पयोव्रत

payovrat  

Ank ke aur Lekh | Sambandhit Lekh | Views : 3571 |  
payovrat pan. braj kishor brajvasi yah vrat falgun shukla pratipda se dvadshi tak barah din men purn hota hai. iske lie guru shukradi ka uday aur unnat muhurt dekhakar falguni amavasya ko van men jakar ‘tvan deyadivrahen rasayaah sthanmichchata. uddhritasi namastubhyan papmanan me pranashay..’ is mantra se jangli sukar ki khodi hui mitti ko sharir men lagaen aur samip ke sarovar men jakar shuddh snan karen. fir gau ke dudh ki khir banakar do vidvan brahmanon ko khilaen svayan bhi usi ka bhojan karen. dusre din (falgun shukla pratipda ko) kamal nayan bhagvan ko gau ke dudh se snan karakar hath men jal lekar ‘mam sakal gunagan varishth mahatva sampanna yushmatputra prapti kamnya vishnu pritye payovratmhan karishye.’ yah sankalp karen. tadnantar svarn ke bane hue hrishikesh bhagvan ka ‘¬ namo bhagvte vasudevay’ is mantra se avahnadi shodshopchar pujan karke 1. mahapurushay, 2. sukshmay, 3. dvishishrne, 4. shivay, 5. hiranyagarbhay 6. adidevay, 7. marakat shyamvpushe 8. trayividyatmane 9. yogaishvaryashriray namah. se bhagvan ko pranam aur pushpanjli arpit karke dudh ek bar pien. is prakar pratipda se dva adshi tak barah din ka vrat karke trayodshi ko bhagvan vishnu ka yathavidhi pujan karen. panchamrit se snan karaen aur terah brahmanon ko godugdh ki khir ka bhojan karaen. vrat visarjan karke 13ven din svayan bhi svalp matra men khir ka bhojan karen. yah vrat putra prapti ki ichcha rakhne vale aputra stri-purushon ke karne ka hai. devmata aditi ke udar se vaman bhagvan isi vrat ke prabhav se prakat hue the. is payovrat ka updesh kashyap ji ke dvara aditi ko jis prakar diya gaya, uski katha is prakar hai. shri shukdev ji kahte hain- ‘parikshit! jab daityon ne svarg par adhikar kar liya; tab devmata aditi ko bara dukh hua. ve anath-si ho gain. ek bar bahut dinon ke bad jab param prabhavshali kashyap muni ki samadhi tuti, tab ve aditi ke ashram par ae. unhonne dekha ki n to vahan sukh-shanti hai aur n kisi prakar ka utsah ya sajavat hi. vahan jakar ve asan par baith gae aur aditi ne vidhipurvak unka satkar kiya, tab ve apni patni aditi se, jinke chehre par bari udasi chayi hui thi, bole ‘kalyani! is samay sansar men brahmanon par koi vipatti to nahin ai hai? dharm ka palan to thik-thik hota hai? priye ! tum to sarvada prasann rahti ho; parantu tumhari avastha ko dekhakar aisa lagta hai ki is samay tumhara chitt asvasth hai. tumhare sab larke to kushal mangal se hain n ?’ aditine kaha- ‘bhagavan ! brahman, gau, dharm aur apki yah dasi sab sakushal hain. mere svami ! yah grihasth ashram hi arth, dharm aur kam ki sadhna men param sahayak hai. prabho! apke nirantar smaran aur kalyan-kamna se agni, atithi, sevak, bhikshuk aur anya yachkon ka bhi mainne tiraskar nahin kiya hai. bhagavan ! jab ap jaise prajapti mujhe is prakar dharma-palan ka updesh karte hain, tab bhala mere manki aisi kaun-si kamna hai jo puri n ho jae? aryaputra ! samast praja, vah chahe satvaguni, rajoguni ya tamogun ai ho, apki hi santan hai. kuch apke sankalp se utpann hue hain aur kuch sharir se. bhagavan ! ismen sandeh nahin ki ap sab santanon ke prati, chahe ve asur hon ya devta, ek sa bhav rakhte hain, sam hain. tathapi svayan parmeshvar bhi apne bhakton ki abhilasha purn kiya karte hain. mere svami ! main apki dasi hun. ap meri bhalai ke sanbandh men vichar karen. maryadapalak prabho! shatruon ne hamari sanpatti aur rahne ka sthan tak chin liya hai. ap hamari raksha karen. balvan daityon ne mere aishvarya, dhan, yash aur pad chin lie hain tatha hamen ghar se bahar nikal diya hai. is prakar main dukh ke samudra men dub rahi hun. apse barhakar hamari bhalai karne vala aur koi nahin hai. islie mere hitaishi svami ! ap soch vicharakar apne sankalp se hi mere kalyan ka koi aisa upay karen jisse ki mere putron ko ve vastuen fir se prapt ho jaen.’ shrishukdevji kahte hain- ‘is prakar aditi ne jab kashyap ji se prarthana ki, tab ve kuch vismit-se hokar bole- ‘bare ashcharya ki bat hai. bhagvan ki maya bhi kaisi prabal hai! yah sara jagat sneh ki rajju se bandha hua hai. kahan yah panchbhuton se bana hua anatma sharir aur kahan prakriti se pare atma? n kisi ka koi pati hai, n putra hai aur n to sanbandhi hi hai. moh hi manushya ko nacha raha hai. priye ! tum sabhi praniyon ke hriday men virajman, apne bhakton ke dukh mitane vale jagadguru bhagvan vasudev ki aradhna karo. ve bare dindyalu hain. avashya hi shrihri tumhari kamnaen purn karenge. mera