वास्तु आंतरिक सज्जा का महत्व

vastu antrik sajja ka mahatva  

Ank ke aur Lekh | Sambandhit Lekh | Views : 966 |  
abhi mai men pandit ji ko maerishas jane ka avasar mila. vahan ek mahila vyavsayi ne vartalap men bataya ki usne ek naya karyalay liya hai jismen lakri ka kam, partishn adi antim daur men hai. usne pucha ki kya is sthiti men bhi vastu/fengshui ki salah se koi labh ho sakta hai. pandit ji ne bataya ki niyamitakar nirman ke atirikt vastu men antrik saj-sajja jaise ghari, pani, ag, paudhe v vibhinn chitra adi ko uchit sthan par lagane ka bhi vishesh mahatva hai. kaun vyakti kahan, kis disha men baith kar kam kar raha hai yah bhi mahatvapurn hai. jo bhi vahan bataya gaya use tark sahit fyuchar samachar ke prabuddh pathkon ke lie yahan prastut kiya ja raha hai. disha nirdensh 1) svagat kaksh men bari kursiyon ki apeksha ek el shep men saiti agantukon ke liye rakhen taki vahan adhik logon ko baithne ki suvidha mil sake. vahin par uttara-pashchim men pashchim ke kone men prodakts broshars lagayen tatha uttar ki divar par kanpni ko mila laisens lagayen aur risepshanist ki sit ke piche vali dakshin divar par kanpni ka logo lagayen. aisa karne se agantuk logon ko kanpni ki jankari milegi, kanpni ka logo agantukon ke manomastishk par lanbe samay tak chaya rahega jisse isi kanpni ki chijen kharidna pasand karenge. sath hi vayavya kon men lagaye gaye prodakts broshars v laisanes adi se kanpni ka prachar-prasar teji se hoga. 2) prabandhak kaksh men prabandhak ki sit ke piche pashchimi divar par pahar ka bina pani ka chitra lagane se prabandhak vahan sthirta se baithakar sucharu rup se karya kar sakega aur uski karya kshamata bhi barh jaegi. 3) miting kaksh ka dvar ishan men slaiding rakhna chahie taki miting sakaratmak rup se puri ho sake. 4) nideshak kaksh men ishan ke dvar ko hata kar thora sa purva disha men karen taki agantuk, vichlit nahin hon aur sofon ki jagah gol mej rakhen taki vah kam sthan ghere. - isi kaksh men nideshak ki sit dakshin men rakhen taki uttar disha ki taraf uska munh rahe, aur unki sit ke piche bina pani ke pahar ka chitra lagayen taki vah sthirta purvak samajhakar nirnay le sake jo unnatidayk siddh ho. gol mej ke pas uttari divar par niyagrafael ka sundar chitra lagayen, jo asim dh andayak siddh hoga. kanpni ki unnati hogi. - sath hi jo fail kaibinet hai vah dakshin ki apeksha pashchim ki divar par lagayen ya banayen aur nideshak ke agney kon men sidhe hath par paudha lagayen taki kanpni ka vikas hota rahe tatha ishan kon mane pani ka favvara ya halka ekveriyam rakhen. 5) donon vaesh rum men dikhaye sthan par dvar slaiding rakhen tatha uttari divar par shisha lagayen. 6) paintri men ag pani yani sink v gais barnara ek lain men hain jo ki thik nahin hota kyonki isse malik v karmachariyon men vaicharik matbhed ho sakte hain jo ek kanpni ya udyog ke vikas men badhak ho sakte hain, atah sink gais ke pas se hatakar uttar ki divar par karen aur gais ka chulha do barnar vala rakhne se rasoi men jyada jagah mil jayegi. 7) vikray vibhag men purva ki divar par hariyali ka chitra lagayen jo vikas ka pratik hai aur vikray vibhag ke adhikari ki sit ke piche dakshini divar par kisi bari bilding ka chitra jismen jal n ho yah uchit nirnay lene men sahayak siddh hoga, agantukon ke piche ki divar par uttar disha men svarn mandir ki jal vali foto lagayen jisse dhanagaman uchit samay par hota rahe. 8) isi prakar lekhakar ke kaksh men usi divar par ghari ko lagana bhi dhan ki vriddhi men labhkari siddh hoga. 9) pratiksha kaksh men ishan kon men favvara lagayen jo chalta rahe aur agni kon men paudha lagayen, isi prakar pratiksharat logon ki sit ke piche ghari bhi lagayen aisa karne se chahunmukhi vikas hoga.
Kya aapko lekh pasand aaya? Subscribe
Kya aapko lekh pasand aaya? Subscribe


tairo visheshank  August 2015

fyuchar samachar ke tairo kard visheshank men falakathan ki lokapriya paddhati ke parichay, itihas, patton ki vyakhya adi vishyon par akarshak v saragarbhit lekhon ke atirikt samyik charcha ke antargat guru ke gochriya prabhav ko shamil kiya gaya hai. is ank men manbi bandopadhyay ke jivan par satya katha, bharat charitra, edolf hitalar ki jivni ka jyotishiya vishleshan, naitik dhang se vash men karne ke lie kya karen?, panchang dekhe bina tithi batana adi lekh bahut rochak hanai. vichar goshthi men prakritik apda ke jyotishiya karnon ki vyakhya ki gai hai. visheshakar mahilaon ke lie jyotish evan mahilaen namak shirshak ke antargat ap aur apke jivan sathi ke bare men apki rashi ke adhar par bataya gaya hai. anya sthayi stambhon men shravan mas men vishisht shiv sadhnaon ke bare men rochak jankari di gai hai. panch-pakshi, vastu paramarsh, aspatal ka vastu, grah gochar evan vyapar, muhurt evan pachang sambandhi jankari tatha hailth kaipsul drishtavya hain.

Subscribe

Apne vichar vyakt karein

blog comments powered by Disqus
.