कमला एकादशी व्रत

kamla ekadshi vrat  

Ank ke aur Lekh | Sambandhit Lekh | Views : 2640 |  
kamla ekadshi vrat pan. braj kishor brajvasi kamla ekadshi vrat purushottam mas (adhik mas ya mal mas) men karne ka vidhan hai. ek samay satyavrati pandunandan dharmaraj yudhishthir ne gopika ballabh, chitchor, jagat niyanta bhagvan shri krishn se sadar pucha- ‘bhagavan. main purushottam mas ki ekadshi katha ka karnendriya puton se pan karna chahta hun. uska kya fal hai? usmen kis devta ka pujan kiya jata hai? uska vidhan kya hai? kripa karke batlaie.’ bhagvan shri krishn bole- ‘rajendra ! papon ka haran karne vali, vrati manushyon ki sabhi manokamnaon ko purn karne vali adhik mas ki shukla paksh ki kamla ekadshi vrat men dashmi ko vrati shuddh chitt ho din ke athven bhag men surya ka prakash rahne par bhojan kare. ratri men bhojan grahan n kare. bure vyasnon ka parityag karta hua, bhagavat chintan men lin rahakar ratri ko vyatit kare. pratahkal arunoday bela men shayya ka tyagakar nitya naimittik kriyaon se nivritt ho ekadshi vrat ka sankalp le ki he purushottam bhagvan. main ekadshi ko nirahar rahakar dvitiya divas men bhojan karunga, mere ap hi rakshak hain. aisi prarthana kar bhagvan ka shodshopchar pujan kare. mantron ka jap kare. ghar par jap karne ka ek guna, nadi ke tat par dviguna, gaushala men sahasra guna, agnihotra grih men ek hajar ek sau guna, shiv ke kshetron men, tirthon men, devtaon ke nikat tatha tulsi ke samip lakh guna aur bhagvan vishnu ke nikat anant guna fal milta hai.’ bhagvan shrikrishn ne punah kaha-‘rajan! avantipuri men shivasharma namak ek punyatma, dharmatma, bhagavad bhakt, gyani, shreshth brahman nivas karte the. unke panch putra the. inmen jo sabse chota putra tha, svakiya dosh ke karan papachari ho gaya, islie pita tatha kutunbijnon ne use tyag diya. apne asat karmon ke karan nirvasit hokar vah bahut dur ghane van men chala gaya. daivyog se ek din vah tirtharaj prayag men ja pahuncha. kshudha se pirit durbal sharir aur din mukh vale us papi ne triveni men snan kar bhojan ki talash men idhr-udhar bhraman karte hue harimitra muni ka uttam ashram dekha. vah ashram vibhinn prakar ke vrikshon, lataon, patakaon adi se paripurn tha. bare hi sundar evan svadisht fal vrikshon par lage hue the tatha anek prakar ke evan vibhinn rangon ke pakshi un par kalarav kar rahe the. purushottam mas men vahan bahut se, sant mahatma, nar-nari, bal-vriddh adi ekatrit hue the. ashram par papnashak katha kahne vale brahmanon ke mukh se usne shraddhapurvak kamla ekadshi katha ki mahima suni, jo param manglmyi, punyamyi tatha bhog aur moksh pradan karne vali hai. jay sharma namak brahman ne vidhipurvak kamla ekadshi ki katha sunakar un sabke sath maharshi ke ashram par hi vrat kiya. jab adhi rat hui to sabhi manorthon ko purn karne vali bhagvti lakshmi uske pas akar bolin- ‘brahman ! is samay kamla ekadshi ke vrat ke prabhav se main tum par bahut prasann hun aur devadhidev shri hari ki agya pakar vaikunth dham se ai hun. main tumhen var dungi.’ brahman bola - ‘mata lakshmi ! yadi ap mujh par prasann hain, to vah vrat bataiye, jiski katha-varta men sadhu-brahman sada lin rahte hain.’ man lakshmi ne kaha- ‘brahman ! ekadshi vrat ka mahatmya shrotaon ke sunne yogya sarvottam vishay hai. isse duahsvapn ka nash tatha punya ki prapti hoti hai, atah iska yatnapurvak shravan karna chahie. uttam purush shraddha se yukt ho ekadshi mahatmya ke ek ya adhe shlok ka path karne se bhi karoron mahapatka ne s e tatkal mukt ha e jata hai, fir sanpurn ekadshi mahatmya shravan ka to kahna hi kya ! jaise mason men purushottam mas, pakshiyon men garur tatha nadiyon mane ganga shreshth hain, usi prakar tithiyon men ekadshi tithi shreshth hai. ekadshi vrat ke lobh se hi samast devta aj bhi bharatavarsh men janm lene ki ichcha rakhte hain. devagan sada hi rog shok se rahit bhagvan narayan ka archan pujan karte hain. jo log mere prabhu bhagvan purushottam ke nam ka sada bhaktipurvak jap karte hain, unki brahma adi devta sarvada puja karte hain. jo log shri narayan hari ki puja men hi pravritt rahte hain, ve kaliyug men dhanya hain. yadi din men ekadshi aur dvadshi ho tatha ratri bitte-bitte suryoday se purva hi trayodshi a jae to us trayodshi ke paran men sau yagyaon ka fal prapt hota hai. vrati manushya sudarshan chakra dhari devadhidev shri vishnu ke samaksh bhakti bhav se santusht chitt hokar yah sankalp le ki ‘he kamalanayan ! bhagvan keshv! main ekadshi ko nirahar rahakar dusre din bhojan karunga. ap mujhe ashray pradan karen.’ yah prarthana kar man aur indriyon ko vash men karke git, vadya, nritya aur puran-path adi ke dvara ratri men bhagvan ke samaksh jagaran kare. fir dvadshi ke din snanoprant jitendriya bhav se vidhipurvak shri vishnu ki puja kare. pujnoprant bhagvan se prarthana kare- agyantimirandhasya vratenanen keshav. prasid sumukho bhutva gyan drishti prado bhav.. ‘keshav ! main agyan rup rataundhi se andha ho gaya hun. ap is vrat se prasann hon aur prasann hokar mujhe gyandrishti pradan karen.’ is prakar devtaon ke svami jagdadhar bhagvan gadadhar se prarthana karke bhaktipurvak brahmanon ko bhojan evan balivaishvadev ki vidhi se panch mahayagyaon ka anushthan karke vastrabhushan dravya dakshinadi se brahmanon ka samman kar adar sahit vidakar svayan bhi maun ho apne bandhu-bandhvon ke sath prasad grahan kare. is prakar jo shuddh bhav se punyamyi ekadshi ka vrat karta hai, vah punravritti se rahit shri hari ke vaikunth dham ko prapt hota hai.’ bhagvan shrikrishn kahte hain- -‘rajan ! aisa kahakar lakshmi devi us brahman ko vardan de antardhan ho gain. fir vah brahman bhi dhani hokar pita ke ghar par a gaya. pita ke ghar par sanpurn bhogon ko prapt hota hua vah brahman bhi ant men bhagvan ke golok dham ko prapt ho gaya. is prakar jo kamla ka uttam vrat karta hai tatha iska mahatmya shravan karta hai, vah sanpurn papon se mukt ho dharma-artha-kam moksh charon purusharthon ko prapt kar leta hai.
Kya aapko lekh pasand aaya? Subscribe

Kya aapko lekh pasand aaya? Subscribe


tairo kard evan bhavishya kathan ki vaikalpik padvatiyan  May 2007

bhavishya kathan men tote ka prayog, kya hai ram shalaka ? nadi shastra aur bhrigu sanhita ka rahasya, tash ke paton dvara bhavishya kathan, kristal bal, pandulam dvara bhavishya kathan, hastakshar, ank evan gharelu vidhiyon dvara bhavishya kathn

Subscribe

Apne vichar vyakt karein

blog comments powered by Disqus
.