भविष्य कथन की पद्वतियां

bhavishya kathan ki padvatiyan  

Ank ke aur Lekh | Sambandhit Lekh | Views : 8513 |  
bhavishya kathan ki paddhatiyan prashna: bhavishya kathan ki kaun-kaun si paddhatiyan dekhne ya sunne men ati hain? sankshep men vibhinn paddhatiyon ka ullekh karen. kal kya hoga athva bhavishya ke garbh men kya hai yah janne ki manushya ki ichcha svabhavik hai. prachin kal men rishiyon ne yog-bal se, shodh karke, sansar ke lie grah-nakshatron ka gyan sulabh kar diya. ve svayan to trikalagya the hi, sansar ke lie bhi is gyan ka prakash failaya. jyotish dvara fal kathan ved chakshu hone ke karan jyotish vigyan ved ke sabhi angon men shreshth mana jata hai. manav bhavishya ke prati sadaiv utsuk rahta hai. vah apne evan apne parijnon v ashriton ke bhavi jivan ke sanbandh men jyada se jyada jankariyan hasil karna chahta hai. jyotish shastra men jatak ke sabhi shubhashubh bhavishya fal ko uski janm kundli ke adhar par nirupit kiya jata hai. is hetu jatak ki janm tarikh, janm samay evan janm sthan ka gyan sahi sahi hona avashyak rahta hai. jyotish shastra ke pramukh ang hain ganit sanhita tatha hora. tritiya ang hora falit jyotish se sanbandhit hai jiske vividh rup ya bhed jatak, tajik, prashn, svar, shakun evan samudrik shastra hain. jaimini paddhati dvara bhavishya kathan maharshi parashar ne apne granth men jaimini paddhati ka bhi jikra kiya hai. sanbhvtah unke hi jamane men maharshi jaimini rishi rahe honge jo sanbhvtah jaimini paddhati ke sutradhar hon, kintu yah paddhati adhik prachlit nahin hai. dakshin bharat ke jane mane jyotishi hi is paddhati ka safltapurvak upyog apne bhavishya kathan men karte rahe hain. jaimini jyotish paddh ti parashri jyotish paddhati se bhinn hai. kintu jo jyotishi jaimini paddhati ke pahluon ke upyog ke abhyast hain tatha parashri aur jaimini paddhati ke samanvay se falit karte hain unhen ashatit parinam prapt hote hain. mediniya jyotish is jyotish men 27 nakshatron ko tin sinhasan tribhujon men banta jata hai- ashvapti chakra, narpti chakra aur gajpti chakra. is jyotish dvara rajaon ke rajya shasan ki ayu ganna evan janta se sanbandh ki vistrit vyakhya ki jati thi. ab iska prayog sarkar ki ayu ganna adi men kiya jata hai. falit jyotish ke svar vigyan bhartiya jyotish ke falit nirnay men anek paddhatiyan aur dasha paddhatiyan prachlit hone tatha laghu parashri siddhant adi ke jatil evan pechida hone ke falasvarup utpann kathinaiyon ko dhyan men rakh kar daivagyaon ne svar shastra ki rachna ki jise ‘svar vigyan jyotish’ kahte hain. yadyapi svar shastra ki rachna yuddh men rajaon ko vijay dilane ke uddeshya se ki gai thi kintu sarvasadharan ke lie bhi iski upyogita niahsandigdh hai. svar vigyan ki paddhati itni saral aur sukshm hai ki ek samanya vyakti bhi apne jivan ki sanpurn samasyaon ka samadhan dhundh sakta hai. jahan parashri aur jaimini adi paddhati kisi jatak ke bhavishya kathan men asafal ho jati hain vahan svar shastriya jyotish hamare jivan path ko dipshikha ki bhanti alokit karne ki kshamata rakhta hai. svar vigyan ka adhar panch svar (a, i, u, e, o) hain evan avasthaen bal, yuva, vriddh aur mrit hain. inhin adharon par svar vigyan ki vishal imarat khari hai. iske atirikt svar vigyan men ath svar chakra pramukh hain, jo svar jyotish ko gati pradan karte hain. ve svar chakra hain- matra, varn, grah, jiv, rashi, nakshatra, pind