रजनीकांत
Ank ke aur Lekh | Sambandhit Lekh | Views : 2569 |  
ek sadharan parivar men bin man ke bachche ko jivan men jitne sangharsh karne parte hain shivaji rav gaykvad yani rajnikant ne un sabka samna kiya. bachapan se hi rajnikant ko abhinay ka shauk tha. kathin se kathin daur men bhi apne jajbe ko barkrar rakhte hue unhonne rangmanch par kai natak khele. kuli, karpentar, bas kandaktar aur fir supar star ke rup men rajnikant ke chamatkarik safar ko jante hain unki kundli ke madhyam se - inki kundli hai sinh lagn ki tatha lagnesh surya chaturth bhav men mangal ki vrishchik rashi men dhanesh v labhesh budh ke nakshatra v panchmesh tatha ashtamesh brihaspati ke upanakshatra men hain. surya apne mitra ki rashi v mitra nakshatra v upanakshatra men virajman hokar purnatah shubh sthiti men rahu va shani ki drishti se yukt hain. navansh men bhi surya par shani, rahu, budh va brihaspati ka kisi n kisi prakar prabhav par raha hai. surya ke prabhavavash jatak men rajsi abha dikhai parti hai. rajnikant aj supar star hain kintu jab ve bas kandaktar the tab bhi unka alg andaj tha. navansh kundli ke lagnesh shukra apni svarashi vrish men karmesh chandrama se yut hokar baithe hain jinapar ketu aur shani ki purn drishti hai. mangal bhi purn drishti se shukra ko dekh rahe hain. dvitiya bhav vani v jihva tatha khane-pine v bhojan adi ka bhav mana jata hai. dvitiya bhav par shani, rahu, ketu ke prabhavavash hi sigret v sharab ki lat se unhen do char hona para. ek samay aisa bhi aya jab in buri adton ke karan unhen koi bhi kamra kirae par nahin deta tha. unke janm ke samay dasha thi vyayesh chandrama ki jo ki lagabhag 7 varsha shesh thi. fir mangal ki dasha 7 varsh chali. 1965 men praranbh hui rahu ki mahadsha. rahu ashtam bhavasth hai. rahu brihaspati ki rashi, brihaspati ke hi nakshatra aur yogkarak mangal ke upanakshatra men hain. lagn par ashtamesh brihaspati va yogkarak mangal ka purn prabhav hai. mangal sukhesh v bhagyesh hokar apni uchch rashi makar men virajman hai. brihaspati panchmesh v ashtamesh hokr saptam bhavasth hain tatha saptam bhav se lagn ko purn drishti pradan kar rahe hain. rahu ki mahadsha men rajnikant ne praranbhik varshon men kafi sangharsh kiya aur fir unhen apne parishram ka shubhafal bhi prapt hua. chunki lagnesh surya dhanesh v labhesh budh ke nakshatra men hain aur karmesh shukra par bhi budh ka purn prabhav hai is karan unhen apne karmon ka purn shubh fal prapt hua. dashmesh shukra chalchitra ke karak grah hain sath hi navansh kundli ke dashmesh chandrama par shukra ka purn prabhav hai isi karan unhen bachapan se hi abhinay se lagav tha aur ise hi unhonne apna karya kshetra banaya. aiye ab bat karte hain unke parivarik jivan ki saptam bhav jivnsathi ka bhav hai. panchmesh brihaspati saptam men baithkr lagn par purn drishti dal rahe hain. saptam ke karak shukra pancham men baithe hain. saptamesh shani ki purn drishti lagnesh surya par hai. navmesh mangl ki purn drishti lagn par hai. lagn, pancham, saptam, navam ka sanbandh prem vivah ka dyotak hai. rajnikant ka kahna hai ki ‘‘ve ektar banna chahte the star nahin. unhen tin chijon ki ummid thi- kandaktar ki naukri se thora jyada paisa, pasand ki larki se shadi aur bharpur nind.’’ aisa hua bhi, unhonne prem vivah kiya. tamilnadu men rajnikant se jure kai sanyojan hai. parivar ke sath hi is kam men unki patni lata unka pura sahyog karti hai. pancham bhav ke svami brihaspati santan ke karak svayan hain. saptam men baithkr brihaspati lagn ko dekh rahe hain. purnatah shubh brihaspati ne unhen santan sukh bhi pradan kiya. rajnikant ki kundli men karmesh va parakramesh shukra tatha dhanesh v labhesh budh donon hi pancham bhav men baithkr ekadash labh bhav ko purn drishti pradan kar rahe hain. unhonne athak parishram karke khud ko supar star ki shreni men pahunchaya. 1999 men unhen bharat sarkar ne unki upalabdhiyon ko dekhte hue padmabhushan se navaja. yah puraskar unhen shani ki mahadsha men mila. vartaman samay men bhi unki shani ki mahadsha chal rahi hai. shani shashthesh v saptamesh hain. shani lagnesh surya ke nakshatra aur karmesh va parakramesh shukra ke upanakshatra men dvitiya bhav men mitra budh ki kanya rashi men uchchabhilashi hokar vidyaman hain. shani ki purn drishti lagnesh surya, ashtam bhav v labh bhav par hai. shashth bhav karm ka bhagya sthan hai. yahi karan hai ki iski dasha men rajnikant ko paryapt dhan v yash prapt hua. vartaman men shani/guru ki dasha chal rahi hai. brihaspati rahu ke nakshatra men hai aur ashtamasth hai tatha brihaspati saptamasth hai. rahu par shani ka purna prabhav hai. svasthya sanbandhi kuch samasya ho sakti hai parantu unka ek safl abhineta ke rup men jadu logon par age bhi barkrar rahega.
Kya aapko lekh pasand aaya? Subscribe
Kya aapko lekh pasand aaya? Subscribe

navavarsh visheshank  January 2017

jyotishiya patrika fyuchar samachar ke is vastu visheshank men bahut achche navavarsh se sambandhit lekhon jaise 2017 navavarsh manglkari kaise ho !, vyaparik drishtikon se navavarsh 2017,2017 men surya v chandra grahan, baelivud ke lie kaisa rahega sal 2017,2017 men bharat ki rajniti, arthavyavastha aur sheyar bajar,ank jyotish se janen 2017 adi.

Subscribe

.