शनि शांति हेतु नीलम धारण

shani shanti hetu nilam dharn  

Views : 10652 | November 2014

nilam ek aisa ratn hai jo ki shani ke dushprabhav ko nasht karta hai. ise indra nilmni, nilmni, yakut, kabud, sefayar (inglish men) kahte hain. nilam aur manikya donon hi multah kurundam samuh ka ratn hai. vastav men lal kurundam to ‘manikya’ ban jata hai aur anya rangon ke ratn nilam kahlate hain, jaise - shvet, hara, baingni, pila adi. nila, asmani, baingni adi rang ka nilam ho- halka ho ya gahra, use hi dharan karna chahiye. shvet nilam ko jauhri bajar men shvet pukhraj, pile nilam ko pila pukhraj jise ‘topaj’ kahte hain, ke nam se becha jata hai. ‘star manikya ke saman ‘star nilam bhi hote hain. bhautik gun kathorta 9, apekshik gurutva 4.03, vartanank 1.76, 1.77, duhravartan 0.008, dvivarnita ati spasht, bhangur, apkiran hire ki apeksha kam hota hai. isliye damak tatha jajvalyata hire se kam hoti hai aur is adhar par shvet nilam tatha hire men antar bataya jata hai. nilam alyuminiyam aur aeksijan ka yaugik hai. alp matra men kobalt mila rahne se rang nila hota hai. prapti sthan/phchan kashmir ka nilam sarvashreshth hota hai. iska rang mor ki gardan ke rang ka hone se isko mayur-nilam kahte hain.

barma ke nilam men harapan kam tatha sundar nila rang hota hai. iske nag banane men suvidha rahti hai. shrilanka ka nilam uprokt nilmon se ghatiya darje ka hota hai. ismen lal rang ki abha hoti hai shyam abha bhi bahut hoti hai. shyam desh ke nilam men kali abha tatha harapan adhik hota hai. rang gahra hone ke karan yah kala dikhai deta hai. salem (dakshin bhart) ke nilam men harapan shyam ke nilam se adhik hota hai. pila aur nila rang mishrit hota hai. aestreliya ke nilam gahre nile rang ke hote hain. rodeshiya tatha rus ke nilam ghatiya darje ke hote hain. nilam kisko dharan karna chahie nilam shani ka ratn hai. jiski kundli men shani shubh bhavon ka svami hoga usko nilam dharan karna shubh faldayak hoga. nilam apna labh ya hani do-tin din men de deta hai aur kabhi-kabhi kuch ghanton men hi apna shubh ya ashubh fal dikha deta hai. atah nilam ko anguthi men jarvane se purva uski pariksha kar lena atyant avashyak hai. iske lie nilam ko kisi shanivar ko kharidakar gangajal ya kachche dudh aur fir pani se dhokar, ratn ki vidhipurvak upasna karen.

shani ki murti ya tasvir ya shiv pratima ke samaksh nilam ko rakhakar nile pushp charhakar ‘‘un shanno devirbhishtay apobhavantu pritye shannorbhi shravantu’’ ya ‘‘un shanye namah’ mantra ki ek rudraksh ki mala jap karke kapre men bandhakar dayin bhuja par bandh len, kapra nile rang ka naya ho, ratn sharir ka sparsh n kare. yadi ratn ko dharan karne se rat ko bhayanak svapn n aye ya man men ya ghar men ashanti n ho ya koi durghatana ya rog utpann n ho to ratn anukul hai, parantu yah pariksha ek saptah tak jari rakhni chahiye. pratikulta dikhne par ratn vapas kar dena chahiye. rashi ke anusar upyuktata mesh lagn men shani dasham tatha ekadash bhav ka svami hai. atah dasham bhav shubh tatha ekadash bhav ashubh hai. parantu yadi shani dvitiya, chaturth, pancham, dasham, ekadash ya lagn men sthit ho to shani ki dasha men nilam dharan karne se ashatit labh hoga. vrishabh lagn men shani navam aur dasham bhavon ka svami hone se atyant shubh tatha yogkarak hai. yah nilam sada sukh, sanpda, samriddhi, man-pratishtha, rajyakripa tatha dhan prapt karega. shani ki mahadsha men nilam ke sath lagnesh ke ratn hira ko bhi dharan karna chahie yah atyant uttam faldayak siddh hoga.