aur yog. in ath svar chakron ke sath ath kal khand (dvadash sanvatsar, sanvatsar, ayan, ritu, mas, paksh, tithi aur ghati) hain. pratyek vyakti apne varn, matra, jiv, pind adi svaron ke anusar shubhashubh falon ka nirnay kar sakta hai. svar vigyan n keval dinacharya ke lie marg darshak hai varan muhurt jyotish evan prashn jyotish men bhi iski upadeyta niahsandigdh hai. prashn shastra dvara bhavishya kathan adhikansh logon ko apni sahi janm tarikh evan janm samay ki jankari nahin rahti. aise logon ki uljhnon ko suljhane men, samasyaon ko hal karne men aur unka bhavishya fal batane men prashn shastra maddgar sabit ho sakta hai. is paddhati m ne prashn pachu n e k e samay ka e madhyam banaya jata hai. prashnakalik lagn nikalakar is paddhati men jatak vishayak purn shubhashubh fal vivechan thik usi prakar se kiya jata hai jis prakar jyotish ke jatak shastra men. iska spasht ullekh ‘prashna-marga’ men milta hai jismen kaha gaya hai ki bhavishya fal kathan men unhin shastriya siddhanton ka vichar prashn shastra men bhi kiya jana chahie jinka vichar jatak shastra men kiya jata hai. jatak shastra ki ganitiya prakriyaen atyadhik lambi evan shramsadhya hoti hain, jinmen adhik samay lagta hai- chahe ve vinshoÿari mahadshaen hon athva antardashaen, pratyantardashaen shadavarg ya ashtakavarg sadhan adi. prashn shastra men ganit grah spasht evan lagn sadhan karne ke lie hi karna parta hai, jismen samay aur shram thora lagta hai. prashn shastra men vishay vibhajan ke adhar par alp samay men hi shubhashubh fal vivechan vibhinn yogon ka sahara lekar kiya jata hai. prashn ke madhyam se kray-vikray, khoi ya nasht vastu, chor v chori gai vastu, vidya men saflta ya asflta, dvandva, pravas, muk-prashn, devadi dosh gyan, karya ki siddhi-asiddhi, rog-vriddhi, rog nash, dhan ki prapti ya aprapti, bhumi-avas, sanpÿia, krishi karyon se labhalabh adi anek tatkalik v mahatvapurn prashnon ke uÿar asani se die ja sakte hain. kerliya vidhi men prashn ke adyakshar ke adhar par prashn fal ka vichar kiya jata hai. iske atirikt prichchak ke dva ara batae gae fal ya ful athva kisi nadi ya devta ke nam se bhi bhavishya fal nikala jata hai. prashn vidya, prashn chandeshvar, prashn bhushan, prashn shiromni, arya saptatiah, bhuvan dipak, shatpanchashika, trailokya prakash adi prashn fal vivechan ke mahatvapurn evan anupam granth hain. ‘daivagya-vallabha’ acharya varah mihir ka prashn fal vishayak mahatpurn granth hai jo abhutpurva mana gaya hai is granth ki rachna ke bad se hi prashn shastra ka bhartiya falit jyotish ki svatantra kari ya shakha ke rup men vikas hua. ‘tajik-nilkanthi’ granth ke anusar jo daivagya arthat bhavishya fal-karta bhakt, dukhi, din-hin prichchak ke prashn ka uÿar nahin deta uska gyan vifal ho jata hai. yah bhi kaha gaya hai ki nich prakriti vale pakhandi, ashraddh avan, dhurt ya thag aur uphas karne vale prichchakon ke prashn ka uÿar kabhi bhi thik nahin ho sakta chahe batane vale svayan bhagvan shankar hi kyon n hon. samudrik shastra dvara fal kathan bhavishya kathan paddhati men hasta-rekha vidya kafi mahatvapunr a hai. bhartiya jyotish paddhati ke antargat samudrik vidya ka akhyan brihad rup men prapt hota hai. is vidya ke avishkarak samudra rishi the, atah ise samudrik shastra kahte hain. hast rekha dvara bhavishya fal batlane vali vidya bahut hi vaigyanik evan