शनि देव: एक परिचय

shani dev: ek parichy  

Ank ke aur Lekh | Sambandhit Lekh | Views : 6532 |  
shanidev ki utpatti pauranik katha ke anusar sampurna jagat men shri brahma, shri vishnu, shri mahesh tridev ke nam se vikhyat hain. shri brahmaji srishti ke rachnakar, shri vishnu palnhar evan bhagvan shankr sanharak ke pad ko sanbhalakar karyart ho gaye. surya putra yam tatha shanidev men apne rajpat ko lekar vivad ho gaya, is vivad ke nirakrn ke liye ve donon bhagvan shankar ke samip gaye tatha apni chinta prakt ki. un donon ke vachnon ko sunkr bhagvan shankar ne yamraj ko mrityu ke devta ka pad diya evan pratyek jiv ko unke karmon ke adhar par dand ya fal dene ka karya arthat dandadhikari ka pad shanidev ko pradan kiya tatha shanidev ko vardan diya ki tumhari drishti ke prabhav se devta bhi nahin bach payenge tatha kaliyug men tumhara atyadhik mahatva hoga. tabhi se shanidev ki utpatti sampurn jagat men hai. shani jayanti v shani amavasya shastron ke adhar par jyeshth krishna amavasya ko shanidev ka janmotsava manane ka vidhan hai. yah amavasya sat varon men kisi bhi var ko a sakti hai. isliye yah amavasya shani jayanti ki amavasya kahlati hai. shani amavasya ke sanbandh men yah niyam hai ki varshabhar men jo amavasya keval shanivar ko hoti hai use shani amavasya ka yog kahte hain. shani amavasya ka yog varshabhar men prayah do ya tin bar ata hai. yadi shani jayanti ka yog arthat jyeshth krishn amavasya shanivar ko ati hai to shani jayanti v shani amavasya ka vishesh maha sanyog banta hai. hanumanji ki aradhna se shani ki pira ki shanti hanumanji evan shanidev ke sanbandh men yah katha hai ki jab hanuman ji ravan ki lanka ka dahan karke lanka ke karavas pahunche to unhonne vahan shanidev ko ulta latka hua dekha. shanidev atyant karun svar men bhagvan shankar ka smaran kar rahe the. yah drishya dekhakar hanuman ji ne daya svarup bhagvan shanidev ko bandhnon se mukt kiya. bandhan mukt hokr shanidev ne hanuman ji se kaha ki pavnputra hanuman main apke is karya ke liye sadaiv rini rahunga tatha main yah vachan deta hun ki apke bhakton par mera prabhav kam rahega. uske bad lanka par shanidev ki drishti parte hi lanka ki sundrta koyle ke saman kali ho gayi. shani upasna ke sadhn bhartiya sanskriti men navagrah upasna ka utna hi mahatva hai jitna ki kisi bhi devi ya devta ki upasna ka hota hai. navagrahon ki upasna ke liye puja-sadhna hamare shastron men jap, tap, vrat, dan in char prakar ke sadhnon ke madhyam se di gai hai. yadi sadhk purn shraddha-astha-vishvaspurvak ye upasna sampann karta hai to sadhak ko abhisht fal ki prapti hoti hai. pratyek upasna, shuddhata ke sath guru smaran, ganesh smaran evan panchamrit upchar adi karke sankalp, viniyog, nyaspurvak upchar sahit yatha sthan par arti, kshama prarthana ke sath sampann karna chahiye. navagrahon men shanidev ko bhi jap, tap, vrat v dan in char prakar ke sadhnon ke madhyam se prasann karen to ve jivan men khushhali pradan karte hain. jinke janmakal men, gochar men, dasha men, mahadsha men, 27 antardashaon men athva lagn, dvitiya, chaturth, ashtam, dvadash sthan men shani ho un jatkon ko nimn upay avashya hi karna chahiye. shanidev se sanbandhit jap, tap, vrat v dan vidhan nimna prakar hain: shani jap vidhan shanidev ke mantra ka nishchit jap sankhya ke adhar par rudraksh mala ke dvara karna chahiye. pratidin niyat sankhya men mala jap karna chahiye. jap purn hone ke pashchat jap ka dashansh havan, havan ka dashansh tarpan, tarpan ka dashansh marjan evan marjana ka dashansh brahman bhojan ka vidhan hai. shani ke vibhinn mantron men se kisi bhi ek mantra ka jap vibhinn jap sankhya ke adhar par karne se shani ki pira v dosh ka nivaran hota hai. shani tap vidhan shani tap vidhan ke antargat shanidev ke vibhinn stotron, kavach adi ka path kiya jata hai. yah upay anushthanik karm ke adhar par 11 din, 21 din, 31 din, 51 din, 108 din tak kiya jata hai. kavch v stotra ke path se shanidev ki sadhesati v dhaiya dosh ko shant kiya ja sakta hai. shani ki patniyon ke namon ka path dhvajini, dhamini chaiv kankali kalahapriya kalhi kantki chaiv jvalamukhi sulochna shani patnyashch namani pratrutthay yah pathet. tasya shanaishchari pira kadapi na