लक्ष्मी प्राप्ति एवं समृद्धि के उपाय

lakshmi prapti evan samriddhi ke upay  

Ank ke aur Lekh | Sambandhit Lekh | Views : 8648 |  

pauranik sahitya men anek sthanon par lakshmi prapti ke upay vishye par vistrit charcha ki gai hai. lakshmi prapti ke ye upaye jinmen dhan lakshmi prapti ke totke, lakshmi prapti mantra tatha lakshmi prapti ke stotra v yagyaon, anushthan vidhi tatha uddeshyon ka ullekh sammilit hai, nishchit rup se prabhavshali v chamatkari mana jata hai. is lekh men dhan lakshmi prapti mantra, karj se chutkara tatha buri atmaon v choron se dhan ki raksha adi vishyon par upayon ka samavesh kiya gaya hai.

matsye - dipairnirajnadatra saisha dipavlismrita.

matsya puran ke anusar anek dipkon se lakshmi ka nirajan (arti) karne ko dipavli kahte hain. dipavli ke din sinh lagn men lakshmi evan ganesh ke pujan ka vishesh mahatmya hai. is din sinh lagn athva sthir lagn men] svachch vastra dharan kar ke, dhatu se bane lakshmi yantra] kuber yantra athva shri yantra ko pratishthit kar ke unke samaksh lakshmi ke mantron ko jap karna evan shri sukt se puja karna atyant shubh hai. yantra ko ganga jal, panchamrit se snan kara kar, kunkum ka tika lagana chahie. yantra ke sammukh anek prakar ke mishtann sahit falon ka bhog lagana chahie.

varah puran ke anusar lakshmi ki kund pushp se puja karna evan vishnu ki kamal pushp se puja karna shreshth mana gaya hai. lakshmi ka nivas bel vriksh men mana gaya hai. atah inhen bilva patra bhi arpan karna chahie. lakshmi pujan ke samay is din dravya, svarn mudra, rajat mudra adi arpan karna shubh mana gaya hai. dipavli ki ratri ko lakshmi ji ka shri sukt evan kankdhara ka path karna ati labhkari mana gaya hai. kyonki inhen lakshmi prapti stotra sangrah men sarvochch sthan prapt hai.

dipavli ke din lakshmi prapti evan samriddhi ke lie nimnalikhit vishesh upay kiye ja sakte hain. yahan varnit lakshmi prapti ke upay saral evan shreshth hain.

dhanagaman ke upay

dhanagaman ka mukhya upay lakshmi-kuber ka stotra mana gaya hai. kuber devtaon ke koshadhipti hain. arthik unnati ke lie inki upasna ki jati hai. isilie dhan lakshmi prapti stotra sangrah men lakshmi kuber stotra ka apna alag sthan hai. kuber yantra ko puja ke sthan men rakhne ka bahut mahatva hai. ise shreshth dhan lakshmi prapti yantra mana jata hai.

vidhi

dipavli se purva kuber puja (dhan ters) ke din athva ashvin mah krishn ashtami ko iski puja-upasna shreshth mani gayi hai. lal vastra par kuber evan lakshmi yantra (dhatu ka bana) ko pratishthit kar ke, lal pushp, asht gandh, anar, kamalagatta, kamal pushp, sindur adi se pujan kar ke kamal gatte ki mala par kuber ke mantron ka jap karen. jap ke pashchat kankdhara stotra ka path, lakshmi-gayatri ka path karna shubh falon ki vriddhi karta hai. path ke pashchat mala ko gale men dharan kar len.

mantra

o'm yakshay kuberay vaishravnay dhan dhanyadi patye dhan dhanya samriddhin me dehi dapay svaha.

yah lok prasiddh dhan lakshmi mantra hai.

vishnu-lakshmi ka pujn-archan kar ke, tanbe ke bartan men shahad ka sharbat bana kar, brahman ko dan kar ke adhik labh paya ja sakta hai. hajar bel patra ko dho kar, vishnu evan lakshmi ke namaksharon men namah laga kar, unhen arpan karna lakshmi ki tushti ka upay hai.

dhan sangrah

kai bar ay to hoti hai, parantu uska apavyay hota rahta hai. n chahne par bhi, jatak anek tarah se kharchon men par jata hai. aisi sthiti men nimn likhit upay satik mana gaya hai.

