शेयर बाजार से धनवान कैसे बनें

sheyar bajar se dhanvan kaise banen  

Ank ke aur Lekh | Sambandhit Lekh | Views : 9070 |  
adhunik yug men arth ka mahatva barh gaya hai. aj har vyakti kam samay men jyada dhan kamane ki ichcha rakhta hai. sheyar bajar men punji nivesh se adhik dhan kamane ka mauka milta hai. listed kanpniyon ke bhav men utar-charhav ane se turant munafe ya nuksan ki sthiti banti hai. sheyar bajar ki teji-mandi ke bare men bharat ka jyotish shastra kafi had tak margadarshan kar sakta hai. prachin granthon ka adhar lekar kai jyotish vidvanon ne varon rashiyon, grahon ki sthitiyon ka vishleshan karte hue is vishay par vichar kiya hai. kuch jyotishiyon ne nae sanshodhit grah harshal, nepchyun aur pluto ko bhi grahon ki shreni men shamil kar liya hai. is vishay men age barhne se pahle sheyar bajar ki utpatti ke bare men jankari lena jaruri hai. duniya men sab se pahle amerika men nyu yaerk staek ekschenj ki sthapna san 1792 men hui thi. uske bad inglaind men landan staek aikschenj ki sthapna san 1809 men hui. bharat men british shasan ke dauran baembe staek aikschanj ki sthapna 17-1-1899 ko munbai (tab banbai) men hui. uske bad 27-11-1992 ko neshanal staek ekschenj ki sthapna munbai men ki gai. kanpyutar ke vikas ke sath staek ekschenj aur staek brokron ne kanpyutar ka istemal karna shuru kiya, jisse sheyar ka sauda karne men bahut paradarshita a gai. kuch varshon pahle sienbisi nam ka bijnes chenal shuru hua aur tivi par biesai aur enaesai men listed kanpniyon ke bhav ke utar-charhav ke samachar ke sath vishleshan dena shuru kiya. is tarah sheyar bajar ka vikas hota raha. sheyar bajar men vividh kanpniyon ke bijnes ke mutabik vibhinn shreniyan banai gain jaise siment, stil, kemikal, petroliyam, maining, chini, baink, kagaj, farma, otomobail, aiti, yatayat ityadi. vidvan jyotishiyon ne gunadharm ke adhar par un shreniyon ko nau grahon ke adhipatya men rakha aur kaun sa grah kaise asar karta hai, uske bare men kai siddhant die. iske alava kai jyotishiyon ne ajad bharat aur sheyar bajar ki kundliyan banakar abhyas kiya aur varon v rashiyon men nau grahon ke gochar bhraman ka vistrit vishleshan karke teji aur mandi ke bare men kai vichardharaon ka pratipadan kiya. aj bhi kai jyotish premi iske bare men jyada se jyada janne ki koshish karte rahte hain. sheyar bajar men punji nivesh kar dharnajan karne me njyotish sahayak ho sakta hai, par iske lie kisi yogya jyotirvid ka paramarsh avashyak hai. yahan kuch pramukh grah sthitiyon ka vishleshan prastut hai. jinke anusar punji nivesh karne se labh mil sakta hai. janm kundli men pancham sthan, labh-sthan, bhagya sthan, dhan sthan aur sukh sthan aur unke adhipti ke shubh sanbandh se dhan labh ki sthiti banti hai. panchmesh, labhesh, bhagyesh, dhanesh aur sukhesh ka shubh yuti ya prati yuti ya drishti sanbandh kendrasthan ya trikonasthan men hone se vishesh labh ka yog banta hai. iske atirikt yadi balvan aur anukul grah dusre, panchven, nauven aur 11ven bhavon se sanbandhit hon to un grahon ke adhipatya men jis shreni ki kanpniyan ati hon, unmen nivesh karne se labh mil sakta hai. navansh kundli aur janmakundli men grahon ke nakshatra pati ka prabhav dekhne men aya hai. yah vishay kafi rochak aur vistrit hai. yadi janm kundli men gochar grahon ka bhraman shubh aur labhdayak hai to vyakti sheyar bajar men achcha munafa kama sakta hai. gochar grahon ke mishrafal ka yog ho, to jyada khatra lene ki jarurat nahin hai. kintu sahi jankari ke sath simit karobar kar sakte hain. gochar grahon ki chal samjhna bahut jaruri hai. grahon ka nakshatra, vakri ya margi, ast