kuru svaha mantra ka jap karte hue is par funk marne se yah jagrat hota hai. ise jagrat karne ke bad parivar ke sabhi sadasyon ke ganga jal se achaman karne par parivar men sukh-samriddhi ki vriddhi hoti hai tatha mata ka purn ashirvad prapt hota hai. parivar ki sabhi manokamnaen purn hoti hain. shankh men kailsiyam ki matra sau pratishat hoti hai, atah ismen rat ko jal bharakar rakhna chahie aur pratah kal hriday v gathiya ke marijon ko tanbe ke patra se sevan karana chahie, labh hoga hriday rogi ke lie rojana is shankh ka nad karna labhdayak hota hai. iske vyadhinashak aur arogyakari gunon ke karan bhartiya sanskriti aur dharm ke vidhi-vidhan men iski vishesh upyogita mani gai hai. hamare prachin rishi-muniyon ne anubhav evan anusandhan ke adhar par prayog kar yah siddh kiya ki shankh bhasm se anek rogon ka nivaran kiya ja sakta hai. prachin kal men shankh theraipi hi mukhyatah rog nidan ka karya karti thi. manipushpak shankh: is shankh ko mahabharat kal men sahdev bajate the. iska rang pila hota hai. iska munh pura khula hota hai. iski parat patli hoti hai. durlabh aur chamatkari hone ke karan iska mulya bhi adhik hota hai. islie ise ajakal kritrim bhi banaya jane laga hai. asli pramanik manipushpak shankh prapt kar apne ghar men dipavli ke din sthapit karna chahie. ¬ manipushpak shankhayah mam grih dhanvriddhi kuru-kuru svahaah mantra ka 11 din tak pratidin moti mala se 108 bar ek mala rojana jap kar use abhimantrit kar lena chahie. is shankh men faesforas v kailsiyam ki matra bharpur hoti hai. rat men ismen ganga jal bharakar tanbe ki plet se dhakakar pratah madhumeh v hriday rogiyon ko usse achaman karna chahie. iske prabhav se sharir svasth rahta hai. hanuman evan shiv bhakton ke pili gay ke dudh se achaman karne se unki sadhnaen shighra safal hoti hain. stri-purush sabhi manipushpak shankh ko sthapit kar labh prapt kar sakte hain. kailash mansrovar men uchch shreni ke manipushpak shankh mil jate hain jo manokamnaon ko purn karne vale hote hain. indra ka airavat shankh: indra devta samudra manthan se nikle is gajraj airavat shankh ko ayudh ke rup men hath men dharan kar vishal airavat ki hathi ki savari karte hain. airavat hathi ke sath hi is shankh ka pradurbhav hua. islie yah airavat shankh kahlata hai. yah shankh gajraj ki sund ke akar ka hota hai. kaha jata hai ki indra ko ajr-amar hone ka vardan bhi isi shankh se mila tha. is shankh ki sadhna evan nitya isse achaman karne se manchaha rup dharan kiya ja sakta hai. kam pirit indra ne gautam ki anupasthiti men airavat shankh ka anuchit prayog kar gautam ka rup dharan kar chal-kapat se ahilya ke sath durachar kiya. is kukritya ke karan indra ghor rup se kalankit hue aur unhen gautam rishi ke shap ka shikar hona para. islie tantra siddhiyon ka sadupyog karna hi thik mana gaya hai. prachin kal men rishi maharshiyon ko is shankh ka gyan tha, islie ve manchaha rup dharan kar lete the. narad ji ko bhi is shankh ki siddhi thi, islie vah pal bhar men parlok gaman kar ke sanvaddata ka karya karte the. vah ek kushal sanvaddata the aur manchaha rup dharan karne men bhi saksham the. prachin granthon men airavat shankh ka vishad vivaran milta hai. nilkanth shankh: samudra manthan se nikle halahal ko bhagvan shivji pikar jab himalay ki or ravana hue tab samudra men jal grahan isi shankh