लक्ष्मी को प्रसन्न करने के अद्वितीय सूत्र

lakshmi ko prasann karne ke advitiya sutra  

Ank ke aur Lekh | Sambandhit Lekh | Views : 3886 |  

dipavli ke shubh avasar par bahut se aise prayog kiye jate hain jo lakshmi prapti ke upay ke rup men vishesh prachlit hain. lakshmi prapti ke upay anek hain , parantu in upayon ko karagar banane ke lie muhurt ka mahatva sarvopri hai. dipavli ko in upayon ki siddhi ke liye sarvopyukt muhurt mana jata hai. dipavli parva panch parvon se milakar bana hai- dhanteras, narak chaturdashi, dipavli, govardhan puja tatha yam dvitiya. in sabhi parvon ko lakshmi prapti ke upayon ki siddhi hetu prayog men laya jata hai.

dipavli mahaparva hai. anek sanpradayon ke log is parva par dhan prapti hetu lakshmi ki sadhna karte hain. dhan trayodshi se lekr bhaiya duj tak panch din chalne vala yah parva man lakshmi ki shashvat kripa prapti ke lie manaya jata hai. manyata hai ki dhanteras se lekr bhaiyaduj ke panch dinon men jo lakshmi man ki nishthapurvak puja karta hai, man lakshmi ki kripa us par janma janmatanr tak bani rahti hai. is avasar par shastrasammat nimn upay kie jaen to sukh-samriddhi ki prapti ho sakti hai. ye sabhi prayog chote va saral, kintu prabhavshali hain-

lakshmi prapti ke upay is prakar hain-
  • dipavli pujan ke samay man lakshmi ki ek purani tasvir par mahilaen apne hath se sanpurn suhag samagri arpit karen. agle din snan kar puja karke us samagri ko man lakshmi ka prasad manakar svayan prayog karen tatha man lakshmi se apne ghar men sthayi vas ki prarthana karen. yah lakshmi prapti ka achuk totka hai.
  • arthik sthiti men unnati ke lie dipavli ki rat sinh lagn men shrisukt ka path karen. shrisukta men pandrah richaen hain. pratyek richa ati shaktishali hoti hai. sinh lagna madhya ratri men hota hai. us samy lal vastra dharan kar lal asn par baith kar vishnu-lakshmi ki tasvir ke samne shuddh ghi ka bara dipk jalaen. shrisukt ka 11 bar path karen. fir havan kund men agni prajvalit karen aur shrisukt ki pratyek richa ke sath ahuti den. tatpashchat thora jal asan ke niche chirken aur us jal ko mathe par lagaen. bare dipak ko donon hathon men lekr apne nivas sthan ke aise sthan par a jaen jahan se akash dikhai deta ho aur man lakshmi se apne ghar ki samriddhi ke lie prarthana karen. fir us dipak ko lekar pure ghar men ghum jaen aur ant men use puja sthala men rakh den. is prayog se lakshmi ji prasann hoti hain. iske bad pratyek shukla paksh ki panchmi ko shrisukt se havan karen. shrisukt sarvashreshth lakshmi prapti stotra hai.
  • lakshmi vishnupriya hain. dipavli pujan ke samay ganesh-lakshmi ke sath vishnu ji ki sthapna anivarya hai. lakshmi ji ke dahini or vishnu ji tatha bain or ganesh ji ko rakhna chahie.
  • dipavli ke avasar par vyavsayik sansthanon tatha gharon men hijre inam lene ate hain. kisi hijre ko kuch rupye (11, 21, 31) avashya den tatha ek sikka usse lekr athva usse sparsh karvakar apne kaishboks men rakh len, dhan nirantr barhta jaega. lakshmi prapti ka yah totka sarvadhik prachlit hai.
  • dipavli ke din pipal ka ek akhandit patta vriksh se prarthana karke tor laen aur ise puja athva kisi anya pavitra sthan par rakh den. fir pratyek shanivar ko naya patta tor kar us sthan par rakhen aur purane patte ko per ke niche rakh aen, ghar men lakshmi ka sthayi vas hoga.
  • lakshmi samudra se utpann hui hain aur samudra se hi utpann dakshinavarti shankh, moti shankh, kuber patra, gomti chakra adi unke sahodar arthat bhai-bandhu hain. inki apke ghar men upasthiti ho to lakshmi ji prasann hokar ati hain. atah dipavli pujan men in vastuon men se jo bhi sanbhav ho, use ghar men rakhen, lakshmi ki kripa prapt hogi.
  • dipavli ki rat ko puja ke bad lakshmi ji ki arti n karen. shrisukt, lakshmi sukt, purush sukt adi ka path kar sakte hain, arti nahin. puri rat lakshmi ji ka avahn karna chahie. arti ka arth hai pujan samapt, jo thik nahin.
  • dipavli ke din vishnusahasranam, lakshmisukt adi ki kaiset avashya chalaen. isse vatavaran lakshmimay ho jata hai.
  • lakshmi pujan karte samay 11 kauriyan gangajal se dhokar lakshmi ji ko charhaen aur unapar haldi kumkum lagaen. agle din inhen lal kapre men bandhakar tijori men rakh den, isse ay men vriddhi hogi.
  • haldi se range hue kapre ke ek tukre men ek mutthi nagkesar, ek mutthi gehun, haldi ki ek ganth, tanbe ka ek sikka, ek mutthi sabut namak aur tanbe ki choti si charn padukaen bandhakar rasoi ghar men tang den. yah ek chamatkari upay hai. isse man lakshmi ji ke sath man annapurna ki kripa prapt hoti hai tatha parivarik kalah bhi dur hota hai.
  • dipavli parva panch parvon se milkr bana hai- dhanteras, narak chaturdashi, dipavli, govardhan puja tatha yam dvitiya. panchon din sandhya samay ghar men kam se kam panch dipak (char chote tatha ek bara) avashya jalaen. dipak kabhi sidhe bhumi par n rakhen, uske niche asan avashya den. jaise pahle thore khil ya chaval rakhen fir us par dipak rakhen.
  • narak chaturdashi ko sandhya samay ghar ki pashchimi disha men khule sthan par athva chat ke pashchim men 14 dipk purvajon ke nam se jalaen. unke ashirvad se samriddhi prapt hogi.
  • dipavli ki rat puja ke bad ghar ke pratyek kamre men shankh bajaen. isse sakaratmak urja ka pravah hota hai.
  • dipavli ke din kisi garib suhagin stri ko suhag samagri dan den. isse man lakshmi prasann hoti hain.
  • dipavli ke din ek nai jhadu kharid laen. puja se pahle usse thori si safai karen. fir use ek taraf rakh den. agle din se uska prayog karen, daridrata dur bhagegi, lakshmi ka agaman hoga.
  • lakshmi ji ko ghar men bani khir ka bhog lagaen, bajar ki mithai ka nahin.
  • puja men man lakshmi ke charnon men ek lal tatha ek safed hakik patthara rakhen. donon ke yog se chandra-mangl lakshmi yog banta hai. puja ke bad inhen apne pars men rakh len.

ye sabhi upay anubhut evan prabhavi hain. kaha jata hai ki yadi dipavli uchit dhang se manai jae to varsha achcha bitta hai. atah dipavli ke avasar par inhen apnakar labh uthaen. lakshmi prapti ke upay durlabh hain. islie puri shuddhata v bhaktibhav se inka prayog karen.

Kya aapko lekh pasand aaya? Subscribe
Kya aapko lekh pasand aaya? Subscribe


shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe

Apne vichar vyakt karein

blog comments powered by Disqus
.