मंगल दोष परिहार : एक विवेचन

mangal dosh parihar : ek vivechn  

Ank ke aur Lekh | Sambandhit Lekh | Views : 9799 |  
mangal dosh parihar: ek vivechan var aur kanya donon ki kundliyon men saman mangal dosh hone par bhi prayah pati athva patni ki mrityu nahin hoti hai, parantu sukhi dampatya jivan ke lie stri ki kundli men patikarak brihaspati tatha purush ki kundli men patnikarak shukra ka balvan hona aur saptam (vivah/dampatya sukh) bhav tatha saptamesh par shubh grahon ka prabhav (yuti athva drishti) hona avashyak hota hai. mangal dosh ke parihar ke bare men maharshi parashar kahte hain: stri hanta parinita chet pati hanti kumarika. tada vaidhavya yogasya bhango bhavti nishchayat.. arthat yadi vaidhavya yog vali kanya ka vidhur yog vale yuvak se vivah kiya jae to nishchay hi vidhva yog bhang hota hai. arthat pati ya patni kisi ki bhi akal mrityu nahin hogi. yahan yah samjhna avashyak hai ki donon kundliyon men saman mangal dosh ho to bhi pati athva patni ki mrityu nahin hogi. parantu sukhi dampatya jivan ke lie stri ki kundli men patikarak brihaspati tatha purush ki kundli men patnikarak shukra ka balvan hona aur saptam (vivah/ dampatya sukh) bhav tatha saptamesh par shubh grahon ka prabhav (yuti athva drishti) hona avashyak hota hai. donon kundliyon men mangal ek se bhav men hone par bhi rashi bhed ke karan yah dosh purnarup se nishkriya nahin ho pata. parantu lagabhag dosh samya hone aur saptam bhav aur bhavesh par shubh prabhav hone par vivah safal hota hai. yadyapi maharshi parashar ne keval ek hi sthiti men yog bhang ki bat kahi hai, parantu bad ke kuch muhurt granthon men anya parihar bhi batae hain jo anubhav men khare nahin utrte. unke anusar vivahit dampatiyon ko jivan men anek prakar ki kathinaiyon ka samna karna parta hai. kuch parihar is prakar hain: 1. mangal ke sath brihaspati athva chandra hone par, athva unki drishti hone par, mangal dosh nasht ho jata hai. 2. mangal apni rashi (mesh, vrishchik) athva uchch rashi (makr) men chaturth athva saptam bhav men ho, to mangal dosh nahin hota. 3. kark aur sinh lagn ke lie yogkarak hone se mangal anishtakari nahin hota. 4. kundliyon men rashi mitrata, gan mitrata tatha gunon ki bahulta hone par mangal grah dosh nishprabhavi ho jata hai. 5. ek kundli men jis sthan par mangal ho usi sthan par dusri kundli men shani, rahu ya ketu ho, to mangal dosh nasht ho jata hai. 6. mangal ke sath shani athva rahu hone se mangal dosh nasht hota hai. 7. mangal grah dosh 28 ven varsh men tatha mangal dasha men visheshakar prabhavi hota hai. samiksha parihar sankhya 1 koi nai bat nahin kahta. maharshi parashar ne svayan bataya hai ki mangal par shubh prabhav hone (aur koi ashubh prabhav nahin hone) par pati/patni ki mrityu nahin hoti. parihar sankhya 2 ya 3 ke sandarbh men bhagvan shri ram ki kundli uddhrit hai, jinke jivan men dampatya sukh ka abhav sarvavidit hai. unki kark lagn ki kundli men mangal uchchasth saptam bhav men hai atah uchch kulin patni prapt hui. yadyapi uchch brihaspati aur svakshetri chandra ki mangal par shubh drishti hai parantu ve donon svayan saptamesh aur ashtamesh shani tatha navam bhav sthit ketu se pirit hain. sath hi rahu ki saptam bhav par drishti hai tatha patni karak shukra rahu/ketu se pirit hai. is prakar pahle vanvas men dampatya sukh nahin mila aur ayodhya vapas ane par asamanya paristhiti men patni ka parityag karna para. uchchasth mangal ne saptam bhav men apna ashubh prabhav pratyaksh rup men dikhaya. atah yah parihar prabhavi nahin hai. parihar san. 4 ke sandarbh men spasht kar dena hai ki sabse pahle gun milan avashyak hai, uske bad mangal dosh ka vichar kiya jata hai. donon sarvatha bhinn kshetra men prabhavi hain. atah yah parihar bhi bhramak hai. nimn kundliyan iska udaharan hain. adhik gun milan parantu mangal dosh ke karan vivah vifal rashi v lagn svami donon mitra hain. gun milan 26.5/36 hai. pati ki kundli men patnikarak shukra ast hai tatha saptam bhav par ketu v shani ki drishti hai. chandra se mangal uchchasth hokar brihaspati ke sath chaturth men sthit hai, atah mangal ka dushprabhav nishkriya hua. patni ki kundli men saptamesh