हस्तरेखा एवं ग्रह योग से जाने कौन ही नशे का आदी

hastarekha evan grah yog se jane kaun hi nashe ka adi  

Ank ke aur Lekh | Sambandhit Lekh | Views : 4081 |  
hastarekha evan grah yog se jane kaun hai nashe ka adi sushri bharti anand vartaman men nashe ka dayra barhakar samaj ke lagabhag har varg aur ayu ke stri purushon ko asamarthataon ki sima tak le ja raha hai. is sthiti se bachna aur aise vyaktiyon ki pahchan karna jaruri ho gaya hai. aise men jyotish aur hastarekha ka gyan paryapt sahayak ho sakta hai. aiye jane aise kuch grah yogon aur hastarekhaon ke bare men jo vyakti ko nashe ke changul men fansa deti hai. jyotish ke adhar par yadi nashakhor ko dekhen to lagn men pap grah nich ke hokar vidyaman hon, tula aur brish lagn ko chorakar shukra grah chathe ya athven bhav men vidyaman ho, 12ven ghar men shukra ke sath mangal rahu, ketu adi grah baithe hon to vyakti ko nasha bimari ke rup men a sakta hai. nashe ki adat itni barh jati hai ki uske pran bhi ja sakte hain tatha uski kamai ka adhikatam hissa nasha lene men lag jata hai. tula aur brish lagn men chandra chathe ya athven ghar men ho ya 12ven ghar men shukra aur mangal ke sath baitha ho to bhi vyakti nashe ka adi ho sakta hai. yadi patri men shukra, budh, rahu nich ke hon, to in grahon ki mahadsha ya antardasha ke samay men vyakti in vyasnon ka adi hokar apne svasthya aur dhan ka nash karne ki or agrasar ho sakta hai. yadi 12ven ghar par ek se adhik pap grahon ki drishti ho, to jatak ka kharcha nashile padarthon ke sevan par ho sakta hai. yadi bhagya rekha moti hokar, mastishk rekha par rukti ho, hath ka rang kala ho, to nashe ki adat bahut pakki ho jati hai. hatheli v nakhunon par kale dhabbe hon, anguliyan v angutha mota ho to hath sakhat hone par bhi jatak kisi n kisi nashe ka shikar hota hai. hriday rekha v mastishk rekha ek ho, kintu jivan rekha, bhagya rekha se moti ho to vyakti ko agar koi lat lag jaye jaise sharab, sigret, gutke ki to vah iska niyamit rup se sevan karta hai. yadi shukra parvat par til ho, bhagya rekha men dvip ho, to bhi jatak ko nashe ki adat ho jati hai. yah adat use galat sangti ki vajah se jyada ho jati hai. mastishk rekha moti ho, mastishk rekha ke upar moti-moti rahu rekhane ati hon, to bhi vyakti ko nasha andhkar ki taraf le jata hai. hath naram v gulabi aur lalima lie ho, to vyakti uchch koti ke nashe vale padarth uchch koti ki sosaiti men leta hai. hath ka rang lal ho, us par lal dhabbe hon, mangal grah utha hua ho, bhagya rekha par dvip hone par jatak sharab ya sigret ka nasha karta hai. hath bhari ho, shukra grah ubhar lie ho, anguliyan moti hon, hath sakhat hone par jatak kai prakar ke vyasnon se yukt hota hai. hriday rekha khandit ho ya janjirakar ho to dil tutne par vyakti vyasnon ka shikar ho jata hai. yadi mangal aur shukra parvat hath men atyadhik ubhar lie hon, to vyakti vyasnon ka shikar ho jata hai aur kisi ki nahin sunta hai.
Kya aapko lekh pasand aaya? Subscribe

Kya aapko lekh pasand aaya? Subscribe


punarjanm visheshank  September 2011

punarjanm ki avdharna aur uski prachinta ka itihaspunarjanm ke bare men vividh dharm granthon ke vichar punarjanm ki vastavikta v siddhant paramamovigyan ki bhumikapunarjanm ki pushti karne vali bharat tatha videshon men ghati satya ghatnaen pitridosh ki sthiti evan punarjanm, shradakarm tatha punarjanm ka parasparik sanbandh

Subscribe

Apne vichar vyakt karein

blog comments powered by Disqus
.