रक्षा बंधन : भाई –बहन के अटूट प्रेम का प्रतीक

raksha bandhan : bhai –bahan ke atut prem ka pratik  

Ank ke aur Lekh | Sambandhit Lekh | Views : 4994 |  
raksha bandhn: bhai bahan ke atut prem ka pratik bhai bahan ke pavan prem ka pratik raksha bandhan donon ke apsi prem ki drirhta ko prakat karta hai. bhai-bahan ka prem ek dusre ko aisi shakti pradan karta hai jisse mushkil se mushkil paristhitiyan bhi anukul ho jati hain. yah parva shravan shukla purnima ko manaya jata hai. is din bahn-bhai ki kalai par rakhi bandhti hain tatha purohit yajman ko raksha bandhte hain. iske atirikt is din guru shishya paranpra ke anusar navin vidyarthiyon ka yagyaopvit sanskar tatha rishi tarpan adi ki bhi paranpra hai. rakhi ka aranbh kab aur kaise hua, yah kahna kathin hai, parantu isse sanbandhit kai aitihasik ghatnaen prachlit hain. ek bar devtaon aur danvon men ghor yuddh hua. devta har gae aur danav svarg par adhikar karne lage. tab devguru brihaspati ki salah se devtaon ke raja indra ki patni shachi ne shravan mas ki purnima ke din apne pati ki kalai par rishiyon dva ara abhimantrit raksha sutra bandha tha. parinamasvarup devtaon ki vijay hui. ek aitihasik ghatna yah bhi hai ki solhvin shatabdi ke madhya men mevar ke rajput rana sanga ke nidhan ke uprant jab unki maharani karnavti ne rajkaj sanbhala hi tha ki gujrat ke samrat bahadurshah ne mevar par charhai kar di. rajputon ki kam sankhya dekhakar mevar ki rani karnavti ne dilli ke samrat humayun ko apna bhai manakar uske pas rakhi bheji. rakhi ke dhagon men ek rajput virangna ke hriday ki jo vedna chipi thi, vah jati aur dharm se kahin unchi thi. is bhavna ne humayun ke hriday ko chu liya aur vah apni rakhibandh bahan ki raksha ke lie fauj ke sath mevar ki or chal para aur mevar ki raksha ki. is tarah ek bhai ne apni bahan ke rakshasutra ki maryada rakhi. vishesh: is varsh raksha bandhan ka shubh muhurt pure din bhar hai.
Kya aapko lekh pasand aaya? Subscribe

Kya aapko lekh pasand aaya? Subscribe


mangal visheshank  August 2007

vivah badha evan mangal dosh nivaran, vastu ne banaya taj ko sartaj, rashtrapti chunav: gaddi kiske hath, dampatya sukh men mangal hi nahin badhak, manglkari mangal se bhaybhit, lal kitab ke anusar mangal dosh, mangal dosh ka parihar, mangal ke anek rang rup

Subscribe

Apne vichar vyakt karein

blog comments powered by Disqus
.