कार्य व्यवसाय एवं वैवाहिक सुख

karya vyavsay evan vaivahik sukh  

Views : 2298 | January 2017

vaivahik sukh v karya-vyavsay ke bare men jyotish dvara vishleshan karne ki vistrit vidhi: vaivahik sukh ka vichar samanyatah saptam v karya-vyavsay ka vichar dasham bhav se kiya jata hai. karya-vyavsay arthat jatak ajivika men vyapar karega ya naukri. yah bhi dasham bhav, svami, karak tatha ismen sthit grah tatha in sab par drishti dalne vale grahon par nirdharit hota hai. vyavsay ke yog:

1. dashmesh v lagnesh ki yuti kisi bhi bhav men ho to jatak svatantra vyavsay karta hai. yadi yah yuti visheshakar lagn ya dasham bhav men ho to jatak svatantra udyoga/vyavsay men atyadhik khyati prapt karta hai.

2. dashmesh, yadi kendra ya trikon athva ekadash bhav men shubh grahon se drisht ho to jatak vyapar men safal hota hai.

3. yadi dashmesh, lagn bhav men sthit ho to jatak svatantra vyavsay karta hai.

4. yadi dashmesh, dvitiya bhav men ho to jatak paitrik vyavsay men adhik unnati karne vala hota hai.

5. dashmesh yadi, tritiya bhav men sthit ho to jatak ya to vyakhyata hota hai ya lekhan, sanpadan ya patrakarita ke madhyam ko vyavsay ke rup men apnata hai.

6. yadi dashmesh, chaturth bhav men ho to jatak proparti dilar, krishi karya karne vala, bhumi sanbandhi vyavsay ya transport sanbandhi vyavsay, deyri utpad adi karne vala hota hai.

7. yadi dashmesh, pancham bhav men sthit ho aur kisi shubh grah se drisht n ho to jatak dalali, laetri, satta, sheyar market, ejent ka vyavsay karta hai.


jivan ki sabhi samasyaon se mukti prapt karne ke lie yahan klik karen !


8. dashmesh, yadi chathe bhav men ho to jatak nyayalay, thana, kachhri ya jel adi se sanbandhit karya karne vala hota hai.

9. dashmesh, yadi saptam bhav men sthit ho to sajhedari, sahkari udyam, mairij byuro aur rajnaitik karya adi se jura vyapar, vyavsay karta hai.

10. dashmesh, ashtam bhav men sthit ho to jatak shiksha sanbandhi vyavsay jaise- koching, tyushan, vidyalay v anya shaikshanik kshetron se jura vyavsay karta hai.

11. yadi dashmesh, navam bhav men sthit ho to jatak purohit, mandir ka pujari, dharm guru, updeshak, adhyatm evan darshanik kshetra ka path-pradarshak, samaj sudharak aur paitrik vyavsay karne vala hota hai.

12. yadi dashmesh, dasham bhav men hi sthit ho arthat svagrihi ho to jatak svatantra vyavsay karke shikhar par pahunchne vala hota hai. aisa jatak jo bhi karya karta hai, usmen vah atyadhik saflta prapt karta hai.

13. dashmesh, ekadash bhav men sthit ho to jo bhi karya karta hai usse ay, labh kamane vala hota hai. sath hi aisa vyakti anek logon ko jivika dene vala hota hai. sarahniya karyon men laga rahakar samman prapt karta hai.

14. dashmesh, yadi dvadash bhav men sthit ho to jatak videshane men vyavsay karne vala tatha vyay bhav men hone se kabhi-kabhi unnati ya nindaniya vyavsay karne vala bhi hota hai.

15. chunki budh grah vyapar ka karak grah hai atah jiski kundli men budh dashmesh hokar saptam bhav men sthit ho ya saptamesh hokar dasham bhav men sthit ho vah jatak vyapar/ vanijya se jura hota hai.

16. yadi dasham bhav men budh akela sthit ho to jatak vyavsayi hota hai.

17. yadi budh dashmesh hokar, ekadash bhav men ya ekadshesh hokar dasham bhav men sthit ho to jatak vyapar dvara dhan kamata hai. en ho ya dashmesh shatru rashigat sthit ho to jatak nindaniya vyavsay karne vala hota hai. kabhi-kabhi vah vyavsay men hani bhi uthata hai.

19. yadi dasham bhav men anek grahon ki drishti ya yuti ho to jatak vyavsay karta hai.

20. yadi saptamesh v ekadshesh ke bich bhav parivartan ho to jatak vyapar ke dvara jivn-yapan karta hai.

21. dashmesh, dvitiyesh ya dashmesh, navmesh ke bich bhav parivartan hone par jatak vyavsay dvara dhan kamata hai.

22. yadi surya, chaturth bhav men param nich avastha men sthit ho aur iska nichatva bhang nahin ho raha ho to jatak apna svatantra vyavsay karta hai.

