बहुला चतुर्थी व्रत

bahula chaturthi vrat  

Ank ke aur Lekh | Sambandhit Lekh | Views : 526 |  
bhadrapad mas ke krishn paksh ki chaturthi bahula chaith ya bahula chaturthi ke nam se prasiddh hai. yah vrat putravti striyan putron ki raksharth karti hain. vastutah yah vrat gau puja ka parva hai. satya vachan ki maryada ka parva hai. mata ki bhanti apna dudh pilakr gau manushya ki raksha karti hai, usi kritagyata ke bhav se is vrat ka paln sabhi striyon ko karna chahie. yah vrat santan ka data tatha aishvarya ko barhane vala hai. shastron men kaha bhi hai ‘mata se barhakar gau mata’ vrat vidhan: is din pratah kal snanadi kriyaon se nivritt hokar hath men gandh, akshat (chavl), pushp, durva, dravya, pungifal aur jal lekar vidhivt nam gotra vanshadi ka uchcharan kar sankalp len. is din din bhar vrat karke sandhya ke samay ganesh gauri, bhagvan shrikrishn evan savatsa gay ka vividh upcharon se pujan karen. is din pukhe (kulhara) par papri adi rakhakar bhog lagaen aur pujan ke bad brahman bhojan karakar usi prasad men se svayan bhi bhojan karen. is din gay ke dudh se bani hui koi bhi samagri nahin khani chahie aur gay ke dudh par uske bachre ka adhikar samjhna chahie. bhagvan shrikrishn aur gay ki vandna karen krishnay vasudevay harye parmatmane namah. prantah klesh nashay govinday namo namah .. krishnay vasudevay devkinandanay ch. nandagopkumaray govinday namo namah.. tvan mata sarvadevanan tvan ch yagyasya karanam. tvan tirthan sarvatirthanan namaste'stu sadanghe.. pujan ke bad nimn mantra ka path karen yaah palayantyanathanshch parputran svaputravat. ta dhanyastaah kritarthashch tastriyo lokmatrah .. is mantra ko parhakar is vrat ki katha ka shravan karen. katha: dvapar yug men jab puran purushottam bhagvan shri hari ne vasudev devki ke yahan shrikrishn rup men avtar lekar brajmandal men lilaen ki to anek devta bhi apne-apne anshon se unke gop gval unki lila men sahayak hue. goshiromni kamdhenu bhi apne ansh se utpann ho bahula nam se nandbaba ki goshala men gay bankr uski shobha barhane lagi. shrikrishna ka usse aur bahula ka shrikrishn se sahaj sneh tha. balkrishn ko dekhte hi bahula ke stanon se dugdhadhara bahne lagti aur shrikrishn uske matribhav ko dekh uske stanon men kamal pankhuriyon ke saman apne othon ko laga amrit sadrish dugdh ka pan karte. ek bar bahula van men hari-hari koml komal ghas char rahi thi. nand nandn shri krishn ko lila sujhi, unhonne maya se sinh ka rup dharan kar liya, bahula un sinh rupdhari bhagvan shrikrishn ko dekhakar bhaybhit ho gai aur thar-thar kanpne lagi. usne din vani men sinh se kaha - ‘he vanraj ! mainne abhi apne bachre ko dudh nahin pilaya hai, vah meri pratiksha kar raha hoga. atah mujhe jane do, main use dudh pilakar tumhare pas a jaungi, tab mujhe khakar apni kshudha shant kar lena. ‘sinh ne kaha- ‘mrityupash men fanse jiv ko chor dene par uske punah vaps lautakar ane ka kya vishvas?’ nirupay ho bahula ne jab satya aur dharm ki shapath li, tab sinh ne use chor diya. bahula ne goshala men jakr pratiksharat bhukh se vyakul bachde ko dugdhapan karaya or apne satya dharma ki raksha ke lie sinh ke pas vaps laut ai. use dekhakar sinh ka svarup dharan kie hue shrikrishn prakt ho gae aur bole- ‘bahule ! yah teri agni pariksha thi, tu apne satyadharma par drirh rahi, atah iske prabhav se ghar-ghar tera pujan hoga aur tu gomata ke nam se pukari jaegi.’ bahula param purush bhagvan gopal ka ashirvad prapt kar apne ghar laut ai aur apne vats ke sath anand se rahne lagi. is vrat ka uddeshya yah hai ki hamen satyapratigya hona chahie. uparyukt katha men satya ki mahima ka varnan kiya gaya hai. satya ke bare men kaha bhi hai- sanch barabar tap nahin, jhuth barabr pap. jake hriday sanch hai, take hriday ap.. atah is vrat ka palan karne vale ko satyadharm ka avashya palan karna chahie. sath hi anath ki raksha karne se sabhi manorath purn ho jate hain. yah bhi is katha ki mahan shiksha hai. jo striyan shraddha v bhakti bhav se is vrat ko karti hain, ve nishchay hi gomata ke saman apne putron ki rakshak ban jati hain.
Kya aapko lekh pasand aaya? Subscribe
Kya aapko lekh pasand aaya? Subscribe


tairo visheshank  August 2015

fyuchar samachar ke tairo kard visheshank men falakathan ki lokapriya paddhati ke parichay, itihas, patton ki vyakhya adi vishyon par akarshak v saragarbhit lekhon ke atirikt samyik charcha ke antargat guru ke gochriya prabhav ko shamil kiya gaya hai. is ank men manbi bandopadhyay ke jivan par satya katha, bharat charitra, edolf hitalar ki jivni ka jyotishiya vishleshan, naitik dhang se vash men karne ke lie kya karen?, panchang dekhe bina tithi batana adi lekh bahut rochak hanai. vichar goshthi men prakritik apda ke jyotishiya karnon ki vyakhya ki gai hai. visheshakar mahilaon ke lie jyotish evan mahilaen namak shirshak ke antargat ap aur apke jivan sathi ke bare men apki rashi ke adhar par bataya gaya hai. anya sthayi stambhon men shravan mas men vishisht shiv sadhnaon ke bare men rochak jankari di gai hai. panch-pakshi, vastu paramarsh, aspatal ka vastu, grah gochar evan vyapar, muhurt evan pachang sambandhi jankari tatha hailth kaipsul drishtavya hain.

Subscribe

Apne vichar vyakt karein

blog comments powered by Disqus
.