mithun lagn ke lie shani ashtam aur navam bhavon ka svami hota hai. navmesh hokar yah trikon ka svami hai atah nilam labhdayak hai. yadi nilam ko lagnesh ke ratn panna ke sath dharan kiya jay to aur bhi uttam faldayak hoga. kark lagn ke lie shani saptam (marak bhav) aur ashtam (duahbhav) bhavon ka svami hone se ashubh grah mana gaya hai. lagnesh chandra shani ka mitra bhi nahin hai. atah nilam dharan nahin karna chahie. not: jahan grah ashubh ho vahan uska ratn dharan karne se ratn aur bhi kashtakarak hota hai. karn-ratn grah ko aur bhi jyada shaktishali banata hai. sinh lagn ke liye shani shashth (duahsthan) aur saptam (mark) bhavon ka svami hone ke karan ashubh grah mana gaya hai. shani lagnesh ka shatru bhi hai. atah jatak ko nilam dharan nahin karna chahie. kanya lagn ke lie shani pancham aur shashth bhavon ka svami hai. pancham trikon ka svami hone se shani shubh hai tatha lagnesh budh ka mitra hai. atah shani ki mahadsha men jatak nilam dharan kar sakta hai. tula lagn ke lie shani chaturth aur pancham bhav ka svami hone ke karan atyant shubh yogkarak grah mana gaya hai. lagnesh shukra ka shani mitra bhi hai.

atah jatak ko nilam dharan karna shubh rahega. lagnesh shukra ke ratn hire ya navam bhav ke svami budh ke ratn panna ke sath nilam dharan kiya jay to aur bhi adhik shubh fal deta hai. vrishchik lagn ke lie shani tritiya aur chaturth bhavon ka svami hai. jyotish ke siddhantanusar is lagn ke lie shani shubh grah nahin mana gaya hai. kisi bhi sthiti ke anusar nilam dharan karna shreyaskar nahin rahega. dhanu lagn ke lie shani dvitiya (mark) aur tritiya bhavon ka svami hone se ashubh mana gaya hai. lagnesh guru ka shani shatru bhi hai. atah nilam dharan nahin karna chahiye. makar lagn ke lie shani lagn aur dhan bhav ka svami hone se sada shubh faldayak rahega. atah nilam dharan karna chahiye. kunbh lagn ke lie shani dvadash ka svami hote hue bhi lagnesh hai. uski mul trikon rashi lagn men parti hai. atah nilam shubhfldayak ratn rahega. min lagn men shani ekadash aur dvadash bhav ka svami hone ke karan ashubh grah mana gaya hai.

yadi shani dvitiya, chaturth, pancham, navam ya lagn men sthit ho to shani ki mahadsha men nilam dharan karne se arthik labh ho sakta hai. kintu is lagn ke jatak yadi nilam dharan n karen to achcha hai. dharan vidhi shanivar ke din svati, vishakha, chitra, dhanishtha, shravan ya uttarasharha nakshatra ho to, in shubh dinon men panchdhatu ya chandi men 6 ratti ka nilam anguthi men jarvayen. shani mantra dvara abhimantrit kar, puja-dhup-dip, pushpadi dvara upasna kar suryast se do ghante purva madhyama (bich ki bari ungli) anguli men dharan karna chahiye. shani mantra- ‘‘un shan shanaishcharay namah’- jap sankhya 23000 hai, mala rudraksh ya nile moti/ratnon ki ho. ratn ka vajan char ratti se kam nahin hona chahie. jo vyakti nilam kharidne men asamarth hon ve badle men nili, jirkaen, kataila ya lajavart ya nila tamra ya nila spainal ya purn rup se paradarshak aur nile rang ki turmuli ko dharan kar sakte hain. savdhan: nilam ke sath manikya, moti, pila pukhraj ya munga kabhi dharan nahin karna chahie.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe


.