pramanik hai. is vidya ke sukshm aur ganbhir adhyayan karne vale hi jatak ke bhavishya ka sahi fal kathan karne men safal hote hain. samudrik shastra men hatheli ke upar grah sthapit kie gae hain. rahu v ketu ko chor har grah ka hatheli par ek nishchit sthan rahta hai jiska ubhar grah parvat kahlata hai. is samudrik vidya men sharir ki unchai ke man ka sharir ke vajan ka kadam rakhne ke dhang ka, sharirik avyvon ka, kapalasth bhed, sapt rasadi ke sar ka hath-pairon ka, nakhunon ki unnata-avanat v dipta-adipt sthiti adi ko dekhakar shubhashubh ka akalan kiya jata hai. is vidya ko sharirik ang lakshan vigyan bhi kaha jata hai. iske siddhant sutron ke adhar par jatak ke ang-pratyang v hastavlokan ke jarie uske shubhashubh, labhalabh, sukh-dukhadi vibhinn baton ka gyan vidit ho jata hai. in parvaton ke bure bhale gunon se grah ke shubhashubh prabhavon ka pata bhi chalta hai aur usi ke anusar bhavishya fal ka vivechan kiya jata hai. hath men kai prakar ke chihn bhi pae jate hain jinka bhavishya fal kathan men bahut mahatva hota hai. ungli ke upri por men shankh chihn ho, to vyakti parakrami, do shankh hon, to sannyasi, tin hon, to dhurÿa, char hon, to fakkar ya daridra aur panch hon, to sammanniya hota hai. tarjani men chakra ke chihn vala jatak pratapi hota hai. anya ungliyon men chakra ke chihn vala vyakti bhramnshil hota hai. charon ungliyon men ek ek shankh, chakra, gada aur padm aur anguthe men yav ho, to jatak devtulya pujniya hota hai. bhavishyavakta striyon ke bayen evan purushon ke dayen kar tal ka avlokan karte hain. avashyakta ke anurup hast rekhavid donon hathon ki rekhaon ko dekhakar bhavishya fal sunishchat karte hain. ank jyotish se bhavishya kathan ank jyotish ke adhar par bhi jatak ka satik bhavishya fal batlaya ja sakta hai. bhavishya kathan men ankon ka apna vishesh mahatva hai. bhavishya kathan ki is paddhati se kam samay men kam mehanat se satik evan jivnopyogi jankari prapt ki ja sakti hai. ank jyotish men tin ankon ka vishesh mahatva hai- namank, mulank tatha aur bhagyank. ank jyotish men 1 se 9 tak ke mulank hote hain. jatak ka janm dinank uska mulank hota hai. yadi kisi ki lal kitab dvara bhavishya kathan lal kitab paddhati sugam evan satik jyotishiya paddhati hai. is paddhati men falit evan upayon ko adhik mahatva diya jata hai. is paddhati men grah shanti ke prayas, upay adi din men karne ka vidhan hai, parantu iske lie kisi vishesh din adi ka vichar nahin kiya jata. is paddhati men satyata, shuddhata aur satvik bhojan par jor diya gaya hai. iske saral upayon ke karan atyant lokapriya hai. lal kitab men varsh kundli ka vishesh mahatva hai, parantu varsh kundli banane ki prakriya bilkul bhinn hoti hai. ismen vigat varsh ke anusar grahon ko ek khane se dusre khane men darsha diya jata hai. varsha-patri ke shubhashubh grah varsh vishesh men samagra rup se asar dalte hain. varsha-patri ke ashubh grahon ki shanti ke upay janm tithi se 43 dinon ke andar kar lene chahie. lal kitab ki lokapriyata panjab men adhik hai. is paddhati men bhavon ko khane ka nam diya gaya hai, ismen rashiyon ko nahin lete. sirf lagn chakra banakar rashi ke ank mitakar barah tak ke khana nanbar likh die jate hain. is prakar yah malum par jata hai ki grah kis khane ya bhav men baitha hai. usi ke anusar bhavishya faladesh kar sakte hain. is paddhati men ashubh grahon ki