yah drirh nishchay hai ki bhagvan ki bhakti kabhi vyarth nahin hoti. iske siva koi dusra upay nahin hai.’ aditi ne pucha - bhagavan ! main jagdishvar bhagvan ki aradhna kis prakar karun, jisse ve satyasankalp prabhu mera manorath purn karen. patidev ! main apne putron ke sath bahut hi dukh bhog rahi hun. jisse ve shighra hi mujh par prasann ho jaen, unki aradhna ki vahi vidhi mujhe bataen. kashyap ji ne kaha- ‘devi ! jab mujhe santan ki kamna hui thi, tab mainne bhagvan brahmaji se yahi bat puchi thi. unhonne mujhe bhagvan ko prasann karne vale jis vrat ka updesh kiya tha, vahi main tumhen batlata hun. falgun ke shukla paksh men barah din tak keval dudh pikar rahen aur param bhakti se bhagvan kamalanayan ki puja karen. amavasya ke din yadi mil sake to suar ki khodi hui mitti se apna sharir malakar nadi men snan karen. he devi ! praniyon ko sthan dene ki ichcha se varahbhgvan ne rasatal se tumhara udvar kiya tha. tumhen mera namaskar hai. tum mere papon ko nasht kar do. iske bad apne nitya aur naimittik niyamon ko pura karke ekagrachitt se murti, vedi, surya jal, agni aur gurudev ke rup men bhagvan ki puja kare. aur is prakar stuti kare- ‘prabho ! ap sarvashaktiman hain. antaryami aur aradhniya hain. samast prani ap men aur ap samast praniyon men nivas karte hain. isi se apko ‘vasudev’ kahte hain. ap samast charachar jagat aur iske karan ke bhi sakshi hain. bhagvan ! mera apko namaskar hai. ap avyakt aur sukshm hai. prakriti aur purush ke rup men bhi ap hi sthit hain. ap chaibis gunon ke jane vale aur gunon ki sankhya karne vale sankhyashastra ke pravartak hain. apko mera namaskar hai. ap yah yagya hain, jiske prayniya aur udyniya- ye do karm sir hain. pratah, madhyahn aur sayan- ye tin savan hi tin pad hain. charon ved char sing hain. gayatri adi sat chand hi sat hath hain. yah dharmamay vrishbhrup yagya vedon ke dvara pratipadit hai aur iski atma hain svayan ap! apko mera namaskar hai. ap hi lokakalyan- kari shiv aur ap hi pralykari rudra hain. samast shaktiyon ko dharan karne vale bhi ap hi hain. apko mera bar-bar namaskar hai. ap samast vidyaon ke adhipti evan bhuton ke svami hain. apko mera namaskar. ap hi sabke pran aur ap hi is jagat ke svarup bhi hain. ap yog ke karan to hain hi svayan yog aur usse milne vala aishvarya bhi ap hi hain. he hiranyagarbh ! apke lie mere namaskar . ap hi adidev hain. sabke sakshi hain. apko mera namaskar . apka sharir marktmni ke saman sanvla hai. samast sanpatti aur saundarya ki devi lakshmi apki sevika hain. pitanbrdhari keshv! apko mera bar-bar namaskar. ap sab prakar ke var dene vale hain. uske bad gandh, mala adi se puja karke bhagvan ko dudh se snan karaen. uske bad vastra, yagyaopvit, abhushan, padya, achaman, gandh, dhup adi ke dvara dva adshakshar mantra se bhagvan ki puja karen. yadi samathrya ho to dudh men pakaye hue tatha ghi aur gur mile hue shali ke chaval ka naivedya lagave aur us ka dvadshakshar mantra se havan karen. us naivedya ko bhagvan ke bhakton men bant de ya svayan pa le. achaman aur puja ke bad tambul nivedan karen. ek sau ath bar dvadshakshar mantra ka jap karen aur stutiyon ke dva ara bhagvan ka stavan karen. pradakshina karke bare prem aur anand se bhumi par lotakar dandavat-pranam karen. nirmalya ko sir se lagakar devta ka visarjan karen. kam-se-kam do brahmanon ko yathochit riti se khir ka bhojan karaen. dakshina adi se unka satkar karen. iske bad unse agya lekar apne ishta-mitron ke sath bache hue ann ko svayan grahan karen. us din brahmacharya se rahen aur dusre din pratahkal hi snan adi karke pavitrapurvak purvokt vidhi se ekagra hokar bhagvan ki puja karen. is prakar jab tak vrat samapt n ho, tab tak dudh se snan karakar pratidin bhagvan ki puja karen. bhagvan ki puja men adr-buddhi rakhte hue keval payovrati rahakar yah vrat karna chahiye. falgun shukra pratipda se lekar trayodshiparyant brahmacharya se rahe, prithvi par shayan karen aur tinon samay snan karen. jhuth n bole. kisi bhi prani ko kisi prakar se kasht n pahunchave.
Kya aapko lekh pasand aaya? Subscribe

Kya aapko lekh pasand aaya? Subscribe


rudraksh evan adhyatmik vastu visheshank  February 2007

prakriti ke kosh se hamen kai jivanoparyant vastuen prapt hoti hai. aisi hi vastuon men ek hai rudraksh. rudraksh ka adhyatmik aur aushdhiya mahattva bahut hai. shuddh rudraksh ki pahchan kaise ki jae? rudraksh ka sambandh bhagvan shiv se kaise juda hua hain? rudraksh dharn

Subscribe

Apne vichar vyakt karein

blog comments powered by Disqus
.