कल्याणकारिणी हैं सुंदरगढ़ की महारानी

kalyankarini hain sundaragarh ki maharani  

Ank ke aur Lekh | Sambandhit Lekh | Views : 1231 |  
odisha prant ke gangpur stet ka nam rajnaitik drishtikon se to sudrirh hai hi sath hi is stet ne dharmik sanskritik upalabdhiyon men bhi ek itihas racha hai. is pure kshetra men kul barh mandiron ki sthapna ka varnan milta hai parantu sundaragarh ki bari talab ke thik bagal ki uchch bhumi par mahandi ki sahayak iv nadi ke pashrva men virajman sundrpur sanbhag ke sundaragarh rajaprasad ke bagl men hi jagannath mandir, radhakrishna mandir, devi durga mandir, shiv mandir, vijay stanbh v rajayakshini ke rup men sthapit devi sanbhleshvari bhavani mandir ka sunam hai. ismen mata sanbhleshvari ka sthan aj jagrat pith ke rup men pure prant men charchit hai. is pith ki manyata jagannathpuri mandir ke angbhut shaktipithon men hai. sarvadyamyi devi ke bhakt gangpur stet ke nripadhiptiyon ne aise n sirfa apne rajyantargat varan bahr-bahr bhi devi devtaon ke devalay vyavsay par in sabon men akar-prakar, vishalta v banavat ke drishtikon se mata sanbhleshvari bhavani ka sthan vishisht hai jiski mahima akshunn hai aur yahan adhishthatri devi ke rup men pratishtha prapt hai. yah jankari ki bat hai ki mata sanbhleshvari ka mul sthan sanbhlpur men mahandi ke kinare hai par matri mahima ka hi suprabhav hai ki pure rajya aur rajya ke bahar bhi man ke nam se sanbaddh panch darjan se adhik devalay hain jismen sanbhlpur ke bad mata ka yah sthan bara hi jagrat v mahimaprad bataya jata hai. mukhya rajmarg se devi mandir tak ane men chairahe par hi dev shri jagannath mandir puri ke jagannath mandir ki anukriti hai jiske thik bahri dvar par donon taraf ek-ek sher hai. age barhne par bahri dvar ke hi samip ek vijay stanbh dekha ja sakta hai jiske upar ‘vijy chakra’ bana hai. isi ke age vishal aytakar pletfaerm par mata sanbhleshvari ka mandir hai jahan mata ji bhuvneshvari devi (munh mata) ke sath virajman hain. is mandir ki sthapna katha bari hi rochak hai. yahan ke brahman pujari anil panda ise mahan shaktipith batate hain aur ise sundaragarh stet ki pur rasika batate hain jo is stet ki harek karya, krityon ki sakshi rahi hain. vivaran hai ki ek bar maharani ne apne rajamahal men mata sanbhleshvari ka sakshat darshana kiya tab jab vah tin din purva hi mata shri sanbhleshvari sthan ka darshan kar lautin thin. kahte hain uske purva bhi yahan mata ka sthan tha par uske bad maharani ki ichcha kamna ko purn karne ke uddeshya se raja bhavani shankar shikhar dev ne 1930 i. ke karib is mandir ki sthapna karvakar mata ji ka yagya mahapujan karane ke bad yahan pran pratishthit karaye aur uske bad mata ji ka yah sthan ek tirtha ke rup men sthapit ho gaya jiski paripati aj bhi dekhi ja sakti hai. is mandir parisar men matri tirth ke sath-sath, mahadev para, ganesh, kali, tara, matangi, shani dev va bhairvnath ji ka bhi sthan hai. bagl men pujan kaksh, sadhna kaksh, bhandar kaksh v pujari ke nivas bhavan aur thik samne kal-kal karti iv nadi is parisar ko aur bhi sundr banati hai. vivaran hai ki pahli janvri 1948 i. ko gangpur stet aur bonai raj milakar sundaragarh jila banne ke bad yahan ka aur bhi vikas hua hai. mandir men bijli ya peyajal ki suvidha pradan ki gai hai. vaise yahan ka kup ek hajar varsh purana bataya gaya hai jiska nav shringar mandir ke nav nirman ke samay kiya gaya. is mandir ke mainejar panchanand dhruva ne bataya ki pure kshetra men