स्वर विज्ञान से भविष्य का ज्ञान

svar vigyan se bhavishya ka gyan  

Ank ke aur Lekh | Sambandhit Lekh | Views : 11075 |  
svar vigyan se bhavishya ka gyan pan. sharad tripathi prachin kal men svar vigyan se bhi fal kathan kiya jata tha. iska adhar shvas-prashvas (svar) ko banaya jata hai. svar tin prakar ke hote hain: dayan svar: merudand ke dayen bhag se nasika ke dayen chidra men ai hui pran vayu ka nam dayan svar hai. bayan svar: merudand ke bayen bhag se nasika ke bayen chidra men ai hui pran vayu ka nam bayan svar hai. sushumna svar: merudand se nasika chidron men ai hui pran vayu ko sushumna svar kahte hain. yamuna, surya aur pingla dayen svar ke tatha ganga, chandra aur ingla bayen tatha svar ke nam hain. ganga aur yamuna nariyon ke bich bahne vale svar ka nam sushumna hai. uparyukt tinon nariyon ka sangam bhaunhon ke bich hota hai jahan par daivi shakti vale log shakti ki aradhna ke lie dhyan kendrit karte hain. dayan svar pulling (shiv) aur bayan striling (shakti) ka pratik hai. atah priya aur sthir karya, shakti k e pravah men arthat chandra svar men aur apriya tatha asthir karya shiv ke pravah men arthat surya svar men hote hain. sushumna svar ka uday shiv aur shakti ke yog se hota hai. islie vyavharik karyon ko yah hone hi nahin deta hai, kintu ishvar ke bhajan men atyant sahayak hota hai. bhavsagar ko par karne men yah jahaj ki tarah sahayta karta hai. dirghayu ki pariksha yadi sari rat surya svar tatha sare din chandra svar chale, to samjhna chahie ki dirdhayu prapt hogi tatha sharir nirog rahega aur daihik, daivik aur bhautik tap kisi tarah nahin sataenge. kisi mahine ki pratipda ko suryoday se sandhya tak surya svar chalta rahe, to samjhna chahie ki ek mah tak sharir asvasth rahega. chathe varsh mrityu bhi samip a jaegi. indriya shakti ka hras hoga aur vibhinn prakar ki chintaen sataengi. vivah sanbandhi prashnottar prashna: vivah hoga ya nahin? yadi hoga, to kab? uttara: yadi prashnakarta jyotishi ke dayin or baithakar prashn kare aur uttaradata ka dayan svar chalta ho, to vivah shighra hoga. iske viprit yadi prashnakarta uttaradata ke bayin or baithakar prashn kare aur us samay uttaradata ka dayan svar chalta ho, to vivah men vilanb hoga. yadi prashnakarta jyotishi ke bayi n are baithakar prashn kare aur us samay jyotishi ka bhi bayan svar pravahit ho raha ho, to vivah nahin hoga. yadi prashnakarta dayin athva bayin or arthat kisi bhi taraf baith kar prashn kare aur jyotishi ka sushumna svar chalta ho, to vivah nahin hoga. yadi prashnakarta ka bayan aur jyotishi ka dayan svar chalta ho, to kuch dinon ke pashchat vivah ho jaega. yadi prashnakarta ka bayan aur svaragyani ka sushumna svar chalta ho, to vivah nahin hoga. yadi prashnakarta aur jyotishi donon ka hi sushumna svar chalta ho, to vivah ki kaun kahe, bat tak nahin hogi. yadi prashnakarta ka sushumna aur jyotishi ka dayan svar chal raha ho, to vivah kuch samay ke pashchat avashya hoga. chori se sanbandhit prashnottar prashna: chori gai vastu milegi ya nahin? uttara: yadi prashnakarta ka dayan aur jyotishi ka bayan svar chal raha ho, to chori gai vastu kathinai se milegi. aisi avastha men kuch sakhti se kam lena hoga. yadi prashnakarta ka bayan aur svaragyani ka dayan svar chalta ho, to vastu milegi avashya, kintu der se. yadi prashnakarta aur uttaradata donon ka bayan svar chalta ho, to vastu nahin milegi athva kathinai se milegi. yadi prashnakarta ka sushumna svar aur jyotishi ka bayan svar chalta ho, to vastu ka pata nahin chalega, milna to dur ki bat hai. yadi prashnakarta aur uttaradata donon ka sushumna svar chale, to yah atyant kharab yog hai- vastu kadapi nahin milegi. yadi prashnakarta ka bayan aur jyotishi ka sushumna svar chalta ho to vastu nahin milegi. putra santan aur svar vigyan  jab stri ka bayan aur purush ka dayan svar chal raha ho aur prithvi tatha jal (vayu v tej tatva) ke sanyog men arddharatri ke samay garbhadhan kiya gaya ho, to putra utpann hoga. ritukal ke bad ki chaithi rat men garbh rahne se alpayu tatha daridra putra paida hota hai. ritukal ke bad ki chathi rat men garbh rahne se sadharan ayu vala putra utpann hota hai. ritukal ke bad ki athvin rat men garbh rahne se aishvaryashali putra paida hota hai. ritukal ke bad ki dasvin ratri men garbh rahne par chatur putra paida hota hai. ritu kal ke bad ki solhvin rat men garbh rahne par sarvagun sanpann putra paida hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


tairo kard evan bhavishya kathan ki vaikalpik padvatiyan  May 2007

bhavishya kathan men tote ka prayog, kya hai ram shalaka ? nadi shastra aur bhrigu sanhita ka rahasya, tash ke paton dvara bhavishya kathan, kristal bal, pandulam dvara bhavishya kathan, hastakshar, ank evan gharelu vidhiyon dvara bhavishya kathn

Subscribe

Apne vichar vyakt karein

blog comments powered by Disqus
.