टैरो कार्ड से फल कथन

tairo kard se fal kathn  

Ank ke aur Lekh | Sambandhit Lekh | Views : 2777 |  
tairo kard se fal kathan acharya avinash sinh vishya kathan ki kai paddhatiyan hain jinmen ek ka nam tairo hai jo har prakar ki bhavishyavani karne men saksham mani ja rahi hai. bhavishyavani ki ‘‘tairo’’ paddhati kab, kaise aur kisne shuru ki iske bare men sahi jankari aj tak kisi ko nahin hai. fir bhi amtaur par yahi mana jata hai ki bhavishyavani ki yah paddhati jipsiyon dvara yurop pahunchi jahan is par kafi shodh hua. is paddhati ki shuruat lagabhag 14vin shatabdi men mani jati hai. mana yah bhi jata hai ki tairo ka praranbhik prayog itli ke ek prachin khel ‘tarochchi’ ke lie hota tha. tarochchi ek prakar se tash ke khel ‘brij’ ka milta-julta rup hai, jo abhi bhi duniya ke kuch hisson men khela jata hai. kardon ki vartaman sankhya v banavat tairo kardon se kahin alag hai. kaha jata hai ki tairo kardon men chupe rahasya ko sarvapratham peris ke raj mistri ‘‘entoini kort di gevelin’’ ne khola aur tairo kardon se juri kai kahaniyan prachlit kin. lekin ‘etila’, jo gevelin ka samkalin tha, ne sarvapratham in kardon ko lokapriya bana kar bhavishya kathan karne ki is paddhati ko ujagar kiya. is paddhati ko aur lokapriya banane valon men elifas levi, osvald varth, pajus adi ka bahut hath raha hai. is paddhati ki lokapriyata frans, inglaind aur anya pashchimi deshon men bhi dhire-dhire barhi. tairo kardon ke itihas ke bare men yah bhi kaha jata hai ki in kardon ki shuruat ‘misra’, bharat aur chin men hui. le-mo-3 priyamitak 1781 ke anusar ye kard bharat men jipsiyon dvara lae gae the. kuch ka manna hai ki in ka mukhya srot misra hai jahan se 14vin shatabdi men ye itli aur frans pahunche. is tarah se ‘tairo karda’ ke itihas ke bare men kai prakar ki manyataen hanai lekin satya kya hai, koi nahin janta. lekin ajakal iski barhti hui lokapriyata ke karan ise bhavishya kathan ki paddhati men mil ka patthar mana jata hai. mejar aur mainar arkana tairo kard vastav men do bhagon men bante hote hain jo mejar arkana aur mainar arkana kahlate hain. tairo 78 kardon ka dek hota hai jismen 22 kardon ko mejar arkana aur shesh 56 kardon ko mainar arkana kahte hain. in kardon par prayah chitra ankit hote hain. in chitron ke adhar par hi kisi bhi prashn ka uttar diya jata hai. mejar arkana kardon ko tranp ke nam se bhi jana jata hai. in kardon ko sabse adhik mahatvapurn mana jata hai. in par ankit pratyek chitra apne ap men bahut hi gahre arthon se bhara hota hai. ye sabhi kard grahon, rashiyon, aur prakritik tatvon ka pratinidhitva karte hain. kardon ko kholne par yadi mejar arkana ke kard adhik hane, to yah sthiti bahut hi shubh mani jati hai. mainar arkana men 14-14 kardon ke char set hote hain, jinhen sut bhi kahte hain. in char suton ke nam hanai- vainds, kaps, svodars aur pentakls jo kramshah agni, pani, hava aur prithvi tatvon ka pratinidhitva karte hain. jaisa ki upar kaha gaya hai, pratyek sut men 14 kard hote hain, jinmane 10 kardon par 1 se 10 (ank aur chitra sut ke nam se) ankit hote hain aur shesh char kard king, kvin, nait aur pej ke nam se jane jate hain. inhen kort kards ke nam se bhi jana jata hai. mainar arkana am jivan ki ghatnaon, gatividhiyon tatha bhavnaon ka pratinidhitva karte hain. ye kard har vyakti ke jivan ke prati hamare khas drishtikon ka parichayak hain. ajakal bajar men tairo kardon ke kai prakar ke dek upalabdh hain, jin par chitra bhi bhinna-bhinn prakar ke ankit hain, lekin sabhi dek ka lakshya ek hi hai. samay ke anusar kardon ke rup men kuch badlav ata hi hai aur aya bhi hai. shuru men tairo kardon ka dek ek hi tarah ka tha, jismen 78 kard hote the jo mejar aur mainar arkana par adharit hote the. purane aur nae kardon ka lakshya ek hi hai- bhavishya kathan. in kardon ke dek men sabse adhik raidrvet aur paledin hain jinhen duniya bhar men svikar kiya gaya hai. kaise kam karta hai tairo tairo kardon ke vibhinn samuh jivan ko prabhavit karne vale vibhinn tatvon ka pratinidhitva karte hain jo kardon par ankit chitron men chupe rahte hain. jatak ka sanbandh jin kardon se banega un kardon ke chitra hi jatak ke bhavishya men hone vali har ghatna ke suchak hote hanai. ye un sthitiyon ka varnan karte hain jo bhutkal men thin aur vartaman aur bhavishya men unka jatak par kya prabhav hoga. jaise jatak ap se kisi vishay par prashn karta hai, to sabse pahle tairo kardon ko vaise hi milaen jaise tash ke patton ko milaya jata hai taki kard achchi tarah mil jaen. fir jatak ko gaddi ko katne ko kahen, aur kate hue kardon ko ek taraf rakh den aur jo kard hath men hain, unhen ek-ek kar ke kholna shuru karen. is tarah se ap 13 kardon ko kholen aur tebal par bicha den. har ek kard ka sanbandh prashn se hoga. kard par ankit chitra ki vyakhya ke anusar ap prashn ka uttar jatak ko den. aranbh men falit karte samay 13 kardon ko hi liya jata tha, lekin ajakal ise aur asan kar diya gaya hai. falit karne vale 3 kardon ka bhi prayog karte hain. iske atirikt 6, 9 ya 12 kardon ko lekar bhi falit kar sakte hain. fir bhi 13 kard aur seltik-kraes falit ke lie adhik saksham hain. tairo kardon se ek samay men ek hi prashn ka uttar sahi mil sakta hai, sabhi prashnon ke nahin. islie ek samay par ek hi prashn karen. prashn ka uttar bhavishya men hone vali ghatna ka sirf disha-suchak hi hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


tairo kard evan bhavishya kathan ki vaikalpik padvatiyan  May 2007

bhavishya kathan men tote ka prayog, kya hai ram shalaka ? nadi shastra aur bhrigu sanhita ka rahasya, tash ke paton dvara bhavishya kathan, kristal bal, pandulam dvara bhavishya kathan, hastakshar, ank evan gharelu vidhiyon dvara bhavishya kathn

Subscribe

Apne vichar vyakt karein

blog comments powered by Disqus
.