prashna: surya ke rath men sat ghore ka vaigyanik rahasya kya hai? uttara: ved kahte hain- ‘‘saptayujjanti rathmekachakrameko ashvovhti saptanama’’ -ri 1/164/2 arthat ek chakra vale surya ke rath men sat ghore jure hue hain, vastutah ek hi sat nam ka ghora rath ko chalata hai. hindu dharm men pratyek bat ko alankarik v rochak dhang se prastut kiya gaya, par vichar karen to bat bari gahri hai evan vaigyanik rahasyon se ot-prot hai. n to surya ke pas koi rath hai aur n koi ghora. vastutah kiran kant brahmand hi uska rath hai aur kantimandal parikrama path hi us rath ka ek pahiya hai. surya hamse dur hai, hamare samip uski kirnen hi pahunchti hain. ataev surya men vahan karne vali ye saptavarn kirnen hi sat ghore hain. jyotish granthon men aur rashmiyon men saptavarn ka vishleshan kiya gaya hai. brahmi, maheshvari, kaumari, vaishnavi, varahi, indrani, chamundi- ye sat rang vahi hain jo prayah indradhnush men dekhe jate hain. ye surya ke sat ghore kahe gaye hain. prashna: ganpti ke vahan mushk ka rahasya? uttara: ganpti buddhi ke agraganya hain, lanbodar hain, gajbdn-hathi ka sharir hai, aise bhari bharakam devta ka vahan matra chota-sa chuha ho? yah bat kuch atpti-si lagti hai. kai bar is vishay men log prashna bhi karte hain. jaise sattvagun ka pratik gau mata hain, rajo gun ka pratik sinh, tamogun ka pratik surya hai. thik usi prakar se tark ka pratik chuha raha hai. aharnish kat-chant karna, achchi-se-achchi vastuon ko nishprayojan kutar dalna- yah chuhe ka svabhav hai. parantu tark ko svatantra vichrne dena chahiye us par bhari bharakam buddhi vala ankush hona chahiye. ‘lambodr’ ka matlb bare pet se hai, bari-se-bari bat ko pachane vale ganbhir v dhairyashali purush ko lanbodar kaha jata hai. tabhi vyakti ganpti ban sakta hai. ganpti-ganadhyaksh arthat manushyon men sabse shreshth sabka lokapriya neta ban sakta hai. ved puranon ke akhyan samadhi bhasha men likhe gaye hain. inke pratikatmak rahasya ko samjhne ke liye bhi sakaratmak evan tikshn buddhi chahie. prashna: ganpti agrapujya kyon? uttara: anek buddhijivi prayah yah prashn karte hain ki anek sundar, shaktishali v ojasvi devtaon ke hote hue ganpti ko hi agrapujya evan devtaon ka adhyaksh kyon banaya gaya? iska pauranik drishtant to yah hai ki apna adhyaksh chunne ke lie devtaon ne sabha bulai tatha usmen yah prastav rakha ki jo apne vahan par tinon lokon (prithvi, patal v akash) ki sabse pahle parikrama kar ayega, vahi hamara adhyaksh banne ki yogyata rakhega. sabhi devta apne-apne tej gati ke vahnon men akash marg men ur chale. ganesh ji ka bhari sharir aur vahan chuha vahin rah gaye. ganesh ji ne dhairya nahin khoya apitu apne mata-pita ki tin parikrama karke sabhapti ke asan par baith gaye. sabse pahle mayur par arurh kartik svami aye. sabhapti ke asn par ganesh ko dekhakar unhen krodh aya tatha hath men pare mugdar men laddu khate hue ganesh ke dant par prahar kiya. unka ek dant tut gaya. tab se ganesh ji ‘ekdant’ kahlaye. ganesh ji ne tark diya ki tinon lokon ke sukh-aishvarya ke nivas mata-pita ke charn-seva men hai. mainne unki charn-vandna karke tin parikrama ki. ismen mujhe tinon lokon ki parikrama ka punya mil gaya aur mata-pita ko chorkr jo tinon lokon ki parikrama karta hai vah nishfal hai? vyarth hai? use tinon lokon ki yatra ka fal nahin milta. ganpti ke buddhimattapurna tark men sabhi niruttar ho gaye. faltah ganesh ji ganadhyaksh ban kar devtaon ke sabhapti, adhyaksh v agrapujya ho gaye.
Kya aapko lekh pasand aaya? Subscribe
Kya aapko lekh pasand aaya? Subscribe


shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe

Apne vichar vyakt karein

blog comments powered by Disqus
.