स्वप्न और उनके फल

svapn aur unke fal  

Ank ke aur Lekh | Sambandhit Lekh | Views : 131842 |  

svapn aur unke fal prashna: jyotish ke anusar svapn kis grah sthiti men ate hain? kin yogon men achche svapn ate hain aur kin men bure? kaun si dasha ya gochar men parivartan se achche ya bure svapn ate hain? ek hi vyakti ko kabhi achche to kabhi bure svapn kyon ate hain? vahin kisi ko bahut svapn ate hain to kisi ko kam ya fir svapn yad nahin rahte- aisa kyon? vistar se apne vichar den.

jaytharth men nahin hai, avastavik hai use sach ki bhanti sakar rup men dekhne ka nam svapn hai arthat jo apna nahin hai, use nidra men ankhon ke samne dekhna sapna hai. nahin ko sahi men dekhna hi to svapn kahlata hai.

adhunik vigyaniyon ne svapn vishayak jin tathyon ka pata lagaya, unmen se adhikansh rishiyon ke nishkarshon se mel khate pae gae hain. brihdaranyak men jagrat evan sushupt avastha ke saman manav ke man ki tisri avastha svapn avastha mani gai hain. jis prakar manushya ke sanskar use jagratavastha men atmik santosh aur prasannata pradan karte hain, usi prakar jo bhi svapn aenge ve ujjval bhavishya ki sanbhavnaon ke pratibinb hi honge.

shikago vishvavidyalay ke do chatron nepoliyan klirman tatha sujon aisetiski jab is sanbandh men shodh karne baithe to un donon ka shodh karya to purn nahin ho saka par svapn se sanbandhit kai naye tathya samne ae. unhonne paya, ki jab koi svapn dekhta hai, to uski ankhon ki putliyan thik usi prakar ghumti hain jis prakar jagratavastha men koi bhi drishya adi dekhte samay ghumti hain. arthat akhen us samay band rahte hue bhi dekhti hain.

jagte hue jo diva svapn ham dekhte hain ve matra kalpanaen hi hoti hain par sushuptavastha men jo kalpanaen ki jati hain unhen svapn kahte hain. nirarthak, asangat svapn uthli nind men hi ate hain jo udvign karne vale hote hain. vastutah manushya nirantar jagta nahin rah sakta. yadi kisi ko sone hi n diya jae to vah mar jaega. manushya apne jivan ka ek tihai bhag nidra men vyatit karta hai aur nidra ka adhikansh bhag svapnon se achchadit rahta hai.

bhartiya shastradi svapn ko drishya aur adrishya ke bich ka dvar arthat sandhi dvar mante hain. manushya is sandhi sthal se is lok ko bhi dekh sakta hai aur us parlok ko bhi. is lok ko sandhi sthan v svapn sthan kahte hain.

svapnon ka sanbandh man v atma se hota hai to inka sanbandh chandra aur surya ki yuti se lagate hain. govind raj virchit ramayan bhushan ke svapnadhyay ka vachan hai ki jo stri ya purush svapn men apne donon hathon se suryamandal athva chandra mandal ko chu leta hai, use vishal rajya ki prapti hoti hai. atah spashtataya kisi bhi vyakti ko shubh samay ki suchna dene vale svapnon se yah purvanuman kiya ja sakta hai. chandra ki sthiti v dashaen shubh hone par evan surya ki sthiti v dashaen adi karak hone par shubh svapn dikhai parenge anyatha ashubh. pratyaksh rup men dekha jae to svapn ka ane ya n ane ka karan surya v chandra grah hi hote hain kyonki surya ka sanbandh atma se aur chandra ka sanbandh manushya ke man se hota hai.

duahkhad ya duahsvapnon ke ane ka karan hamara moh aur papi man hi hai. yahi bat atharvaved men bhi ati hai.

