गणपति एवं अन्य देवों की पूजन विधि

ganpti evan anya devon ki pujan vidhi  

Ank ke aur Lekh | Sambandhit Lekh | Views : 9866 |  
ganpti evan anya devon ki pujan vidhi dae. sanjiv sundrani shri ganesh patra-pushp evan hari dub se prasann ho jate hain. unki puja bahut asan hai. kisi bhi devta ka pujan yadi shastrochit vidhi se kiya jae to fal shighra prapt hote hain, is alekh men isi ka ullekh kiya ja raha hai..... shrignesh bhagvan bhadra mas ki chaturthi tithi aur grah nakshatron ke mangalamay yog men adi dev shiv ke yahan virat rup men parvati ji ke sammukh avtrit hue. tab mata parvati bolin- ‘prabhu! apne putra rup ka darshan karaen.’ tab bhagvan shri ganesh ji apna shishu rup lekar shishu krira karne lage, tabhi se ganesh janmotsav bhadrapad ki shukla chaturthi ko manaya jane laga. ganesh ji ka janm dopahar ko hua. atah madhyahn men hi ganesh pujan karna chahie. is din ravivar ya manglvar hone se yah tithi vishesh faldayi ho jati hai. bhagvan shri ganesh ka ‘‘saumya rup’’ murtipujan se sabhi prakar ke rog dur hote hain. is din vrat rakhakar modak, pushp, sindur, janeu evan 21 durva lekar bhagvan ganesh ka pujan karna chahie. vidhivat pujan men unke mastak par sindur lagana chahie. ¬ ganadhiptay namah, ¬ vidh nanashay namah, ¬ ishputray namah, ¬ sarvasiddhipraday namah, ¬ ekdantay namah, ¬ kumar gurve namah, ¬ mushak vahnay namah ¬ uma putray namah, ¬ vinaykay namah ¬ ishavaktray namah aur ant men sabhi namon ka ek sath kram men uchcharan karke bachi hui ek durva bhi charha den. isi tarah 21 laddu bhi charhaen. inmen se panch pratima ke pas chor den, panch brahmanon ko aur shesh prasad ke rup men parivar men vitrit kar den. is prakar pujan karne se bhagvan shri ganesh ki kripa se sabhi vighn badhaen dur hokar karya siddh hote hain. kaha jata hai ki ganpti seva mangal meva, seva se sab vighn tare, tin lok taintis devta dvar khare. araj kare, uth prabhat ki arti gave jake sir yash chatra fire. atah mangal murti shri ganesh ka smaran satat karte rahna chahie. pujan sanbandhi janne yogya kuch baten ek ghar men kam se kam panch devi devtaon ki puja honi hi chahie- ganesh, shiv, vishnu, surya, durga. kisi bhi dev ya devi ke pujan ke prati sankalp, ekagrata, shraddha hona bahut hi avashyak hai. ghar men do shivling, tin ganesh, do shankh, do surya, do durga murtiyon, do gomti chakra aur do shaligram ki puja karne se ashanti ki prapti hoti hai. shaligram ji ki pran pratishtha ki avashyakta nahin hoti. durga ki ek, surya ki sat, ganesh ki tin, vishnu ki char aur shiv ki adhi hi parikrama karni chahie. tulsi ke bina ishvar ki puja purn nahin mani jati. tulsi ki manjri sab fulon se barhakar mani jati hai. mangal, shukra, ravi, amavasya, purnima, dvadshi aur ratri aur kal men sandhya tulsi dal nahin torna chahie. tulsi torte samay yah dhyan rakhna avashyak hai ki usmen pattiyon ka rahna bhi avashyak hai. pratidin panchdev puja avashya karni chahie. yadi mantra abhyast n ata ho to bina mantra ke hi jal, chandan, ful adi charhakar puja karni chahie. ful charhate samay dhyan rakhen ki uska mukh upar ki or ho. sadaiv dayen hath ki anamika evan anguthe ki sahayta se ful arpit karne chahie. charhe hue ful ko anguthe aur tarjani ki sahayta se utarna chahie. ful ki kaliyon ko charhana mana hai, kintu yah niyam kamal ke ful par lagu nahin hai. shiv ji ko vilva patra, vishnu ko tulsi, ganesh ji ko hari durva, durga ko anek prakar ke pushp aur surya ko lal kaner ke pushp priya hanai. shivji ko sadabhar pushp, vishnu ko dhatura aur devi ko ak ya madar pushp nahin charhae jate. vishnu ko chaval, ganesh ji ko tulsi, devi ko durva, surya ko vilva patra nahin charhna chahie. lal se safed aur safed se nila kamal bhagvan ko atyadhik priya hai. devtaon ko pujan men anamika se gandh lagana chahie. pujan tin prakar ke hote hain- panchopchar - gandh, pushp, dhup, dip, naivedya dashopchar - padya, aghrya, achaman, snan, vastra, gandh, pushp, dhup, dip, naivedya shodshopchar- padya, aghrya, achaman, snan, abhushan, gandh, pushp, dhup, dip, naivedya, achaman, tambul, stavan path, tarpan, namaskar. ghrit ka dipak dayin aur tel ka dipak bayin or rakhna chahie. pushp hath men aur chandan tamra patra men rakhen. jal, patra, ghanta, dhupdani adi bayin or rakhna chahie. shankh ko jal men dubana aur shankh ko prithvi par rakhna varjit hai. shankh men chandan aur ful chorna chahie. bhagvan ke age jal ka chaikor ghera banakar naivedya rakhen aur devi ke dayin or naivedya rakhna chahie. sabhi devtaon ko sat, panch, tin bar pranam karna chahie. ek dipak se dusra dipak nahin jalana chahie. pujan men kisi samagri ki kami hone par uske sthan par akshat, ful charha den. shastron men puja ko hajar guna faldayi banane ke lie ek upay batlaya gaya hai, vah hai ‘‘manas puja’’. yah puja karke vahya vastuon se pujan karen. ghar men purva ki or mukh karke dipak rakhne se vah ayu deta hai, uttar ki or dhan, pashchim ki or dukh aur dakshin ki or mukh karke rakhne se hani deta hai. putravan vyakti ko chahie ki vah apne ghar par uttar mukh baith kar bhojan n kare. svastik chihn shubhatva ka pratik hai. yah samriddhi, shanti, vaibhav aur dh an lakshmi ka pratik hai. iski char bhujaen charon dishaon ki or hoti hai. ismen char gun hain- brahmacharya, grihasth, vanaprasth, sukh-samriddhi. yah chihn shubh muhurt men ankit karna
Kya aapko lekh pasand aaya? Subscribe

Kya aapko lekh pasand aaya? Subscribe


ganpti visheshank  January 2007

bhartiya sanskriti men bhagvan ganesh ka vyaktitva apne ap men anutha hai. hathi ke mastak vale, mushak ko apna vahan banane vale ganesh pratham pujya kyon hain? unki aradhna ke bina karya nirvidhn sanpann hone men sandeh kyon rahta hai? kaise hua

Subscribe

Apne vichar vyakt karein

blog comments powered by Disqus
.