ब्रहमांड की प्राण ऊर्जा से उपचार

brahmand ki pran urja se upchar  

Ank ke aur Lekh | Sambandhit Lekh | Views : 9632 |  
brahmand ki pran urja se upchar dae. je. prasad is brahmand ke kan-kan men pran urja pravahit hai. manushya ke andar v bahar isi pran urja ka vistar hai. manav isi urja se janm leta hai, isi ke sahyog se bara hota hai tatha uska sanpurn jivan chakra isi urja ke antargat viksit hota hai. is pran urja ka abhav hi rogon ko janm deta hai tatha iska lupt hona hi jivan ka ant hai. yah pran urja hi samast charachar jivon ke pranon ka sar hai. sanbhvtah is srishti ki rachna isi pran urja ke dvara hui hogi. yah vishvavyapi jivan shakti kai namon se sanbodhit ki jati hai. ise japani bhasha men ‘‘reki’’, chini bhasha men ‘‘chi’’, pashchimi deshon men ‘‘lait’’ athva ‘‘holi spirit’’, rusi men ‘‘bayoplajmik’’ tatha hindi men ise ‘‘pran-urja’’ ke nam se jana jata hai. sansar ka pratyek manav ekagrata, shanti, atma-jagriti aur svasth v sukhamay jivan ke lie sadaiv utsuk aur prayasarat rahta hai. sharir ko svasth v nirog rakhne ke lie vishva men vividh prakar ki upchar paddhatiyon ka vikas hua jinka ek matra lakshya hai rogon ka nidan karke sharir ko svasthya pradan karna. in sabhi upchar paddhatiyon men rog-nirikshan evan rog nidan ki prakriya ko apnaya jata hai. kuch paddhatiyon men kisi bhi prakar ki aushdhi ka prayog kie bina brahmandiya urja tatha sharir men paribhramit pran urja par hi kam kiya jata hai. inmen visheshagya apni sankalp v chetna shakti dvara rogi par pran-urja ke pravah dvara karya karke rogon ka nidan karta hai. is prakar ki upchar paddhatiyon men ‘‘reki’’, ‘‘pranik-upchar’’, ‘‘ekyupreshr’’, ‘‘mantra-chikitsa’’, feng-shui’’ adi pramukh hain. inmen upcharak brahmand men upalabdh chaitanya shakti (pran urja) ki tarangon ko rogi ke sharir men suvyavasthit dhang se pravahit karke rogon ka upchar karta hai. iske lie pravahak apni sankalp shakti v sparsh ka prayog karta hai. in upchar paddhatiyon ko ‘‘vaikalpik chikitsa-paddhati’’ ki shreni men rakha jata hai. pran urja ke dvara sharir aur man tatha chetna ki prakriya ko santulit karke bimariyon se purn mukti tatha sanpurn svasthya evan prasannata ko prapt kiya ja sakta hai. sharir men pran urja santulit evan layabaddh rup se parikrama karti rahti hai tatha yahi manushya ke jivan ka sar evan uska adhar bhut tathya hai. yah shakti evan vaicharik kshamataon men vriddhi karne ke sath-sath manviya gunon ko viksit karne men bhi apurva sahyog pradan karti hai. jab kabhi vahya ya kinhin antrik karnon se sharir men paribhramit pran urja men asantulan paida ho jata hai, to iske falasvarup sharir ki pratirodhak kshamata ka ghatna aur bimariyon ka utpann hona aranbh ho jata hai. bimari ka karan samjhne ke lie sharir ke bahar aur andar ki sthiti ko bhi samjhna chahie tatha drishya adrishya karnon ka manthan karna chahie. bahar ke karnon ka tatparya un bhautik karnon se hai jinki vajah se bimari hui hai. jaise kitan au, kuposhan, vishanu yukt pradushit padarth, vyayam ki kami, vayumandal men pradushan tatha shuddh vayu evan aeksijan ki kami aur pani kam pina adi. antrik karnon se tatparya hai sharirik avyvon ka thik prakar se karya n karna, pet se sanbandhit rog, bhavnatmak evan mansik karan adi. inke karan vibhinn shakti-chakron ka kamjor hona ya chakron men atyadhik shakti ka ekaek ekatrit ho jana adi lakshan utpann hote hain. sans lene ke samay aeksijan tatha dusri gaisen evan rasaynik padarth, jo vayu ke rup men fefron men jate hain, kuch ansh men sokh lie jate hain tatha shesh sans ke sath bahar a jate hain. sokh li gai gaison ko ‘‘spektram-enalisis’’ dvara jana ja sakta hai. rangin prakash panuj, jo pran vayu ka rup hai, shoshit gaison ka hi abhinn hissa hota hai. isi prakar hamare khadya padarthon ka vah bhag jo pachan kriya ke dvara taral rup men sokh liya jata hai, hamari jivan urja ka srot hai. is prakar jal, vayu, tap v bhojan ke dvara jo urja, kirn-rashmiyon evan pran vayu ke dvara sharir men shoshit ki jati hai, uska lagatar utsarjan bhi hota rahta