नंदी नाडी ज्योतिष

nandi nadi jyotish  

Ank ke aur Lekh | Sambandhit Lekh | Views : 8801 |  
nandi nari jyotish bi. pi. vishvakarma anek vidvan keval janmakundli vishleshan ko hi bhavishya kathan ke lie shreshth vidhi mante hain. kintu fal kathan ki aur bhi anek paddhatiyan hain jinhen vaikalpik paddhati kaha jata hai. inhin men ek hai dakshin bharat men prachlit nandi nari paddhati, jo anutha evan ashcharyajanak parinam dene men purn saksham hai. nari jyotish ke vivaran prastut karne vale jyotishi keval tarapatra ka vachan kar usmen ullikhit tathyon ko prastut karte hain. nari jyotish ke sanbandh men kaha jata hai ki jab man parvati manushya ke sath hone vali ghatnaon ke vrittant ko janne ke lie hath yog men a gain, tab bhagvan shiv ratrikalin sunsan bela men yah vrittant sunane ko raji ho gae. jab bhole shankar is vrittant ka bakhan kar rahe the tab shiv-nivas ke prahri nandi ne ise sun liya aur maharshiyon ko bata diya. ise un maharshiyon ne tarapatra par lipibaddh kar liya. nari jyotish ke vivaran prastut karne vale jyotishi keval tarapatra ka vachan kar usmen ullikhit tathyon ko prastut karte hain. jo log apni samasya ka nirakaran puchne ke bad nari jyotish men ullikhit upayon ko nahin apnate ve bhagvan shankar ka apman karte hain, aur kaha jata hai ki unhen iska dand avashya bhogna parta hai. jo log jyotish ko nahin mante aur iske upayon ko andhvishvas v dhakosle ki shreni men rakhte hain, unhen nari ridar se avashya milna chahie. is jyotish men logon ke parivar ke sadasyon ke nam tak likhe milte hain. is paddhati ke madhyam se bhavishya janne ke ichchuk logon ki bhagvan shankar men nishtha jaruri hai. nandi nari jyotish men purush ke dayen evan mahila ke bayen hath ke anguthe ka print lekar nari ridar prathmtah char-panch tarapatra ki gaddiyan jatak ke samaksh rakhta hai aur uske nam ka pratham ya antim akshar puchta hai. milan hone par isi tarapatra se aur prashn puche jate hain. anyatha dusre tarapatra ka prayog kiya jata hai. nam ka milan ho jane par uske mata-pita ya patni ke nam ka milan kiya jata hai. jin logon ko apni janmatithi, janm nakshatra, var, lagn adi ka pata hota hai, ve in ankron ki sahayta se sahi tarapatri asani se talashne men madad kar sakte hain. nari ridar ke prashnon ka javab han ya nahin men dena chahie. praranbhik jankariyon ke adhar par prapt tarapatri se mul tarapatri nikali jati hai, jisse vyakti ki samast ghatnaon ka vivaran hubhu prapt hota hai. yahan tak ki tarapatri men likha hota hai ki vyakti ki patni, bachche, man-bap adi ke nam v sankhya kya hain. ye nam praranbh men puche gae namon ke atirikt hote hain. jyotish men bhavon ki sahi ganna ke bad hi ghatna kram ki pushti ki ja sakti hai aur iske lie sahi janm samay ka pata hona avashyak hota hai, kintu nandi nari jyotish men bhav vivaran ki satyata par sandeh nahin kiya ja sakta hai. nari ridar pratyek bhav ke vivaran ke lie ek nirdharit shulk leta hai. tarapatri men ullikhit sanskrit v tamil bhashaon ko hindi ya angreji men rupantrit kar kaiset men avaj bhar kar jatak ko saunpta hai. pirit bhav ka upay puche jane par batata hai, jise purn karna avashyak mana gaya hai. nandi nari jyotish men pratyek bhav se sanbandhit karak is prakar hain: pratham bhav: anguthe ki chap se kundli nirman, svasthya, samman aur 12 bhavon ka saransh. dvitiya bhav: dhan, ankh, parivar, shiksha adi. tritiya bhav: bhai-bahan, sahas adi. chaturth bhav: man, ghar, vahan, bhumi, sukh adi. pancham bhav: santan. shashth bhav: bimari, farj, shatruta, mukdma adi. saptam bhav: vivah. ashtam bhav: durghatana, ayu, sankat, mrityu ka din v samay. navam bhav: pita, dhan, bhagya v dharmarth karya. dasham bhav: vyavsay, naukri, karm kshetra ki achchai/burai adi. ekadash bhav: labh, dusri shadi. dvadash bhav: kharch, videsh yatra, punarjanm, moksh adi. nandi nari jyotish men upar varnit barah bhavon ke atirikt char aur bhav bhi hote hain jinhen adhyay ya kandam kahte hain. inse jure vivaran is prakar hain. terhvan bhav: shanti kandam - parihar, pichle janm ke pap v usse mukti ke upay. chaidhvan bhav: diksha kandam - mantra jap, shatru v bhay se chutkare ka upay, laeket dharan. pandrahvan bhav: aushdhi kandam - asadhya rogon ka upay, aushdhi ka nam v uski sevan vidhi. solhvan bhav - dasha bhukti kandam - grahon ki dasha/antardasha/ pratyantardasha se sanbandhit bhavishyavani. inke atirikt ismen gyan kandam, prashn kandam, rajniti kandam adi ki jankari prapt karne ki suvidha bhi hai. nandi nari jyotish se prapt bhavon ke vivrnon ki sahayta se jyotish ki anya vidhaon se prapt falakathan ka milan kar ghatna kram ki satyata ki janch ki ja sakti hai. nandi nari jyotish ke falakathan se milan kar bhavishya ki nishchit sanbhavnaon ko talasha ja sakta hai. kabhi-kabhi jyotishiyon dvara pariklit janmakundli men grahon ke bhav tatha nandi nari jyotish ke grahon ke bhav men antar paya jata hai. jyotish men ghatnakram dasha, antardasha aur pratyantardasha nathon ke gochar bhraman ke grah spasht janmakundli ke grah spasht ke tulya athva 4 ansh ke antargat hone par hi nirdharit hota hai. ghatnakram ke samay gochar ke lagn spasht ya chandra lagn spasht ka janmakundli ke inhin lagnon se milan avashyak hota hai. nandi nari jyotish men ullikhit ghatnakram ke din v samay ko jyotishigan vibhinn panchangon ke adhar par ganna kar nirdharit kar sakte hain. is ganna se jyotishi yah janne men saksham honge ki kis panchang ke grah spasht satik v sahi hain. jin jatkon ki janmatithi aur janm samay gyat n ha,e ve bhi nari jyotish ka labh utha sakte hain. isse unki janm tithi v samay bhi gyat ho jata hai.
Kya aapko lekh pasand aaya? Subscribe

Kya aapko lekh pasand aaya? Subscribe


tairo kard evan bhavishya kathan ki vaikalpik padvatiyan  May 2007

bhavishya kathan men tote ka prayog, kya hai ram shalaka ? nadi shastra aur bhrigu sanhita ka rahasya, tash ke paton dvara bhavishya kathan, kristal bal, pandulam dvara bhavishya kathan, hastakshar, ank evan gharelu vidhiyon dvara bhavishya kathn

Subscribe

Apne vichar vyakt karein

blog comments powered by Disqus
.