23. budh v shukra yadi dvitiya, chaturth, dasham, ekadash men ho to jatak, kavi, sahityakar, lekhak ya adhyatmik vyakti hota hai.


apni kundli men rajyogon ki jankari paen brihat kundli riport men


24. yadi dashmesh dasham bhav ko chorakar kisi bhav men svagrihi ya uchch ka sthit ho tatha do ya tin grahon se drisht ho to jatak vyapar men safal hota hai tatha sammanit udyogptiyon ya karobariyon men gina jata hai.

25. yadi dasham bhav men surya$mangal ho to jatak aushdhi sanbandhi vyavsay se dhan, labh v nam kamata hai.

26. yadi panch ya isse adhik grah 7 se 12 bhav tak ya 10 se 3 bhav tak sthit ho to jatak vyapar dvara jivan yapan karta hai.

27. yadi 5 ya adhik grah surya, chandra, mangal v rahu ke nakshatron ya navanshon men ho ya vayu tatva rashiyon -mithun, tula, kunbh ke navansh men ho to jatak svatantra vyavsay karne vala hota hai.

28. yadi surya, chandra, mangal, rahu janmapatri ke upri bhag- 4 se 10 bhav men (alokit bhag) sthit ho, sath men shani yogkarak hokar dasham bhav ya dashmesh se yuti/drishti dvara sanbandh sthapit karen to jatak svatantra vyavsay dvara jivan yapan karta hai.

29. yadi purn parmatmansh grah surya, chandra, mangal v rahu patri men shubh hokar bali hokar kendra/trikon men sthit ho tatha 2, 11 se sanbandh sthapit karane to jatak vyapar dvara dhan kamata hai.

30. jab dasham bhav men koi bhi grah shatru rashi ya nichasth ho tatha kariyar banne ke samay isi grah ki dasha ka samay chale to jatak ko sarkari naukri se vanchit rahakar vyavsay karna parta hai.

31. jab dashmesh shatru rashi ya nich ka sthit ho to bhi jatak vyavsay karta hai. kundli-1 men, dashmesh guru navam bhav men shubh hai lekin mahadsha karak rahu dashamasth ashubh hone se jatak ko vyavsay karna para. (niyam 30) kundli-2 men, dashmesh guru (lagnesh bhi) ashtam bhav men shatrurashisth hone se jatak ko vyavsay karna para. purva mane guru v vartaman men nich shani ki mahadsha chal rahi hai. (niyam-31)

32. jinke dasham bhav men char rashi ho to aisa jatak svatantra vyavsay ko apnata hai.

33. jinke dasham bhav men dvisvabhav rashi ho to naukri ya vyavsay ko apnata hai.

jaisa ki kundli - 1, 2 ke dasham bhav men dvisvabhav rashi dhanu hai. naukri ke yog

1. shashth bhav naukri se jura hota hai atah shashth bhav bali hona chahie. atah yadi shashthesh dasham bhav men sthit ho ya dashmesh shashth bhav men ho to jatak naukri karta hai.

2. yadi lagnesh shashth bhav men sthit hokar dasham bhav par drishti dalen ya shashthesh lagn men sthit hokar dasham bhav ko dekhe to jatak naukri karta hai.

3. lagnesh v dashmesh ki yuti ho to jatak naukri karta hai. sath hi inki shashth bhav par drishti ho ya shashthesh in par drishti dalta ho to bhi jatak naukri karta hai.


get detailed kundli predictions with brihat kundli phal


4. yadi navmesh shashth bhav men sthit ho aur dasham bhav par drishti dale to jatak naukri karta hai.

5. yadi tinane trikon (shashth, ashtam, dvadash bhav ke svami) men se koi bhi ek grah yadi dasham bhav ko purn rup se dekhe to jatak naukri karta hai.

6. yadi tinon trikon men se ek ka bhi sanbandh chandrama se ya dasham bhav ya dasham se ho to jatak naukri karta hai. is kundli- 3 par niyam - 3, 5, 6 lag rahe hain. atah jatak sarkari naukri men hai. is par niyam-7 bhi lag raha hai chah grah prithvi v jal rashiyon men hai. is par niyam-1 bhi lag raha hai. shashthesh guru svagrihi hai tatha dasham bhav par drishti hai (niyam-5) . 8 10 4 12 2 9 5 11 3 7 6 sukeman 1 gu .burakundli-3 chan. shu. sh.

7. yadi panch ya adhik grah budh, guru, shukra, shani, ketu ke nakshatra men ho athva prithvi ya jal tatva ki rashiyon men ho to jatak naukri karta hai.

8. yadi dasham bhav men sthir rashi ho tatha dasham bhav men uchchasth ya svagrihi grah sthit ho to jatak naukri karta hai.