‘yastva svapnen tamsa mohyitva nipadyate’

arthat manushya ko apne agyan aur papi man ke karan hi vipattisuchak duahsvapn ate rahte hain. inke nirakaran ka upay batlate hue rishi piplad kahte hain ki yadi svapnavastha men hamen bure bhav ate hon to aise duahsvapnon ko pap-tap, moh-agyan evan vipatti janya janakar unke nirakaran ke lie brahm ki upasna shuru kar deni chahie taki hamari durbhavnaen, durjanaen, dushpravrittiyan shant ho jaen jisse man men sadpravrittiyon, sadachrnon, sadgunon ki abhivriddhi ho aur shubh svapn dikhai dene lage aur atma ki anubhuti hone lage. valmiki ramayan ke prasangon se spasht hai ki papi grah mangal, shani, rahu tatha ketu ki dasha antardasha tatha gochar se ashubh sthanon men hone par bure svapn dikhai dete hain jo jivan men ane vali duravastha ka manushya ko bodh karate hain. sath hi shubh grahon ki dasha antardasha men shubh grahon ke shubh sthan par gochar men achche svapn dikhai dete hain. akash men upar uthna unnati tatha abhyuday ka dyotak hai jabki upar se niche girna avnti v kasht ka parichayak hai.

bure svapn ana tabhi sanbhav hai jab lagn ko, chaturth evan pancham bhav ko prabhavit karta hua grahan yog (rahu+chandra, ketu+surya, rahu+surya, ketu+chandra) aur chandal yog (guru v rahu ki yuti) vali grah sthiti nirmit ho ya isi ke samakaksh dashaon gochriya grahon ka duryog ban jae. iske viprit lagn, chaturtha/pancham bhav ko prabhavit karte hue shubh grahon ke sanyog ke samay achche svapn ane ki kalpana ki ja sakti hai.

jab hamen koi achche sukhad svapn dikhai dete hain, to hamara man pulkit ho jata hai, hamen sukh ki anubhuti hone lagti aur ham prasann ho jate hain. parantu jab hamen bure svapn dikhte hain to man ghabra jata hai, hamen ek adrishya bhay satane lagta hai aur ham dukhi ho jate hain. vidvanon ke anubhvon se hamen yah bat gyat hoti hai ki is tarah ke bure, daravne svapn dikhai dene par yadi nind khul jae to hamen punah so jana chahie.

svapnon ke svarup

falit jyotish men svapnon ko vishleshnon ke adhar par sat bhagon men banta jata hai- drisht svapn, shrit svapn, anubhut svapn, prarthit svapn, summohan ya hipnegogiya svapn, bhavik svapn aur kalpanik svapn.

drisht svapn

din pratidin ke kriya kalapon ko sote samay svapn rup men dekhe jane vale sapnon ko drisht svapn kaha jata hai. ye sapne karya kshetra men atyadhik dabav aur kisi vastu ya karya men atyadhik liptata ke karan ya man ke chintagrast hone par dikhai dete hain. islie inka koi fal nahin hota. kabhi sone se purva kisi prakaran par vichar vimarsh kiya gaya ho aur kisi bat ne man ko prabhavit ya udvalit kiya ho, to bhi manushya sapnon ke sansar men vicharan karta hai.

shrit svapn

bhayavah film dekhakar ya upanyas parhakar sapnon men bhaybhit hone valon ki sankhya kam nahin hai. in sapnon ko shrit svapn kaha jata hai. ye sapne bhi vahya karnon se dikhai dene ke karan nishfal hote hain.

anubhut svapn

jagrat avastha men koi bat kabhi man ko chu jae ya kisi vishesh ghatna ka man par prabhav para ho aur us ghatna ki svapn rup men punravritti ho jae, to aisa svapn anubhut sapnon ki shreni men ata hai. inka bhi koi fal nahin hota.

prarthit svapn

jagrat avastha men devi devta se ki gai prarthana, unke sammukh ki gai puja-archana ya ichcha sapne men dikhai de, to aisa svapn prarthit svapn kaha jata hai. in sapnon ka bhi koi fal nahin hota.

