नेत्र रोग
Ank ke aur Lekh | Sambandhit Lekh | Views : 1417 |  
prakriti ne ankhon ki suraksha ke lie inko kotron men rakha hai, inki safai ke lie kotron men pani bhara hai, taki har vakt yah pani ankhon ki safai kar sake. ankhane ki apni bhasha hoti hai, apni abhivyakti hoti hai. shayri aur kaviyon ki bhasha men ankhen sagr se bhi jyada gahri hain jismen koi bhi dub sakta hai, sama sakta hai. yah sab tabhi sanbhav hai jab ankhen saf aur svasth rahen. islie inka vishesh dhyan rakhna har vyakti ka farj hai. ayurved shastra men vibhinn chakshu rogon ke lie bahut hi karagar aushdhiyan evan upchar paddhatiyon ka vistrit varnan milta hai. ye upchar aj bhi netra rogiyon ke lie bahut hi kargr hain. inhin aushdhiyon evan upchar paddha tiyon ka upyog karke vibhinn netra rogon se bacha ja sakta hai. ankhon se sanbandhit vibhinn prakar ke rog tatha vikar hote hain- jaise - nazar ki kamjori, motiyabind akhane dukhna ankhon ke rohe ityadi. netra rog ke karn - dhup men ghumakar ane ke tunrat bad thande pani se nahana. - ankhon ki chot lagna - rat der tak jagna aur din men sona. - kanpyutar par lagatar kam karna. - nirantar krodh ya shok karna ya dukhi rahna. - dur ki vastuon ko ekatak der tak dekhna. - ahar men sirka, kulthi, urad, khatti chijen adhik khana. - mal-mutradi ki pravritti ko rokna - dhuen se yukt sthan men adhik samay rahna. ayurvedik gharelu upchar ayurved men kajal ka vidhan khas taur par bachchon ke lie kiya gaya hai parantu iska upyog bare bhi karte hain. yah bahar ki garmi se ankhon ko bachata hai. isse vitamin ‘e’ aur ‘bi’ prapt hote hain, jo ankhon ke lie bahut hi labhdayak hain. - gulab jal aur rasanjan ko milakar do-do bund din men char-panch bar ankhon men dalne se ankh ka ana thik ho jata hai. - dudh men ghi dalakar pine se ankhon ki roshni barhti hai. - ashvagandh aur mulethi ke churna ko milakar usmen anvle ka ras dalakar rojana ek bar sevn karne se ankhon ki roshni barhti hai. - trifla aur post ki kaliyon ko pani men ubalakar rakhen aur roj dukhti ankh men do-do bund dalen to dukhti hui ankh thik ho jaegi. - rojana shuddh shahad surme ki tarh ankhon men lagane aur nange panv os par chalne se ankhon ki roshni tej hoti hai, chashma bhi utar jata hai. - trifla ko shahad aur ghi men milakar pratidin khane se ankhon ki roshni barhti hai aur ankhon se pani ana band ho jata hai. - kali mirch ka churn, misri aur ghi men milakar pratidin sevan karne se ankhon ki jyoti tivra hoti hai. motiyabind shuru hote hi ninbu ka ras do-do bund ankhon men dalne se motiyabind nahin barhta. -bang bhasm aur vansh lochan khub pis len aur salai se surme ki tarah lagane se motiya bind, jala, khujli adi rog tatha vikar nashta hote hain. jaitun ke tel ki ek-ek bund ankhon men dalne se roshni barhti hai. khujli aur jale ke vikar nashta hote hain. jyotishiya drishtikon jyotish shastra ke anusar surya aur chandra netra rog men vishesh mahatva rakhte hain. ye donon grah roshni karak hain jisse ham dekh sakte hain. agar surya aur chandra roshni n den to ham dekh nahin sakte. islie rat ko surya ki roshni nahin rahti to upkrnon ki sahayta se roshni kar ke ham dekh sakte hain. hamari ankhon men surya aur chandra se prabhavit hone vale tatva hain, jo bahut hi komal hain. jab ye tatva vikar yukt ho jate hain to hamare netra rogi ho jate hain aur rog adhik hone se andhapan bhi a jata hai. kal purush ki kundli men dvitiya aur dvadash bhav paraspar dayin aur bayin ankh ka netritva karte hain, chatha bhav naisargik rog karak hai. jab surya, chandra shatru rup men aur rog karak grah milakar uparyukt bhavon ko prabhavit karte hain to netra rog hota hai. arthat surya, chandra, dvitiya bhav, dvitiyesh, dvadash