se kiya. usi samay se is shankh ka rang bhi vish ke saman ho gaya aur usi din se iska nam nilkanth shankh ho gaya. shankh ki akriti donon or se khuli hui hoti hai. iske upar se niche tak munh pura khula rahta hai. kisi ko sarp dans le ya bichchu dank mare to is shankh men gangajal bhar kar pilane se jahar utar jata hai. shankh men deshi gay ka gomutra dalakar jahrile janavar ke kate sthan ko saf karna chahie. is shankh ki ghar par sthapna karne se ghar men sanp, bichchu tatha anya jahrile janavar pravesh nahin karte hain. is shankh men kali gay ka dudh dalakar kuch samay tak surya ki kirnon men rakh kar pine se antrik asadhya rog khatm hote hain tatha safed deshi gay ka dudh dalakar pine se mansik tanav hamesha ke lie khatm ho jata hai. lakshmi shankh: samudra manthan ke samay dayen hath men yah shankh lekar lakshmi prakat huin, islie is ka nam lakshmi shankh hai. iski puja karna mata lakshmi ki aradhna ke barabar mana gaya hai. dipavli ke din asli pramanik lakshmi shankh prapt kar use is mantra se jagrat karen- ¬ namah lakshmi mahashankhay mam grih dhanavarsha kuru-kuru svahaah. mantra ka jap rudraksh mala se karen aur jagrat shankh men ganga jal bharakar bhavan men chirkav karen. isi jal se parivar ke sabhi sadasya achaman karen, lakshmi ka sthayi vas hoga. dakshinavarti shankh se bhi adhik iska labh mana gaya hai. yah shankh shvet rang ka addhar chandrama ki bhanti khula hua hota hai. iski utpatti hind mahasagar aur anya bare sagron men hoti hai. durlabh hone ke karan iska mulya bhi adhik hota hai. yah shankh jahan bhi rahta hai, daridrata aur asflta vahan se palayan kar jati hai. pratidin shankh funkne vale ko sans se sanbandhit aur fefron ke rog nahin hote hain. shankh men gandhak, faesforas evan kailsiyam ki bharpur matra hoti hai. atah ismen kuch samay tak jal rakha rahne se vah suvasit aur rogan aurhit ho jata hai. yahi vajah hai ki dharmik anushthan, puja, arti adi krityon men is shankh men jal bharakar logon par chirka jata hai. gomukhi shankh: is shankh ki utpatti svachch mithe pani ki jhilon aur samudrane men adhik hoti hai. vishva men sabse adhik saf-suthre aur sundar abhayukt chamatkari shankh ki adhik utpatti mansrovar, lakshadvip, andman nikobar dvip samuh, shrilanka ke hind mahasagar, arab sagar aur bangal ki khari ke samudri taton men hoti hai. kailash mansrovar men safed aur pile rang ke gomukhi shankh pae jate hain. gay ke mukh jaisi rupakriti hone ke karan ise gomukhi shankh ke nam se jana jata hai. pauranik shastro men iska nam kamdhenu gomukhi shankh hai. is shankh ka prakritik bhar 500 gram se 3 kilo tak hota hai. shankh ka upri bhag gay ke sing ki tarah upar utha hota hai. yah shnakh bahut durlabh hai aur prakriti ki anupam den hai. is shankh ko prapt kar, pran pratishthit karva kar, siddh jagriti mantra ka upyog kar shankh mala se jagrat karana chahie. pauranik shastron ke anusar indralok men bhi yahi shankh sthapit hai. is shankh se achaman karne aur ise bajane se asadhya rogon ka shaman hota hai. vishnu shankh: yah shvet abhayukt shankh prakriti dvara jatil rupakriti men banaya gaya hai. is shankh ki rupakriti bhagvan vishnu ke vahan garur jaisi pratit hoti hai. shastron men is shankh ko chandra shankh ki sangya bhi di gai hai. is shankh ko dekhne par aisa pratit hota hai jaise urta hua garur ho. vishnu