kalpanik svapn

jagrat avastha men ki gai kalpana sapne men sakar ho sakti hai kintu yatharth jivan men nahin aur is prakar ke sapnon ki ganna bhi falhin sapnon men ki jati hai.

sammohan ya hipnegogiya svapn

manushya rogon se pirit hone par, vat, pitt ya kaf bigrne par jo svapn dekhta hai, ve bhi nishfal hi hote hain. nind ki vah avastha, jise medikal sains ki bhasha men hipnegogiya aur bhartiya bhasha men sammohan kaha jata hai. ismen vyakti n to puri tarah se soya rahta hai aur n puri tarah se jaga. ismen dekhe gae sapne bhi nishfal hote hain.

is tarah upar varnit sabhi chah prakar ke sapne nishfal hote hain. ye sabhi asanymit jivan jine valon ke sapne hain. vishva men 99.9 pratishat log asanymit jivan hi adhik jite hain. yahi karan hai ki ye log svapn ki bhasha nahin samajhakar svapn vigyan ki, svapn jyotish ki khilliyan urate rahte hain. svapn ke bare men inki dharnaen nakaratmak soch vali hi hoti hain.

bhavik svapn

jo svapn kabhi dekhe n gae hon, kabhi sune n gae hon, ajibogrib hon, jo bhavishya ki ghatnaon ka purvabhas karaen, ve bhavik svapn hi faldayi hote hain. pap rahit mantra sadhna dvara dekhe gae svapn bhi ghatnaon ka purvabhas karate hain. manav ka prayojan isi prakar ke svapnon se hai. janmakalin ya gochriya kalasarp yog vali grah sthiti arthat rahu-ketu ke mukh men sabhi grahon ke sama jane vali sthiti ke nirmit ho jane par bhagvan shankar ke kanthhar panchmi tithi ke devta svapn men akar manushyon ke dil ko dahla dete hain. aisa sapna dekhakar manushya ka man mastishk vichlit ho uthta hai. arishtaprad surya, chandra, rahu aur ketu ke mantra jap v stotra path se tatha, dan, shanti karm ke upayon ko apnakar vyakti dukhad svapnon ke anishton se bachne men samarth ho sakta hai.

nau grahon ki dasha antardasha men dekhe jane vale svapn

svapn ke adhar par fal kathan karne men jyotishiyon ko asani hoti hai. agar jatak ki rahu, ketu ya shani ki mahadsha ya antardasha chal rahi ho aur janmakundli men ve nich sthiti men hon, to use hamesha daravne svapn ate hain jaise bar-bar sarp dikhai dena rahu ketu se banne vale kalasarp yog ke dyotak hote hain. yadi rahu, ketu v shani ki mahadsha ya antardasha ho aur ve janmakundli men svarashi ya uchch ki rashi men baithe hon, to jatak ko shubh svapn ate hain jaise jarmani ke fredrik kaikyul ko rahu se sanbandhit sanp ka vartul akar men ghumakar svarn ki anguthi jaise akar ka banakar apne-apko katte hue dikhai dena. isi bhanti silai mashin ke avishkarak ilihas hov ko shani ki mahadsha antardasha v kundli men unki uchch sthiti hone ke karan uske sir men rakshas ke duton dvara bhala bhonkne ki svapn ki ghatna jiske falasvarup usne silai mashin ka avishkar kiya. usi prakar yadi surya ya mangal ki mahadsha ya antardasha chal rahi ho aur ve nichasth hon, to ag evan chot lagne ke svapn dikhai dete hain. yadi uparyukt mahadsha v antardasha chal rahi ho aur jatak ki janmakundli men surya aur mangal uchch ya svarashi men ho, to ashubh svapn nahin balki shubh svapn dikhai denge jaise rajkarya men jay, manglik karya sanpann hona adi. yadi chandra aur guru ki mahadsha antardasha ho aur ve nichasth hon to kaf, pet adi se sanbandhit rog hote hain. iske viprit yadi chand aur guru uchchasth hon, to mahadsha antardasha men rajagaddi prapt hone ke svapn dikhai denge. vahin yadi shukra ki uchch sthiti ho, to sukh, aisho aram, dhan lakshmi adi se sanbandhit aur nichasth ho, to anek bimariyon ke svapn dikhai dete hain.