bhav, dvadshesh, lagnesh evan lagn jab dushprabhavon men rahte hain to netra rog hota hai. vibhinn lagnon men netra rog mesh lagna: lagnesh mangal evan dvitiyesh shukra shashth bhav men ho, surya ashtam bhav men rahu se yukt ya drishta ho to netra rog se jatak pirit rahta hai. vrish lagna: dvitiyesh evan dvadshesh surya se ast hokar dvitiya, ashtama ya dvadash bhav men ho aur chandra purnima ka hokar rahu-ketu se yukt ya drisht ho to jatak ko netra rog ka samna karna parta hai. mithun lagna: chandra-shukra akark mangal se yukt hokar dvitiya, dvadash, saptam ashtam bhav men sthit ho, surya rahu-ketu se yukt v drisht ho, lagnesh badhak guru se yukt ho ya drishta ho to jatak netra rog se pareshan rahta hai. kark lagna: rahu surya dvitiya bhav men, budh lagn men, chandra ashtam bhav men guru se yukt ya drisht ho to jatk ko bachapan se hi chashma lag jata hai. sinh lagna: surya-shani-budh tinon shashth, saptam ya ashtam bhav men ho, guru dvitiya bhav men ya dvadash bhav men rahu-ketu se yukt ya drisht ho to jatak ki najar kamjor rahti hai. kanya lagna: surya-shukra, rahu-ketu se yukt ya drisht hokar chaturth bhav men sthit ho aur mangal lagn men chandra se yukt ya drisht ho to jatak ko jivan men jald hi ankhon se pareshani rahti hai. tula lagna: guru rahu se yukta dvitiya bhav, shashth bhav, ashtam bhav ya dvadash bhav men ho aur surya guru se saptam rahe, mangl-budh sath hokr kundli men kahin sthit hon to jatk ko netra sanbandhit rog rahta hai. vrishchik lagna: surya-budh dvitiya bhav men ho aur rahu ketu se yukt ya drisht ho, lagnesh mangal shashth bhav men shani se drisht ya yukt ho to jatk ki ankhon men pareshani ati hai. dhanu lagna: shukra dvitiya ya dvadsh bhav men, mangl-shani shashth ya ashtam men ho, chandra-surya se ast ho aur rahu-ketu se drisht ya yukt ho to jatak ko netra sanbandhit rog hota hai. makar lagna: lagnesh shani shashtha bhav ya ashtam bhav men surya se asta ho, guru dvitiya ya dvadash bhav men rahu-ketu se drisht ya yukt ho to jatak ko netra rog hota hai. kunbh lagna: shani shashth bhav men guru, dvadash bhav men chandra se yukt ho, surya-rahu yukt hokar dvitiya bhav men ho to jatak netra rog se pirit hota hai. min lagna: shani dvitiya bhav men, shukra dvadash bhav men, guru surya se ast hokar shashth ya ashtam bhav men rahu-ketu se yukt ya drisht, chandra lagn men ho to jatak ko netra rog se pirit hona parta hai. rog ka samay evan avdhi sanbandhit grahon ki dasha, antardasha evan gochar sthiti pratikul hone par rog hota hai uprant rog se chutkara mil jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


tairo visheshank  August 2015

fyuchar samachar ke tairo kard visheshank men falakathan ki lokapriya paddhati ke parichay, itihas, patton ki vyakhya adi vishyon par akarshak v saragarbhit lekhon ke atirikt samyik charcha ke antargat guru ke gochriya prabhav ko shamil kiya gaya hai. is ank men manbi bandopadhyay ke jivan par satya katha, bharat charitra, edolf hitalar ki jivni ka jyotishiya vishleshan, naitik dhang se vash men karne ke lie kya karen?, panchang dekhe bina tithi batana adi lekh bahut rochak hanai. vichar goshthi men prakritik apda ke jyotishiya karnon ki vyakhya ki gai hai. visheshakar mahilaon ke lie jyotish evan mahilaen namak shirshak ke antargat ap aur apke jivan sathi ke bare men apki rashi ke adhar par bataya gaya hai. anya sthayi stambhon men shravan mas men vishisht shiv sadhnaon ke bare men rochak jankari di gai hai. panch-pakshi, vastu paramarsh, aspatal ka vastu, grah gochar evan vyapar, muhurt evan pachang sambandhi jankari tatha hailth kaipsul drishtavya hain.

Subscribe

Apne vichar vyakt karein

blog comments powered by Disqus
.