मंदिर निर्माण में वास्तु की उपयोगिता

mandir nirman men vastu ki upyogita  

Ank ke aur Lekh | Sambandhit Lekh | Views : 1274 |  
pra. mandir ke nirman ke lie kis tarah ki bhumi ka chayn karna chahie ? u.-mandir nirman ke lie bhukhand ka chayan savdhani purvak karna chahie. mandir nirman ke lie bhukhand khule, shant aur svachch sthan par hone chahie. mandir ko ghani abadi se dur rakhna chahie. mandir ke as pas 100 fit ke vistar men makan nahin hona chahie. isse mandir ke as-pas shanti evan svachchata bani rahti hai. sath hi dhvajdosh se hone vali pira se bhi bachav hota hai. sath hi mandir nirman hetu upalabdha bhukhand ke uttar evan purva ki or samudra, nadi, jhil ya jharna adi ho to vah bhukhand mandir nirman hetu sarvashreshth mani jati hai. is tarh ke bhukhand par mandir ke nirman karne se shighratashighra prasiddhi milti hai. mandir ko shahar ke unche sthan ya paharon ke bich men hona achcha hota hai. mandir shahar ke dakshin-pashchim men hone par pratyek prakar ke sukh-samriddhi evan yash dene vala hota hai. aise mandir manokamnapurk mandir ho jate hanai. is tarah mandir ke purva ya uttar men nivas karne vale log sukh-shanti purvak apna jivan vyatit karte hain jabki mandir ke dakshin-pashchim men nivas karne vale logon ki sukh-shanti khatm ho jati hai tatha hamesha pareshaniyon ka samna karna parta hai. mandir ke charon or khali jagh rakhni chahie. uttar aur purva disha men adhik se adhik khali jagh rakhna labhaprad hota hai. mandir ke satah ki dhal uttar, purva ya uttara-purva ki or rakhna chahie. jin mandiron ke uttar evan purva bhagon men unche jamin ki satah bani hoti hai vahan devi-devta pravesh karna pasand nahin karte tatha mandir lokapriya nahin hoti. pra.- mandir men pravesh karne ke lie dvar kis or se rakhna atyadhik labhaprad hota hai ? u.-mandir men mukhya pravesh dvar purva evan uttar ki or se karna labhaprad hota hai kyonki kuch devi-devta indra ke raste purva se mandir men ana pasand karte hain. jis mandir ka pravesh dvar purva disha ki or ho tatha nikas uttar disha ki or se ho us mandir men puja path karne vale ko atmik shanti ke sath yash aur pratishtha ki prapti hoti hai. kuch devi devta uttar, ishanya ya vayavya ke raste mandir men ana pasand karte hain. unke lie uttar, ishanya ya pashchimi vayavya ki or dvar rakhna labhaprad hota hai. varun ya vayu devta hamesha pashchimi vayavya ke raste mandir men ana pasand karte hain. islie is sthan se dvar ka hona bhi labhaprad hota hai. dakshini agney men dvar ka hona agni dev ko pasand hai. atah is or bhi dvar rakha ja sakta hai. mukhya mandir men dvar charane taraf arthat char dvar rakhna achcha hota hai. lekin mukhya dvar anya dvar ki apeksha bari evan akarshak rakhni chahie. mukhya dvar ko is tarah se nahin banana chahie ki raste se hi bhagvan ke darshan ho rahe hon. amtaur par is tarah dvar ki sthiti rahne par atyant prayas ke bavjud mandir prasiddh nahin ho pata hai. pra.-mandir ka antrik banavt kis tarah ka rakhna labhaprad hota hai ? u.