nichasth surya ki dasha/pristhiti ya gochriya dasha ane par retile marusthalon ki sair, marusthalon ka jahaj unt, garm havaon ke thapere khata hua bethasa majnun ki tarah bhagta manushya, surya ka sarthi, ushn katibandhon ke drishya, sukha, fatti hui jamin, ghar-makan ki divaron ki dararen, bhukh pyas se vyakul paglon ki tarah bhatkte log, khaulta hua jharna, tapedik ke marij, mrigtrishna ka jal, maut ka sannata, tape hue lohe ke sikke lutati hui alakshmi, sir par sehre ki jagah kafan, ole ki jagah tapkte angare, chandni bikhrata surya, tapta hua chandrama, hansta hua siyar, chuhe ki bhanti dubka hua sher, akash men pakshiyon ki tarah urta hua prani, rota hua murda adi dikhai dene ki sanbhavna rahti hai.

isi tarah ke svapn gochar men vrish rashi men pravesh karte hue surya ki dasha men athva uski dashantardasha men a sakte hanai. kala baba ki rashi makar ya kanubh men surya ke pravesh ki dasha men parvatarohan karte magaramachch, din men dekhte ullu, chalne hue garur, dipavli ki ratri men chamkta hua sharad purnima ke chandrama, nishith kal men khilti hui kumudini, chandroday hote hi khilte hue kamal se niklte hue bhaunre, parvat se pani nikalti hui paniharin, din men udit hote chandrama, ratri men dhup, bihar ghane kale andhiyare jangal men nachte safed mor, kale hans, gulabi rang ki bhains adi ke saman svapn a sakte hai jinka fal sadaiv ashubh hi hota hai.

chandra ke dasha parivartan se svapnavastha men sharir men nari ki gati madhyam par jati hai, khun ka pravah shithil ho jata hai, indriyon ki gati mand ho jati hai aur kaf ka prakop barh jata hai.

mangal ki dasha athva gochar men parivartan hone se manushya ko chot-chapet, durghatana, agni-kand, shav-dah, khun-kharabe, mrityu-dand, yan-durghatana, yuddh ke tandav, ulkapat, garbhapat, pakki imarton ka bharbhrakar gir jana, jvalamukhi parvat aur unke khaulte hue evan chalchlane lave ke drishya svapn men dikhlai dete hain. mitra larne ko udyat dikhai deta hai.

budh ki antardasha men sundar upavan, hare-bhare khet, khanjan pakshi, tota vidya prapt karte batuk, vrikshon ki thandi shital chanv men vishram karte batohi, pariksha ke dar se bhaybhit hote bachche, chari dikhata shiksharthi, pariksha men pas ho jane par hanste muskarate vidyarthi, sundriyon ko vastra lutata bajaj, bandhya aur putra, munimi karta seth, git sunta badhir, vakta bana gunga, bagula bhagat, sajjan bana batul, badshahi karta fakir, shisht tatha susanskrit bana ganvar, sundar hare bhare taje falon ki daliya, adi nana prakar ke svapn ate hain. budh ki dasha men pothi pradan karti hui sarasvati ji yadi svapn men darshan den, to jatak vani ki adhishthatri devi vagishvari ki anupam kripa ka patra jatak ban jata hai.

guru ki dashaon men bhi jaliya drishya kaf prakriti jatkon ko svapn men dikhlai de sakte hain. guru ki ek rashi min hai jo jal tatva vali rashi hai. udar shul, udar vran, pachan sansthan sanbandhi rog, kaf janit vyadhiyon, vedadhyayan, ved-path, ved-puran- upnishdon adi ke darshan, dharm pravachan, sant-samagam, tirth -yatra, ganga-snan adi se sanbandhit vividh shubhashubh svapn guru ki antardasha men dikhai de sakte hain. rajyabhishek sanbandhi anandatirek dene vale svapn bhi guru ki dasha men dikhai de sakte hain.