hai. is prakar ye utsarjit kirnen sharir ke charon taraf ek kanbal ki tarah lipti rahti hain aur jiv vishesh ke abha mandal ya prabha mandal ke rup men jani jati hain. yah abha mandal sharir ke bahar dhai se char inch ki motai men parivyapt rahta hai jise anubhav dvara gyat kiya ja sakta hai. mritak ke shav par yah abha mandal nahin hota kyonki yah abha mandal jivit prani ki urja ka hi utsarjan hai. abha mandal ka chitra, hai voltej ilektro fotografi taknik se gais discharj vijualaijeshan mashin dva ara liya ja sakta hai kyonki yah adrishya rup men rahta hai. purn rup se svasth vyakti ka abha mandal santulit, ek sarikha tatha prabhavi dikhai parta hai jabki bimar vyakti ka abha mandal kata-fata evan nishprabhavi hota hai. yah kata-fata abha mandal bimari se prabhavit angon men urja ka asantulan darshata hai. is abha mandal ko urja-sharir bhi kahte hain. hamare tin sharir hain - sukshm sharir, sthul sharir aur karan sharir. sukshm sharir (atma) ati sukshm v adrishya hai. yah atma hi chetna ka utsarjan karti hai jise pran bhi kaha jata hai. sthul sharir hamara yah drishya sharir hai. yah sharir hi hamare kriya-kalapon ka kendra hai jismen shakti sanchit hai. yah sukshm sharir ko dharan karta hai tatha adrishya rup men karan sharir ka bhi kendra hai. sukshm sharir ki utsarjit chetna athva pran ke karan yah jivit rahta hai. pran urja ke ashakt hone se sharir men pratirodhak kshamata kam ho jati hai tatha rogon ka janm hota hai. karan sharir adrishya rup men sthul sharir ke bahar usse lipta rahta hai. is karan sharir par mansik evan bhavnatmak vichar prabhav dalte rahte hain aur yah in sabko sthul sharir m ne patra yavtirt kar date a h.ai kachu vidvan ise mansik evan bhavnatmak sharir bhi kahte hain. kisi bhi prakar ki kshati athva vahya ya antrik karan pahle karan sharir par prabhav dalta hai jisse abha mandal kshati grast ho jata hai tatha yah prabhav sthul sharir par pratyavartit hokar use rugn bana deta hai. hamara karan sharir ek kavach ki bhanti sthul sharir ka ek prakar ka avaran hai aur jahan yah ek or mansik v bhavnatmak vicharon se prabhavit hota hai vahin dusri or nirantar brahmandiya urja se nikat sanpark men rahta hai. is karan brahman diya-urja men vidyaman nakaratmak evan sakaratmak urjaen nirantar karan evan sthul sharir ko prabhavit karti rahti hain. sthul sharir par rogon ka prabhav, sharir ke kisi sthan vishesh par nakaratmak urja ke jamav ko darshata hai. ismen sharir ki pratirodhak kshamata ka hras ho jata hai tatha sharir ke andar svabhavik gati se prabhavit hone vale urja path men avrodh a jata hai jise sthaniya urja chakra pradarshit kar dete hain. adhyatmik upcharak us sthaniya chakra par ekatrit nakaratmak urja ko jhar kar use daiviya agni men bhasm kar deta hai athva antriksh men pravahit kar deta hai. is prakriya men vah nirikshan karta hua yah pata karta rahta hai ki vah chakra nakaratmak urja ke jamav se mukt hua athva nahin. fir uske bad vah sakaratmak urja ke prakshepan se us chakra ko svasth evan svabhavik dasha men le ata hai. ye sabhi kriyaen adrishya rup men hoti hain jinmen pravahak apne svayan ke chakron evan sankalp shakti ka prayog karta hai. keval sparsh ki kriya hi dikhai deti hai jismen vah sthaniya ek ya usse adhik chakron ko sparsh karta hai tatha shesh sabhi kriyaen adrishya hi hoti hain. sthul sharir ke urja path par vidyaman urja chakra, jo ek prakar se urja paribhramit path par sthapit ek ‘jankshan steshn’ ki bhanti karya karte hain, us sthan vishesh ki urja utsarjan ki sthiti ko darshate hain. ye urja chakra yog shastra men varnit hain jo adhunik sharir vigyan ki pakar se bahar hain aur mukhya rup se sat hain. kintu adhyatmik upcharak ath pramukh tatha anya sahayak chakra mante hain. sharir men upar se niche ki or ath chakra is prakar hain- sahastrasar, agya, vishuddh, anahat, saur, manipur, svadhishthan evan muladhar athvan chakra. yah sabhi chakra sthan vishesh evan panch tatvon ka pratinidhitva karte hain. in chakron se urja ke avrodhan athva atyadhik utsarjan ki