पूजनीय दुर्लभ वस्तुएं

pujniya durlabh vastuen  

Ank ke aur Lekh | Sambandhit Lekh | Views : 16491 |  
pujniya durlabh vastuen kuch vastuen aisi hoti hain jo asani se upalabdh nahin ho pati parantu unki sahi jankari hone se unhane prapt kar labh prapt kiya ja sakta hai aur durlabh vastuon ko sulabh banaya ja sakta hai, kaise aie janen... shvetark ganpti: shvetark ko hindi men ak tatha akaura, panjabi men deshi ak, urdu men madar, sanskrit men ark aur gujrati men akra kahte hain. shvet ak ka yah paudha ganpti ji ka svarup mana jata hai. jis vyakti ke ghar men yah paudha hota hai use koi shatru hani nahin pahuncha pata. safed ak ke ganpti ki pratima atyant durlabh mani jati hai. manyata hai ki jiske ghar men safed ak ke ganpti ki pratima sthapit hoti hai use kisi prakar ka koi abhav nahin rahta. aisi dharna hai ki shvet ak ki jar men, jo kam se kam 27 varsh purani ho, svatah hi ganesh ji ki pratima ban jati hai. yah prakriti ka ek ashcharya hi hai. shvet ak ki jar yadi khodakar nikali jae, to sabse nichle bhag men ganpti ji ki pratima prapt hogi, jiska pujan karna mahan kalyankari hota hai. yah pratima svatah siddh hoti hai. tantra shastron ke anusar jis ghar men, yah pratima sthapit ho, usmen riddhi-siddhi tatha annapurna vas karti hain. ak ke anya paudhe, jinke ful gulabi-nili abha lie hote hain, har sthan par sulabh hain, parantu shvet ak dushprapya hai. iski tahniyan, moti, patte baragad ke patton jaise ful, guchchedar v dudh jaise safed aur bij alsi ke bijon jaise hote hain. shaligram: shaligram bhagvan vishnu ka sakshat svarup hai. ise bari-bari pujaon evan yagyadi men rakhna avashyak hota hai. bhagvan vishnu ka durlabh pratik shaligram bharat ki gandki nadi se prapt hota hai. yah vaishnav dharm ke logon ke lie sakshat vishnu hai. is shaligram ko ghar men pratishthit karne se dharm, karm aur aishvarya ki vriddhi hoti hai. shaligram ko tulsi, belapatra, chandan, shankh aur gomti chakra in panch vastuon ko sath rakhne se har prakar ki kamna ki purti hoti hai. shaligram ko pratidin vibhinn prakar ke bhog lagane se rogon se raksha hoti hai. haridra ganpti: tantra shastra men haridra ganpti ka vishesh mahatva bataya gaya hai. jab haridra ka paudha kai varshon ka ho jata hai, to uski jar men ganpti ka vas ho jata hai. tab use achche muhurt men prapt karke pujan sthal men pratishthit kiya jata hai. jis kisi ke ghar ya vyapar sthal men yah pratima hoti hai use vighn badhaen nahin satati hain tatha shatru par vijay prapt hoti hai. is pratima ko nitya durvankur arpit karne se sabhi prakar ki badhaen dur hoti hain. ekakshi nariyal: yah nariyal bahut kam paya jata hai. samanyatah sabhi nariyalon men do ankhen pai jati hai, kintu ismen ek hi ankh hoti hain, islie ise ekakshi kaha jata hai. yah shubh evan samriddhi ka pratik hai. ekakshi nariyal ke nitya pujan se vyakti ki bhautik tatha adhyatmik unnati hoti hai. ise apne ghar men puja sthal athva vyavsay sthal men sindur se rang kar tatha lal kapre men lapetakar sthapit karna chahie. parad shiv ling: parad shiv ling bahut durlabh hai. ise ghar men sthapit kar nitya bilva patra arpit karne se dhan ki vriddhi hoti hai. parad shiv ling par pani ka asar nahin hota. ise dhup men dekhne par indradhnushi abha dikhai deti hai. parad apne ap men siddh padarth mana gaya hai. ratn samuchchay men parad shiv ling ki mahima ka vishad ullekh hai. iski aradhna se sabhi rog dur ho jate hain. bhagvan shankar ko para ati priya hai. yah kaya, vani tatha mansik kashton ko nasht karne ki kshamata rakhta hai. parad shivling ke sparsh matra se iski daiviya shakti vyakti ke sharir men pravesh kar jati hai aur vah anek rogon se mukt ho jata hai. iska abhishek karne se anya shivlingon ki apeksha hajaron guna adhik fal milta hai. ise banane men atyant parishram karna pata hai tatha tarh-tarah ke khatre bhi samne ate hain. vishva bhar men mukhyatah tin ya char parad shivling hain. bharat men kashi kshetra men, dilli kshetra ke keshvpuram men aur uttaranchal men kanakhal men yah ling avasthit hai. jahan