ya udit aur vedh, yuti, prati yuti, drishti sanbandh sanbandh adi ki jankari bahut jaruri hai. sheyar bajar men teji-mandi ki bhavishyavani men gochar grahon ki jankari bahut upyogi hoti hai. kuch jyotishi grahon ke nakshatron ke padon (charn) ke adhiptiyon ke prabhav ka vichar karke bhavishyavani karte hain. shubh aur ashubh grahon ki yuti, prati yuti ya drishti sanbandh teji ya mandi par kafi prabhav dalta hai. gochar grah ki chal men ashtak varg ka upyog kar labh ya hani ki sthiti ka pata lagaya ja sakta hai. iske alava sheyar dalalon men panchang ka upyog bahut prachlit hai. jaise amavasya, rikta tithi, vrishchik rashi ke chandra, rahu kal, grahan kal, vyatipat yog ityadi ke samay men karobar kam hota hai. aise samay men teji-mandi bahut samanya rahti hai. janm kundli men chandra rashi ka nakshatra bahut mahatva rakhta hai. tara chakra se shubh aur labhdayak nakshatra ka pata aur sahi samay men sheyar bajar men karobar karne ka margadarshan milta hai. un shubh nakshatron men anya grahon ke gochar bhraman men achche labh ki sanbhavna rahti hai. ashubh nakshatra men karobar karne se nuksan ho sakta hai. koi bhi grah uchch aur svagrihi ho aur mitra ya shatru ya fir nich rashi men hone se unke prabhav ka bhinn asar hota hai. lanbi teji-mandi ke lie shani, rahu aur guru ka prabhav dekhne men aya hai, aur madhyam teji-mandi par mangal, surya, budh tatha shukra ka prabhav jyada hota hai. kintu din-pratidin ki teji-mandi par chandra aur uske nakshatra ka prabhav hota hai. grah ke rashi pravesh aur margi ya vakri grah ka asar jyada hota hai hai. shani aur rahu ka gochar bara mahatva rakhta hai. shani-rahu ki yuti teji aur shani-ketu ki yuti mandi ki suchak hoti hai. gochar rahu par gochar chandra ya budh ka bhraman teji darshata hai. kintu gochar ketu par chandra ya budh ka gochar bhraman mandi lata hai. jiski kundli men chandra v shani ka yog ho aur ketu par shani ki drishti ho, to sheyar bajar ne satte ka karobar karna nuksandayak hoga. kuch logon ki manyata hai ki jis mahine men panch somvar ya manglvar ya budhvar ya guruvar ya shanivar ya ravivar aen us mahine men teji-mandi ka naya siddhant diya gaya hai. iske alava somvar ko teji ho to manglvar ko mandi hogi, budhvar ko mandi ho to guruvar ko teji hogi. isi prakar yadi guruvar ko mandi ho to shukravar ko teji hogi. kintu yah mat shat pratishat sahi nahin hai. jab sheyar bajar men bari giravat ati hai tab midiya vale blaik fraide ya blaik mande jaisa vishesh nam dete hain. sheyar bajar men jab teji ati hai tab listed kanpniyon ke sheyar ka bhav uchchatam ho jata hai aur jab sheyar bajar mandi ki lapet men ata hai tab kanpniyon ke sheyar ka bhav nyunatam ho jata hai. kis kanpni ka sheyar kharidna chahie aur kab kharidna chahie yah prashn bare mahatva ka hai. bharat men sheyar bajar ka karobar baembe staek ekschenj (bi. es. ei.) aur neshanal staek ekschenj dvara hota hai. bi e. s i senseks (suchkank) men ‘a’ grup ki 30 bari aur nifti men 50 bari kanpniyon ki ginti hoti hai. isse sheyar bajar ki teji mandi ka mulyankan hota rahta hai. jis kanpni ki arthik sthiti amdni, munafa aur sheyar mulya par kamai ki vriddhi aur bhavi yojna se jyada munafa kamane ki sanbhavna aisi kanpniyon ke sheyar kharidne se barh jati hai. achchi kanpniyon ke sheyar kharidne se adhik labh mil sakta hai. kintu sheyar kharidne se pahle kanpni ke bare men paryapt jankari prapt kar leni chahie. jab sheyar ka bhav nyunatam ho tab aur uchchatam ho tab bechna chahie. sheyar bajar men har varsh do ya tin bar teji ya mandi ati hai, tab nyunatam aur uchchatam lebal se sahi jankari se dhan