shanti evan shubh grahon ke shubhatva men vriddhi ke upayon ko totkon ki sangya di gai hai. vartaman samay pratidin barhta ja raha hai kyonki ye kafi karagar hote hain, aur sugam evan saste hote hain. tash ke paÿaon dvara bhavishya kathan tash ke paÿaon se bhavishya kathan ek adbhut paddhati hai. tash ke ye bavan paÿo apne ap men kuch rahasyatmak sandesh bhi samete hote hain yah janakar sadharan janon ko ashcharya hota hai. hukum, lalpan, int evan chiri ke alg-alag arth hote hain, jinhen sevan sistars vidhi aur dhan chihn vidhi ke dvara bhavishya kathan ke sandarbh men samjha ja sakta hai. tash ki gaddi ko tin bar fentakar unhen tin barabar samuhon men bantakar tin paÿaon ke sath samuh banakar unse bhavishya kathan kiya jata hai. ramal jyotish ke pason se bhavishya kathan arbi jyotish ki vidya ko ramal paddhati ke nam se ya ramal jyotish ke nam se jana jata hai. prachin samay men arab ke log apna bhavishya janne ke lie ret par bindu tatha lakiren banakar ganna kiya karte the. chunki is vidya ka madhyam balu ya ret hua karta tha is karan yah arbi bhasha men ramal kahlai. arbi men ramal ka arth ret hota hai. kalantar men ret par khinche jane vale binduon aur lakiron ke sthan par lakri ya pattharon ke bane pason ka prayog kiya jane laga. ab pensil, shalaka athva ungli rakhakar prashn ka hal dhundh liya jata hai. ramal jyotish men vividh binduon aur rekhaon ke mel-milap se solah shaklon ka nirman hota hai. in shaklon ke adhar par solah vargon vala nakhsh taiyar kar snan adi se nivriÿa hone ke uprant apne ishtadev ka smaran karte hue ankh band kar nakhsh men ungli rakhakar prashn fal ka vichar kiya jata hai. is paddhati men vivah, putra, kanya babat prashn, kis rojgar se labh, pardesh gaman, men labh ya hani, mohabbat ka ijhar, bandi mukti (kaidi ki rihai), gare dhan, mukdme adi se sanbandhit prashnon ke hal dhundhe jate hain. tairo kard paddhati se bhavishya kathan aj ke is vaigyanik yug men bharat sahit vishva ke kai deshon men tairo kard paddhati se bhavishya fal janne ka prachalan barhta ja raha hai. bhartiya jyotish paddhati, pashchatya jyotish pranali, ank jyotish adi ki hi tarah iske bhi kuch siddhant hain. is paddhati se bhavishya fal kathan karta ke lie purn rupen abhyas ki avashyakta hoti hai. vaikalpik bhavishya paddhati ki is vidha men kardon ki sahayta se, jinki ginti 78 hoti hai, bhavishya fal ka vivechan kiya ja sakta hai. tairo paddhati ka koi ek kard arkenam kahlata hai tatha bahutere kardon ko arkena ke nam se jana jata hai. laitin bhasha ke arkenas shabd se arkenam ki utpaÿia hui jiska arth hai gupt bhed arthat chipakar rakhi gai bat. is tarah yah kahna koi atishyokti nahin hogi ki tairo kard jatak ke bhavishya ke rahasya ko ujagar karne vale kard hain. tairo vidya ka aranbh kahan se hua yah nishchit rup se nahin kaha ja sakta hai. kisi ke anusar 15vin shatabdi men yah vidya itli men aranbh hui to kisi aur ke anusar mishra aur yunan iske utpatti sthal hain. vahin kuch log ise chin ki ‘‘ai ching’’ namak vidya se hain. bahrhal mana jata hai ki bisvin sadi ke aranbh men hi tairo vidya ke nishchit siddhant ban chuke the. tairo kard paddhati dvara kisi bhi jatak ke svabhav, uski mansik aur sharirik sthiti, uska achcha ya bura samay, karya ki saflta-asflta adi baton ya prashnon ke samadhan ki jankari prapt ho sakti hai. 0 se 21 nanbar tak ke 22 kard pradhan