dipavli ya kisi bhi mah ke sarvarth siddhi yog, chaitra shukla panchmi akshay tritiya guru pushya, bhishma ekadshi men se kisi ek din jatak subah snanadi kar ke, man bhagvti ke shri sukt ka path karen. lakshmi ki pratima ko lal anar ke dane ka bhog laga kar, arti adi kar ke, ghar se uttar disha ki or se prasthan kar paudhshala athva anyatra se bel ka chota per ghar laen. is bel ke per ko shuddh mitti ke naye gamle men lakshmi ka sukt parhte hue laga den. is bel ko ghar ke uttar disha men saf-suthre sthan par rakhen tatha pratyek sham ko iske pas shuddh deshi ghi ka dipak jalaen. jabatak is bel ki puja hoti rahegi tabatak jatak ke ghar men lakshmi ki vriddhi hogi evan apavyay band ho jaega.

karj se chutkara

karj pane ke lie kuber dev tatha karj chukane ke lie dakshinavarti ganesh ki upasna ki jati hai. yadi karj chukane ki rakam itni adhik ho jae ki jatak use chukane men asamarth ho, to aise jatkon ko gajendra moksha’ namak stotra ka path karne se adhik labh hota hai.

vidhi

narad puran ke anusar vaishakh mah ke shukla paksh tritiya tithi ko, ya dipavli ke din, vidhipurvak dakshinavarti ganesh (jis ganesh ki sunr dahini or ghumavdar ho) ki murti athva tasvir ko chandi ke sinhasan par sthapit kar ke ‘ganpti’ yantra ko uske sath sthapit kar kee yantra ke dahini or ‘kuber yantra’ ko sthapit karen. karj sanbandhi karya ke nimitt kuber mantra athva shri gajendra moksh stotra ka das hajar ki sankhya men jap karen. jap ke pashchat havan, tarpan, marjan adi karna avashyak ang mana gaya hai.

choron se dhan ki raksha

bar-bar choron dvara dhan churane ya vyapar men bar-bar hani hone ki sthiti se niptne ke lie vishnu ke sang rahne vali lakshmi ki upasna karni chahie.

vidhi

jyeshth mah ki shukla ekadshi (bhishma ekadshi) ya dipavli ke din gangadi punya sthal men athva ganga jal mishrit jal se ghar men snan kar ke kasauti patthar athva gandki nadi se prapt shaligram ko shvet kamal evan lakshmi yantra ko lal kamal ke pushp par sthapit kar ke, purush sukt, lakshmi sukt ko apas men sanputit kar path karna ati labhkari hai. kamal gatte ko ghi men dubo kar jyeshtha lakshmi ke mantron se yathavidhi havan karne se chirkal tak lakshmi ka nivas hota hai tatha choron se raksha hoti hai.

mantra - kshutpipasamlan jyeshthamalakshmin nashyamyaham. abhutinsmriddhin ch sarvan nirnud men grihat..

buri atmaon se dhan ki raksha

jahan bhi dhan rakhne ka sthan hota hai, vahan lal kapre men sindur ke sath kuber, lakshmi, ganesh adi ka yantra bandh kar rakhna chahie. dhan ke sthan par anya samagri rakhne se dhan hani athva adhik dhan kharch adi ke sath-sath anya kai prakar ki hani ki shankaen bani rahti hain.

vidhi

surya grahan athva chandra grahan ko athva dipavli ki ratri ko (ardharatri) dhan rakhne vale sthan par dakini ka avahan kar ke sukha meva, lal chandan, nariyal ka gola, thori si sarson (pili), lal pushp adi ko lal kapre men bandh kar, dakini ke 108 mantra parh kar, jal se abhimantrit kar ke dhan sangrah ke sthan par rakhne se jatak ke dhan par buri atmaon ka kuprabhav nahin parta hai.

mantra - o'm krin krin krin klin hrin ain dakini hun hun hun fat svaha.

uprokt lakshmi prapti ke upay anubhut prayog hain.

Kya aapko lekh pasand aaya? Subscribe
Kya aapko lekh pasand aaya? Subscribe


shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe

Apne vichar vyakt karein

blog comments powered by Disqus
.