bhi inke mandir hain, vahan darshan ke lie hajaron ki sankhya men log dur-dur se ate rahte hain. parad shivling ke prabhav ka pratyaksh praman use sparsh karne matra se mil jata hai. iska tapman bahut kam hota hai. is shivling ke as-pas barf rakhne se use shighra hi yah apne ap men samahit kar leta hai aur uske jal ko pi jata hai. yah shivling barf ke saman thanda aur vajan men bahut bhari hota hai. narmadeshvar: shiv ki sadhna men narmadeshvar shivling ka vishesh mahatva hai. narmadeshvar shivling narmada nadi se prapt hota hai. yah bhagvan shiv ka pratik hai. is shivling ki puja upasna karne se anek labh prapt hote hain tatha shiv ki kripa se gyan ki vriddhi hoti hai. narmadeshvar shivling ko nitya belapatra arpit karne se lakshmi, kala til arpit karne se shani grah ki kripa, uska panchamrit snan karane se bhagyashali putra ki prapti aur sarson ka tel arpit karne se shatru ka nash hota hai. hattha jori: yah ek vanaspati hai. ek vishesh jati ke paudhe ki jar khodne par usmen manav bhuja jaisi do shakhaen dikh parti hain. iske sire par panja jaisa bana hota hai. ungliyon ke rup men us panje ki akriti thik is tarah ki hoti hai jaise koi mutthi bandhe ho. jar nikalakar uski donon shakhaon ko morakar paraspar mila dene se karabaddhata ki sthiti ati hai, yahi hattha jori hai. iske paudhe prayah madhya pradesh men hote hain jahan vanvasi jatiyon ke log ise nikalakar bech diya karte hain. hattha jori men adbhut prabhav nihit rahta hai. yah sakshat chamunda devi ka pratirup hai. sammohan, vashikaran, anukulan, suraksha aur sanpatti sanvardhan ki ismen chamatkari shakti hoti hai. ise kahin se prapt karke tantrik vidhi se siddh kar diya jae to sadhak nishchit rup se chamunda devi ka kripa patra ho jata hai. pujan vidhi: sarvapratham kahin se hattha jori prapt karen. lal vastra par rakhen. thori der men pani sukh jaega. ise til ke kachche tel men dubokar rakh den, katori men tel is prakar bharen ki yah dub jae. vah tel patra kahin ek pavitra sthan par rakhen. 15 ya 21 dinon tak vaisa hi rahne den fir kisi shubh muhurt men use tel se nikal kar punah lal vastra par sthapit karen aur hanumani lal sindur, chandan, ful, akshat, dhup dip se puja karen. jap ke bad samathryanusar 9, 11 ya 21 mala mantra ka jap karen aur 21 bar us mantra ke dvara ahuti dekar havan karane tatha use kisi dibbi men rakh den. use rakhte samay sindur, kapur, laung, tulsi patra, akshat aur chandi ka tukra bhi sath men rakh dena chahie. iska dainik pujan darshan bahut labhkari hota hai. billi ki jer: billi prasav ke samay ek prakar ki thaili tyagti hai. jise anval ya jer kahte hain. prayah sabhi pashuon ke sharir se prasav ke samay anval niklta hai. billi apna anval turant kha jati hai. paltu billi ka anval kisi kapre se dhak kar prapt kar liya jae to iska tantrik prabhav dhan-dhanya men vriddhi karta hai. mukhya rup se yah jer dhatuon ke sangrah men (sona chandi batorne men) sahayak hoti hai. pujan vidhi: sarvapratham kahin se jer prapt karke us par haldi ka churn mal kar rakh lena chahie. iske bad kisi shubh muhurt men use lal vastra par lapet kar uski loban ki dhuni aur kapur ke dip se puja kar durga mantra ‘‘¬ dun durgaye namah’’ ka 108 bar jap kar, use kahin surakshit rakh dena chahie. indra jal: indra jal ek durlabh evan amulya vastu hai. ise prapt karna n to asan hai aur n hi yah nakli hota hai. indra jal ka ullekh damrtantra, vishvasar, ravan sanhita adi granthon men milta hai. ise vidhi purvak puja pratishtha karke shuddh vastra men lapet kar puja ghar men rakhna chahie.
Kya aapko lekh pasand aaya? Subscribe

Kya aapko lekh pasand aaya? Subscribe


rudraksh evan adhyatmik vastu visheshank  February 2007

prakriti ke kosh se hamen kai jivanoparyant vastuen prapt hoti hai. aisi hi vastuon men ek hai rudraksh. rudraksh ka adhyatmik aur aushdhiya mahattva bahut hai. shuddh rudraksh ki pahchan kaise ki jae? rudraksh ka sambandh bhagvan shiv se kaise juda hua hain? rudraksh dharn

Subscribe

Apne vichar vyakt karein

blog comments powered by Disqus
.