अदभुत बिल्व पत्रों का रहस्य

adbhut bilva patron ka rahasya  

Ank ke aur Lekh | Sambandhit Lekh | Views : 10107 |  
adbhut bilva patron ka rahasya pan. kailash prasad tivari bhagvan shankar ko bilva patra behad priya hain. bhang dhatura evan bilva patra se prasann hone vale keval shiv hi hain. shivratri ke avasar par bilvapatron se vishesh rup se shiv ki puja ki jati hai. tin pattiyon vale bilva patra asani se upalabdh ho jate hain, kintu kuch aise bilva patra bhi hote hain jo durlabh kintu chamatkarik aur adbhut hote hain. is alekh men aise hi durlabh bilva patron ki vistrit jankari di ja rahi hai.... bilva patra ka bhagvan shankar ke pujan men vishesh mahatva hai jiska praman shastron men milta hai. bilvashtak aur shiv puran men iska vishad ullekh hai. anya kai granthon men bhi iska ullekh milta hai. bhagvan shankar evan parvati ko bilva patra charhane ka vishesh mahatva hai. shrimad devi bhagavat men spasht varnan hai ki jo vyakti man bhagvti ko bilva patra arpit karta hai vah kabhi bhi kisi bhi paristhiti men dukhi nahin hota. use har tarah ki siddhi prapt hoti hai aur kai janmon ke papon se mukti milti hai aur vah bhagvan bhole nath ka priya bhakt ho jata hai. uski sabhi ichchaen puri hoti hanai aur ant men moksh ki prapti hoti hai. bilva patra mukhyatah panch prakar ke hote hain - akhand bilva patra, tin pattiyon ke bilva patra, chah se 21 pattiyon tak ke bilva patra aur shvet bilva patra. uparyukt bilva patron ka apna-apna adhyatmik mahatva hai. yahan unka sankshipt varnan prastut hai. akhand bilva patra: iska vivaran bilvashtak men is prakar hai- ‘‘akhand bilva patran nandkeshvare siddharth lakshmi’’. yah apne ap men lakshmi siddh hai. ekmukhi rudraksh ke saman hi iska apna vishesh mahatva hai. yah vastudosh ka nivaran bhi karta hai. ise galle men rakhakar nitya pujan karne se vyapar men chaimukhi vikas hota hai. tin pattiyon vala bilva patra: is bilva patra ke mahatva ka varnan bhi bilvashtak men aya hai jo is prakar hai- ‘‘tridlan trigunakaran trinetran ch tridhayutam trijanm pap saharan ek bilvapatran shivarpanama’’ yah tin ganu aa ne s e yaku t hane e k e karan bhagvan bhut bhavan trikaleshvar ko priya hai. iske sath yadi ek ful dhature ka charha diya jae, to falon men uttarottar vriddhi hoti hai. is tarah bilva patra arpit karne se bhakt ko dharm, arth, kam aur moksh ki prapti hoti hai. ritikalin kavi shri padmakar ji ne iska varnan vai is prakar kiya hai- ‘‘dekhi tripurari ki udarta apar kahan payo to fal char ek ful dino dhatura ko’’ bhagvan ashutosh tripurari bhandari sabka bhandar bhar dete hain. ap bhi ful charhakar iska chamatkar svayan dekh sakte hain aur siddhi prapt kar sakte hain. tin pattiyon vale bilva patra men akhand bilva patra bhi prapt ho jate hain. kabhi-kabhi ek hi vriksh par char, panch, chah pattiyon vale bilva patra bhi pae jate hain. parantu ye bahut durlabh hain. chah se lekar 21 pattiyon vale bilva patra: ye mukhyatah nepal men pae jate hain.n kintu bharat men bhi kahin-kahin milte hain. jis tarah rudraksh kai mukhon vale hote hain usi tarah bilva patra bhi kai pattiyon vale hote hain. shvet bilva patra: jis tarah shvet sanp, shvet tank, shvet ankh, shvet durva adi hote hain usi tarah shvet bilvapatra bhi hota hai. yah prakriti ki anmol den hai. is bilva patra ke pure per par shvet patte pae jate hain. ismen hari pattiyan nahin hotin. inhen bhagvan shankar ko arpit karne ka vishesh mahatva hai. vanaspati men bel ka atyadhik mahatva hai. yah multah shakti ka pratik mana gaya hai. kisi-kisi per par panch se sarhe sat kilo vajan vale chikitsa vigyan men bel ka vishesh mahatva hai. ajakal kai vyakti iski kheti karne lage hain. iske fal se sharabat, achar aur murabba adi banae jate hain. yah hriday rogiyon aur udar vikar se grast logon ke lie ramban aushdhi hai.
Kya aapko lekh pasand aaya? Subscribe

Kya aapko lekh pasand aaya? Subscribe


rudraksh evan adhyatmik vastu visheshank  February 2007

prakriti ke kosh se hamen kai jivanoparyant vastuen prapt hoti hai. aisi hi vastuon men ek hai rudraksh. rudraksh ka adhyatmik aur aushdhiya mahattva bahut hai. shuddh rudraksh ki pahchan kaise ki jae? rudraksh ka sambandh bhagvan shiv se kaise juda hua hain? rudraksh dharn

Subscribe

Apne vichar vyakt karein

blog comments powered by Disqus
.