labh prapt karne ka mauka milta hai. jis ki janm kundli men sheyar bajar se madhyam labh ka yog ho uske lie uparyukt prakar ka karobar labhdayak rahega. kanpyutar ke vikas ke sath aen lain teªding shuru hua aur kuch log intra de treding se sheyar bajar men munafa kamane ka mauka lete rahe hain. ismen jyotish shastra ka sahi upyog karne se labh ki sanbhavna barh jati hai. chandra rashi aur chandra nakshatra aur uske adhipti ka prabhav dekhne men aya hai. somvar se lekar shukravar tak karib sarhe panch ghanta sheyar bajar ka karobar bi. es. i. aur en. es. i men chalta hai aur usmen har 50 minat men sheyar ke bhav men badlav ata rahta hai. is prakar ke utar-charhav jab hote hanai tab intrade-treding karne men kabhi munafa to kabhi nuksan hota hai. pahle vayda ka karobar chalta tha. usmen kabhi munafe aur kabhi nuksan ki naubat ati thi. kundli men ashubh gochar grahman ke dauran galat nirnay lene se bara nuksan bhi ho jata hai. karib panch varsh se vayda ka karobar band ho gaya hai. ab uski jagah fyuchar aur apshan diraivetibs aya hai jismen kai log achcha labh prapt karte hain. sheyar bajar men jab teji ka mahaul hota hai tab diraivetivs khelne vale kafi labh prapt karte hain, kintu jab achanak mandi ka mahaul ata hai to adhik nuksan ki sanbhavna ban jati hai. agar janm kundli men sheyar bajar se maghyam labh ki sthiti ho to diraivetivs se dur rahna uchit rahega. janm kundli ke anusar sheyar bajar se labhdayak sthiti ho, to bhi chandra par shani ki drishti galat nirnay lene se nuksan karvati hai. abhi sinh rashi men shani ka gochar bhraman chal raha hai jab gochar ka chandra tula, kunbh, vrish aur rashi men ae tab satte ke karobar se dur rahna uchit hoga anyatha nuksan ki sanbhavna rahti hai. usi tarah shani par surya ke gochar bhraman ke dauran nuksan se bachna jaruri hai. janm kundli men budh se jab chandra ka nav-pancham yog gochar bhraman ke dauran banta hai us samay yadi lagn sthan se ashtam ya dvadash sthan se gochar chandra gujrta hai to galat nirnay se nuksan ki sanbhavna banti hai. bharat ki arthavyavastha men sheyar bajar ka mahatva bahut adhik hai. kuch varshon se sarkar ne bima kanpniyon ko bhi sheyar bajar men punji nivesh ki ijajat di hai. ab jivan bia nigam ka ekadhikar nahin raha. niji bima kanpniyon ke ane se pratispardha barh gai hai. aur bima paelisi dharkon ki adhik fayda dene men hor lagi hai. kai baink aur anya vittiya sansthaen myuchyual fand ke karobar men sakriya hain. sheyar bajar ki teji ke mahaul men inke yuniton ki enaepi men kafi vriddhi hui hai. kintu usmen entri ya egjit lod hota hai aur shaert tarm men har samay munafa kamana mushkil hota hai. jab sheyar bajar mandi ki lapet men ata hai tab kabhi-kabhi myuchyual fand ki enaepi yunit mulya se niche chali jati hai. myuchyul fand ke yunit ko jab chukana hota hai tab usmen ayakar ki kapat ho jati hai. islie jyadatar log myuchyual fand se dur rahna chahte hain. bima kanpniyon ne yunit link paelisi nikal kar bima palisi dharkon ko jyada fayda pahunchane ki vyavastha ki hai. yunit link paelisi dharkon ko laung tarm men bahut fayda hota hai kyonki ismen nivesh karte samay aur ay vriddhi aur paelisi mechyor hoti hai tab kar mukt bari rakam milti hai. jiski kundli men anukul grahon ki sthiti kamjor ho uske lie yunit-link bima paelisi sabse shreshth sabit hogi. jise samay ki pabandi ho aur sheyar bajar ki jankari n ho, uske lie bhi yunit link bima paelisi labhdayak hai. isilie jyada log yunit link paelisi lena chahte hain.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2007

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.