bhavishyati. shani vrat vidhan shanivar ka vrat shani grah ki shanti ke liye kiya jata hai. yah vrat rog, shok, bhay v badha ko dur karta hai tatha mashinri, gari, grih nirman v bhumi ityadi ka labh deta hai. sarhesati v dhaiya dosh nivarn ke liye yah vrat kisi bhi mah ke shukla paksh ke shanivar ko praranbh kiya jata hai. yah vrat shani grah ke liye kam se kam 51 shanivar ko karna chahiye. is vrat men ek samy upvas rakhakar kale padarthon ka sevan karen. pratahkal snan karne ke pashchat sanbandhit vrat ke shani yantra ka pujan karen. shanivar vrat katha parhen tatha vrat vale din kale rang ya nile rang ki vastuon ka adhik se adhik upyog karen. shani dan vidhan shani grah ki anukulta prapta karne ke liye shani grah se sanbandhit samagriyan vastra men bandhakar shani grah ke sammukh dan karne v tel charhane se shanidev ki anukulta prapt hoti hai. shanigrah ki dan ki ye prakriya 7 shanivar, 11 shanivar, 21 shanivar adi ke kram men lagatar karna chahiye. shani dan samagri kala vastra, urad sabut, tel, kali tilli, loha, koyla, kala fal, kala kanbal, nariyal, dakshina, supari, shanivar vrat katha ki pustak. shani yagya (havn) shani grah se sanbandhit dosh v pira ki sampurn shanti hetu shani shanti yagya ka vidhan hai. yagya men apurva shakti hoti hai. yagya ke dvara purna vatavaran shuddh ho jata hai. havn ka karm purn shuddhata ke dvara yagyaon ke niyamon ke anukul karna chahiye. shani shanti yagya shubh muhurt men panchang men agnivas dekhakar ved mantron ke dvara sampann karna chahiye. is vidhan ke antargat havan se sanbandhit devi ya devta ke alg-alag pith ya mandal vibhinn dhanyon ke dvara banaye jate hain. in pithon men shri ganesh, anbika pith, kalash sthapna, punyahvachan, rudra kalash, shodsh matrika, saptaghrit matrika, navagrah mandal, sarvatobhadra mandal, vastu mandal, chatuahshashtiyoginipith, kshetrapal adi yagya karm ke anusar sanbandhit pith v mandal banaye njate hain. guru ka dhyan karke shani kripa, prasad, prasannata, ashirvad prapti ka sankalpa karke shri ganesh anbika ka pujn karke sanbandhit pithon ka pujan kiya jata hai. yagya vidhan ke anusar havnkund ka nirman karke agni sthapan, panchbhu sanskar adi karya karke shuddh ghi, shuddh havan samagri evan mantron ke dvara ganesh v anbika ki ahuti pradan karen. tatpashchat grahshanti havan karke sanbandhit pith va mandal ke devi-devtaon ki mantrapurvak ahuti pradan karke khir-halve ki ahuti dvara lakshmi hom karna chahiye. iske bad kshetrapal pujan, bali vidhan karke havan purnahuti va varsodhara ki prakriya sanpann hoti hai. shani shanti yagya men shani ki lakri shami samidha dvara vishesh ahutiyan adhik se adhik sankhya men pradan karna chahiye. shanidev ki arti karke mantra pushpanjli evan kshamaprarthana karna chahiye. shani shanti ke anya upay shanidev se khushhali pane ke kuch aise saral upay hain jinhen sadhk svayan kar sakta hai jo nimnalikhit hain:- - prati shanivar shani ke 108 namon ka path v shani chalisa ka path karna chahiye. - prati shanivar shani mandir men jakr shanidev se sanbandhit dan, tel, urad, shanidev ko arpan karke shani darshan lena labhaprad hai. - kisi vidvan jyotishi ya guru ke paramarsh anusar shani ratn nilm ya uparatn dharan karen. - puja ghar men shaniyantra ko pratishthit karke pratidin pujan karna hitakar hota hai - shanidev se sanbandhit satmukhi rudraksh ya shani kavach dharan karen. - sadhak lohe ka patra lakar usmen tel dalakar apni chaya dekhkr tel chaya dan kisi nirdhan ko de to shani pira ka nivarn hota hai. - kale ghore ke nal ki anguthi shanivar ko shani mantra dvara madhyama men pahnen. - shanidev ki anukulta ki prapti hetu hanuman ji ki puja-archana-aradhna shreshthatam hai. - shanivar ko n to loha khariden aur n hi bechen apitu lohe ki vastuen dan karen. - pipal tatha shami vriksh ki seva karen v dipak jalaen. - shiv aradhna v bhairav upasna dvara bhi shanidev ki pira ko shant kiya ja sakta hai - shanidev se sanbandhit aushdhiyon ke snan se bhi shanidev ke kop se mukti milti hai.
Kya aapko lekh pasand aaya? Subscribe
Kya aapko lekh pasand aaya? Subscribe


shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe

Apne vichar vyakt karein

blog comments powered by Disqus
.