shukra shashthesh budh ke sath lagn men sthit hai unki saptam par drishti hai. brihaspati ki bhi saptam bhav par drishti hai. parantu lagnesh mangal kark rashi men nich ka hai aur chaturth sthit hokar mangal grah dosh ka nirman kar raha hai. mangal ki saptam bhav par purn drishti hai. shani ki bhi saptam bhav par drishti hai. jatka lagn, chandra aur shukra tinon se mangal grah dosh se pirit hai jabki jatak ka dosh bhang hai. atah donon kundliyon men mangal dosh samya nahin hua. donon ka navanbar, 2002 men vivah hua parantu jatka janvri, 2003 ke bad sasural vapas nahin gai. unka julai, 2006 men talak ho gaya. is prakar parihar sankhya 4 bhi nishfal v bhramak hai. parihar sankhya 5 bhi bhramak hai. mangal grah ka svabhav v prabhav shani aur rahu se adhik ugra hai. atah ek kundli men mangal aur dusri kundli men usi bhav men shani athva rahu mangal ka anishtakari prabhav nasht karne men kaise saksham ho sakta hai. parihar san. 6 ke sandarbh men nimnalikhit kundli dekhen. jatka ka lagn kark hai. shani grah saptamesh hokar dasham bhav men nichasth hai. tritiyesh tatha dvadshesh budh saptam bhav men hai aur us par shani ki drishti hai. yogkarak mangal ashtam bhav men mangal dosh bana raha hai. uske sath rahu is dosh ko aur prachand bana raha hai. jatka ka vivah sitanbar 1996 men hua aur fir vah kuch mah bad sasru al nahi n gair. atan tah janvri 2005 men talak ho gaya. mangal ki yogkarak hokar kunbh rashi men sthiti aur sath men rahu ki sthiti, ne bura hi fal diya, mangal dosh ko kam nahin kiya. atah parihar sankhya 6 bhi bhramak hai. ab parihar sankhya 7 ko dekhen. mangal grah dosh 28ven varsh tatha mangal dasha men vishesh prabhavi hota hai. is sandarbh men nimn kundli ka avlokan karen. yah kundli british rajkumar chalrs ki hai. chandra se ashtam bhav men mangal svakshetri vrishchik rashi men hai jisse mangal grah dosh ka nirman hua. unka vivah julai, 1985 men hua aur agast, 1996 men vivah vichched ho gaya. unki mangal dasha aprail 1987 se aprail 1994 tak rahi parantu is bich vivah vichched nahin hua. talak uske bad rahu-rahu men hua. yah kundli bhi darshati hai ki mangal grah dosh mangal dasha men ghatit hona avashyak nahin hai. ab kuch vaisi kundliyan prastut hain jinmen mangal dosh samya hone se ashtakut milan men kuch kami rahte hue bhi dampatya jivan men vighatan ki udaharan 1 ki kundli gun milan 22/36 hai. kundliyon men chandra 6/8 hone se bhakut dosh hai jo matbhed darshata hai. pati ki kundli men mangal vrishchik rashi ka svakshetri saptam bhav tatha patni ki kundli men apni mul trikon mesh rashi men ashtam bhav men hai. saptam tatha ashtam bhav sthit mangal prabal anishtakari hone se mangal dosh samya ho jata hai. brihaspati ke donon ke pancham bhav men hone se buddhi thik rahti hai aur donon matbhed ko shantipurvak nipta lete hain. unhen janvri 2005 men putra labh hua aur ab dusri santan hone vali hai. yah mangal dosh parihar tatha kundli milan ka shreshth udaharan hai. ab mangal grah dosh samya se safal kundliyon ka ashtakut gun milan 24.5/36 hai. chandra ke 2/12 hone ki vajah se bhakut dosh hai jo vichar matbhed darshata hai. donon ka lagnesh ek hi (shani) hai tatha chandra rashish (mangal aur brihaspati) mitra hain. donon kundliyon men mangal ashtam bhav men hai atah mangal grah dosh samya hai. is sthiti men matbhed tivra nahin hate a. dampati da e bachcha ne k e sath sakhu ai va smriddh jivan vyatit kar rahe hain. is vivechan tatha udaharan kundliyon se yah nishkarsh niklta hai ki maharshi parashar dvara pratipadit mangal dosh parihar hi anukrniya hai. thore prayatn se mangal grah dosh vali kanya ya var dhundh kar sahi prakar kundli milan karen, vaivahik jivan sukhi v sampann rahega.
Kya aapko lekh pasand aaya? Subscribe

Kya aapko lekh pasand aaya? Subscribe


mangal visheshank  August 2007

vivah badha evan mangal dosh nivaran, vastu ne banaya taj ko sartaj, rashtrapti chunav: gaddi kiske hath, dampatya sukh men mangal hi nahin badhak, manglkari mangal se bhaybhit, lal kitab ke anusar mangal dosh, mangal dosh ka parihar, mangal ke anek rang rup

Subscribe

Apne vichar vyakt karein

blog comments powered by Disqus
.