shankh ko lakshmi ka rup kaha gaya hai. kailash mansrovar, lakshadvip, gova, arab sagar, hind mahasagar, prashant mahasagar aur amerika ke pashchimi tat atlantik mahasagar men yah pavitra, divya, durlabh chamatkari shankh prapt hota hai. is shankh ka upyog vyakti apne vyavsay men unnati ke lie aur daridrata ko dur karne men karta hai. ganesh shankh: yah shankh samudra men utpann hota hai. yah ek adbhut aur chamatkari shankh hai. is shankh ki akriti adinath pratham pujya bhagvan ganpti jaisi hai. charane or se ghuma kar dekhne par lanbodar, vighnaharan ganesh ki pratima ke darshan hote hain. islie is shankh ka nam ganesh shankh rakha gaya hai. is divya shankh ki rupakriti safed aur pili abhayukt evan iski lanbai 2 se 3 inch tak hoti hai. iski utpatti himalay ki mansrovar jhil aur samudra ke tatavarti kshetron men kam gahrai men hoti hai. durlabh hane e k e karan iska malu y bhi adhik hota hai. ganesh shankh ke sund kshetra se ban ganga nikli hoti hai. asli ganesh shankh ko ¬ ganesh shankhay mam dhanavarsha kuru-kuru namah mantra se 108 bar shankh mala se siddh aur pran pratishthit kar, apne ghar men puja sthal ya vyavsay sthal par, snanadi se nivritt ho kar, sthapit karen aur jal bhar kar achaman karen tatha bhavan aur vyavsay sthal par jal ka chirkav karen. jis ghar men is shankh ki sthapna hoti hai, usmen arthik samasya nahin rahti hai aur riddhi-siddhi ka bhandar bhara rahta hai. annapurna shankh: shankhon men annapurna shankh bahut bhari hota hai. is shankh ka vajan ausatan 3 kilogram se 9 kilogram tak hota hai. is shankh ki akriti man moh leti hai. iske utpatti sthalon men, samudrane ki apeksha, kailash mansrovar, maladvip, lakshadvip, kanyakumari adi pramukh hain. is shankh ke nam ki tarah hi iska karya bhi divya aur chamatkari hai. jis ghar men annapurna shankh sthapit hota hai, vah ghar anna-dhan se paripurn aur chahunmukhi vikas ki or agrasar hota hai. moti shankh: yah shankh bhi apne nam ke prabhav aur apni rupakriti se vyakti ko apni or akarshit karta hai. yah chamkdar abhayukt hota hai. is shankh ki unchai 4 se 5 inch ki hoti hai tatha yah golakar hota hai. yah upar se sankra aur niche se chaira hota hai. is shankh ki utpatti kailash mansrovar jhil ke barfile thande-mithe svachch jal men hoti hai. uchch gunavatta ka moti bhi isi shankh men utpan hota hai. mansik ashanti dur karne ke lie yah uttam mana gaya hai. is shankh se ganga jal ka rojana achaman karne se hriday aur shvas sanbandhi rogon ka shaman hota hai. panchajanya shankh: mahabharat yuddh ke samay bhagvan shri krishn ne is shankh ka ninad kiya tha. dharm ganrathon men is panchajanya shankh ko vijay, samriddhi, yash, kirti aur manokamna purti karne vala mana gaya hai. panchajanya shankh men panch tatva sammilit hain. vastu dosh shanti ke lie panchajanya shankh hi sabse prabhavi hai.
Kya aapko lekh pasand aaya? Subscribe

Kya aapko lekh pasand aaya? Subscribe


rudraksh evan adhyatmik vastu visheshank  February 2007

prakriti ke kosh se hamen kai jivanoparyant vastuen prapt hoti hai. aisi hi vastuon men ek hai rudraksh. rudraksh ka adhyatmik aur aushdhiya mahattva bahut hai. shuddh rudraksh ki pahchan kaise ki jae? rudraksh ka sambandh bhagvan shiv se kaise juda hua hain? rudraksh dharn

Subscribe

Apne vichar vyakt karein

blog comments powered by Disqus
.