ज्योतिषीय आहारिक उपचार

jyotishiya aharik upchar  

Ank ke aur Lekh | Sambandhit Lekh | Views : 913 |  
jyetish men grahon ke ashubh fal ko kam karne ke lie evan shubh grahon ko bal pradan karne ke lie am taur par sabhi salahkar ratnon ki salah dete hain. pratyek grah ke anusar jatak ko ratn batae jate hain jaise surya ke lie manikya, chandra ke lie moti, mangal ke lie munga, budh ke lie panna, guru ke lie pukhraj, shukra ke lie hira, shani ke lie nilam rahu ke lie gomed evan ketu ke lie lahsuniya. inhen vidhipurvak pahnne se labh milta hai. kuch jyotishigan lal kitab ke upayon dvara bhi samasya ka samadhan karte hain jaise surya ke lie pani men chini dal kar surya ko aghrya, chandrama ke lie dudh-chaval ka dan, mangal ke lie mata, sadhu aur bandar ki seva, budh ke lie machliyon ko bhojan, guru ke lie kesar ya haldi ka tilak, shukra ke lie alu, ghi aur dahi ka dan, shani ke lie bandar ko gur va kela khilana, rahu ke lie chandi ke tukre ko pas rakhna evan ketu ke lie kale kutte ki seva adi. ye upay keval udaharan ke taur par batae gae hanai kyonki lal kitab men upay grahon ki vibhinn khanon men sthiti ke anusar alg-alag batae jate hain. iske atirikt vaidik mantron ka bhi jyotish men vishesh mahatva hai. pratyek grah ke anusar mantron ka jap vishesh faldayi hota hai. is tarah se pratyek jyotishi apne anubhav ke adhar par vibhinn upay batate hain. ratn, yantra, mantra, dan, puja, yagya adi ke atirikt yadi ham pratyek grah ke anukul santulit khadya padarthon ko bhi apne bhojan men sammilit kar len to nishchit rup se apne tan aur man ka adhik svasth evan sundar bana sakte hain. apne vyaktigat anubhav dvara mainne yah mahsus kiya ki satunlit ahar dvara bhi ham vibhinn grahon ko bal de sakte hain tatha shubhkarak kamjor grahon ko balshali bana kar svasthya ke prati shubh fal barha sakte hain. surya ko atmakarak grah mana gaya hai. yah pratham, navam evan dasham bhavon ka karak grah hai. in bhavon se ham rup, rang, svasthya, gun, svabhav, atma, sukh-dukh, mansik shanti, dharmik pravritti evan karm kshetra ka vichar karte hain. surya ke anukul rang hanai sunhra aur gulabi. surya grah ke anukul shreshtha bhojya vastuen hanai gehun, jau, gur, khumani, munakka, khajur, chuhara, ganna, kishmish, makka ityadi. vaise to gehun ka ata sabhi khate hain par yadi ham gehun ko ankurit karke lane ya gehun aur jau ko bokar uske jvaron ka ras pien athva munakka, kishmish tatha khumani ka pani men bhigo kar nitya grahan karen aur bhojan ke uprant thore se gur ka sevan karane to nishchit rup se svasthya men ashatit labh hoga aur man bhi prafullit rahega. kaha gaya hai man changa to kathauti men ganga. in sab bhojya padarthon se vishesh sfurti ka anubhav hoga aur atmik bal prapta hoga. karm kshetra men vishesh utsah se karya kar sakenge aur haddiyan majbut hongi. chandrama ko man ka karak grah mana gaya hai aur yah chaturth bhav ka karak grah hai. is grah ka anukul rang safed hai evan anukul bhojya padartha hanai dudh, dahi, panir, safed til evan akhrot. chandrama ko bal pradan karne ke lie soyabin ke dudh athva panir ka prayog karen, safed til ke laddu khaen, sela chaval ka prayog karen. akhrot ki giri bhigo kar pratahkal chaba kar khaen. yah dil ke lie bahut upyogi hai, hriday rogiyon ko bahut fayda karegi. jo bachche rat ko bistar gila karte hain unhen niyamit rup se til ka sevn karaya jae to is samasya men sudhar hota hai. mangal tritiya evan shashth bhavon ka kark grah hai. iska anukul rang hai lal aur iske anukul santulit bhojya padarth hain anar, gajar, moth, chuhara, lal chailai, chukandar, tamatar, laung, masur, kishmish, lal makka, badam adi. inke sevan se khun sanbandhi sabhi doshon se mukti mil jati hai. moth ko ankurit kar nitya subah kachcha chaba kar khaen. sardiyon men makke ke ate ki roti khaen aur badam ko bhigo kar pratidin subah khaen. isse jahan apko rogon se mukti milegi vahin achche svasthya ke karan parakram men vriddhi hogi, kyonki kisi ne kaha hai: ek sukh nirogi kaya duja sukh ghar men ho maya, tija sukh sulakshana nari, chaitha sukh sut agyakari. pahla sukh prapt ho jaega to baki sukh bhi dhire-dhire mil hi jaenge. budh grah chaturth evan dasham bhav ka karak hai. is grah ka anukul rang hara hai. is grah ko bal pradan karne ke lie santulit bhojya vastuen hain hara anvla, mung, methi, lauki, bathua, palak, sarson, gehun v jau ke jvar athva hari dub aur kachcha hara petha. hari mung evan methi ankurit karke len. bathua, palak