rahu, ketu ya shani ki mahadsha, antardasha ya gochar men inki arishtakarak dasha chal rahi ho, to jatkon ko behad bhayanak svapn dikhai de sakte hain. rahu ke atyadhik ashubh hone par svapn hi nahin, yatharth men bhi bijli ka karant lag jaya karta hai. daravne svapnon ka veg gahri nidra men dube hue vyakti ko ekadam chainka deta hai. kabhi-kabhi aisa bhi hota hai ki daravne svapn dekhta hua vyakti usse tran pa lene ko uthakar bhag jana chahta hai parantu svapn ke bhari dabav ke karan vah bistar se uth bhi nahin pata. ayurved ke mutabik vat, pitt, kaf ye sharir ke tin dosh hain.

vat pradhan logon ko svapn men par lag jate hain. ve nil gagan men svapn men urne ka anand prapt karte hain.

pitt prakriti ke log svapn men sare jagat ko jagamag jyoti ke rup men niharne lagte hain. ve chand, sitare, ulka aur suraj ki raj ko prapt kar lena chahte hain. unhen chand-suraj, tara gan saptarshi adi apna bana lena chahte hain. ve gagan ko dekhakar magan ho jate hain.

kaf prakriti vale kup, tarag, bavliyon, nahron, nadiyon nalon jharnon, favvaron jalasroton ko svapn men dekhakar svayan jal ka devta varun ban jana chahte hain. ve chandni rat men nauka-vihar karne lag jate hain. koi svapn men svayan ko jaltrang bajata hua dekhta hai, koi jaladhar hi ban jata hai, koi jal prapat dekhta hai to koi jal pralay. unhen jal se janm lene vala jalaj svapn men dikhai dene lagta hai. jal men kabhi ve jalpri ka jalva dekhte hain, kabhi jaljhaj ko jal damrumadhya men, to kabhi apne ko gota lagata hua dekhte hain.

is prakar uparyukt vishleshan se spasht hai ki shubhashubh svapn vibhinn grah sthitiyon men tab ate hain jab grahon ki mahadshaon ki antardashaon men nich, uchch, svagrihi, mitra grihi, shatrugrihi hote hain. koi bhi grah nich, v shatrugrahi ho, to jatak ka bure v ashubh svapn ate hain aur yadi vah uchch, svagrihi v mitra rashi men ho, to achche v shubh, uske manonukul, svapn ate hain.

parivar ke kisi sadasya ki mrityu ho jane par us parivar ke sadasyon ko duahsvapn dikhai dete hain. yad bhi rahte hain jisse ve vichlit dikhai dete hai.

dhan labh karane vale svapn

kuch svapn vyakti ko dhan labh karane vale hote hain. hathi, ghore, bail, sinh ki savari, shatruon ke vinash, vriksh tatha kisi dusre ke ghar par chadhe hone dahi, chatra, ful, chanvar, ann, vastra, dipak, tanbul, surya, chandrama, devpuja, vina, ast adi ke sapne dhan labh karane vale hote hain. kamal aur kaner ke ful dekhna, kaner ke niche svayan ko pustak parhte hue dekhna, nakhun evan romrhit sharir dekhna, chiriyon ke pair pakarakar urte hue dekhna, adi dhan lakshmi ki prapti v jamin men gare hue dhan milne ke suchak hain.

mrityu suchak svapn

kuch svapn svayan ke lie anisht faldayak hote hain. svapn men jhula jhulna, git gana, khelna, hansna, nadi men pani ke andar chale jana, surya, chandra adi grahon v nakshatron ko girte hue dekhna, vivah, grih pravesh adi utsav dekhna, bhumi labh, darhi, munch, bal banvana, ghi, lakh dekhna, murga, bilav, gidar, nevla, bichchu, makkhi, sharir par tel malakar nange badan bhainse, gadhe, unt, kale bail ya kale ghore par savar hokar dakshin disha ki yatradi karna adi mrityu suchak hain.

