क्या करें की दिल का दौरा न पड़े

kya karen ki dil ka daura n pare  

Ank ke aur Lekh | Sambandhit Lekh | Views : 6070 |  
kya karen ki dil ka daura n pare svasthya dae. ech. ke. chopra hamare desh men aur khasakar dilli m ne dil ki bimari teji se fail rahi hai. dil ke daure ka karan ek bari sima tak hamari jivnshaili hai jise ham bachapan se hi apna lete hain. uttar bharat ke shahron men yah bimari lagabhag 14 pratishat vayaskon men pai jati hai jabki gramin kshetron men lagabhag 6 pratishat vayask iske shikar hain. sain frainsisko vishvavidyalay ke dae. dadle hvait ne kabhi kaha tha, “agar kisi vyakti ko uski umra ke 80ven varsh ke pahle dil ki bimari hoti hai to uski apni galti ke karan hoti hai aur yadi 80 varsh ke bad hoti hai to yah ishvar ki ichcha hoti hai.” vastav men dil ki is bimari ki vajah bhi ham hi hain aur ham hi ilaj bhi. hamari jivnshaili ka prakriti ke niyamon ke anurup hona jaruri hai, tabhi ham isse khatrnak marj se apna bachav kar sakte hain. ek svasth hriday hamare gyan, vichar aur pasand-napsand ki abhivyakti hai. is tarah, ek svasth hriday koi bhagya ki bat nahin, balki ichcha ki bat hai. nariyan bhagyashali hain ki unmen 40 varsh ki umra ke pahle yah bimari kam pai jati hai. hamare desh men har sal 25 lakh log is bimari ke karan maut ke shikar hote hain. inmen 16 lakh logon ki maut dil ka daura parne ke ghante bhar ke andar, jab tak unhen chikitsa sahayta mile, ho jati hai. dil sine men chati ki haddi ke piche sthit muði ke akar ka ek avayav hai. yah ek minat men 60 se 80 bar aur din men lagabhag ek lakh bar dharkta hai aur ek minat men 5 litar rakt mastishk, gurdon, fefron tatha anya utkon samet sharir ke vibhinn hisson ko pahunchata hai. jokhim ki baten dil ke daure ke karak pramukh jokhimon ko do rupon men vargikrit kiya ja sakta hai - parivatrya aur aprivatrya. dhumrapan, kolestrael ka uchch star, aniyantrit nakaratmak avsad, motapa, bich ka motapa (tond ka hona), sharirik shram ki kami, doshpurn bhojan, aniyantrit uchch raktachap, aniyantrit madhumeh, rakt men homosistin ka barha hona adi parivatrya rup hain. dusri taraf, barhti umra, nariyon men rajonivritti ke bad ki avastha aur parivar ke sadasyon men anuvanshik rup se chali a rahi dil ki bimari adi aprivatrya karan hain. tanbaku ka kisi bhi rup men sevan saman rup se nuksandeh hota hai aur tanbaku se bani sari chijen samay se pahle dil ke daure aur akal mrityu ki karak hoti hain. nikotin, karbanamonoksaid tatha anya kai rasaynon ke karan dhumrapan dhamni ko sikor deta hai jisse dil ki manspeshi men rakt ka pravah kam ho jata hai. isse hrid-dhamni men karapan a jata hai aur kolestrael aeksikrit ho jata hai. rakt men laslsahat bhi barh jati hai, jisse usmen thakke banne lagte hain. dhumrapan karne vale lagabhag 80 pratishat logon men dil ki bimari pai jati hai. islie dhumrapan ki adat ka tyag kar ham dil ke daure ke jokhim ko rok sakte hain. kolestrael ka barha star, ganda kolestrael adi ke karan dil ki bimari samay se pahle ho jati hai. islie yadi dil ki bimari se bachav chahte hon to apne andar kolestrael ki matra santulit rakhen. pratispardha, vair, dah, krodh, unmad tatha anya nakaratmak sanvegon ke karan dil ki bimari ka khatra kai guna barh jata hai. iske viprit, man ka sukun aur prem, karuna, sauhard, shanti, paropkarita aur udarta adi dil ki bimari ko rokne men madad kar sakte hain. yog evan dhyan bhi is bimari ko rokne men aham bhumika nibhate hain. dil aur dimag ka sanbandh: dil aur dimag pratyakshatah aur paroksh donon rupon men ek dusre se jure tantra hote hain. vahan parokshatah inka jurav sanveg, ishrya, bhay, dah, unmad, krodh, vair, nakaratmak pratispardha adi ke karan hota hai. man men panpne vale har vichar ka- vah chahe kasht se sanbandhit ho ya anand se, asha ya bhay se, ya fir prem ya ghrina se- prabhav dil par parta hai. bhavishya ko lekar nirash kuch praurh logon