sthiti ka pata chal jata hai tatha us sthan vishesh ka pata lag jata hai jiske upar kisi rog ka prabhav hai. upcharak us chakra vishesh par urja ke nakaratmak prabhav ko hatakar, sakaratmak urja ka prekshapan karta hai jisse vah sthan rog mukt evan svasth ho jata hai. isi kram men yah vidhi bar-bar dohrai jati hai jo rog ki avdhi v uski tivrata par nirbhar karti hai. kabhi-kabhi ismen tatkal prabhav dikhai dene lagta hai aur kabhi-kabhi kai din v mah bhi lag jate hain. ek bar men is upchar men das minat se 60 minat tak ka samay lag jata hai jise upcharak hi nirdisht karta hai. is upchar vidhi ke upcharak ko adhyatmik guru kaha jata hai jismen sadachar, paropkarita, parmatma men bhakti, daya ke bhav evan anya kai prakar ke daiviya gunon ka hona avashyak hai. dusron ke prati prem, karuna, niahsvarth seva adi bhavon se purit vyakti hi is brahmandiya urja ka safal pravahak evan sampreshak ban pata hai. jab koi pravahak, rogi par is urja ka prayog karta hai, to vah rogi aur is brahmandiya urja ke madhya ek madhyam ke rup men karya karta hai. pravahak apni sankalp shakti evan sparsh se is urja ka prakshepan karta hai, jismen yah urja uske agya chakra se sharir men pravesh karke uski hatheli ke madhyam se rogi ke sharir men pravahit hone lagti hai. pravahak apni sankalp shakti se rogi ke urja sharir par tatha apne sparsh dvara rogi ke sthul sharir par, urja ka prakshepan karta hai tatha kabhi-kabhi avashyaktanusar apne agya chakra ke atirikt vishuddhi chakra evan muladhar chakra ka bhi prayog karta hai. brahmandiya urja, pragyavant hone ke sath-sath, vishuddh evan satvik prem ka asim bhandar hai, jo kabhi samapt nahin hota. yah hamari kshamataon men vriddhi karne ke atirikt jivan men manviya sadgunon ko viksit karne men bhi apurva sahyog pradan karti hai. svabhavtah is urja shakti ka bhandar hamare andar janm se hi hota hai kintu vaicharik pradushan ke karan is urja se hamara sanbandh vichched hone lagta hai. parantu jab koi vyakti guru rup men apni sankalp shakti se athva shakti pat kriya se is sushupt urja ko punah jagrat kar deta hai to yah sanpark punah sthapit ho jata hai tatha nirantar abhyas se, vicharon ki pavitrata aur satvikta ke chalte ajivan bana rah sakta hai. ek urja pravahak rog nidan ke lie, is brahmandiya urja ka prayog karke, kisi samay vishesh par sharir men hui urja ki kshati ko pura karta hai. is samagra vishva ki sanrchna evan uske astitva ke piche yahi brahmandiya urja satat kriyashil hai. yah paddhati saral evan dushprabhavon se rahit hai tatha atyant prabhavshali hai jismen kisi bhi prakar ki hani evan pratikulta ki sanbhavna nahin hai. brahmandiya urja men sharir ki rasaynik granthiyon, sharirik avyvon, snayuon aur asthiyon ki srijnatmak prakriya ko sucharu rup se santulit karne ki apurva kshamata hai. yah sharir ke vijatiya tatvon ko purn rup se nishprabhavi karke, pratirodhak kshamata men vriddhi karti hai jisse rog ki punravritti nahanin ho pati. vastutah yah chikitsa paddhati rage a ne ko alp samay ke lie dabati nahin hai, apitu unhen unke karnon sahit purn rup se nirmul kar deti hai. ismen rogi ke sath-sath, upcharak ko bhi labh hota hai kyonki vah upchar ki avdhi men svayan bhi is brahmandiya urja ke sanpark men hota hai. brahmandiya urja ka upyog durasth samasyaon ke nidan ke lie bhi saman rup se kiya ja sakta hai. iske dvara rogi ki anupasthiti men bhi uska upchar evan samasyaon ka samadhan utne hi prabhavshali dhang se kiya ja sakta hai jitne ki uski upasthiti men. ismen sthan ki duri koi mahatva nahin rakhti. brahmandiya urja ka prayog paudhon evan pashuon ke hitarth bhi kiya ja sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


mangal visheshank  August 2007

vivah badha evan mangal dosh nivaran, vastu ne banaya taj ko sartaj, rashtrapti chunav: gaddi kiske hath, dampatya sukh men mangal hi nahin badhak, manglkari mangal se bhaybhit, lal kitab ke anusar mangal dosh, mangal dosh ka parihar, mangal ke anek rang rup

Subscribe

Apne vichar vyakt karein

blog comments powered by Disqus
.