kuch anubhut svapn

ek mahila ka putra bahut buri sthiti men dilli ke ek aspatal men dakhil tha. mahila svayan bimari ke karan bistar se lagi thin. use ek rat svapn men dikhai diya ki uske gale ki moti ki mala tut gai hai. moti bikhar gae hain. nind khuli to usne dekha ki mala tuti hui thi. bahut dhundhne par bhi moti pure nahin mile. thik usi samay aspatal men uske yuva putra ne apne pran tyag die the.

jalandhar ke ek vyakti ki patni ki chati ke kainsar ka opreshan ho raha tha. use svapn men dikhai diya ki kuch log unhen marne ko daude chale a rahe hain. vah bhag raha aur log picha kar rahe hain.

achanak vah aspatal ke nikat flai-ovar par charh jata hai. svayan fir vah apne ghar (jalandhr) ke pas pahuncha hua pata hai. ve log ab bhi uska picha kar rahe hain. as-pas ke log unhen bachane ki koshish karte hain aur vah khud bhag kar ghar men chupne ki koshish karta hai aur nind tut jati hai. fir usne ek achche daivagya se salah li. svapn ka fal yahi samjha gaya ki uski patni svasth ho jaegi. yah bat aprail 1980 ki hai. uski patni aj bhi jivit aur svasth hai. lekin us vyakti ka achanak hriday gati ruk jane se janvri 1989 men dehant ho gaya.

is tarah spasht hai ki manushya ke jivan men ane vali durghatanaon, unnati aur shubh samay ke agaman se sanbandhit svapn kai bar sachche sabit ho jate hain.

svapn fal vichar

jab bhi kisi vyakti ke jivan men koi asadharan paristhiti hoti hai, svapn ate hain. kuch vishisht svapn yad bhi rahte hain. brahm muhurt ke svapn aksar sach bhi hote hain. rat ke pratham, dvi tiya athva tritiya prahar men dikhne vale svapn lanbe samay ke bad sach hote hue pae jate hain.

svapnon ke vishay men kuch pratikon ko hamari lok sanskriti men manyata prapt hai, jo is prakar hain.

  • kisi ki mrityu dekhna -uski lanbi ayu hona.
  • sirhi charhna - unnati
  • akash men urna - unnati
  • sarp athva jal dekhna - dhan ki prapti
  • bimar vyakti dvara kala sarp dekhna - mrityu
  • sir munda dekhna - mrityu
  • svapn men bhojan karna - bimari
  • dayan baju kata dekhna - bare bhai ki mrityu
  • bayan baju kata dekhna - chote bhai ki mrityu
  • pahar se niche girna - avnti

svayan ko parvaton par charhta dekhna- saflta, vidyarthi ka svayan ko fel hote dekhna - saflta, kamal ke patton par khir khate hue dekhna - raja ke saman sukh, atithi ata dikhai dena - achanak vipatti, andhera hi andhera dikhai dena - kasht ya manhani, svayan ko mrit dekhna - ayu vriddhi, atm hatya karna - dirdhayu, ullu dikhai dena rog v shok, ag jalakar use pakrta hua dekhna - anavashyak vyay, opreshan hota dikhai dena - kisi bimari ka suchak, imarat banti dikhai dena - dhan labh v tarakki, khud ko kainchi chalata dekhna. vyarth ke vad vivad v larai jhagra, kaua bolta dikhai dena - kisi bimari ya bure samachar ka suchak, imarat banti dikhai dena - dhan labh v tarakki, kabutar dikhai dena - shubh samachar ka suchak, kala nag dikhai dena - rajkiya samman, korhi dikhai dena- rog suchak, koyla dekhna- jhagra, shmashan ya kabristan dekhna - pratishtha men vriddhi, gobar dekhna- pashudhan labh, grahan dekhna - rog v chinta, goli chalta dekhna- manokamna purti, garibi dekhna -sukh samriddhi, garbhapat dekhna - ganbhir rog, shukra tara dekhna - shidhra vivah, svayan roti banana - rog, svayan ko nanga dekhna - man pratishtha ki hani, kasht, dev darshan ya dev sthan darshana- labhdayi, rajdrbar dekhna - mrityu suchak, davaiyan dekhna - uttam svasthya, kisi dampati ka talak - grih kalah, taj mahal dekhna pati - patni ke sanbandh vichched, nai se hajamat banvana - ashubh, pati patni ka milan - dampatya sukh, sukhi lakriyan dekhna - mrityu suchak, kisi kaidi ya apradhi ko dekhna - ashubh pyar, bhandara karate dekhna - dhan labh, sagai dekhna - ashubh, sukha vriksha/thuth dikhai dena - ashubh pyar, tota ya titli dikhai dena - labhaprad.