par kie gae adhyayan se pata chala ki ashavadi logon ki tulna men unki hrid-dhamniyon men 20 pratishat adhik sankuchan tha. talak, pati ya patni ki mrityu, akelapan, kam ki kami ya seva-nivriÿa, kuntha adi samay se pahle dil ke daure ke pramukh karan hain. bari tond bhi samay se pahle dil ki bimari ka karan hoti hai. purushon men kamar ka ghera (kamrband) 40 inch se aur striyon men 36 inch se kam hona chahie. kaha jata hai ki kamar ka ghera bara ho to umra kam hoti hai. vikrit motape se dil ke daure, tanav, madhumeh, kainsar adi kai bimariyan paida ho sakti hain. vajan yadi santulit ho, to vikrit motape ka bhay nahin rahta aur vajan ko santulit banae rakhne ke lie niyamit vyayam, yog, parhej aur dhyan tatha tan-man ka santulan adi ki jarurat hoti hai. sharirik akarmanyata: vyayam ki kami bhi dil ki bimari ka ek karan hai. briten men kie gae ek shodh ke anusar dak lipikon ki tulna men dak babuon men aur bas draivron ki tulna men kandaktaron men dil ki bimari adhik pai gai. niyamit vyayamon aur khas taur par tahlne, jaeging, saikil chalane, tairne, nachne aur skiing jaise uchlne kudne vale vyayamon, se dil ki peshiya kshamata men vriddhi hoti hai. vahin ye vyayam uchch raktachap ko kam karte hain, bahya avrodh ko dur karte hain aur nai sahavarti vahikaen (prakritik baipas) utpann karte hain aur is tarah baipas chikitsa ko baipas karne men madad karte hain. vyayam, khas taur par roj bis minat ki chahlkdmi (tahlna) dil ke daure se bachata hai. kisi sundar hare-bhare maidan men furti se tahlna 40 varsh ki ayu ke bad kiya jane vala sabse achcha sabse achcha vyayam hai. ahar: adhik vasa or kolostrael ahar se rakt men kolestrael barh sakta hai. islie jahan tak sanbhav ho, mans, machli adi se parhej karna chahie aur sabjiyon, fal, ann, dalen adi adhik se adhik khane chahie. khajur athva nariyal ke tel ke sthan par jaitun aur kainole ke tel ka sevan karna chahie. aniyantrit madhumeh se dil ki bimari ka khatra barh jata hai. atah isse pirit logon ko is par niyantran rakhna chahie. uchch raktachap se dil ki manspeshiyon par bojh barhta hai, jiska dil ki dhamniyon men hone vale sanchar par hanikarak prabhav parta hai. isse mastishk, ankhon aur gurdon ko bhi khatra rahta hai. vahin aniyantrit uchch raktachap ke falasvarup dil ki manspeshiyon ka motapa barhta hai. aniyantrit uchch raktachap se pirit 80 pratishat logon ko dil ki bimari nishchit rup se hoti hai. atah uchch raktachap ko niyantrit rakhne ka har sanbhav upay karna chahie. svasth hriday ke kuch sutra roj khali pet do gilas pani pien. roj 30 minat tak vyayam karen. tanbaku n chabaen, dhumrapan n karen. subah sham 20 minat dhyan karen. panch minat ki hi sahi, roj malish karen. yah kriya svayan karen. sahi vatavaran men, sahi sthan par, sahi samay par, sahi dhang se, sahi khurak men, sahi bhojan karen. khana tabhi khaen jab bhukh lage. taja paka hua khana, shant vatavaran men, dhire-dhire khaen. tamsi ya rajsi bhojan se parhej karen, hamesha satvik shakahari khana khaen. har bar khane men falon aur rason ka samavesh hona chahie. sabjiyon, falon, salad, badamon jaisi prakriti pradÿa vastuon ka sevan karen. tali ya mithi chijon jaisa raddi khana n khaen. dhyan rakhen ki tond bari n ho. kolestrael ke star ko santulit rakhen. paryapt aram karen- 6 se 8 ghante roj. karya ke prati imandar, satyanishth aur samarpit rahen. sva-ashrit hokar kam karen, vastu ashrit hokar nahin.
Kya aapko lekh pasand aaya? Subscribe

Kya aapko lekh pasand aaya? Subscribe


tairo kard evan bhavishya kathan ki vaikalpik padvatiyan  May 2007

bhavishya kathan men tote ka prayog, kya hai ram shalaka ? nadi shastra aur bhrigu sanhita ka rahasya, tash ke paton dvara bhavishya kathan, kristal bal, pandulam dvara bhavishya kathan, hastakshar, ank evan gharelu vidhiyon dvara bhavishya kathn

Subscribe

Apne vichar vyakt karein

blog comments powered by Disqus
.