शनि और करियर

shani aur kariyar  

Ank ke aur Lekh | Sambandhit Lekh | Views : 1728 |  
shani ko brahmand ka bailens vhil mana jata hai arthat shani srishti ke santulan chakra ka niyamak hai. kyonki bailens shani ka mukhya gun hai islie yah bailens ki karak rashi tula men atiprasann arthat uchcharashisth hote hain tatha vyavsayik jivan men adhik santulan, suraksha v sthirta arthat jaeb saikyuriti adi dene men samartha hote hain. ise nyay ka karak islie mana jata hai kyonki yah manushya ko uski galtiyon aur pap karmon ke lie dandit karke manvta ki raksha karta hai aur srishti men santuln sthapit karne ki prakriya ko sthirta purvak gati deta rahta hai. yadi jatak ki janmakundli men kariyar ke uchchatam shikhar par pahanuchne ke sabhi shubh yog vidyaman hon to yah sahi hai ki jatak apne kariyar men uncha uthega lekin unnati prapta hone ka uska marg saral hoga ya kathinaiyon se bhara hua hoga iska sukshm vishleshan karne hetu kundli men shani ki sthiti ka adhyayan karna hoga. yadi kundli men shani ki sthiti uttam ho, yah 3, 6, 10 ya 11ven bhav men sthit ho, nichrashisth va pirit n ho to asani se saflta milegi. nichrashisth hone ki sthiti men purn nichbhang ho raha ho to bhi saflta mil sakti hai. parantu yadi shani ka nichbhang nahin hua ya shani shatrurashisth v pirit hokr ashubh bhav men sthit hua to jatk ki saflta par prashn chihn lag jaega tatha vishesh yogyata sanpanna hone ke bavjud bhi use jivan men kathinaiyon v sangharsh se jujhna parega tatha vah sadharan jivan jine ke lie majbur ho jaega. shani hamen yatharthavadi banakar hamari vastavik shaktiyon v yogyataon se avagat karvata hai tatha hamen ekantapriya hokar nirantar apne lakshya ki or agrasar karvata hai arthat hamen thvabnemak rakhta hai. kalpurush ke anusar shani ko vyavsay ke karak dasham bhav ka svami mana jata hai. hamare jivan men sthirta v santulan ka vichar dashm bhav se bhi kiya jata hai kyonki dasham bhav vyavsay ka ghar hota hai aur jitna ham vyavsayik stara par safal hote hain utni hi shreshtha saflta hamen jivan ke dusre kshetron men bhi prapt hoti hai. nishkarshatah ham kah sakte hain santulan arthat bailens ke karak shani ki rashi ka vyavsay ke bhav men hona uchit hi hai. grahon men shani ko sarvadhik mahatvapurna mana jata hai. yadi yah grah balvan hokar shubh bhav men sthit ho to saflta jatak ke kadam chumti hai. shani ki vishesh uttam sthiti se jatak ko bahut se naukr-chakar, uchch padvi, saÿaa v dhan sampada adi sabhi kuch prapt ho jata hai. shani ko saÿaa ka karak islie mana jata hai kyonki rajniti, kutniti, mantripad sabhi isi ke irda-gird ghumte hain. yadi kundli men shani lagn men baitha ho to yah kalpurush ki dasham rashi makar ko dasham drishti se dekhakar na keval vyavsayik jivan men saflta ki garanti deta hai apitu apni lagnasth sthiti ke karan jatak ko kushal vicharak v yojnabaddh tarike se karya karne ki yogyata bhi deta hai. bare-bare rajnitigyaon, vyapariyon, vaigyanikon, tantrikon v jyotishiyon ki kundli men shani ki is prakar ki sthiti dekhi ja sakti hai. yadi lagnasth shani nich ka bhi ho to bhi vyavsayik jivan men sthirta v adhikar prapti ka karak banta hai kyonki vah dasham drishti se apni rashi ko dekhta hai aur kalpurush ke anusar bhi dasham bhav men iski makar rashi hi hoti hai jise vyavsay ki karak rashi mana jata hai. lagnasth shani sabhi lagnon ke lie shreshth hai yadyapi char lagn ke lie shani ki lagnasth sthiti adhik uÿam mani jaegi kyonki char lagnon ke jatkon men shighra nirnay lene ki kshamata hoti hai jabki shani ka gun dhairya v sthiritapurvak ekagrachitta hokar karya sampadan karna hai. islie in donon gunon ka sammishran jatak ko shreshthastariya saflta ka sutra v marg spasht kar deta hai. yadi kark lagn ke shani ka vichar karen to yah samanya rup se prabl akarak hota hai lekin shubh bhav lagn men baithakar yah n keval ashtamesh ka shubh fal dekar dirghayu banata hai apitu jatak ko risarch orientad, gupt v kutnitik yogyataon se sampann bhi kar deta hai. kark lagna ki apni yah visheshta hoti hai ki isse prabhavit jatkon ka