isi prakar svapn men dant tutna - dukh, jhanjhat, darvaja dekhna - bare vyakti se mitrata, darvaja band dekhna - pareshaniyan, daladal dekhna - vyarth ki chinta men vriddhi, supari dekhna - rog mukti, dhuan dekhna - hani evan vivad, rassi dekhna - yatra, rui dekhna - svasth hona, kheti dekhna - laprvah ya santan prapti, bhukanp dekhna - santan kasht, dukh, sirhi dekhna - sukh sanpatti men vriddhi, surahi dekhna - buri sangat, chashma lagana - vidvatta men vriddhi, khai dekhna - dhan evan prasiddhi ki prapti, kainchi dekhna - grih kalah, kutta dekhna - uttam mitra ki prapti kalam dekhna - mahan purush ke darshan, topi dekhna - dukh se mukti, unnati, dhanush khinchna - labhaprad yatra, kichar men fansna - kasht, vyay, gay ya bail dekhna- mote se labh, duble se prasiddhi, ghas ka maidan dekhna - dhan ki vriddhi, ghora dekhna - sankat se bachav, ghore par savar hona - padonnati, loha dekhna - kisi dhani se labh, lomri dekhna - kisi sanbandhi se dhokha, moti dekhna - kanya ki prapti, murde ka pukarna - vipatti evan dukh, murde se bat karna - murad puri hone ka sanket, bajar dekhna - daridrata se mukti, bari divar dekhna - samman ki prapti, divar men kil thokna - kisi vriddh se labh, datun karna - pap ka prayashchit v sukh ki prapti, khunta dekhna - dharm men ruchi, dharti par bistar lagana - dirghayu ki prapti, sukh men vriddhi, unche sthan par charhna - padonnati v prasiddhi, billi dekhna -chor ya shatru bhay, billi ya bandar ka katna - rog v arth sankat, nadi ka jal pina - rajya labh v parishram, safed pushp dekhna - dukh se mukti, lal ful dekhna - putra sukh, bhagyoday, patthar dekhna - vipatti, mitra ka shatruvat vyavhar, talvar dekhna - yuddh men vijay, talab ya pokhre men snan karna - sannyas ki prapti, sinhasan dekhna - ativ sukh ki prapti, jangal dekhna - dukh se mukti v vijay ki prapti, arthi dekhna - rog se mukti v ayu men vriddhi, jahaj dekhna - pareshani dur hona ya vyay hona, chandi dekhna - dhan v ahankar men vriddhi, jharna dekhna

Kya aapko lekh pasand aaya? Subscribe
Kya aapko lekh pasand aaya? Subscribe


mangal visheshank  August 2007

vivah badha evan mangal dosh nivaran, vastu ne banaya taj ko sartaj, rashtrapti chunav: gaddi kiske hath, dampatya sukh men mangal hi nahin badhak, manglkari mangal se bhaybhit, lal kitab ke anusar mangal dosh, mangal dosh ka parihar, mangal ke anek rang rup

Subscribe

Apne vichar vyakt karein

blog comments powered by Disqus
.