आध्यात्मिक वस्तुओं का माहात्म्य

adhyatmik vastuon ka mahatmya  

Ank ke aur Lekh | Sambandhit Lekh | Views : 2902 |  
sanatan dharm men murti puja ka vidhan hai. is sansar ko banane vali saÿaa murti rup lekar kisi n kisi vesh men apne bhakton ke samne prakat hoti hai. isi ke udaharan hain shodash kalayukt bhagvan shri krishn evan maryada purushoÿam ram. yah avashyak nahin ki ve manushya rup men hi janm len. unhonne narsinh rup men bhi avtar liya, vaman avtar, kurm avtar, matsya avtar, varah avtar adi anek rupon men unhonne apne ko prakat kiya. sahi bhi hai, yadi ve vibhinn kotiyon ke praniyon, dharti, akash vayu, parvat adi ki rachna kar sakte hain to vibhinn rupon men svayan kyon nahin prakat ho sakte. isilie sanatan dharm men akriti aur vastu ko vishesh mahatva diya gaya hai. aur yahi karan hai ki mandiron men bhagvan ki pratimaon ko anekanek rupon men puja jata hai. vedon men devi devtaon ki puja aradhna ki vibhinn vidhiyon ka ullekh milta hai jinke dvara manushya is sansar men rahte hue apni sansarik avashyaktaon ki purti kar sakta hai. vibhinn avashyaktaon ki purti ke lie vibhinn prakar ki samagriyon dvara puja archana ka vidhan hai. uparyukt padarth yadi ratn ke bane hon, to sarvoÿam aur yadi svarn ke hon to uÿam hote hain. in donon ke abhav men kramanusar rajat tamra ya kisi anya dhatu athva kisi patthar, kashth ya kagaj se bani samagri ka upyog kar sakte hain. is prakar se ratn ki vastuen sarvadhik prabhavshali mani gai hain. anyatha svarnanirmit ratnajarit vastuen uÿam mani gai hain. isi prakar se devtaon ke avahan evan mantra siddhi ke lie svarn nirmit yantron ke upyog ka ullekh milta hai. iske abhav men dhatu nirmit svarnayukt yantron ko uÿam mana gaya hai. upyogita ke anusar kuch vastuon ka upyog nimn prakar se hai: vibhinn malaen: vibhinn mantron ke jap tatha kamnaon ki purti ke lie vibhinn prakar ki malaen prayog ki jati hain jaise shiv mantra ke lie rudraksh mala, lakshmi mantra ke lie kamal gatte ki mala, sarasvati mantra ke lie safed chandan ki mala, mangal mantra ke lie lal chandan ya munge ki mala, guru mantra ke lie haldi mala, durga mantra ke lie sfatik mala, mahamrityunjay mantra ya svasthya vriddhi ke lie parad mala, shanti labh ke lie tulsi mala, premvriddhi ke lie firoja mala, akarshan ke lie vaijyanti mala, navagrah shanti ke lie navaratn mala adi. yantra: shastron men anek prakar ke yantron ka ullekh milta hai. mantron ko siddh karne ke lie yantron ki sthapna avashyak hai. svarn patra par nirmit yantra sarvoÿam, rajat patra par uttam evan tamra patra par madhyam hota hai. bhojapatra par bhi yantra banae jate hain. in sabhi ke abhav men yantron ka nirman kagaj ya divar par bhi kiya ja sakta hai. yantra par ankit jyamitik rekhaen v mantra hi yantra ka nirman karte hain. vibhinn prakar ke falon ki prapti ke lie anek yantron ke ek sath upyog ka vidhan bhi hai. shri yantra: daridrata dur karne evan sukh samriddhi ki vriddhi ke lie shri yantra ki sthapna sarvoÿam mani gai hai. dhan dhanya ki purti ke lie sfatik shri yantra ya svarnanirmit shri yantra, svasthya ke lie parad shri yantra, shakti evan urja ke lie sansitara nirmit shri yantra, vijay ke lie munge ke shri yantra, gyanvriddhi ke lie maragaj ya panne ke shri yantra aur grah shanti ke lie ashtadhatu ke shri yantra ki sthapna uÿam faldayak hoti hai. navaratna: ratn grahon ki rashmiyon ko ekatrit karne men atisaksham hote hain. inhen dharan kar grahon ke anukul prabhav ko sanvardhit kiya jata hai. navaratn laeket: yah sabhi sadhkon ke lie labhkari hota hai. jis vyakti ko apni janmatithi janm samay adi pata n hon, vah ise dharan kar sakta hai. yah sabhi nau grahon ka pratik hai. yah ashubh grahon ke prabhav ko dur karta hai. dakshinavarti shankh: yah bhagvan vishnu ka pratik hai. ise puja sthal par rakhne aur isse surya ko aghrya dene se dhan dhanya aur yash samman ki prapti hoti hai. gomti chakra: yah samudra men paya jata hai. yah lakshmi narayan ka pratik hai evan dhan pradayak hai. ekakshi nariyal: yah nariyal shiv ka pratik hai aur shiv ki aradhna ke lie iski puja atyant shubh mani gai hai. shaligram: yah nadi men paya jata hai evan iske andar vishnu ke pratik sudarshan chakra ke chihn pae jate hain. shaligram ki puja vishnu bhagvan ki aradhna mani jati hai. shvetark ganpti: yah shvet ak ki jar men milta hai. yah atyant durlabh hai. ise puja sthal par rakhne se sare vighn dur ho jate hain. piramid: jivan ko sukhamay banane ke lie piramid ka upyog kiya jata hai. isse jatak ko akashiya urja milti hai. indrajal: yah samudra men paya jata hai. iske darshan se bhut pret janit aur anya upri badhaen dur ho jati hain. kale ghore ki nal: yah shani ke prabhav ko kam karta hai. vyakti ke apne upar chal rahe shani ke bure prabhav ko dur karne ke lie ise nivas ya vyapar sthan ke mukhya dvar par angreji ke yu akar men lagana chahie. sachchi shraddha se evan shaastranusar uchit samagri prayog kar mantra dvara puja archana karne se shubh fal shighra avashya milte hain.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh evan adhyatmik vastu visheshank  February 2007

prakriti ke kosh se hamen kai jivanoparyant vastuen prapt hoti hai. aisi hi vastuon men ek hai rudraksh. rudraksh ka adhyatmik aur aushdhiya mahattva bahut hai. shuddh rudraksh ki pahchan kaise ki jae? rudraksh ka sambandh bhagvan shiv se kaise juda hua hain? rudraksh dharn

Subscribe

Apne vichar vyakt karein

blog comments powered by Disqus
.