श्रद्धा और शक्ति का धाम श्री गर्जिया मंदिर

shraddha aur shakti ka dham shri garjiya mandir  

Ank ke aur Lekh | Sambandhit Lekh | Views : 1980 |  
shraddha aur shakti ka dham shri garjiya mandir pan. dae. somesh ke. sharma v pan. dae. punit sharma ek taraf hariyali men achchadit man ko thandak deti vishal vrikshon ki panktiyon se yukt jangal, to dusri taraf bahti kosi nadi aur uske piche najar ati parvaton ki vishal chotiyan, kisi ko bhi mantramugdh kar dene men saksham hain. isi kosi nadi ke madhya, ek vishal tile par sthit hai-man girija ka adbhut shakti sanpann mandir ‘shri man garjiya’. kaha jata hai ki ‘vishvasan hi faldayk’ aur yah aksharashah satya hai. yah shraddha hi hai, jo sachchi ho to bhakt ko bhagvan ke darshan ho jate hain. rishi muniyon aur bhakton ki shraddha ke vashibhut hi bharat ki pavitra bhumi par anek devi devtaon ne vibhinn rupon men avtar liya. dev bhumi uttaranchal ke nainital janapad ki garjiya ki devi unhin men se ek hain. yah dham vishvavikhyat karbet neshanal park, ramanagar se matra 10 ki. mi. ki duri par garjiya gram men sthit hai. ek taraf hariyali se achchadit man ko thandak deti vishal vrikshon ki kataron se bhare jangal to dusri taraf bahti kosi nadi aur uske piche najar ati parvaton ki vishal chotiyan kisi ko bhi mantramugdh kar dene men saksham hain. aur isi kosi nadi ke madhya ek vishal tile par sthit hai man girija ka adbhut shakti sanpann mandir jise shri man garjiya mandir kahte hain. yah tila jo ki kisi parvat se alag hokar bah kar ae hue hisse jaisa lagta hai, yahan par kafi samay se sthit hai. is mandir ke donon or jal ki dharaen bahti hain aur kabhi-kabhi to is nadi men barh ki sthiti bhi utpann ho jati hai. parantu ise is pavitra sthal ki mahima hi kahenge ki is shila khand tatha is par bane mandir ka ufnti jal tarangen bhi kuch n bigar pain. garjiya mata mandir ke nam se prakhyat yah mandir yon to bahut prachin hai parantu ise sarvapratham pan. ramkrishn pande ji, jo barma fauj men karyarat the, ne san 1932 men dhundha tha. tab yah sthal bahut durgam aur agamya tha evan yahan bhayanak jiv jantuon ka vas tha. pan. purn chand pande, jo vartaman men yahan ke pujari evan kartadharta hain, batate hain ki is sthan par aksar sher, chite, bhalu adi ke darshan hote the jiske karan yahan roj puja karna bhi ek dushkar karya tha. par man ki shakti ke vashibhut hokar kya jiv kya prakriti sabhi ne mano apne svabhav ko bhi badal diya. aur uske bad to yahan ke chamatkaron v chamatkarik prabhav ke kisse failte gaye aur dekhte hi dekhte sthaniya nivasiyon ke atirikt dur-dur se shraddhaluon ka ana jana shuru ho gaya. garjiya girija shabd ka apabhransh hai. yahan par man ka yahi shringar yukt mohini rup virajman hai. man ke chamatkaron aur mannaten puri hone ki gavah hain mandir ke tile par ugi hui ghas par lagi anginat ganthen jinhen shraddhalu apni ichchapurti hetu mandir men darshan karke lagate hain. aur jab man ichcha puri kar deti hanai to vapas a kar man ki vidhivat puja karke prasad adi charhakar ganth kholte hain. mandir ke pujari pan. purnachandra pande ji, jo 14 varsh ki avastha se hi yahan puja archana karte a rahe hain, batate hain ki praranbh men yahan n to tile ki choti par sthit mandir tak jane ke lie sirhiyan thin n hi nadi ko par karne ki vyavastha. parantu dhire-dhire paryatkon v sthaniya nivasiyon ke sahyog se mandir ko sudhara, sajaya v sanvara gaya. vartaman men man ke ashtabhuji shant svarup vigrah ka darshan hota hai. iske sath-sath shri ganesh ji, hanuman ji, bhairon baba v sarasvati man ke chote-chote vigrah bhi virajman hain. mandir ke prangan men hi vishal yagyashala, dharmashala, bhandar grih adi ka nirman karaya gaya hai. yon to is sthal par shraddhaluon ka har samay tanta laga rahta hai parantu har varsh navratra, ganga snan adi avsron par to yahan hajaron shraddhalu jutte hain aur bhandare karte hain. man ki vilakshan shakti ka pratyaksh abhas mandir ke prangan men pravesh karte hi hone lagta hai. man bari dayalu, aur ananya kripalu hai. unse jisne jo bhi manga vahi paya hai. iska praman yahan ane vale videshiyon aur samanya logon tatha bari-bari hastiyon yatha narayan datt tivari, chai. charan sinh, ke. pi. es gil, vivek obraey, lara datta, isha deol, ajay devagan, jaen abraham adi ka shraddha se darshan karne ana hai. is sthan ka aitihasak mahatva bhi hai. yahan madhyakal men dasvin gyarhvin shatabdi ke katyuri rajvansh kal ki bhagvan shri lakshmi narayan ji ki pratima bhi sthapit hai jo aj bhi bilkul nai lagti hai. sath hi kosi (kaushiki) nadi ke kinare sthit garjiya gram men viratanagar namak prachin shahar v sabhyata ke avshesh bhi pae gae hain. kula milakar aitihasik, dharmik tatha romanchak paryatan ki drishti se yah sthal logane ko ek addhabhut anubhuti pradan karta hai.
Kya aapko lekh pasand aaya? Subscribe

Kya aapko lekh pasand aaya? Subscribe


ganpti visheshank  January 2007

bhartiya sanskriti men bhagvan ganesh ka vyaktitva apne ap men anutha hai. hathi ke mastak vale, mushak ko apna vahan banane vale ganesh pratham pujya kyon hain? unki aradhna ke bina karya nirvidhn sanpann hone men sandeh kyon rahta hai? kaise hua

Subscribe

Apne vichar vyakt karein

blog comments powered by Disqus
.