sharir, man aur atma ekatm samanvit hote hain. lagn se sharir v atma ka vichar to hota hi hai sath hi man ki rashi kark ke lagn men a jane se chandrama ka prabhav bhi lagn mane a jaega kyonki yah lagnesh hoga islie aisi kanudli men lagnasth shani sharir, man v atma tinon ko prabhavit karega arthat manav ko sarvadhik prabhavit karne vale grah shani ka prabhav apke jivan ke har paksh par sidhe rup se parega aur falasvarup ap sarvadhik saflta prapt karne men saksham honge tatha rajniti ke galiyaron men apki kushlta ka vishesh danka bajega. tula lagn ki patri men lagnastha shani uchcharashisth hokar chaturthesh v panchmesh hokar apko shash yog se samanvit karke param bhagyashali bana dega tatha jivan ke har kshetra men ap safal honge. aisa bhi sanbhav hai ki ap yog, adhyatm, vairagya, darshan, tyag adi ki kathinatam rahasyamyi adhyatmik duniya men pravesh karke sansar ko chamatkrit kar den athva koi bare vaigyanik banen. makar rashi ki kundli men lagnesh shani apar dhan sampada se sampanna bara vyapari to bana hi dega sath hi apki ekagrachitt hokar nirantr apne lakshya ki or barhne ki pravriÿia ko bhi sudrirh karega. adhikatar aisa dekha gaya hai ki dasham bhavasth shani chahe kisi bhi rashi ka ho, jatak ke jivan men vyavsayik sthirta bani rahti hai. yadi aisa shani nich ka ho to bhi jatak ka karya chalta rahta hai. nich rashi ka shani aksar jyotish karyon se ya anya paramarsh sanbandhi karyon se labhanvit karata hai. shani ka dasham bhav se sanbandh hone se lohe ka vyapar tatha til, tel, khanij padarth, petrol, sharab adi ke kray-vikray se, thekedari se, dandadhikari, sarpanch athva mantri pad adi se labhanvit karva sakta hai. jab shani gochar men uchcharashistha hota hai to samaj, desh v sansar men jagh-jagah par nyay vyavastha ke samuchit rup se sthapit kie jane ki avajen uthne lagti hain. aisa 30 varsh men ek bar hota hai aur aise men shani samaj men faili avyavasthaon aur anyay ko niyantrit karta hi hai. manav ke svabhav, bhagya v jivn chakra ka niyaman chandra ki gati, nakshatra v chandra par anya grahon ke prabhav dvara hota hai islie jatak ki mansikta, manah sthiti, grah dasha ke kram v gochar ka vichar bhi chandrama ko kendra men rakhakar hi kiya jata hai. kundli men saÿaa ki prapti ke prabl karak shani ka gochar men chandrama ke nikat ana jivan men jimmedariyon ke barhne tatha saÿaa prapti ka sabb bante dekha gaya hai. ise sarhesati bhi kahte hain. kundli men shani ki kharab sthiti tatha sarhesati men ashubh bhav v rashi men vakri ya ast hokar gochar karna kariyar men jabardast nuksan deta hai, naukri chut jati hai, rajniti men har tatha vyapar men hani uthani parti hai. vahin kundli men shani ki shubh sthiti ho tatha achche rajyog ban rahe hon to aise men sarhesati ke samy shani ka shubh bhav v rashi men gochr kariyar men shreshthatam saflta pradan karta hai. jitni shreshth kundli hogi utni hi unchi saflta sunishchit ho jaegi. shreshthatam kundli men shubh sarhesati saÿaa ka sukh deti hai. chahe grah yog v sarhesati ka sukshma nirikshan kitna hi shubh faldayi pratit hota ho parantu jatak ko sarhesati ke samay vyapar men jokhim nahin uthana chahie. shani ki sarhesati apko apne vyavsay ke bare men sukshm rup se yatharthavadi drishtikon apnane ke lie prerit karti hai sath hi apko jokhim uthane ke lie mana karti hai. apke lie aisi kathinaiyan bhi utpann karti hai jisse ap apni galtiyon se sikhen. yah taklifen dekar apko n keval ek achcha insan bana deti hai apitu kariyar ko bhi samuchit disha pradan karti hai. jab kundli men shani ki sthiti shreshtha ho, dhan v labh bhav ke svami vishesh bali hon tatha guru v budh bhi uÿam sthiti men hon aur gocharasth shani chandrama se tritiya, shashth v ekadsh bhavon men shubh rashi v shubh grahon ke upar se gochar kar raha ho to vah samay vyaparik kshetra men unnati ke lie vishesh shreshth hota hai. is samy yadi shubh bhavon men sthit grah ki dasha bhi chal rahi ho to jokhim bhi uthae ja sakte hain kyonki saflta tay hai. jis samay dasham bhav, dashmesh va dasham ke karak par shani v guru donon ka gochriya