evan sarson ke sag ka sardiyon men sevan bahut labhkari hai. inmen kailshiyam evan faelik esid ki matra bahut adhik hoti hai. ye khun ki naliyon ko saf rakhte hanai. palak ka bita kairotin namk vitamin sharirik vikas men sahayk hota hai. gehun, jau ke jvaron athva dub ka ras nikal kar subh-subh pien- pet ke sabhi rogon men bahut labh milega. gvar pathe ka jus athva iske gude ka halva ya gvar ki fali bhi ghutnon ke dard men atyant labhkari hai. anvle ka jus ankhon ke lie atyant labhkari hai. brokli athva hari gobhi stan kainsar ke upchar ke lie bahut upyogi hain. guru dvitiya, pancham, navam tatha ekadsh bhav ka shubhkarak grah hai iska priya rang pila aur iske anukul bhojya padarth hain papita, methi dana, shakrkand, adarak, chana dal v chane ka ata, sitafal, santra, kachchi haldi, makke ka ata. jahan kela, papita badhjmi aur amlata ko dur karta hai vahin kachchi haldi ya ankurit methi bhi svasthya ke lie bahut labhaprad hai. ye sabhi vastuen pet ki samasyaon ko dur karti hain aur charbi nahin banne deti. shukra grah saptam bhav ka karak hai aur iska shubh rang hai safed. is grah ki anukul bhojya vastuen hain safed bhige badam, gehun, safed mirch, akhrot, singhare, nariyal, alfaalfa tatha chailai ke bij. chailai ke bijon ko fulakar banai gai khir athva laddu supachya. tatha vriddhon aur bachchon ke lie labhdayak. inse rup rang men to nikhar aega hi, yauvan bhi barkrar rakhenge. bhige badam v akhrot kolestrael ko kam karenge, dama v joron ke dard men rahat denge, kainsar avrodhi tatvon ko majbut karenge aur rakt evan gyan tantuon ko vishesh rup se bal dene ke sath yaddasht, buddhi evan sfurti men bhi barhotri hogi. duble-patle v shaktihin vyaktiyon ko iske prayog se vishesh labh hoga. alfaalfa ke bij bhi ankurit kar roj kachche khaen. jin logon ko madhumeh ki shikayt ho, ve barabar matra men gehun chana (kala sabut) ya soyabin jau v mandve (marua) ke ate ki roti ka sevn karen avashya labh hoga. shani shashth, ashtam evan dvadash bhavon ka karak grah hai. is grah ka anukul rang hai kala, nila athva katthai. is grah ko anukul banane ke lie jahan kali urad v tel ka dan karte hain, vahin bhojya padarthon men jamun, kali mirch, manda ka ata, kale angur, kulthi, munakka, shahad, gulkand adi shani ke shubh prabhav ko barhaenge. jinhen pathri ki shikayat hoti hai, agar ve niyamit rup se bhigoi gayi kulthi ke pani ka sevan karen aur hafte men ek ya do bar uski dal khaen to kafi labh prapt hoga. in padarthon ke sevan se ek or pachn thik rahega to dusri or sharirik bal bhi prapt hoga. bavasir ke rogi nariyal ki chal ko jala kar taja dahi ke sath ek-ek chammach tin bar khaen, atyant labh hoga. sath hi dhumrapan, mans madira adi se bachna chahie. yadi dhumrapan chor denge to pairon ke dard tatha hriday rog men bhi fayda hoga. vanaspati ghi ka prayog bilkul n karen. iske sthan par sarson ka tel, soyabin athva binole ka tel prayog karen. khun men adhik charbi se bachne ke lie alsi ke 5-7 gram bij pis kar ya fir gur men laddu banakar khaen. in sab ke prayog se sharirik rogon se kafi had tak mukti prapt kar sakte hain. kaha bhi gaya hai chikitsa se bachav behatar hai. tatparya yah ki svasth tan men hi svastha man ka vas hota hai. galib ne kaha hai tangadasti hajar ho galib, tandurusti hajar niyamat hai. arthat muflisi to thik hai par rogi rahna thik nahin. ham jine ke lie khate hain n ki khane ke lie jite hain. santulit ahar dvara ham apne rogon ko bahut had tak simit kar sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


ratn visheshank  February 2006

hamare rishi maharshiyon ne mukhyatya tin prakar ke upayon ki anushansa ki hai yatha tantra, mantra evan yantra. in tinon men se tisra upay sarvadhik ullekhniya evan karne men sahaj hai. isi men se ek upay hai ratn dharan karna. aisa mana jata hai ki koi n koi ratn har grah se sambandhit hai tatha yadi koi vyakti vah ratn dharan karta hai to us grah ke dvara srijit ashubhatva men kafi kami ati hai. fyuchar samachar ke is visheshank men anek mahatvapurn alekhon ko samavisht kiya gaya hai jismen se pramukh hain- chairasi ratn evan unka prabhav, vibhinn lagnon men ratn chayan, jyotish ke chah mahadosh evan ratn chayan, rog bhagaen ratn, ratnon ka shuddhikaran evan pran-pratishtha, kitne din men asar dikhate hain ratn, lajavart mani-ek nam anek kam ityadi. iske atirikt sthayi stambhon ke bhi mahatvapurn alekh vidyaman hain.

Subscribe

Apne vichar vyakt karein

blog comments powered by Disqus
.