वास्तु दोष निवारण में ए.बी.सी. विश्लेषण

vastu dosh nivaran men e.bi.si. vishleshn  

Ank ke aur Lekh | Sambandhit Lekh | Views : 648 |  
desh ke prasiddh tantrik jinko desh ke sabhi rajnitigya, uchch padadhikari, udyogpti adi kafi mante hain, kisi karan se fera men fans gae aur unko jel jana para. unke karibi mitron v prabandhkon ne unke dilli men ati samriddh jagah par bane ghar/ashram ka dakshin bharat ke kai prasiddh vastukaron se vastu nirikshan karvaya aur unhonne jo bhi badlav batae ve kie gae parantu jamanat ki arji bar-bar namanjur hoti rahi. sarkari pareshani ke bad hamesha ji hajuri karne vale logon ki bhir titar bitar ho gai thi v log din men bhi vahan jane se darne lage the. vastu dosh vishleshan v nivarn plaet ke dakshin pashchim men darvaja tha jis par tala lagvakar band karvaya gaya tha. dakshin-pashchim ka dvar ghar ke malik ko ghar se dur kar deta hai. arthik evan mansik santap deta hai evan anchahe kharche aur mukdmebaji tak kara deta hai. tala lagne se uska dosh khatm nahin hota. kyonki urja jamin se lagakar 60 pratishat chalti hai 2 fit tak 80 pratishat v 3 fit tak 90 pratishat achcha ya bura prabhav rahta hai. dvar ko hatakar chardivari jaisi divar banvane ko kaha aur dakshin purva men rakhe janretar ke sath dakshin men dvar banane ko kaha gaya. ashram men bani bilding ke dakshin men bane darvaje ko pahle ae ek vastukar ne band kara diya tha jiska koi labh nahin mila. us dvar ko khulvaya gaya jisse naukron ke ane jane men ho rahi asuvidha dur ho gai. vastu ke mul siddhanton ke anusar avashyaktanusar dakshin ka darvaja rah sakta hai parantu dakshin-pashchim men yah purnataya varjit hai. dakshin-pashchim men darvaja hone ka dosh tha to pan. ji ko pura vishvas tha ki uttar purva men koi n koi dosh avashya hoga. rat ke andhere v per-paudhon ke jhurmut ke karan kuch thik se dikh nahin raha tha. parantu kuch der bad achanak unhonne dekha ki jamin se ek paip bahar nikla hua hai. gard se pata chala ki vahan par jamin ke andar janretar rakha tha jo ki kafi bara tha. ise vishesh taur par bhavanagar (alang) gujrat ke ek bhakt dvara bhent kiya gaya tha. uttar purva men janretar hone se bhari mansik tanav, kharch aur vaicharik matbhed hote hain. vahan se janretar hatane ke lie kaha gaya aur use yadi jamin ke upar rakhna ho to dakshin men bad men bani divar ke pas rakhen aur yadi jamin ke andar rakhna ho to bilding ke purvi pravesh dvar ke bad dakshin purva ke kone se 2/9 bhag chorakar rakhna chahie. pandit ji ne aisa hi karne ki salah di. dakshin men bani divar se kuch labh tha parantu isse sari luk hi kharab ho rahi thi tatha mukhya dosh (uttar purva men ag) ka koi samadhan nahin ho raha tha islie isko bhi bad men turvane ki sahmti de di gai. sabhi sujhavon kee karyanvit hone ke kuch hi dinon ke bad kai bar radd hui jamanat kuch hi dinon men ho gai. isse prabandhan ke e.bi.si. vishleshan ka vah mahatvapurn sutra punah sthapit hota hai jiske antargat ek do mahatvapurn dosh dur karane se abhisht ki prapti ho sakti hai parantu sat-ath gaun dosh thik karane se bhi vanchit labh nahin milta.
Kya aapko lekh pasand aaya? Subscribe
Kya aapko lekh pasand aaya? Subscribe


svapn evan shakun visheshank  June 2010

is visheshank se svapn ke vaigyanik adhar, svapn ki prakriya, sapnon ka sach, svapneshvari devi sadhna, svapnon ke arth ke atirikt shakun-apshkun adi vishyon ki jankari prapt ki ja sakti hai.is visheshank men shri arun bansal ka sapnon ka sach namak sanpadkiya atyant lokapriya hua.aj hi le aen lokapriya svapn evan shakun visheshank tatha iske falit vichar namak stanbh men parhe svatantra vyavsay ke grah yogon ki vivechna.

Subscribe

Apne vichar vyakt karein

blog comments powered by Disqus
.