mata ji ki mahima aj bhi khub mani jati hai. is mandir ke nirman men khaskr mul garbh grih banane men siment ka prayog nahin kiya gaya hai. pashan khand aur tin tarah ke nirmit int ki jurai gur, madhu, ganne ka ras, gond v anyanya samagri se hui hai. harke varsh sarasvati puja, raksha bandhan, ramnvmi, shri krishn ashtami, kali puja adi ke sath donon navratron men dur-dur se bhakton ka agaman hota hai aur usi kram men yahan divas ke anurup bhog lagae jate hain. aj bhi mandir men nitya puja, path, arti v bhog ki vyavastha din, tithi v mas ke anurup ki jati hai jismen am bhakt ke sath rajkiya kosh se bhi sahyog prapt hota hai. chat se dhanke vishal angan ke madhya mata ji ka garbh grih bara hi akarshaka hai jiske agl-bagal aur piche ke tinon divaron men panch-panch alankrit takhe bane hain. mandir ke garbhagrih ke darvaje par bhakton ke sahaytarth lohe ka raed laga diya gaya hai. mandir parisar ke dakshin men rajamahal hai jahan nichle kaksh men bhagvti durga mata ka chota mandir hai. yahan raja v rani aj bhi pujan karya men bhag lete hain. yahin bagal men 1944 ki ek tasvir lagi hai jismen gangpur stet ke samast raja v raj karmachariyon ko dekha ja sakta hai. kabhi isi ke thik samne rang-birange fulon ka park tha jiske avshesh aj bhi dekhe ja sakte hain. angrapat parvatiya khand ke bagl men virajit is prakritik dharmik tirth ke alava pure nagar men shiv shankar, hanuman, durga, tarini, shani dev v brahm devta ke prachin devaly darshaniya hain. bhakt bandhu yahan se ‘vedavyas’ ‘‘mandira-daim’, ‘dhodhar dham’ v ‘khanddar jalaprapat’ jarur jate hain jo yahan se pachas ki. mi. ke andr sthit hai aur suvidha yukt marg se sanbaddh bhi hai. hirak khand ke bagl ka yah kshetra van aranya se paripurna hai. raurkela, sanbhlpur, bhuvneshvar, raypur, tatanagar adi se yahan pahanuchna sahaj hai jo rashtriya rajmarga par avasthit karmdih mor se chah ki. mi. andar hai. mandir ke aspas hi puja-path v khane aur thahrne ka suvidhapurn intjam hai. odisha, bangal v bihar ke sath-sath chattisgrhi aur svayan sundrgrhi samaj men mata ki aisi yash kripa bani hai ki harek parva-tyohar v grih men ayojit manglik karya men log pure parivar ke sath matri darshan ke lie yahan avashya ate hain. dashhre men yahan sankalpit kalash rakh dene se pura ka pura garbhagrih bhar jata hai. matri vigrah ke upar rajat chatra va niche ka sinhasan donon raja narsinh dev varman ka diya bataya jata hai. mandir se nadi ki taraf jane men pipal per ke niche shani dev ki pashan pratima yahan ka sabse prachya sthan bataya jata hai jo angrh pashan khand hai aur yahan bhakt darshana ke lie avashya ate hain. kul milakar sundaragarh ka yah devalay lok astha aur jan vishvas ka aisa udaharan hai jiski yashah kirti ke dip dinon din aur bhi mukhrit hokar shringarik hote chale ja rahe hanai. yahan ki mata karunamyi hain tabhi to inke darbar se koi nirash nahin jata. harek angla navavarsh men yahan dur desh ke logon ke agaman se mela lag jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2017

jyotishiya patrika fyuchar samachar ke is vastu visheshank men bahut achche navavarsh se sambandhit lekhon jaise 2017 navavarsh manglkari kaise ho !, vyaparik drishtikon se navavarsh 2017,2017 men surya v chandra grahan, baelivud ke lie kaisa rahega sal 2017,2017 men bharat ki rajniti, arthavyavastha aur sheyar bajar,ank jyotish se janen 2017 adi.

Subscribe

Apne vichar vyakt karein

blog comments powered by Disqus
.