- mandir parisar men pravesh karne par jute chappal rakhne ki jagah vayavya ki or rakhna chahie. hath-pair dhone ke lie pani ya nal uttar ya purva ki or rakhna labhdayak hota hai jabki shauchalay, mandir parisr ke bahar banana chahie. parking bhi mandir parisar ke bahar purva ya uttara ki taraf karna chahie. khane-pine ki vastuen bhukhand ke uttara-pashchim ki or rakhna chahie. pani ka srot (kuan ya panp) ya pani ka andaragraund bhandaran uttara-purva bhag men karna labhaprad hota hai. rasoighar ya prasad banane ka sthan dakshin-purva bhag men rakhna chahie jabki prasad sthal arthat mandir men charhane ke lie jahan se log prasad kharidte hon purva ya uttara-purva men rakhna chahie. mandir men hundi ya dan peti uttar ya purva ki taraf rakhna chahie. shadi-vivah ya anya dusre dharmik karya mandir parisar ke bahr khule sthan par pashchim ya dakshin taraf karna chahie. pra.-mandir parisar ke uttara-purva men jharna, talab ya pani ka kudrti srot kya fal deta hai ? u.-mandir ke uttara-purva men nadi, talab ya jharna bahta ho to mandir ki prasiddhi men ashcharyajanak vriddhi dekhne ko milti hai. sath hi aise mandir ya tirth sthan shighra faldayi hote hain. bharat men bahut se vishva vikhyat mandir ya math hain jinke uttara-purva men nadi, talab ya jharna bahta hai. tirupti balaji ke mandir ke uttar men pushyakrni nadi evan ramkrishn math ke purva men ganga nadi ka bahna iska ek utkrishta udaharan hai. pra.- mukhya mandir ko bhukhand ke kis sthan par sthapit karna achcha hota hai ? u.- mukhya mandir ko bhukhand ke dakshin-pashchim bhag arthat chandra bhumi par sthapit karna achcha hota hai. is tarah ka mandir sabhi prakar ke sukh aur aishvarya pradan karta hai. chandra bhag par mandir ki murti ki pran pratishtha ki jaye tatha surya bhag ki or se pravesh dvar banai jae to aise mandir manokamna purak mandir ban jate hanai. pra.- mandir men murti kis tarah ka rakhna chahie ? u.-mandir men murti hamesha patthar ya dhatu ka thos hona chahie. mitti ki bhi murtiyan shubh hoti hain, lekin inhen andar se khokhla nahin hona chahie. murti sthapna aur pran pratishtha shubh muhurt men karni chahie. mangal ka pratik ganesh ji hain. atah ganesh ji ki sthapna ke lie sahi disha dakshin hai. aisa hone se ganesh ji ki drishti uttar ki taraf rahegi. uttar men himalay parvat hai jis par ganesh ji ke mata-pita shankr-parvati ji ka nivas sthan hai. bhagvan ganesh ko apne mata-pita ki or dekhna achcha lagta hai. islie ganesh ji ki murti dakshin disha men rakhna sarvatha yogya hota hai. ganesh ji ki sthapna pashchim disha men kabhi nahin karni chahie kyonki ganesh ji mangal ke pratik hain aur pashchim disha ke svami shani hanai. is tarh shani evan mangal ek sath ho jayenge jo ki uchit nahin hai. lakshmi, vishnu evan kuber ki murtiyan uttara-purva men purva disha ki taraf, mahasarasvati ko pashchim ki disha ki taraf evan mahakali ko dakshin disha ki tarf rakhna labhaprad hota hai. pra.- puja kartee vakt devtaon ke charnon men sir kyon tekte hain ? u.- manushya ka sir uttari dhurav hota hai aur pran pratishthit murti ka charn dakshin dhruv hote hain. jab devi-devta ke pavitra charnon men sir rakha jata hai to manushya ke sharir ke rinatmaka urja khatm ho jate hain tatha sharir ke andar sakaratmak urja ka sanchar hota hai jisse sharir ke gupt vikar samapt ho jate hain. isi karan puja karte vakt devtaon ke charnon men sir tekte hain.
Kya aapko lekh pasand aaya? Subscribe
Kya aapko lekh pasand aaya? Subscribe


shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe

Apne vichar vyakt karein

blog comments powered by Disqus
.