tairo kard kahlate hain tatha 22 kard se 77 nanbar tak ke 56 kard gaun ya sadharan kard kahlate hain. bharat men jin tairo kardon ka prachalan hai unhen indiyan tairo kards kahte hain. vaise to sabhi 78 kardon se bhavishya fal nikala ja sakta hai, parantu pradhan samuh ke 0 se 21 tak ke 22 kardon se bhavishya fal kathan ki hi paripati hai. jatak ke bhavishya puchne ke pahle kardon ki gaddi ko tash ki tarah fent liya jata hai aur us gaddi men se ek, tin, panch ya gyarah kard jatak se niklvakar un chaynit kardon ke adhar par tairo kard visheshagya bhavishya fal kathan karta hai. bhavi gyan arthat gupt vidya paddhati dvara bhavishya kathan gupt vidya paddhati men multah 30 prashnon ka pravdhan raha hai, kintu age chal kar ismen 8 navin prashn jor lie gae. is paddhati men prashn karne se purva jatak ko apne man ko shant aur ekagra karna parta hai, use apne man evan antratma men ishvar ka smaran karte hue gadgad hokar arÿa svar men spasht shabdon men uchcharan karna parta hai. is paddhati men ek ‘tisa-yantra’ hota hai, jo nimnanusar hai. ‘tisa-yantra’ ke kisi koshthak men ungli rakhen, dhyan rahe ungli ¬ ke koshthak men n pare. jis koshthak men ungli pare uske ank men bhagyank ko jor dene se jo sankhya prapt hogi us sankhya se jure prashn ka uÿar milega. bhagyank ko prashn ki sankhya men jorne se yogafal 30 se adhik ho, to usmen se 30 ghatakar, shesh sankhya ke prashn ki bayin or likhe chakra ke niche v bhagyank ke samne ank 4: sanchit dhan yojnaen, lakri tatva, dakshin-purva disha. ank 5: prithvi tatva, yojna, brahm sthal (ghar ka madhya bhag) ank 6: uÿar-pashchim disha, sunhri dhatu, vyaparik avasar, maddgar log, ishvari shakti. ank 7: uÿar-purva disha, smaran shakti, sthirta, purnata, prithvi. ank 9: dakshin disha, agni tatva, man samman adi ka pratik hai. shubhashubh ke gyan dvara bhavishya kathan lokmanas men shubh evan ashubh manyataon ko lekar alg-alag dharnaen hoti hain. shakun, apshkun, svapn fal vichar, ang-sfuran adi ko lekar man men anek shankaen utpann ho jati hain. svapn fal vichar svapnon ke vishleshan se jivan men hone vali ghatnaon ke falon ki jankari milti hai. sharir men vibhinn sthanon par til, yatra par jate samay shubh-ashubh shakun, chipkli ke girne, ang sfuran adi ke alg-alag fal hote hain. ramshlaka evan anya prashnavliyan shri ramshlaka prashnavli, shri bhairav bhavishya gyan prashnavli, baÿaisa yantra, garbhini prashn, nakshatra prashnavli adi vibhinn prashnavliyon ke adhar par bhi bhavishya kathan ki paranpra rahi hai. ye prashnavliyan hamare rishi muniyon se prapt hamari dharohar hain. hastalipiyon evan lekhan shaili dvara bhavishya gyan jis prakar ek vyakti ki hastarekhaen kisi dusre vyakti ki hastarekhaon se nahin milti usi prakar ek vyakti ki hastalipi evan bhasha shaili bhi kisi dusre vyakti ki hastalipi v bhasha shaili se nahin milti. vibhinn lagn, rashiyan aur un rashiyon men sthit grah vyakti ki hastalipiyon evan bhasha shailiyon ko prabhavit karte hain. jatak ka tritiya bhav evan tritiyesh ki sthiti donon jahan uski hastalipi ko sarvadhik prabhavit karte hain vahin panchmesh evan pancham men sthit grahon ka prabhav uski bhasha evan lekhan shaili par parta hai. in sthitiyon aur vah jis syahi ka upyog karta hai uske adhar par bhavishya kathan kiya jata hai. chini jyotish aur fengshui dvara bhavishya kathan chini jyotish ke anusar 