10. jab dasham bhav men koi panchmhapurush yog ban raha ho to jatak naukri karta hai.

vaivahik sukh ke yog:

1 vaivahik sukh, saptam bhav, saptamesh, saptamasth grah, karak shukra (v purush hetu), guru (stri hetu) tatha in sabhi par drishti dalne vale shubh grahon par nirbhar karta hai. yadi ye sabhi bali grah (uchch, svagrihi ya mitra rashigat hokr) kendra ya trikon men sthit hane to vaivahik sukh jatak ko prapt hota hai.

2. yadi saptam bhav men shubh grah ki rashi (2, 3, 6, 7, 4, 9, 12) ho aur inke svami bali hokar shubh bhavon men sthit ho to jatak ko jivnsathi sundar prapt hota hai tatha vaivahik jivan sukhamay hota hai.

3. yadi saptam bhav, saptamesh par saumya grahon ka prabhav ho to jivan sathi uttam gunon se yukt prapt hota hai tatha vaivahik sukh prapt hota hai.

4. saptam bhav, saptamesh yadi shubh grah evan varg se yukt hokar shubh bhav men sthit ho to jivnsathi svabhav se uchch vichar, nirmal, madhurbhashi adi gunon se yukt hota hai jisse vaivahik jivan sukhamay hota hai.

5. yadi dvitiyesh v karak guru bali hokar shubh bhavon men sthit ho tatha dvitiyasth grah saumya v bali ho tatha in sabhi par saumya grahon ka prabhav ho to bhi kutunb ke sukh ke karan danpatya jivan madhur rahta hai.

6. yadi saptamesh ka dvitiyesh ya panchmesh se bhav parivartan ho to danpatya jivan sukhamay hota hai.

7. yadi ekadshesh ya ekadashasth grah bali ho to bhi danpatya jivan madhur hota hai.

8. dvitiya, saptam, dvadash bhav men 2, 3, 4, 6, 7, 9, 12 rashi ka hona in bhavon men saumya grah uchch ya svagrihi (bali) ho to vaivahik jivan sukhi rahta hai.

9. yadi dvitiyesh v ekadshesh men bhav parivartan ho ya inke svami v karak guru bali ho to vaivahik jivan sukhi hota hai.

10. navansh lagn ka svami yadi bali hokar kendra/trikon men ho to jivan sathi ka purn sukh prapt hota hai.

11. navmansh lagn ka svami yadi navmesh ke sath 7 ya 11 bhav men uchch ka hokar sthit ho to stri se anek prakar ka labh, sukh v sasural ke dhan ka malik banta hai tatha stri sukh purn prapt hota hai.

12. yadi ashtamesh v dvadshesh bali hokar shubh bhavon men sthit ho to jatak ko purnataya danpatya sukh prapt hota hai.

13. yadi stri ki kundli men lagn men sam rashi ho tatha chandrama par shubh grahon ki drishti ho athva shubh grah yog ho to stri madhurvani yukt hoti hai jisse danpatya jivan sukhi hota hai.


for immediate problem solving and queries, talk to astrologer now


14. yadi pati-patni donon ki kundli men saptamesh bali ho to danpatya jivan sukhi hota hai.

15. yadi ashtak varg men saptam bhav men shubh binduon ki sankhya 25 se adhik hai to vaivahik sukh utna hi adhik prapt hota hai.

16. shadi purva donon ke gun milan (36 men se 18 gun tatha rashi v nari dosh nahin hone chahiye) v kundli milan shubh ho to vaivahik sukh ki purn prapti hoti hai. purush jatak ke saptamesh shani dasham bhav men mitrarashigat shubh hai. shukra (kark) ka saptam bhav par prabhav shubh hai.

dvitiya, ekadash bhav ka svami budh tritiya bhav men mitra rashigat shubh hai. pancham bhav men guru svagrihi hai, donon ke 23 gun mil rahe hain. stri jatak ke saptamesh, navam bhav men tatha navmesh saptam bhav men, bhav parivartan men hai. saptam men surya uchch ka sthit hai, sath hi budhaditya yog bana raha hai. karak pancham (shukra) bhav men mitra rashigat shubh hai.

sath men brihaspati ki sthiti hai. donon ke brihaspati pancham bhav men hai. atah yog, gun milan, kundli milan thik hai, atah donon ka vaivahik jivan sukhamay hai. yah avashyak nahin hai ki vaivahik sukh aur karya vyavsay ke sare niyam ek hi kundli par lagu hon. lekin alg-alag kundliyon par sabhi niyam lagu ho sakte hain.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

navavarsh visheshank  January 2017

jyotishiya patrika fyuchar samachar ke is vastu visheshank men bahut achche navavarsh se sambandhit lekhon jaise 2017 navavarsh manglkari kaise ho !, vyaparik drishtikon se navavarsh 2017,2017 men surya v chandra grahan, baelivud ke lie kaisa rahega sal 2017,2017 men bharat ki rajniti, arthavyavastha aur sheyar bajar,ank jyotish se janen 2017 adi.

Subscribe


.