prabhav a raha ho aur yah gochar chandrama se shubh ho va shubh rashi men bhi ho to kariyar men unnati nishchit rup se hoti hai. yadi shani mesh ya vrishchik rashi men ho ya mangal se drisht ho to jatk mashinri, faiktri, dhatu, injiniyaring, intiriyar ya bijli sanbandhi karyon, kendriya sarkar, krishi vibhag, khan, khanij ya vastukla vibhag men karya karta hai. yadi is grah yog par guru v shukra ka bhi prabhav ho to aisa jatak n keval dhan labh arjit karta hai apitu use bhumi v sanpÿia ka labh bhi prapt hota hai. yadi shani vrish ya tula rashi men ho athva is par shukra ki drishti ho to kala, prabandhan, kampyutar ke vyavsay se labh uthata hai. yadi guru v budh ka shubh prabhav bhi is grah yog par parta ho to kanunvid, vakil, nyayadhish adi ke lie vishesh shreshtha hota hai. shani aur shukra mitra hain islie shani par shukra ka yah prabhav saubhagyavardhak mana jata hai. shani se guru, shukra v budh ki shubh sthiti ke falasvarup jivan men ay labh niyamit rup se hota rahta hai. aise jatak apne vyavsay men vishesh sukhi hote hain. unke pas dhan, vahn aur bhavan sabhi maujud rahte hain. shani mithun ya kanya men ho athva budh se drisht ho to aise jatk ekaunting, kaesting, abhinay, buddhijivi vale karyon, vyapar, viÿaiya saudon, vigyan v vakptuta adi ke atirikt lekhan kala va kanun sanbandhi karyon se dhan labh prapt karte hain. yadi guru v shukra ka bhi prabhav rahe to dhan kamana sarl hone lagta hai. aise jatak ko mitron se bhi sahyog milta hai. shani kark rashi men ho ya chandrama se drisht ho to aisa vyakti kala, jyotish, rajniti, dharm, yatra, pey padarth, sahitya, jal, madira adi ke karyon se labh uthate hain. aise legon ke kariyar men bar-bar parivartana hote hain. kariyar men yatraen bhi khub hoti hain lekin yah avashyak nahin ki aise log kathin parishram vale karyon men sanlagn hona chahen. aise log adhikatar shant v naram svabhav ke hote hain. shani sinh rashi men ho athva surya se drisht ho to aise jatak ko sarkari naukri ya saÿaadhari leagon se labh milta hai. iska yah bhi sanket nikal sakte hain ki pita putra ka vyapar ya sajhedari adi men sanbandh hai. iske karan sarkari naukri v rajniti se labh milta hai. shani surya ki shatruta ke chalte kuch sangharsh ke pashchat saflta milti hai. islie yadi guru, shukra v budh adi grahon ka shani par prabhav n ho to vyavsayik jivan men sangharsh ka samna karna parta hai. lekin yadi guru, shukra, budh v balvan chandrama ka prabhav a jae to jatak ko vishesh prasiddhi ki prapti hoti hai. yadi shani dhanu ya min rashi ma ho ya guru se drisht ho to jatk ko kanun, van vibhag, lakri ya dharmik sansthaon adi men vishesh saflta milti hai. yah grah yog jatak ko manovigyan, gupt gyan (paravidya), prashasnik karya, prabandhn karya, shikshak, anveshak, vaigyanik, jyotishi, margadarshak, vakil, itihaskar, chikitsak, dharmopdeshak adi ke rup men pratishthit karata hai. aise jatak men vad-vivad karne ka vishesh chaturya hota hai v vyaktitva vishesh akarshak hota hai. inke bahut se mitra hote hain tatha vyavsayik jivan men nishchit rup se pratishtha ki prapti hoti hai. aisa grah yog svatantra vyavsay ya rojgar ki prapti karvata hai. shani makar ya kunbh rashi men ho to jatak ko seva, yatra, jan andolan, vikray karya athva layjning sanbandhi karyon se labh hota hai. shani videshi bhasha ka karak hai islie vidya v bhasha par adhikar dene vale grahon jaise shukra, guru, budh va ketu se iska shubh sanbandh aur sthiti jatak ko angreji ya anya videshi bhashaon ka vidvan banati hai. shani ke upar, guru, budh, ketu in sabhi ka prabhav pare to mashhur vakil bane. shani par keval rahu ka prabhav ho to jatak choti naukri se gujr basar karta hai parantu yadi rahu ke sath-sath guru, shukra ka bhi prabhav ho to praranbh men naukri karne ke pashchat jatak dhire-dhire apne ap ko svatantra vyavsay men bhi sthapit kar leta hai.
Kya aapko lekh pasand aaya? Subscribe
Kya aapko lekh pasand aaya? Subscribe


shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe

Apne vichar vyakt karein

blog comments powered by Disqus
.