12 varshon ka ek chakra hota hai. is chakra ke anusar jatak ka ek sanketik chihn hota hai. isi chihn ko adhar manakar ghar ke un hisson ka pata lagaya ja sakta hai, jinka prabhav jatak athva parivar ke kisi sadasya par rahta hai. unka upay karke labh prapt kiya ja sakta hai. kramanusar 12 varshon ke devtaon ko chuna gaya hai aur unhin ke nam par in varshon ke nam rakhe gae hanai jo is prakar hain- chuha varsh, bail varsh, bagh varsh, khargosh varsh, dregan varsh, sarp varsh, ashva varsh, bher varsh, bandar varsh, murga varsh, shvan varsh aur shukar varsh. daujing dvara bhavishya kathan atharhvin shatabdi men anek deshon men daujing se bhavishya kathan karne ka rivaj tha. daujing ke adhar par kisi vyakti ke rog ke bare men jana ja sakta hai. adhunik yug men bahut se chikitsak bhi iski sahayta lete hain. nikat bhavishya men hone vali ghatnaon ko vishesh prakar se rachit prashnon aur kardon ke adhar par daujing ke madhyam se jana ja sakta hai. svapn jyotish vyakti ka man jab bhi atma se jur jata hai to use sukshm jagat ke ghatnakram ka bodh ho jata hai aur aise sapne sach hote hain. sapnon ka sanbandh hamare antarman se hai, jo sukshm v sthul jagat se lagatar sanpark rakhta hai. yadi vyakti yathasanbhav niyampurvak jivn-yapan kare, to use svapn dvara hi bhavishya ki kai gutthiyan suljhane men madad mil sakti hai. bhrigu sanhita dvara bhavishya kathan bhrigu sanhita ek atyant lokapriya arsh granth hai. kaha jata hai ki ismen sansar ke pratyek manushya ki janmakundli nihit hai. iske adhar par fal kathan karne men jyotishi ka karya jatak ya jatka ki janma-patri dhundhakar parhna matra hai jo bahut asan hai. nandi nari dvara bhavishya kathan nandi nari jyotish men purush ke dayen evan mahila ke bayen hath ke anguthe ki chap lekar nari ridar char-panch tarapatra ki gaddiyan jatak ke samaksh rakhta hai aur uske nam ka pratham ya antim akshar puchta hai. milan hone par isi tarapatra se agle prashn puche jate hain anyatha dusre tarapatra ka prayog kiya jata hai. kristal bael dvara fal kathan kristal bael se bhut, vartaman aur bhavishya dekhne ki vidhi prachin kal se hi chali a rahi hai. kristal bael par dhyan kendrit ho jane se mastishk par sabhi prakar ki ghatnaon ke chitra spasht hone lagte hain. svar vigyan se bhavishya kathan prachin kal men svar vigyan se bhi fal kathan kiya jata tha. iska adhar shvas-pravah (svar) ko banaya jata hai. mrit atma avahan dvara bhavishya kathan manushya ke lie koi bhi karya kathin nahin hai. videshon men adhisankhya vyakti mritatma sadhna karke unka avahan kar bhavishya kathan karte hain. vyakti ke avahan karne par kai mrit atmaen use vilakshan, bhavishya se avagat karati hain. nyuyaerk shahar ke kaits kets kil maunten kshetra men rahne vala deniyal logen ek adbhut pratibha sanpann vyakti tha jo mritatmaon se bat karke bhavishya ki hone vali ghatnaon se logon ko avagat karata tha.
Kya aapko lekh pasand aaya? Subscribe

Kya aapko lekh pasand aaya? Subscribe


tairo kard evan bhavishya kathan ki vaikalpik padvatiyan  May 2007

bhavishya kathan men tote ka prayog, kya hai ram shalaka ? nadi shastra aur bhrigu sanhita ka rahasya, tash ke paton dvara bhavishya kathan, kristal bal, pandulam dvara bhavishya kathan, hastakshar, ank evan gharelu vidhiyon dvara bhavishya kathn

Subscribe

Apne vichar vyakt karein

blog comments powered by Disqus
.