मंगल की महादशा में हुई सद्दाम को फांसी

mangal ki mahadsha men hui saddam ko fansi  

Ank ke aur Lekh | Sambandhit Lekh | Views : 4509 |  
mangal ki mahadsha men hui saddam ko fansi acharya kishor saddam husain ka lagn mesh, rashi vrishchik aur janm nakshatra anuradha hai. unke janm ke samay shani ki mahadsha chal rahi thi jiski 7 sal aur 10 mahine ki avdhi shesh thi. fansi ke samay mangal ki mahadsha men guru ki antardasha aur gochar men rashi ke upar mangal evan brihaspati chalan kar rahe the. yahan prastut unke janm vivaran ka jyaei tashiya vishlashe an itan rante s e prapt unki janmatithi, samay aur sthan par adharit hai. saddam husain ke charitra aur svabhav par mesh lagn aur vrishchik rashi ka prabhav spasht dikhai de raha hai. lagn evan rashi ke svami mangal ka svabhav unmen tha. vah kisi se darte nahin the, unmen badla lene ki bhavna hamesha bani rahti thi. parantu apne desh par vah apni jan chirkte the. lagn men uchch ka surya hai aur ashtam bhav men nich ka chandra papakartari yog men hone ke karan dushit hai, faltah purn chandra ko grahan lag gaya tha. mangal chandrama ke age nikal chuka tha. islie unka hath svabhavik tha. mar gae, parantu jhuke nahin. unki kundli ke kuch tathya is prakar hain. uchch ke shukra ne vakri hokar unhen ulta fal diya aur nich ke chandra aur nich ke hi guru ke karan unhen fansi mili. prakriti ki vichitra vidanbna hai ki unhin ke desh men kisi dusre desh ke shasak ki shakti ne kam kiya. unhin ke logon ne anya desh ke shasak ke prabhav men unhen fansi par charhaya. duniya dekhti rah gai aur koi kuch nahin kar paya. aisa kabhi hitalar ke sath bhi hua tha, parantu usne atmahatya ki thi. saddam ki kundli men kuch grah atyadhik shaktishali hain, to kuch atyadhik kamjor bhi hain. un par shukra ki mahadsha karib 1969 se shuru hui aur 1989 tak chali. is dauran vah saflta ki sirhiyan charhte chale gae. surya ki mahadsha men 1995 tak unka parakram bana raha. kintu 1995 se 2005 tak chandra ki mahadsha men vah patan ki gahraiyon men utrte chale gae aur 30 disanbar 2006 ko unhen fansi de di gai jab mangal ki mahadsha men guru ki antardasha chal rahi thi aur janm rashi par gochar men guru evan mangal ka chalan ho raha tha. chandra mesh rashi men lagn par gochar kar raha tha. nich ka guru bhagyesh hokar karm sthan men sthit tha. fir bhi itihas men aisa vyakti milna mushkil hai. apne desh ke lie, apni janta ke lie jo kuch unhonne kiya vah ek misal hai. unke apne hi logon ne unka sath nahin diya anyatha rashtrapti bush kuch nahin kar pate. janm kundli ke anusar lagnesh mangal ke ashtam bhav men apni hi rashi men balvan hokar chandra ko parast karne aur krur grah rahu ka , sath dene ke karan unhen fansi mili kyonki ashtam bhav ka mangal durghatana, jel, mukdma adi ka karak hota hai. raktapat ka karak bhi mangal hi hota hai. ashtam bhav par budh grah vakri hokar ketu ke sath drishti dal raha hai. kal sarp dosh men dushit rahu ne nich chandra aur mangal ka sath diya. is lagn ke lie kendradhipti dosh se dushit hokar nichasth chandra ko dushit kiya. shukra ke dvitiya saptamadhipti hokar uchch rashi men dvadash bhav men sthit hone ke karan unhonne atyadhik dhan kamaya aur uska durupyog kiya. kalidas ke anusar yadi uchch rashi ka grah vakri ho to nich ka fal deta hai. jo dhan kamaya use lekar nahin gae, vaise to koi bhi lekar nahin jata, parantu unke desh ka dhan koi aur desh le gaya. tritiya bhav ke svami budh par rahu, chandra aur mangal ki drishti ne chote bhai ko bhi fansi dilai. chaturth bhav ke svami chandra ke nich ke ashtam bhav men hone ke karan janta ne bhi sath nahin diya. pancham bhav ke surya ke uchch rashi men hone ke karan saddam apni yuvavastha men atyadhik krur the. surya ki isi sthiti ne unki santan ka bhi nash kiya, kyonki putra karak guru bhi nich ka hai aur surya par guru ke kendra ka prabhav hai. ullekhniya hai ki lagn shaktishali hai, chandra lagn ka svami mangal bhi shaktishali hai aur surya lagn ka svami bhi mangal hai, fir bhi ashtam bhavasth rahu, chandra aur mangal sabne milakar unhane bali ka bakra banaya. bhagya ka svami guru nich ke dasham bhav men aur dasham men ekadash bhav ka svami shani donon ek dusre se parivartan men hain. parantu dvadash bhav ke shani evan shukra ka atyadhik balvan hona bhi unke patan ka karan bana.
Kya aapko lekh pasand aaya? Subscribe

Kya aapko lekh pasand aaya? Subscribe


rudraksh evan adhyatmik vastu visheshank  February 2007

prakriti ke kosh se hamen kai jivanoparyant vastuen prapt hoti hai. aisi hi vastuon men ek hai rudraksh. rudraksh ka adhyatmik aur aushdhiya mahattva bahut hai. shuddh rudraksh ki pahchan kaise ki jae? rudraksh ka sambandh bhagvan shiv se kaise juda hua hain? rudraksh dharn

Subscribe

Apne vichar vyakt karein

blog comments powered by Disqus
.